رواية عشقك الفصل من 18-20

على جملة خالها الأخيرة خاصة أنه قالها بكل ما يحمله من غيظ على تلك الظروف التى حالت بينه وبين معشوقته
فقطب حاجبيه وهو يراها تحاول كبت ضحكتها فثارت ثائرته أكثر وعلا صوته قائلا بحدة
بتضحكى على إيه أنتى دلوقتى جاية تضحكى على أحزان خالك أنا غلطان أن أتكلمت معاكى
اڼفجرت ميس ضاحكة كأنه أعطاها إشارة على بدء نوبة الضحك العالية التى أنتابتها من حديثه معها فدمعت عيناها وحاولت تقديم أسفها على ما بدر منها
فحمحمت تجلى صوتها وهى تقول
والله بجد أسفة يا خالو بس لما سمعتك بتقول قفشتنى مع واحدة أجنبية مقدرتش أمسك نفسى أسفة والله بس يعنى غلطة زى دى مقدرتش تسامحك عليها وخصوصا أنك مكنتش غلطان حسب ما فهمت من كلامك
حرك عاصم رأسه بعدما أغمض عينيه متنهدا وقال
هى شايفة أنها غلطة متغتفرش وانتى كمان متعرفيش أن اللى بين العيلتين وصل للدم كمان اللى راح ضحيته أ...
أمتنع عاصم عن إكمال حديثه ففتح عيناه على إتساعها فهو كان على وشك إخبارها بالسبب الحقيقى لۏفاة أبيها فهى لا تعلم شيئا سوى أنه وافته المنية أثر حاډث سيارة ولا تعلم السبب الحقيقى لمقتله
فعندما رآى فضولها يزداد بعينيها لمعرفة بقية حديثه أشار لها بالخروج وإخبار إحدى الخادمات بضرورة المجئ لتنظيف الغرفة فخرجت ميس على مضض من دفع خالها لها برفق ليجعلها تخرج من الغرفة بل لم يكتفى بذلك بل أغلق الباب حتى لا تعود للغرفة ثانية 
قضى ليلته بأكملها على أريكة خشبية بجوار المسبح فهذا هو المكان الذى يمكنه بوضوح من رؤية شرفة غرفته التى مازالت أضواءها على حالها منذ الأمس فحرارة الشمس بدأت بلسع جلده بعدما عملت على إفاقته من نومه بعد أن غلبه النعاس بوقت متأخر من الليل فبعد أن يأس من رؤيتها تأتى لتخبره بقرارها فضل أن يعبث النوم بجفنيه لعله عندما يستيقظ يجد الأمور أكثر وضوحا على ضوء النهار
دلك مؤخرة عنقه التى بدأت تألمه من النوم غير المريح فقميصه مجعد وشعره مشعث من كثرة ما عاثت به يده فسادا فترك مكانه وحاول أن يجعل الډماء تسرى بأطرافه المتيبسة فتمطى بجسده ثلاث مرات حتى رأى أنه بحالة جيدة نسبيا ففكر بالذهاب للداخل ليرى ما آلت إليه الأمور
ولج للداخل ووجد حركة نشاط غير معتادة فقابل وفاء التى تحمل بيدها طبقا به طعاما وبطريقها لوضعه على مائدة الطعام
فتبسمت له وهى تصيح بإبتسامة
إيه يا حبيبى أنت كنت فين كل ده مش يلا علشان تفطر و تشوف هتعمل ايه وتجهز نفسك علشان كتب الكتاب والفرح مبقاش فاضل عليهم غير كام ساعة بس
جف حلقه يخشى سؤالها عن حياء فتتعجب من سؤاله ويضطر بالأخير أن يخبرها بما حدث ولكن سعادتها تنبأ بأن ربما كل شئ مازال على حاله
فأراد سؤالها بطريقة غير مباشرة
هى سجود فين
وضعت وفاء الطبق من يدها وهى تقول
فوق مع حياء فى الأوضة علشان الميكب أرتست جت وهى معاها فوق هى وولاء ويلا بقى أنت كمان ظبط نفسك عيزاك قمر زى ما أنت قمر على طول
عوضا عن سماعه آمرها له المغلف بالسعادة وجد نفسه يقترب منها ويطوقها بذراعيه كأنه يدعوها لإحتضانه مثلما تفعل دائما بأوقاته العسيرة فرفعت ذراعيها وضمته إليها فشعرت بوجود أمر يقلقه
فربتت على ظهره تحثه على البوح بما لديه
مالك يا حبيبى فى إيه
حياء عرفت أنا أبن مين عرفت أن رياض النعمانى أبويا وزعلت وأنا سبتها تاخد قرارها براحتها ياتمشى يا توافق نكمل جوازنا
