رواية دينا كاملة
المحتويات
لجوار أختها تبكى بشده حتى تلونت عينيها بالأحمر .. تمسك بالدعوه بين يديها تكاد تعتصرها .. لتربت أختها على كتفها قائله بحيره
_ انا نفسى أفهم بتعيطى ليه دلوقتى
نظرت لها بعيون مغرورقه بالدموع
_ الفراق وحش اوى
_ متقلقيش وليد مش بيه ابدا .. هو بيحبك وبيخاف عليكى واكيد هيكون جمبك علطول متقلقيش
ردت من بين دموعها
_ انا كمان بحبه اوى
ارتفع رنين هاتفها .. لتنظر له قبل ان تقرر أختها الذهاب .. التقطته وهى تحاول اخفاء دمعاتها وتهدئة أنفاسها .. تحاول اخفاء تلك البحه بصوتها
_ الو
وليد بإستهزاء
_ الو .. وبتقوليها من غير نفس كده ليه
_ وليد .. لو سمحت مش ناقصه تريقه
_ اممممم شكلك معيطه
حاولت أن توقف سيل دمعاتها .. ليظهر صوت شهقاتها واضحا ليقول بثبات
_ عيطى من هنا لبكره .. برضو الفرح مش هيتأجل
حبيبه وهى تحاول تمالك نفسها
_ وليد ارجوك ..
زفر بضيق لتقطع هى كلماتها وتعيد صياغة ما قالت
_ وييد ارجوك .. بقى ما تستهبلش انا لسه عاوزه استنى مع اهلى شويه .. الله يخليك اجل معاد الفرح
حاول ان يتمالك أعصابه ليقول من بين اسنانه
_ حبيبه .. احنا مخطوبين من امتى
ردت بلا تفكير
_ من اربع سنين
لم يتمالك أعصابه فانفلتت
_ نعم يا اختى احنا هنستعبط .. انا طالب ايدك من ابوكى من وانتى فى المستشفى من خمس سنين .. وكتبنا الكتاب بعدها بسنه يعنى بقالنا كده خمس سنين وروحتى سافرتى عند اهلك وقعدتى فى تركيا وسبتينى لوحدى وبقالك هناك اربع سنين كل ما اقول يلا نتجوز تقولى لا مش دلوقتى .. استنى لحد امتى انا بقى
_ دا على اساس انك سمعت كلامى .. ما انت روحت طبعت كروت الفرح وحددت ميعاد الفرح وجهزت كل حاجه وخليتنى انا اخر من يعلم
_ ملكيش فيه .. معندناش بنات تقول رأيها
ردت بغيظ
_ اها عشان كده مش بتاخد بكلامى فى حاجه وفى كل مره بتمشى كلمتك
أكمل ببساطه
_ عارف انه على قلبك زى العسل
ابتسمت بخجل وعادت تكمل
_ طبعا انت ما بتصدق عشان تثبتنى .. غلس
_ لوسمحتى انا عاوز السينفونيه بتاعتى .. يلا قسمى وسمعيلى
ابتسمت للذكرى وقالت بلمعة عين فرحه
_ بايد وغيس وشي يي . بارد وغلس وشرير .. مش فاهمه ليه مصمم افضل اقولك كده
_ هو انا حبيتك الا عشان كده .. وابقى اسمعك مره تانيه تقولى وليد مره تانيه .. اسمى من لسانك وييد .. مش عارف ليه الحاډثه عدلتلك لسانك انا يا ستى كان عاجبنى لسانك القديم
شردت قبل أن تقول ما
يجول بخاطرها
_ ليه مش ساعدتنى وقتها
رد بتهكم
_ لو مكنتش ساعدتك وقتها كان زمانك دلوقتى مش موجوده
_ مش قصدى .. قصدى ليه اخدت وقت لحد ما جيت وساعدتنى ليه ماتحركتش بسرعه
شرد يفكر بما يجيب ! ..أيخبرها أنه لم يستطع تصديق ان تلك المسجاه فى دماؤها .. هى ..
