رواية فاطمة من 21-25

أمام سعادتها 
طيب أفرض حتى لو وافقت هتتجوزوا ازاى 
تحدثت بعدم فهم 
يعنى إيه هنتجوز إزاى 
أردف عمر بحديث ذا مغزى 
يعنى هتتجوزي مين زين بأوراق مزيفه ولا نزار اللي مالهوش أوراق أصلا 
هتفت فاطيما بتوتر 
ممكن يتجوزوا عرفي لغاية كل شيء ما يرجع زى الأول
نظر لها وتحدث باستنكار واعتراض 
نعم إنتي بتقولى إيه لأ طبعا عايزه أختى تتجوز عرفي إحنا مش مستعجلين لما المشكله تخلص ويسترد نسبه نشوف موضوع الارتباط ده
أردفت بتنهيدة عميقة 
عمر إحنا مش عارفين امتى هنخلص من كل ده بعدين متنساش ظهوره هيكون مفاجأة للكل بعدين ده جواز مؤقت وبعد كده يتجوزوا رسمي
مازال مصر على موقفه 
لأ معلش نصبر شويه جايز كل ده يتحل بسرعه بلاش استعجال
تحدث نزار أخيرا 
وأنا موافق بس عاوز وعد منك إنها هتكون ليا
عمر بجدية و تحذير 
وعد إيه دي قاعده معاك هنا أنا اللي عايز وعد منك إنك تحافظ عليها هاه
أردف بجدية شديدة 
اطمن أكيد هحافظ عليها طيب ممكن نقرأ الفاتحة و نشتري الخواتم
عمر بتوتر و خوف على شقيقته 
فاتحه وخواتم !! طيب ما نصبر شويه
علياء برفض و اعتراض 
لأ بقي .. قصدي ليه بس علشان يبقي في حاجه رسمي يعنى علشان وجودنا هنا سوا ولا إيه 
نزار بهدوء 
عاوز تكون العلاقة رسمية
نزار بابتسامه وهو ينظر ل علياء 
طيب تمام نقرأ الفاتحه
تحدثت فاطيما بتوتر 
طيب نفرح اللي قاعدين قلقانين بره بس فيه حاجه
عمر بتعجب 
إيه تاني
هتفت بتوتر وهى تنظر ل نزار 
سلمى و و جسار هيعرفوا ولا لأ متنساش أنهم ولاد عمتكم
تحدثت علياء بسرعة ورفض شديد 
لأ جسار لأ مش لازم يعرف
عمر بتعجب من اعتراض علياء على إخبار جسار 
غريبه جسار لأ .. على العموم جسار مش هيعرف وسلمى مش عارف اعرفها ولا
أردف نزار بجدية و هو ينظر لشقيقته 
أنا مش مهم عندى غير موافقة عمر أما أى حد تاني مش مهم
تحدثت علياء بهدوء 
المهم خلي الموضوع بينا هنا
اتجهوا للخارج ليخبروا سليم و ميرا و هنأوهم بهذه المناسبة وقرر نزار عمل حفلة صغيرة على اليخت كان يتمنى حضور عزت و سمية معه فى اليوم لكن لم يستطيعوا السفر ...
كان نزار يجلس فى مكتبه يتابع بعض الأعمال لتخبره السكرتيرة أن هناك شخص يريد لقائه سمح له بالدخول ليتفاجأ بعد رؤيته له
يتبع
الفصل الرابع والعشرون
يؤسفني أنك سلاح ذو حدين نعم أشعر بالطمأنينة والراحة معك لكن بالوقت ذاته روحي تحترق وقلبي يشتعل
تفاجأ من وجوده فى هذا الوقت وقف ليرحب به بشده وطلب من السكرتيرة إحضار القهوة لهم و عدم دخول أحد إليه 
هتف بسعادة و هو يستقبله 
مالك !! تعالى أتفضل مقولتش إنك جاي لندن
تحدث بابتسامة بعد أن ألقى عليه السلام 
يعنى عندي شغل هنا خلصته و قولت اجي بالمره أسلم عليك وأشوف إيه الأخبار وخصوصا الأخبار الجديدة
ياترى إنت كمان معترض على القرار ده زيهم ولا لك رأي تاني .. أنا كويس أطمن وكنت محتاج أتكلم معاك ممكن تفهمني عنهم
أردف مالك بجدية لأنه يعلم مدى خطۏرة الوضع 
بص يا نزار أنا كظابط مخابرات أه بعترض وبشده علشان إنت كده هتضيع نفسك وتتضيع مجهود وتعب سنين في غمضة عين وحقي أمنعك و أقنعك إنك تبعد بس كصديقك أحب أسمع منك الأول وأحكم علشان أشوف هل فعلا الموضوع يستحق المغامره الجامده دي ولا لأ
