رواية فاطمة من 21-25

ما بيقعد معاه
نزار بتفهم و جدية 
إنت برضه مشغول طول الوقت المجال اللي إنت فيه حقيقي متعب
تنهد بتعب و أجابه باستسلام 
عارف بس أعمل إيه يعنى ڠصب عني
تحدث بجدية و هدوء 
عارف بس حاول توفر له شوية وقت
مالك بتأكيد لحديث نزار لا ينكر أنه مقصر فى حق زوجته و ابنه لكن هذا عمله 
أكيد طبعا هحاول أعمل كده
نزار بتنهيدة و استفهام 
مستنى أشوفك تاني ولا راجع النهارده
أجابه بجدية وهو يقف ليرحل 
لأ للأسف راجع اشوفك على خير
رحل مالك وظل نزار يفكر في حديثه تنهد بضيق و قرر أن ينهى أعماله أولا ثم يتحدث مع فاطيما بعد ذلك ليعلم سبب جفائها له في الفترة الأخيرة ...
تجلس وتتابع أعمالها لتجد فاطيما تطرق باب مكتبها رغم اعتراضها على الذهاب إليها فى البداية لكن أصر سليم على ذهابها لأنه انتبه لتوتر علاقتها مع نزار و علياء أيضا ورغم محاولاته معرفة السبب لكن رفضت الإفصاح عن سبب انزعاجها منهم .. 
تفاجأت بوجودها فى البداية تنهدت بهدوء لتهتف بجدية 
مساء الخير ده عقد الصفقة الجديدة بابا قال شوفيه قبل ما أمضى
أجابتها علياء وهى تأخذ الملف منها 
تمام هشوفه وابقي ابعته ولا هتنتظريني لغاية لما أراجعه دلوقتي
لا تعلم سبب شعورها بالضيق هل تغار منها بسبب قربها من شقيقها أم منزعجة بسبب رؤيتهم معا حقا لا تعلم لتتحدث بهدوء 
لو هياخد وقت هطلب من السكرتيرة تاخده لأن عندى ميعاد مع الدكتور
أردفت باهتمام شديد 
يعنى مش كتير .. صحيح أخبار المتابعه إيه منتظمه على العلاج
أجابتها بإيجاز 
كل شيء كويس
أردفت علياء باستفهام 
أكيد !!
تنهدت بهدوء لتجيبها 
أيوه
اقتربت منها و أردفت بجدية 
فاطيما هو إحنا هنفضل كده كتير
ادعت عدم فهمها لحديثها 
تقصدي إيه !!
تجمعت الدموع فى عينها وهى تتذكر حديثها 
يعنى التعامل بينا
عاوزه أتعامل معاكى إزاى بعد كلامك و اتهامك ليه اللى وجعني اتهامك
ليا بالطريقة دى ياترى لو مكانى كنتى هتعملى إيه
تحدثت بعتاب فهم تجاوزوا فى الحديث فى تلك الليلة 
و اتهاماتك ليا كانت إيه وبعدين هو إنتي بجد شايفه إني هأذيه كنتى حتى مهدي ليا الحوار مش تنكري خالص كده
تحدثت ودموعها تهبط على وجهها 
مكنتش هقدر مش بايدى أمهد أو أقول أى حاجه عنه لأى حد متوقعه تكونى مع أخوكى فى مكان واحد و يتعامل معاكى إنه غريب عنك .. إنتي لما كنتي فى مصر كان أخوكى و و جسار جنبك و بيحموكي لكن أنا هناك كنت لوحدى مقدرتش أقوله وأنا هناك على أى حاجه من اللي اتعرضتلها علشان ما أخسرهوش إنتي لو طلبتي عمر فى أى وقت هيكون جنبك و معاكي لكن أنا مش هقدر أطلب وجوده معايا حتى لو بمۏت متخيلة إن الكل بيتعامل مع ميرا على إنها أخته و أنا دخيلة عليهم
تحدثت بهدوء و تنهيدة 
تعرفي أنا ليه وافقت أكمل معاه و أسامحه وانسي
نظرت لها بۏجع شديد 
ليه
تحدثت بجدية و تنهيدة عميقه 
مش علشان بس حبيته ومش قادره أعيش من غيره لأ علشان بجد صعب عليا أوى حسيته تايهه ومحتاج اللي يساعده ويطمنه ويحتويه ويخرجه من الضلمه اللي عايش فيها دي شوفت نفسي في عيونه طوق نجاته مقدرتش اتخلى عنه واسيبه وامشي لاقيتنى بروحله جري استخبي فيه هو فاكر إني أمانه و إنه بيطمن معايا وإني سبب إنه يرجع حياته بس هو ميعرفش إنه هو اللي أماني هو الحياه أصلا بالنسبالي قبله كنت مېته أول مره أحس إن الحياه جميله أوى و أشوفها من خلاله أنا بحبه أوى أوى ومش عايزه ابعد عنه لحظه
أردفت بهدوء و جدية 
إنتي عارفه إنه حبك من زمان حتى من قبل ما يعترف لنفسه أنا رجعلي أخويا القديم من أول ما حبك وأتمنى يفضل كده و يرتاح بعد العڈاب اللي شافه سنين طويلة نزار اتوجع كتير أقولك سر أنا خسرته يوم ما رجعتله الذاكرة عارفه يعني إيه واحد ممنوع يخرج من بيته أو يشوف حد هو كان كده لمدة سنة و أكتر
جلست و هتفت بحيرة 
عاش حياه صعبه اوى واضح علشان كده كنت بشوف في عيونه حزن كبير اوى وضلمه ومتاهه بس بعد كده كنت بشوف نظره غريبه في عيونه ليا مكنتش بفهمها بس فهمتها بعدين
أجابتها بتعجب 
نظرة إيه !!
