رواية فاطمة من 16-20

بۏجع وهو يغمض عينيه
فين كنان عاوز أشوفه
بعتت الممرضه تجيبه و تبلغه انك فوقت هتروح تناديه
أجابه بقلق من شيئا ما
ماشي بس بسرعة
وصل كنان وطلب من سليم المغادرة حتى يقوم بفحصه 
قام بفحصه وتحدث بجدية
نزار إنت كويس قولى حاسس بأيه دلوقتى
تحدث بضعف و ألم
تعبان أوى مش قادر أتحرك و عاوز أنام 
كنان بتنهيدة لأنها كانت عملية صعبة
معلش ده إحساس مؤقت ونتيجه طبيعيه إنت كنت بين الحياه والمۏت وڼزفت كتير اوى والحمدلله دلوقتى احسن بعد ما المدام اتبرعتلك و هتتنقل أوضة عاديه يومين تلاته كده و هتبقي أحسن بإذن الله
نزار بعدم فهم وقلق
هاه مدام !! مدام مين أكيد مش فاطيما صح
أردف وهو يقوم بتغيير المحلول له
لأ مش فاطيما أطمن لأنها ماينفعش تتبرع تتعب فورا فيها خطوره على حياتها دي واحده تانيه كانت جايه معاك
أردف بتعجب و تنهيدة
مين تقصد مفيش غير علياء اللى كانت معايا و فصليتها مش زيي
أجابه بجدية و هدوء
وإنت عرفت منين إن فصيلتها مش زيك هي صحيح هى مش نفس نوع فصيلتك بس فصيلتك ماتقبلش إلا من نوع فصيلتها أو من نفس نوعك علشان كده أخدنا منها
تحدث بعتاب حقيقي
ليه عملت كده كنان هى قضت يوم صعب مش عاوز حد يتأذى تانى بسببى كفاية
أجابه بجدية و حذر
أطمن هي كويسه تعبت شويه بس وركبنا لها محلول ودي نتيجه طبيعيه لأنها واضح إنها مش بتاكل كويس بقالها فتره ولما سحبنا منها ډم داخت شويه بس هي حاليا كويسه اطمن وبعدين يعني اسيبك ټموت و قدامي ما أنقذك
أردف بتعب و إرهاق
كنت شوف حد تاني هخرج امتى من هنا !!
كنان بغموض وهو يلاحظ قلق نزار عليها
مكنش في حد وقتها وبعدين إنت مضايق أوى كده ليه .. هي مين دي أصلا اول مره أشوفها معاك و موجوده معاهم هنا من وقت ما إنت جيت
نزار بهروب من الإجابة
هاه !! دى ضيفة هنا و من العيلة .. كنان هى كويسة بجد صح بلاش تكدب عليا
كنان بابتسامة
ضيفه ماشي وآه يا سيدي كويسه والله كويسه وقاعده بره كمان تحب ادخلها تطمن عليها بنفسك
هاه لا مش دلوقتي بس امتى هخرج من هنا
أراد المغادرة من المستشفى فهو لا يحب المستشفيات 
أجابه بجدية
مش دلوقتى لما أطمن عليك الاول وتقدر تقف على رجليك
تنهد بضيق شديد
طيب هخرج امتى من العناية
كنان بتحذير لأنه يعرف صديقه جيدا
بكره هتتنقل لاوضه عاديه المهم بلاش حركه كتير وبلاش عصبيه هاه و انفعالاتك 
تحدث بۏجع وهو يبتسم
أطمن بعدين مش انا قادر اتحرك أصلا 
أردف بضحك و مراوغة
ما أنا علشان عارفك عنيد المهم هروح أنا علشان عندي عمليه دلوقتى وهبقي اجي اطمن عليك بعد ما اخلص
أجابه بهدوء وهو يغمض عينيه بعد أن بدأ مفعول الدواء
ماشي هستناك
تركه كنان و خرج ليخبرهم أنه بخير طلبت منه فاطيما رؤيته ليخبرها أنه نائم و في المساء سيجعلها تراه هبطت فاطيما مع سليم للكافتيريا لشرب القهوة بعد أن اطمئنوا عليه و في هذا الوقت وصلت علياء ولم تجد أحدا فى الخارج لتنظر حولها فهي تريد رؤيته و الاطمئنان عليه اتجهت للداخل وجلست على الكرسي لتمسك يده بقوه 
تحدثت بدموع و خوف
أنا كنت ھموت لو كنت اتاذيت يا نزار أنا مش عارفه إنت مين بس اللى عارفاه إني حبيتك بلاش تسيبني 
كان يستمع لحديثها لكنه لم يستطع الرد عليها لتجد الممرضة تفتح الباب و نظرت لها بعتاب شديد 
