رواية فاطمة من 21-25

تظنهما يمزحان تحدثت بتعجب  
إيه الحكاية يا عمر هو الموضوع بجد
عمر وهو ينظر لها بجدية ثم تحدث مع عزت 
أه يا عمتي بجد .. و مش قصدى يا جدي بس مش عارف قلقان و خاېف عليها مش عايزها تنجرح و تتكسر فاهمني
سمية بتفكير و حيرة 
مين هو طيب اللي خلى أختك تغير رأيها
عمر بهدوء و جدية 
زين ابن الأستاذ سليم
عزت وهو ينظر لسمية قبل أن يتركهما و يتجه للمكتب  
أسأل عمتك عنه هي عاشت معاهم هناك فترة و تعرفهم كويس
سمية پصدمة شديدة لأنها تعلم نزار جيدا و موقفه من الحب  
هاه زين إنت بتتكلم بجد زين و علياء
أجابها بتنهيدة عميقة و توتر 
أيوه يا عمتي زين طلب ايد علياء منى حضرتك مستغربه ليه إيه الحكايه
أجابته بتفهم و هدوء 
متفاجأة مش أكتر الاتنين عكس بعض و موقفهم عن الارتباط متشابه رغم اختلاف الأسباب مسألة إنهم يوصلوا لنقطة تفاهم دى هي اللي فاجأتني
عمر بتنهيدة عميقة و توتر 
غريبه مالحظتش كده خالص بالعكس فيه هدوء شديد بينهم ونظرات علشان كده خفت و مردتش عليه قولتله هفكر بس لما هما عكس بعض هيجتمعوا سوا إزاي
سمية بجدية شديدة وهي تغمض عينها وتتحدث بتمني أن يكون هذا الحديث صحيح  
الحب مش محتاج سبب علشان يجمع اتنين بالعكس ممكن اتنين متفقين تماما يعيشوا مع بعض حياة بارده عادية و اتنين تشوفهم مختلفين تماما حياتهم ناجحه جدا الحب بيعمل المعجزات يا عمر
عمر بهدوء و جدية  
يعنى زين يستحق إني أكون هنا و مطمن على أختى وبنتها و مراتى هناك
أجابته سمية بنظرة هادئة كي يطمئن  
أنا أطمن من وجودهم مع زين أكتر من أي حد تانى
عمر بجدية شديدة 
ماشي يا عمتى وبالنسبه لموضوع ارتباطهم ده هفكر وأشوف
مش هتلاقي حد مناسب لأختك أكتر من زين صدقني فكر براحتك
تحدثت بمكر و غموض  
بس قرارك هيتوقف عليه حاجات كتير
عمر باستفهام 
إزاي !!
تحدثت بجدية و حذر  
يعني لو رفضت وجود علياء مع زين فى مكان واحد هيكون صعب وحسب المعلومات اللي عندى إن فريدة متعلقه ب زين جدا
أجابها پصدمة شديدة  
يعنى المفروض إن أنا أوافق علشان أختى ماتمشيش من هناك وتبقي لوحدها يا عمتى
أجابته بعتاب شديد لأنه لم يفهم حديثها  
فهمت كلامى غلط يا عمر أنا مقلتش كده للأسف حتى لو رفضت أختك هتفضل فى لندن بس هتتنقل مكان تاني أنا قصدى بلاش تحرم أختك من السعادة و صدقني لو رفضت زين هينسحب من حياتها بهدوء بس لو بيحبوا بعض بجد وعارضت حبهم وقتها أختك مش هتعترض على قرارك بس هتكسر قلبها
عمر بتفهم و تنهيدة 
علشان كده قولتله نأجل الموضوع ده لغاية لما المشكله دي تعدي علشان لو محصلش نصيب يبقي أختى ما تتجرحش و تتبهدل بره وهو ما يتحرجش بس أوعدك هفكر وأكيد هفكر في مصلحة أختي قبل أي شيء 
سمية بجدية و تفهم لقلقه 
إحنا معاك في أي قرار بس فكر فى سعادتها بعدين مش عارفين امتى هنخلص من القلق اللي عايشينه
عمر بجدية شديدة 
أكيد طبعا يا عمتى اطمنى المهم إيه أخبار الشغل في حاجه حصلت اليومين اللي فاتوا
تحدثت بإرهاق شديد  
لا أطمن هادى خالص واضح بيخطط ل حاجه
عمر بقلق خاصة بعد حديثه مع نزار 
أكيد سكوته ده مش مطمنى بس إحنا على أتم الاستعداد له
أردفت بهدوء  
فعلا يلا اتغدى الأول وبعدين ارتاح
تناولوا الطعام معا وصعد كل منهم لغرفته
في لندن كان نزار يتابع أحد الاجتماعات الهامة لتصل رساله من رقم ميرا و بعد رؤيته لها شعر بالصدمة و الڠضب معا
الفصل الثاني والعشرون
أعلم أن طريق الوصول إليك مليئا بالصعاب والأسرار لكن رغما عني انجذب إليك أتمنى قربك فاقبلي بي وكوني بقربي حتى يحين إزالة الستار الذي يحول بيننا.