أيخبرها بأن فكرة خسارتها أعجزته .. فجعلته كالمقيد لا يقو على الحركه .. أيخبرها أن روحه خرجت منه تهفو اليها وعادت اليه بعدما استيقظت هى فى المشفى
بعض الكلمات لا يجب أن تقال .. فهى تفقد بريقها حين اذن .. يجب أن تظل هكذا معلقه فى القلوب الى أن يحين الوقت الذى ستخرجها فيه العيون .. لتصبح أنشوده يتلوها الفكر
وقتها ستعرف دون السؤال ما هى الإجابه
قال بشرود
_ حبيبه .. انا بحبك اوى
تفتح الجورى الأحمر على خديها .. ونفضت عن رأسها الفكر لتستمتع بكلماته تلك التى تلاها على مسامعها
_ وانا كمان بحبك اوى
كان همسها ضعيف .. فقال بلهفه
_ انتى قولتى ايه
عضت على شفتيها بخجل وقالت تخفى توترها
_ مش قولت حاجه
رد بإلحاح
_ لا .. قولتى .. عاوز اسمع تانى
_ أخبار التورته ايه
_ تورتة ايه
_ التورته اللى هناخدها بعد الفرح واحنا مروحين .. اللى بيجيبوها للعريس والعروسه فى الفرح دى
رد بعدم تصديق
_ يا نهار اسوح يا حبيبه .. انتى عاوزه تاخدى التورته اللى المفروض تتوزع على المعازيم
مطت شفتيها بطفوليه
_ يعنى المعازيم تاكل منها وانا لأ .. وبعدين مش كفايه انهم هيكلوا من البوفيه .. خلى بالك انا لو مسابوليش اكل من البوفيه مش هسيبلهم ولا حتة تورته صغيره حتى
_ حبيبتى انا حاسس ان يوم الفرح .. هتاخدى التورته وتسيبينى
ضحكت ..
وأملت تغيظه
_ متقلقش هاخد التورته واوزعك انت على المعازيم
وهكذا أكملوا الحوار .. ما بين ضحك وعشق .. والقلوب تهفو ليوم اللقاء
فتح باب المنزل بهدؤ ليطالعه وجهها وقد انزوت على نفسها فى أحد أركان الأريكه كعادتها مؤخرا .. شارده .. زابله .. حزينه
_ هششش .. اهدى انا معاكى .. متبكيش
علت شهقاتها فما كان منه إلا الجلوس لجوارها وهو مازال يضمها .. هدأت قليلا فقال وهو ينظر لها بتفحص
_ اختى كانت هنا
حاولت أن توارى دمعه فى عينيها .. فنكست رأسها پألم
رفع وجهها اليه ليقول وهو يمعن النظر فيه
_ يبقى .. كانت هنا
هزت رأسها أن نعم .. فضم قبضته اليه پغضب وهدر بضيق
_ نفسى أفهم هى عاوزه منى ايه
قالت ببحة حزن
_ عاوزاك تكون مبسوط
_ وهى لما تضايقك طول الوقت .. يبقى كده بتفرحنى
_ هى معاها حق .. هى عاوزه تفرح بيك وتشوف ولادك .. بس انا ..
أوقفها ليكمل هو
_ انتى ايه يا ايمان .. حبيبتى هو مش احنا روحنا لأكتر من دكتور وكلهم قالوا ان مفيش مشكله عند حد فينا وان الحكايه .. حكاية وقت مش اكتر
انفعلت لتقول
_ خمس سنين متجوزين ولحد دلوقتى وقت يا ادهم ..يا ادهم انا تعبت انا نفسى اكون ام .. وانت كمان انا عارفه انك نفسك تكون اب انت كمان
لجأ للهدؤ فقال وهو ينظر أمامه ببرود
_ والله دى مشكلتك .. انا عن نفسى عندى طفله جميله وكتكوته ماليا عليا حياتى
قالت بغيظ
_ عارفاها دلوعتك الصغيره .. لوجى هانم
قال پصدمه
_ ازاى نسيتها .. صحيح يبقى انا كده عندى طفلتين
نظرت له پغضب وهى تشير له بإصبعها
_ اوعى تكون متجوز عليا
حاول إخفاء ضحكته ليقول وهو مازال على بروده
_ دا على اساس ان اللى يتجوزك يفكر يتجوز عليكى
حكت فروة رأسها ونظرت له بتفكير
_ طب مين بنتك التانيه دى
اعتدل ينظر لها بثبات
_ مجنونه وهتجننى معاها .. عسل كده حتى وهى زعلانه .. تجنن وهى متنرفزه .. وطيبه وبموت فيها .. بنت كده تحسى ان قلبى هو اللى ولدها .. وبسببها بقيت الراجل الوحيد اللى ولد فى الدنيا دى وبعد دا كله ارجع البيت الاقيها زعلانه .. ومقامتش حضرتلى العشا
ظلت تفكر
_ دى فزوره دى ولا ايه .. ما تنجز يا عم انت وقول مين بنتك دى عشان اشوف اذا كنت ھقتلك ولا لا
ضړب كفيه ببعضهما ليقول بعجب
_ والله مجنونه .. كل دا ومفهمتيش
التمعت عيناها لتقول
_ انا البنت اللى بتتكلم عنها
رد بسرعه
_ ان انا جعان
ضړبته فى كتفه بغيظ لتقول
_ طب مافيش اكل .. هه .. يالا
مثل الحزن كطفل صغير
_ يرضيكى انام جعان
نظرت له وقد رق قلبها
_ لا مايرضنيش .. هقوم احضرلك العشا
وعلى طاولة الطعام كان يعرض عليها دعوة زفاف وليد .. لتقول
متابعة القراءة