غادرت علياء بهدوء لتجد سليم وفاطيما يقتربون منها لم تكن العلاقة جيدة بين فاطيما و علياء منذ آخر مواجهه بينهما لتجلس صامتة هي لا تريد شيئا سوى الاطمئنان عليه و سترحل بعد ذلك لن تقبل أن تضعهم فى مواجهة مع شفيق أو رجاله .. في المساء اتجه كنان لرؤية نزار قبل عودته للمنزل ليجده أفضل بكثير من الصباح 
تحدث بجدية
إنت دلوقتي أحسن كتير بس برضه هتتنقل أوضة عادية الصبح أظن إنت عارف النظام هنا 
نظر له بغيظ ولم يجبه أنهى الفحص ثم اتجه للخارج اقتربت منه فاطيما وتحدثت بتوسل
أرجوك خليني أشوفه و مش هتكلم معاه كتير 
أجابها بتنهيدة
خمس دقايق وتخرجى وإلا وقتها الزيارة هتتمنع نهائي 
أومأت له بموافقة ليسمح لها بالدخول 
قبل مغادرته تحدث سليم بقلق
قولى الحقيقة هو كويس صح إنت عارف كل حاجه عنه
نظر له بتفهم و هدوء
أطمن هو دلوقتي أحسن والصبح هيكون فى أوضة عادية متقلقش لو فيه حاجه أكيد هقولك
ابتسم له وغادر ليتركهم تنهدت علياء ب ارتياح شديد وجلست مكانها مرة أخرى .. دخلت فاطيما لتجده نائما من يراه يظنه ذهب في النوم لتقترب منه وتضع يدها على رأسه 
تحدثت بحزن و دموع و هي تراه فى هذه الحالة
نزار حبيبي عامل إيه دلوقتي طمنى عليك
نظر لها بعمق شديد وهو يفكر إن كان تعرض لشيء سيء ماذا سيحدث معها
أجابها بهدوء وهو ينظر لها بحنان
أنا كويس اطمنى كفاية عياط بقى
أردفت بعتاب وهى تجلس على الكرسي وتمسك يده پخوف من فقدانه
إنت إزاى تعمل كده في نفسك وإنت عارف انى ماليش غيرك
حاول أن يطمئنها ولو قليلا ليتحدث بتنهيدة 
أهدى أنا معاكى اهو مش هسيبك تانى وعد
هتفت بجدية و حزن
نزار أنا بجد ماليش غيرك ومش هقدر أعيش بعدك مش هتحمل خسارتك علشان خاطرى بلاش تهور
وضع يده على قلبه ليتحدث وهو ينظر لها
كنتى عاوزه أسكت يعنى مقدرتش هنا فيه ۏجع مش قادر أداويه
أتى اتصال ل سليم ليأخذ هاتفه و يتحدث بعيدا لتقف علياء أمام الباب لم يكن الصوت مرتفعا لكن الهدوء جعل الصوت واضحا لها
فاطيما بعدم فهم و تعجب من حديثه
ۏجع !! ۏجع إيه ده هو في إيه يا نزار مالك
تنهد بتعب ليردف وهو ينظر لها
قلبي واجعنى حاولت أهرب و أنكر بس

مش قادر أسكت ولا قادر أتكلم
كانت تسمع لحديثهم پصدمة هل حقا يحبها
إذن لماذا فعل معها كل هذا
تنهدت بتعجب و هي تسمع حديثهم لتردف فاطيما بجدية و عتاب
و ليه تهرب وتوجع قلبك أتكلم وشوف مش هتخسر حاجه حتى لما تبعد يبقي ليك الحق بدل ما إنت بعيد وقلبك واجعك ومش عارف ترتاح وتريحه وتريحها هي كمان إنت قسيت عليها أوى آخر مرة وأنا حذرتك وقولتلك أسمع منها الأول وبعدين أحكم
تنهد بۏجع فهو يخشى إجابتها حينها ستكون تحطمت كل أحلامه
خاېف من إجابتها علشان وقتها هيكون صعب نكون فى مكان واحد على الأقل هى قدامي دلوقتي لكن وقتها هنتعامل سوا إزاى
فاطيما بتفهم وهى تحاول أن تطمئنه
عادي يا حبيبي الحاجات دي قسمه ونصيب ولو حصل رفض يبقي التعامل في حدود وبحذر وهى كده كده مش مطوله هنا يعنى فتره وهتمشي ها قولت إيه هتخرج اللى في قلبك ولا هتفضل حابسه وتتعب نفسك
أجابها بجدية
استنى أخرج وأشوف هنوصل لفين
فاطيما بمكر وهى تبتسم له
خلاص ماشي اهو نظبط الأجواء
أردف بقلق
أجواء إيه !! بتفكرى فى إيه هاه
ابتعدت علياء لتجلس وتشعر أن قلبها سيتوقف بعد أن استمعت لحديثه لتردف فاطيما بجدية
لا ولا حاجه بس هو حضرتك عايز تعترفلها بحبك فين يعنى ولا تحب يبقى هنا فى المستشفى ده اكيد لازم جو شاعري رومانسي بص مالكش دعوه إنت أنا وميرا هنظبط الدنيا المهم تطلع من هنا بألف سلامة