نظر نزار لهاتفه پصدمة ليغادر غرفة الاجتماعات متجها لمكتبه ليقوم بالاتصال ب فاطيما و يخبرها أن يعودوا للمنزل .. تجلس برفقة سلمى و تشاهد ميرا و علياء و هم مع فريدة في البحر وكانوا يلتقطون بعض الصور
أردف نزار پغضب وصوت مرتفع 
أرجعوا الفيلا حالا ومش عاوز أى اعتراض 
فاطيما بقلق وهي تقف بعيدا عن سلمى كي لا تسمتع لحديثه 
نزار أهدى و فهمني إيه الحكاية
تحدث بحدة و انفعال 
ممكن أعرف انتم فين دلوقتى و بتعملوا إيه !!
هتفت بهدوء 
إحنا على البحر سلمى كانت زعلانه بعد سفر عمر و إنت و بابا فى الشركة اقترحت نيجي هنا
تحدث بسخرية و استنكار 
مين اقترحت ميرا صح !!
فاطيما بتعجب شديد من حدته معها في الحديث 
ممكن تقولى هى عملت إيه طيب و تهدى لو سمحت 
تنفس پغضب شديد وهو يبحث عن مفتاح سيارته الموضوع أمامه لكن بسبب غضبه و انفعاله لم ينتبه له 
أنا راجع الفيلا و هستناكم هناك 
أغلق الهاتف وهي تشعر بالقلق حاولت أن تبحث عن سبب لعودتهم كي لا تشك سلمى بشيء 
وقفت ميرا وهي تريد أن تبكي و هي تنظر للهاتف لتتحدث علياء بقلق 
في إيه يا ميرا مالك مصدومه كده ليه و خاېفه اتكلمى 
لا تعلم كيف تخبرها بالأمر لقد أخطأت بشدة 
أنا مش عارفه إزاى عملت كده نزار مش ها يسامحني
علياء بعدم فهم و تعجب 
عملتي إيه ونزار مش ها يسامحك ليه انطقي على طول قلقتيني في إيه !!
أردفت بدموع وهى تنظر للرمال 
أنا .. أنا بعت الصور بالغلط له كنت ببعتهم لفاطيما وصلوا له
تحدثت علياء پصدمة لأنها كانت ترتدي ملابس السباحة 
نعم إنتي بتقولى إيه و و وصور مين بقي اللي بعتيها و كام صوره ولااااا كلهم كلهم
لم تستطع النظر لها لتهتف بحزن 
لا آخر خمس صور أنا مش عارفه حقيقي آسفه
تنهدت بهدوء و هتفت وهي تشاهد فريدة تسبح أمامهم 
طيب كويس آخر خمس صور بتوعك يعنى مش مشكله نزار أخوكي مش هيعمل حاجه يعني مالك خاېفه أوى كده ليه و بتتأسفي
تحدثت بقلق من رد فعل علياء بعد علمها بالحقيقة 
لأ مش صوري الصور اللى خدتهم لكى وإنتي واقفه فى البحر
ابتسمت پصدمة و نظرت لها لتشير لملابسها 
إيه صوري وأنا في البحر كمان و لابسه المايوه ليه يا ميرا إزاى تعملى كده يا نهار ابيض صوري صوري بالشكل ده بعتيهم لنزار يقول إيه دلوقتي عليا إيه !!
لا تعلم ماذا تجيبها لكنها تعلم أنها أخطأت 
اهدى طيب أنا مش عارفه حقيقي مش ها يسامحني المرة دى
تحدثت علياء بحرج و عتاب 
يسامحك إيه هو ده كل همك طيب أنا أعمل فيكي إيه دلوقتي ده أنا مش هقدر أبص في وشه بعد كده
اتجهت فاطيما إليهما لتجدهما تقفان ويبدو عليهما القلق الشديد 
واقفين كده ليه وليه قلقانين كده
علياء و هي تكاد أن تبكى 
تعالى تعالى شوفي الهانم عملت إيه أروح فين بس ألم هدومي واستخبي فين 
فاطيما بعدم فهم لما يحدث معهم 
اتفضلي إنتي و هى علشان راجعين الفيلا نزار كلمني و كان متعصب جدا وطلب نرجع .. عملتي إيه يا ميرا و ليه بټعيطي !!