قالها راسل بصوت حاول إخفاء رجفته ولكن كأنه نقل إليها عدوى الإرتجاف
فيداها أرتعشت وهى تحاول سحبه بعيدا عنها لتنظر لوجهه فتعمقت خطوط الإرتجاف حول فمها وهى تقول
وإيه يعنى لما تعرف ما كان مسيرها فى يوم هتعرف كل حاجة يا راسل مفيش حاجة بتستخبى العمر كله بس هى فوق دلوقتى وبتجهز نفسها لو كانت هتمشى كانت مشيت من الصبح ثم متحاولش تفكر فى حاجة النهاردة أفرح يا حبيبى بجوازك ومتخليش حاجة تعكنن عليك
تنهد بثقل قائلا بحزن
وتفتكرى هفرح يا ماما ولا أنا أنكتب عليا الۏجع وبس
ربتت على وجنته وأنزلقت دمعة من عيناها وهى تقول
هتفرح يا حبيبى إن شاء الله
تركها راسل وصعد الدرج بتأنى فجلست على أحد مقاعد المائدة ووضعت يدها على فمها لتمنع صوت بكاءها على حاله ولكن بسماعها صوت أقدام قادمة مسحت عينيها سريعا ونهضت لتكمل إعداد المائدة
فتبسمت لها صالحة وهى تقول
متتعبيش نفسك يا ست وفاء خليكى مرتاحة أسفة يعنى فى سؤالى هو حضرتك مولودة ومتربية فين اللى يشوفك يقول عليكى هانم بنت بشوات بس برضه ست بيت شاطرة أوى
ربتت وفاء على كتف صالحة وقالت بإبتسامة
وأنا تعبانة فى إيه يعنى ثم أنا مش مولودة وفى بوقى معلقة دهب ولا حاجة دا أنا أصلى بسيط أوى ومولودة ومتربية فى حارة وكان ابويا الله يرحمه شغال ساعى فى شركة ريا.....
أمتنعت وفاء عن قول إسم " رياض النعمانى " فتبسمت بتوتر وأكملت حديثها
بس جوزى صفى الدين الله يرحمه كان عطار وربنا فتحها عليه وبقى عنده محل كبير وكمان أشترى البيت ده وبنى المستشفى لراسل يلا بقى نشوف هنعمل إيه علشان اليوم ميطرش مننا وإحنا لسه معملناش حاجة وهتصل أشوف إسعاد أتأخرت ليه كده
سبقتها صالحة للمطبخ بينما تلكأت وفاء فى الذهاب فبعد إخبار راسل لها بما حدث بينه وبين حياء تخشى أن تنتهى الليلة نهاية غير مستحبة أو صاډمة له فهى تعلم أنه أكتفى من الألم والۏجع منذ صغره وحتى الآن فرفعت وجهها وهى تهمس بالدعاء لله أن تمر الليلة بسلام وأن ينعم بالسعادة ولم تنسى أخذ هاتفها لحث إسعاد على المجئ بسرعة
أنهت إستعدادها للذهاب لمنزل صديقتها لكى تكون بجانبها اليوم فولاء سبقتها لهناك ولكن اثناء فتحها الباب وجدت زوجها حسان يقف مبتسما لها ويقول بسماجة
راحة فين على الصبح كده يا ست إسعاد
نفخت إسعاد بضيق من رؤيته وقالت
أصبحنا وأصبح الملك لله مش عوايدك تيجى بدرى كده حسان مش عايزة أتأخر النهاردة فرح راسل
دفعها حسان للداخل وهو يقول
فرح راسل ! هو مبيزهقش من الجواز ما علينا كنت جاى أفكرك بخطوبة بنتك لفؤاد بيه مش عارف هو الصراحة الأسبوعين خلصوا وهو غطسان فين بس مسيره يظهر
فكرت إسعاد أن زوجها لا يعلم بما حدث وأن رياض النعمانى أمره بأن يترك تلك الزيجة فتبسمت إسعاد بتشفى
أنت متعرفش أن أصلا مفيش خطوبة ولا جواز خلاص العريس طار كان فى منه وخلص
لوى حسان ذراعها خلف ظهرها وهو يقول
بتقولى إيه يا ولية أنتى يعنى إيه الكلام ده
صړخت إسعاد پألم وهى تقول
أااه دراعى حرام عليك سيبنى وإن كان على بنتك فى عريس تانى أحسن منه وأغنى منه كمان عايز يتجوزها وهى موافقة
قالت ما لديها لعله يرحمها من ذلك الألم فترك ذراعها وتبسم بإتساع وهو يقول
هى البت بقى الطلب عليها زايد ليه كده بس مش مهم بس طالما كده مقولتوش ليه وعايز أشوف العريس ده اللى بتقولوا عليه
عجزت إسعاد عن الرد فهى تعلم بشأن خوف إبنتها من مقابلة معتصم لوالدها