رواية فاطمة من 10-15

ب اشتياق شديد لها 
منوره بيكي قصدى بناسها و بعدين عمى طلبني مقدرتش أتأخر عليه أكتر من كده وحشني أوى وكمان علشان نبدأ بقي نتحرك ونرجع اللى راح بعد ما اطمنا على البنات
تحدثت بجدية لأنها تعلم أن وجود سليم فى مصر سيكون خلفه عواقب كثيرة للجميع 
هو إنت عارف بابا ناوي على إيه
ليهتف بهروب من عينها لأنها لن تستسلم حتى تعلم ماذا سيحدث 
هاه لأ لسه هقعد معاه وافهم اكتر علشان أعرف اتحرك المهم طمنيني عليكى عامله إيه
تعلم أنه يخفي عنها شيئا لتجيبه بحزن 
سليم بلاش تخبي عليا أنا أول مره أحس بالعجز .. هعمل إيه يعني فى الوقت ده أنا تعبت
تحدث بجدية شديدة 
سلامتك من التعب لأ أنا عايزك هاديه خالص متقلقيش كل حاجه هتتحل وهترجع زي الاول اطمنى خالص عايزك قويه زي العاده ما اتعودتش عليكي ضعيفه كده
أردفت بحزن شديد وعينها ممتلئة بالدموع 
إيه اللى هيرجع زي الأول العيلة اتفككت مبقاش فيها حد وأكيد مش هسمح ل فاطيما ترجع و تواجه جسار مرة تانية أنا اتأكدت اني فشلت فى تربيتهم
وقف أمامها وتحدث بجدية شديدة لأنه يعلم أنها تقف فى المنتصف ولا تعلم ماذا تفعل 
متقوليش كده انتى ربتيهم أحسن تربيه جسار فى غفله و هيفوق منها و يرجع لعقله وبالنسبه لفاطيما اطمنى مش هترجع تانى هنا أظن وجودها هناك وسط حبايبها احسن لها وبالنسبه للعيلة المشكله دي تخلص هنجتمع تانى اطمنى و سبيها على ربنا وعليا ولا مش 
واثقه فيا
أردفت بقلق وخوف عليها 
وياتري حبايبها موقفهم إيه لما يعرفوا اللى مخبيينه عنهم أنا مش قادرة أكلمه أو أواجهه للوقتي أنا وعدته أمنع حد يإذيها بس أنا شاركتهم ازاى هيتقبل جوازها من جسار إنت أكتر واحد عارفه لما ياخد موقف من حد بيكون ضده ازاى
تنهد بإرهاق و تفكير ليجيبها 
بصراحه هى دي المشكله اللى بحضر لها ازاى أهدي الأجواء لما يعرف علشان كده جيت بعد ما فاطيما وصلت علشان أخلص وأرجع أعرفه و أفهمه علشان ميتعصبش و ياخد موقف يعنى محبتش امشي واسيب الأجواء بينهم متوتره قولت لما أرجع علشان عارف موقفه بس اطمنى هتكلم معاه
تحدثت بتمني حقيقي 
أتمني يهدي لانه مش هياخد موقف منها لوحدها أنا و بابا كمان أتمنى يفهم بهدوء
ليحاول أن يطمئنها فى البداية ثم سألها عن عزت 
اطمنى قولتلك هتكلم معاه و أفهمه بلاش القلق المهم فين عمي !!
وقفت وأشارت له كي يتجها نحو الداخل 
جوه مستنيك من بدرى
ساروا معا ليردف بحديث ذا مغزى 
طيب هدخله اخلص معاه و هجيلك علشان مصر وحشتني أوى وعايز حد يخرجنى فيها 
ابتسمت بخجل و ابتسامه 
هاه طيب أدخل و هجهز لكم القهوة
ليتركها و يتجه لغرفة المكتب ليجيبها 
تمام عن إذنك
دق الباب ليسمح له عزت بالدخول بعد أن شاهده يجلس مع سمية فى الخارج لا ينكر أنه يتمني أن تحدث علاقة بينهم لكن هذا ليس الوقت المناسب للتحدث فى هذا الأمر 
اتفضل 
دلف بهدوء وهو يبتسم 
مساء الخير يا عمي
ليلقي عليه التحيه أيضا ورحب به بجدية فهو لا ينكر أن وجود سليم معهم له دورا كبيرا لاستمرار هذه العائلة للآن 
مساء الخير يا سليم أخيرا جيت
أردف بهدوء و جدية 
معلش كنت بس مستني أطمن على البنات إنهم فى أمان علشان أعرف أنزل و نتحرك خير يا عمي
ليتحدث بجدية شديدة 
اللى جاي مش سهل وإنت عارف نزار مش هينفع يظهر حتى لو ظهر وقتها العيلة دى مش هتكون موجوده ومفيش غيرك أقدر أثق فيه و أسلمه مسؤولية العيلة من بعدي
ليقرر معرفة ما يدور فى عقل عزت فهو مهما مر العمر به لا ينكر أنه يستطيع مواجهة أي شخص ولا يهاب أحد أبدا 