تنهد بهدوء لأنه يعلم أنهم أرسلوا مالك للتحدث معه لأنهم يعلمون أن العلاقة بينهم ليست عمل فقط بل صداقة قوية تكونت منذ لقائهم في اليوم الأول ليجيبه بهدوء 
تعبت من الحياة دى كفاية عايش فى الضل و مش عارف إذا كنت هرجع نزار ولا هعيش زين لآخر عمري .. فجأة حسيت إني كبرت والعمر بيعدي عارف إني بضيع نفسي بس حبيت والحب مش محتاج استئذان قولي كنت هعيش معاها فى مكان واحد إزاى وأنا بحبها و مش قادر أعترف بالحقيقة ده أنا حتى مش عارف هاتجوزها إزاى
كان يستمع له وهو يتابع نظرة عينه أثناء حديثه عنها 
واضح إنك حبيتها أوى بس معلش في السؤال هي كمان بتحبك واثق فيها لدرجة إنك متأكد انها هتتحمل أى حاجه نزار إنت حياتك في خطړ وسهل يدخلولك عن طريقها فاهمني
أردف بحديث ذا مغزى 
لو مش واثق فيها مكنتش هقف قصاد الكل و أغامر بحياتي و حياة أقرب الناس ليا .. بعدين أنتم كمان أكيد جمعتوا معلومات عنها وإلا كنتم رفضتوا الارتباط
دخلت السكرتيرة ووضعت القهوة لهم و غادرت فى هدوء ليهتف مالك بتفهم 
أيوه وده كان سبب رئيسي إني اجيلك ونقعد نتكلم علشان للأسف هي كمان مش خاليه من المشاكل دي جايه هربانه من حكم إعدامها اللي شفيق مستنى أقرب وقت علشان ينفذه علشان كده أنتم الاتنين خطړ أوى على بعض
تحدث بتنهيدة عميقة 
تعرف إن الخطړ ده هو اللي جمعنا سوا كل واحد فينا ممكن يخسر حياته في لحظة بسبب أى غلطة بس الحب مش بايدينا يا مالك بعدين أنا مش فاهم ليه شفيق بره السچن لغاية دلوقت يعني كل المعلومات دى مش كفاية للقبض عليه
مالك بجدية لأنه يعلم أن الأمر لن يكون سهلا 
لازم يتمسك متلبس والا هيلبس كل ده لأي حد من رجالته ويطلع منها .. نزار خلى بالك كويس أوى من كل خطوه إنت وهي لإن فعلا ممكن حد منكم أو كلكم تخسروا حياتكم في لحظه
تحدث بسخرية و استنكار بسبب إخفاقهم فى هذه القضية 
كل السنين دى ومش عارفين تمسكوه متلبس طيب أنا و للأسف محكوم عليا أعيش بالطريقة دى هي ذنبها إيه تعيش هربانه من مچرم زيه .. تعرف لو قلتلك إني لو خاېف من المۏت هخاف عليها هي و فاطيما بس
هتف مالك بهدوء لأنه يعلم أن هذه القضية صعبة بسبب تعاون شفيق مع جهات خارجية 
ذنبها إنها دخلت جحيمه برجلها بس أطمن قرب يقع خلاص المره دي الضړبة هتيجي من جوه و متخافش أطمن هزود الحمايه هنا علشان اللي حصل آخر مره ده بس أهم شيء بلاش حركه كتير وخليها دايما تحت عينيك نزار بلاش تهور هاه يعنى بلاش تسمح لها تتحرك بدون الحراسه تمام
أجابه بثقة و تأكيد 
أطمن على الكل حراسة سواء معاهم أو بعيد عنهم مش هسمح إن اللي حصل يتكرر تاني و أتمنى بجد تقبض عليه هو واللي معاه
قرر أن يتحدث معه عن جسار ليعلم ما يخطط له بشأنه 
أطمن قريب أوى صحيح سمعت إن جسار ابن عمك كان هنا من كام شهر وعمل مشكله
أجابه پغضب شديد و كره 
بلاش تقول ابن عمى اللي شفته هنا مش ابن عمى ده واحد أناني مريض بس هيدفع تمن كل حاجة عملها
مالك بتحذير شديد حتى لا تزداد العداوة بينهم أكثر من هكذا 
نزار مالكش دعوه بجسار نهائي انت مش عارف حاجه وبعدين خلاص نهاية كل ده قربت أوى ونهايته هو كمان الأسلم خليك بعيد عنه