لتستعيد بذاكرتها لقائه الأول معها و لقائتهم التالية و نظرته التي كانت تثير فضول غريب إليها 
نظره جميلة أوى كأننا لوحدنا ومفيش حد معانا اللي هو بيسرح في عالم تانى خالص و نبرة صوته حنينه اوى تعرفي اللي هو بيهرب من كل حاجه في مكان معين اهو وهو معايا بيحسسني كده
تذكرت فاطيما حديث والدها عن علاقته بوالدتها لتتحدث بتأثر شديد 
لأنه حبك بجد تعرفي لما عمتى كانت تحكيلي عن علاقة بابا و ماما أو بابا كان يحكيلي زمان كنت بشوف في نظرة حب حقيقي رغم إنها مش موجوده معانا بس كنت بحس بحبه أوى ليها علشان كده نزار زى بابا لما بيحب بجد
تنهدت بهدوء و أردفت بهدوء 
كان جميل أوى أوى عمو مراد و بيحب مامتك أوى عمتو دايما كانت تحكيلنا على قصة حبهم وحبها هى وةعمو ياسر اتمنيت أعيش نفس قصة الحب واهو ربنا بعتلى نزار
أجابتها بثقة و تأكيد 
أكيد هتعيشوا قصتهم وممكن قصتكم تكون أقوى منهم ده اللي بتمناه بجد
تحدثت بجدية و هى تنظر لها 
أكيد محدش عارف بكره في إيه المهم صافي لبن
ابتسمت لها بهدوء 
اطمنى مش زعلانه منك إنتي أختى
ضمتها بحب شديد 
حبيبتي يا بطاطا .. هراجع الملف و ابعته مع السكرتيره
أجابتها برفض شديد 
ماشي لو خرجت ياريت يفضل معاكي و اخده بكرة
رغم تعجبها من طلبها لكن وافقت 
خلاص تمام وابقي طمنيني عليكى ماشي
تحدثت وهى تقف كي ترحل 
أكيد أشوفك فى الفيلا بقى
غادرت و تركتها متجهه لرؤية الطبيب قررت علياء الذهاب لرؤية نزار فى مكتبه لكنها تفاجأت بوجود السكرتيرة تقف جواره و تضع يدها على يده لم تطرق الباب دلفت ونظرت لهم پغضب شديد 
هتفت پغضب وهي تنظر لهم 
تحبوا أجيب اتنين ليمون بالمرة
وقفت السكرتيرة خلفه ليضحك وهو يضع يده على وجهه 
و بتضحك كمان لاااا ده أنا أجيب جاتوه و أجهز الشربات بقي انتى بتعملي إيه هنا .. إنتي أمشي اطلعي بره
فرت الفتاة من أمامها سريعا ليقترب نزار منها 
أهدى يا حبيبتي إحنا في الشركة
نظرت له بغيظ شديد 
إيه في الشركه يعنى المفروض أعمل إيه اسيبكم واطلع ولا إيه بعدين هي بتعمل إيه أصلا جنبك لأ وماسكه ايديك كمان
أمسك يدها و تحدث بهدوء وهو يشاهد ڠضبها محاولا تهدئتها 
إنتي مچنونة البنت هنا من سنين مش أول مره بعدين إنتي عارفه أنا بحب مين بلاش جنان
أجابته باستنكار واعتراض 
وهي هنا من سنين و بتحبك بقي ولما حست إننا على علاقه قالت تاخد خطوه صح وأنا بقي المجنونه العاقلة صح و مسكت أيديك ليه بتقيس لك الضغط
وضع وجهها بين يديه و هتف بحب 
بس أنا بحب مين هاه أهدى بقى
حاولت أن تبتعد عنه للتحدث بعتاب 
لأ مش ههدي أنا ماشيه خالص سيبالك الجو مع السنيوره اللي بره دي حتى مش حلوه بس أذواق بقي عن إذنك يا دكتور
منعها من المغادرة ليهتف بجدية 
استنى هنا بقى أهدى هنقلها من هنا
هتفت بدموع و غيرة واضحه 
لأ مش عايزه استنى عايزه أمشي وخليها هتنقلها ليه امال مين يمسك ايديك تانى بعد كده هاه
نظر لها بحب شديد وهو يهتف بكلمات جعلتها تشعر أنها فى عالم الخيال 
أنا لا أستطيع أن اخبرك اني أحببتك من المرة الأولى التي رأيتك فيها أم كانت من المرة الثانية أو الثالثة أو الرابعة لكنني أتذكر المرة الأولى التي مشيت فيها بجانبي ووقتها شعرت بطريقة ما أن بقية العالم يختفي حينما أكون معك.