علياء و هي تنظر ل ميرا وتحدثت بتوتر 
إيه كلمك سامعه بتقولك كلمها وقالها نرجع و متعصب هنعمل إيه دلوقتى 
ميرا پبكاء شديد 
نزار مش ها يسامحني أنا أنا
تحدثت بغيظ بعد أن تأكدت أنهما له علاقة بعصبية نزار 
ممكن تهدوا علشان أفهم فيه إيه و ليه خايفين كده .. و إنتي يا ميرا بټعيطي ليه على فكرة سلمى هتاخد بالها بسبب حالتكم دى
جلست على الرمال وتحدثت بتوتر 
ميرا ميرا بعتت صوري وأنا باللبس ده حضرتك لنزار بالغلط جات تبعتهم لك بعتتهم له هو كمان بس ده كل اللي حصل
نظرت لهما پصدمة كبيرة 
بتقولوا إيه !! علشان كده كان متعصب طيب يلا نرجع و بلاش رد عليه أنتم غلطانين مفهوم دى آخرة جنانكم انتم الاتنين
علياء بابتسامة بلهاء 
رد رد إيه و على مين أنا هطلع على أوضتى مش هخرج منها أبدا يلا بينا
ميرا وهى تمسك يد فاطيما و تتوسلها 
فاطيما كلمي بابا هو الوحيد اللي ممكن يهديه انا خاېفة أوى
أجابتها بسخرية و استنكار 
أه و تحبى يعرف اللي عملتيه بقول نمشى علشان ميتعصبش زيادة على الكل
اتجهوا لتبديل ملابسهم و غادروا وهم يشعرون بالقلق من القادم وصلوا وصعدت سلمى لغرفتها لتأخذ علياء فريدة وتصعد بسرعة قبل أن يراها نزار .. ذهبت فاطيما و ميرا للفيلا الأخرى تنهدت ميرا پخوف لتحاول فاطيما تهدئتها دلفتا معا 
هتف بسخرية لتقف ميرا خلف فاطيما پخوف 
مساء الخير راجعين بدرى يعنى
حاولت فاطيما تهدئة الوضع 
نزار ممكن نتكلم بهدوء الصور وصلتك بالغلط
نظر لميرا وتحدث بحدة 
ساكته ليه يا ميرا هاه ياترى الصور دى لو كانت راحت لحد تانى عن طريق الغلط كان عادى برضه عندك
كانت ترتجف من الخۏف بسبب نظراته لها 
زين أنا مكنتش أقصد هنا راحوا عندك بالغلط لو سمحت اهدي خلينا نعرف نتفاهم
أردف بسخرية و استنكار 
نتفاهم على إيه هاه مفيش فايدة كل مرة أقول هتتعلم من غلطها لكن مين دى الطفلة مش هتعمل زيك كده
أومأت رأسها برفض شديد 
لأ مش راحوا لحد تانى هو هو بس اتبعتوا بالغلط و مسحتهم خلاص
فاطيما بتنهيدة وجدية 
ممكن تهدوا علشان سلمى لو حست بحاجة هتقول إيه نزار صدقني غلطة و مش هتتكرر
اقتربت منه و تحدثت بندم 
يا زين صدقني مكنش قصدي
يعلم أنها لم تكن تقصد لكنه مازال غاضبا منها 
اتفضلي أمشى دلوقتي مش عاوز أزعلك أكتر من كده
ركضت من أمامهم مسرعة 
حاضر هروح أشوف فريدة بقي سلام
تنهد بيأس من چنونها و اندفاعها لتتحدث فاطيما بهدوء 
نزار
أجابها بتنهيدة وهو ينظر لها 
نعم هتدافعى عنها صح أظن إنتي عارفه إننا متراقبين من جسار ولا لأ
اقتربت منه وتحدثت بهدوء و حذر 
عارفه يا حبيبي بس هي مش قصدها أكيد إنت عارف ميرا طيبه مش قصدها حاجه كده أو كده وكويس إن الصور اتبعتت لك إنت وهي مسحتهم وأكيد اتمسحوا من عندك صح !!
تحدث بتعب و إرهاق شديد 
مش أول غلطة لها عارف إني مش