ليجيبه برفض و عناد هذه المرة لن يسمع لأحد 
مش عارف إيه هاه بعد اللي عمله مع أختى تقولي أبعد عنه لا يا مالك آسف المرة دى مش هسمع لأى حد يوقفني
كان يريد إخباره بحقيقة الأمر لكن لن يستطيع ليتحدث بيأس 
نزار إنت مش فاهم حاجه أصبر ومع الوقت تفهم مش انت لوحدك اللي عندك أسرار ولا بتلعب دور في لعبه كبيره في غيرك عنده أسرار كتير وبيعرف يلعب وبعدين لو بجد حابب تفضل علاقتك مع علياء مستمره يبقي خليك بعيد عنه لغاية لما الحقيقة تظهر
أردف بتهكم شديد وهو يرى دفاع مالك عن جسار 
نعم إيه معنى كلامك ده وليه بتدافع عنه أنا شايف إنكم واقفين معاه بعدين علاقتي ب علياء مش من حقه يتدخل فيها
أجابه مالك بجدية و غموض 
مقدرش أبلغك بأي حاجة لانها معلومات سريه بس إنت وجسار ماينفعش يبقي في توتر بينكم وخلافات دلوقتى خالص والا هتخسروا كتير أوى واولهم علياء وفاطيما وفريدة وبعدين علاقة علياء بجسار قويه وعلاقتها بيك قويه بس علاقتكم ببعض مېته كده تبقي بتاذيها في النص بينكم لأن لا إنت هتسمحله يتدخل ولا هو هيسيبك تاخد منه كل حاجه
تحدث بسخرية و استنكار 
أنا اللي خدت منه كل حاجه أنا يا مالك بعد كل اللي عمله بقيت أنا الغلطان صح وهو الملاك واضح إنه شغله كبير معاكم و علاقته بيكم أقوى بس النقطة دى أنا مش معاك فيها و الكل عارف قراري
يعلم جيدا أن نزار عنيد وحين يتعلق الأمر بشقيقته يصبح شخص آخر 
أنا مش بقول كده ولا بقول هو ملاك ولا إنت غلطان أنا بس بوضحلك وجهة نظره لما يعرف إنك نزار مش زين يعنى مستحيل هتوافق إن أختك ترجعله أبدا لأ وهتتجوز أقرب حد له و تاخدها منه ده غير إنك هتشاركه في الورث تفتكر كل ده هو هيعديه بسهوله
ابتسم بسخرية لأن حديث مالك أثبت له أن جسار لا يفكر سوى فى الميراث و الثروة فقط 
هو ده كل تفكيرة الورث و بس صح عاوز الفلوس ياخدها إيه رأيك أعمل معاه صفقة هو مش عاوز الفلوس ياخدها
تحدث پحده فى البداية ثم قرر اللعب على نقطة ضعف جديدة لدى نزار 
نزار أنا ماليش علاقة لكل ده دي أمور عائليه اتناقشوا فيها بعدين المهم دلوقتى الأمور بينكم تكون هاديه خليه في حاله وإنت في حالك لغاية بس ما نخلص من شفيق وبعد كده ابقي اعملوا اللي انتم عايزينه والا شفيق هيستغل عدواتكم ويدخل وسطكم و ياخد فريدة ويخلص على علياء وبعد كده هيخلص عليكم كلكم
أدرك نزار حديث مالك ليهتف بتحدى 
مين قال هسمحله يقرب منهم هو أو غيره المرة دى مستحيل بعدين أنا مش خاېف من شفيق ولا غيره
مالك بتنهيدة عميقة وهو يرتشف من فنجان القهوة 
نزار بلاش تهور سامع بلاش جنان لو خاېف عليهم وعلى نفسك
تحدث بهدوء شديد 
أطمن المهم فيه جديد
علم أنه يريد تغيير مجرى الحديث ليجيبه بجدية 
لأ لغاية دلوقتى الأمور هاديه أطمن 
تحدث بهدوء 
كويس أخبار عز إيه !!
مالك بابتسامة وهو يتحدث عنه 
اهو تمام بس هيجنني عايز يطلع ظابط زي جده و كأن أبوه بواب عماره ده بيروح معاه الشغل
ضحك بقوة على حديثه و أردف بابتسامة 
كويس علشان يساعدك لما يكبر هاته معاك المرة الجاية
أجابه بهدوء 
أتمنى هبقي اجيبه لو حضرته رضي و أقتنع إن أبوه ظابط برضو
نزار بابتسامة شديدة 
ليه هو مش شايفك ظابط ولا إيه !!
لأ شايف جده بس ده مش بيقعد معايا قد