هتف بقلق لأنه يعلم أنهم سيستغلوا الفرصة
أنا مش قلقان غير من ميرا بلاش هى بعدين هى كويسه صح
هتفت بسعادة و جدية
ليه دى ميرا هتجنن الأجواء ماتقلقش هحكمهالك وهي كويسه أطمن كانت هتتجنن عليك
ليتحدث بتنهيدة عميقة
كده ألغى الموضوع أفضل و فريدة كويسه
أجابته بمكر وهى تنظر له
لأ اطمن وفريدة أهو من يوم الحاډثه وهي زعلانه وعايزه تطمن عليك لما تتنقل أوضه عاديه هدخلهالك
نزار وهو يحاول الهروب منها
ماشي يلا روحى ارتاحى كفاية تعبتك معايا
وقفت وقبلت رأسه كي تغادر
ماشي يا حبيبي عايز حاجه قبل ما أمشى
نظر لها بحب و هتف بجدية
لا يا حبيبتي اطمنى
تركته واتجهت للخارج لتجد علياء تجلس وحدها لتقترب منها و هي تشعر بالتوتر 
علياء ممكن نتكلم سوا شوية
أجابتها بهدوء وهي تشعر أنها ستحدثها عن نزار لكنها لن تتراجع عن موقفها من أجل حماية الجميع
أه طبعا اتفضلي لو على وجودي همشي بس كنت مستنيه نزار يتنقل وفريدة تطمن عليه لأنها زعلانه اوى علشانه
أردفت بعتاب وندم حقيقي
تمشى تروحى فين مين قال إننا هنوافق علياء أنا حقيقي أسفه بسبب اللى عملته من يومين بس صدقيني كان ڠصب عني و مكنتش فى وعيي
أجابتها وهى تتذكر نزار وهو بين يديها
لأ عادي حصل خير بس وجودي هنا مؤذي أوى ليكم وأنتم ماتستحقوش تتأذوا بسببي
تحدثت فاطيما برفض واعتراض
بلاش الكلام ده بعدين إنتي أختى هتسيبى أختك لوحدها هنا بعدين بابا و نزار مستحيل يوافقوا إنكم تروحوا أى مكان لوحدكم
تحدثت بتفكير و تعب
هشوف لسه بحاول أرتب أمورى
أجابتها بإصرار شديد
مش هتمشى وإلا هكون معاكى و كده هتأكد إنك لسه زعلانه منى
مش قصة زعل بس مش عايزه أشيل ذنب حد ولا أشوف نظرة لوم من حد أنه خسر حد عزيز عليه بسببي صدقينى انا مش هكون أغلى من حد منكم عند التانى زى ما قولت لأستاذ سليم هقولك اشتروا أمانكم بخروجي من هنا
مسكت يدها و تحدثت بجدية
مش هتمشى من هنا كلنا معاكى فكرى فى فريدة على الأقل
تنهدت بهدوء وهى لا تعلم ماذا تفعل
ماشي يا فاطيما هعيد تفكيري في الموضوع ده تانى
تحدثت بمكر شديد
ماشي على فكرة نزار كان قلقان عليكي
حاولت أن تبدو طبيعية كي لا يظهر عليها شيء
هو عامل ايه دلوقتي !!
أجابتها بهدوء
كويس ومحتاج يتكلم معاكي بس يتحسن شوية
لتتذكر علياء حديث نزار مع فاطيما و أردفت بتوتر
هاه يت يتكلم معايا أنا ليه
أردفت بهدوء و جدية
أظن تسمعى منه أفضل جايز نسمع أخبار كويسه قريب
طيب ماشي
نظرت حولها لتبحث عن سليم
خلينا نروح نشوف بابا ميرا و فريدة مرجعوش معاكي ولا إيه !!
نظرت للأرض وتحدثت بجدية
لأ رجعوا معايا بس فريدة زعلانه وميرا بتحاول تفرحها
لتأتي ل فاطيما ذكرى حاډثة تعرضت لها في الصغر لتهتف بتأثر
اللى مرت به مش سهل الطفل لما يشوف قتل أو عن ف وهو صغير بيتأثر فترة متقلقيش إحنا معاها و ميرا هتنسيها بسرعة
لتتحدث بجدية ولا تستطيع إنكار الأمر
أكيد طبعا واثقه في كده وجودكم هو أكبر داعم لينا
كان سليم يراقبهم من بعيد ليتركهما تتحدثان معا .. اتجهوا بعد ذلك للغرفة ليجدوا ميرا تجلس مع فريدة وتمزح معها ليجلسوا معا
في اليوم التالي تم نقل نزار لغرفة عادية ليتجه له الجميع و كانت علياء تقف فى الخارج ليأتيها اتصال هاتفي تفاجأت بعد رؤيتها لاسم المتصل .. بعد علمه بما حدث معها لم يستطع أن يظل صامتا ليقوم بالاتصال بها 
تحدث جسار بقلق شديد
علياء إنتي كويسه طمنيني عليكي
أجابته بهدوء و