كانت تستمع لكلماته وهى هائمه فى عالم آخر ليس به أحد سواهم 
نزار إنت بجد بتحبنى
تنهد بهدوء ليتحدث وهو ينظر فى عينيها 
إنتي عندك شك فى حبى ليكي بعد كل اللي عشناه ده
أجابته وهى تنظر له 
لأ بس متخيلتش واحده غيري تقرب منك أنا حسيت بڼار جوايا لما شوفت ايديها على إيدك
قبل جبينها و أردف بحب شديد 
لو حواليا ١٠٠ بنت عيني مش بتشوف غيرك وبس
تحدثت بتوسل فهى تغار عليه بشده 
طيب مشيها من هنا خالص
قرر أن ينهى الأمر 
هنقلها قسم تاني بعيد عن هنا
أردفت بتحذير و عناد 
ماشي لما نشوف بس لو شوفتها عندك هنا تانى متلومنيش على اللي هعمله فيها
جذبها بين يديه و قبل جبينها 
طيب كفاية بقى وحشتيني أوى النهارده
تحدثت بابتسامة هادئة 
إنت كمان وحشتني أوى من الصبح مشغوله معرفتش اجيلك خالص
لا يعلم ماذا فعلت له 
وجودها معه أصبح يشعل النيران داخل قلبه ليقبلها بعشق 
هو مفيش طريقة نقنعهم بيها إننا نتجوز بسرعة
حاولت أن تبتعد لكن لا تستطيع فهى تذوب بين يديه 
نزار بس بقي
وضع إصبعه على وجهها وهو يتابع توترها 
إيه يا حبيبي
وضعت يدها على وجهه و أردفت بهدوء 
نزار إحنا في الشركه أحسن حد يدخل 
فى هذا الوقت كان سليم متجها لرؤية نزار وتعجب من عدم وجود السكرتيرة ظن أنه بالداخل فقط ولم يتوقع أن يكون معه أحد 
هتف پحده بعد رؤيته لهم معا 
نزار هي .. إيه ده أنتم بتعملوا إيه يا مجانين أنتم 
تحدثت علياء بحرج وهى تريد أن تبكى لتغادر سريعا 
هاه لأ ولا حاجه أنا أنا هروح أشوف ورايا شغل كتير عن اذنكم
هتف نزار باعتذار 
بابا أنا أسف بس يعنى
أردف بعتاب شديد 
بس إيه هاه حلو لو كان موظف ولا حد من الشركه دخل و شاف المنظر ده وبعدين ازاى أصلا تقربلها بالشكل ده وهي لسه مش مراتك
جلس ليهتف بتعب 
أنا بعتذر بس أرجوك ساعدني أنا خلاص
سليم بعدم فهم و هو يجلس مقابله 
أساعدك في إيه مش فاهم ادارى عليكم يعنى
بصراحه عاوز تقنع عمر بجوازنا مش هنعيش حياتنا كده أنا مش عارف هرجع لشخصيتي الحقيقية امتى
أجابه بتنهيدة عميقة 
اقنعه إزاى و هو رافض فاكر إن العرفي ده مش صح بيبقي بس مجرد إثبات الجواز أساسه الاشهار والرضا وانتم راضيين و الاشهار عارفين كلنا مش عارف هحاول معاه
هتف برجاء و توسل 
أتمنى تقنعه أنا مش هعيش باقي حياتي كده مفيش غيرك ممكن يقنعه إنت أو جدى
تحدث بجدية لأنه يعلم أن عمر لن يوافق بسهولة 
حاضر هكلم سمية تحاول تقنعه يوافق اهو أحسن من اللي شوفته من شويه ده وعلى كده أول مره ولا 
أجابه بتوتر و حذر 
هاه لا أول مرة أطمن
سليم باستنكار لأنه يعلم ما يحدث بينهم 
اه فعلا لأ واضح نزار إياك اشوفك معاها لوحدكم تانى خالص مفهوم
أجابه بتوتر وهو يهرب من نظرته له 
أكيد طبعا أطمن
لما نشوف والا هتروح تقعد في الفيلا التانيه
أردف بسرعة و تنهيدة 
هاه لا خلاص متقلقش
هتف بجدية شديدة 
ماشي هروح أشوف شغلي
رحل سليم و جلس نزار يفكر فى القادم عليه أن يجد