وأنا معاك فى أي حاجه يا عمي واطمن العيله هترجع تانى وبالنسبه لنزار أكيد هيبقي في وقت معين لظهوره ونزوله هنا خير ناوي على ايه
ليسمعوا دق على الباب دلفت الخادمة وهى تحمل القهوة وتقدمها لهم ليهتف عزت بعد مغادرتها 
هنعمل شركة جديدة هنا و هتوقف التعامل معاه حتى لو هندفع الشرط الجزائي مش مهم .. جسار عاوز حد يوقفه و جيه الوقت خلاص معايا ولا ها تنسحب
ليفكر قليلا قبل أن يردف 
أكيد طبعا معاك بس تفتكر رد فعله هيكون إيه هو عمل كل ده علشان الشغل لما نحا ربه فيه هيعمل ايه تفتكر ردة فعله إيه 
عزت وهو يخرج عدة ملفات ليقوم بتقديمها له 
جسار حاليا شايف نفسه رقم واحد و مطمن إن مفيش حد هيقف له بعد اتحاده مع شفيق أنا مش هوقع جسار بس شفيق معاه فى الأول هياخد الموضوع عادي لكن مع الوقت هيثور و يدور على المنافس له وأكيد مش هيقدر يوصله لأنها هتكون باسم زين فى العلن لكن الإدارة لنا
سليم وهو يقوم بقراءة أحد الملفات بتركيز 
طيب بس دي مخاطره كبيره شفيق مش هيسكت ولا جسار و محتاجه وقفتنا كلنا هتكلم مع نزار أول ما أوصل علشان نظبط اللى جاي متأكد أن نزار هيعاند و يصمم يوقف فى وشه بنفسه هيعمل المستحيل علشان يخسره
أردف پخوف على نزار فهو لا يريد أن يعلم أحد حقيقته فى هذا التوقيت كي لا ينهي حياته مره أخري 
نزار مش هيعرف حاجه دلوقتي علشان ممكن يتهور كفاية ردة فعله لما يعرف اللى فاطيما اتعرضت له الافضل يكون بعيد الفترة دى
سليم بتفكير عميق 
هحاول معاه إنه يفضل بعيد
عزت برفض و اعتراض شديد 
مش عاوز أخسر اللي لسه موجود يا سليم كفاية اللى خسرتهم للوقتي أنا مش عاوز أموت و اسيبهم يحا ربوا بعض فاهمني
سليم بتفهم لقلقه القادم 
أكيد طبعا فاهم حضرتك أطمن مش هرتاح الا لما يبقوا كلهم سوا وايد واحده
ليردف بهدوء وقلق 
طمني الوضع فى لندن كويس صح
ليجيبه باطمئنان و هدوء 
أه كويس لغاية دلوقتى أطمن 
ليسأله باستفهام 
هتقابل جسار امتى 
تحدث بعد أن ارتشف من فنجان القهوة 
ممكن بكره علشان انهي كل شيء بسرعه
ليتحدث وهو ينظر للفراغ بتفكير 
جسار حاليا شايف نفسه منتصر أكيد هيعمل كل الطرق علشان تكمل الصفقات معاه
ليجيبه سليم بتفهم لأنه يعلم أن جسار لن يكون خصما سهلا له 
أكيد طبعا وخصوصا إنه لسه ف البدايه مش هيبقي عايز يخسر ويقع بسهوله
عزت وهو يقوم ليقترب من خزنة مكتبه 
خلينا نشوف هيوصل لفين فى النهاية
ظلا يتحدثان فى عدة أمور بعد أن انضمت سمية لهم و أراد سليم أن يتجه للفندق لكن رفض عزت ليظل معهم
صعد لإحدى الغرف ليرتاح قليلا وهو يفكر فى القادم 
بعد ذهاب فاطيما اقتربت ميرا من علياء لتردف باستفهام 
علياء هو إيه اللى حصل ممكن تحكيلي
أردفت وهي تجلس بحيره و تعجب لڠضب نزار من فاطيما 
مفيش حاجه حصلت تستدعي اللى اخوكي عمله هو مضايق أوى كده ليه إنها اتجوزت معلش يا ميرا أسفه يعني هو اه اخوكي وكل حاجه بس إيه نوع العلاقه بالظبط بينه وبين فاطيما
لا تسطيع ميرا إخبارها بنوع العلاقة بينهم 
هما أصحاب يا علياء من صغرنا و إحنا مع بعض و بېخاف عليها زى ما بېخاف عليا 
لتتحدث بسخرية واضحه 
أصحاب واضح أن العلاقه مش بس صداقه دي أكتر من كده بكتير
اجابتها بجدية رغم أنها أرادت إخبارها بالأمر بعد اتهامها الواضح لهم 
بالنسبه لعلاقتهم الأفضل تسمعي منهم لأن مش من حقي اتكلم عنهم أكيد هتعرفي فى يوم سر علاقتهم ايه
تحدثت بجدية فهى لن تسمح ل فاطيما أن تلوث علاقتها مع جسار حتى إن كان يرفضها 
وماله لما ترجع فاطيما هتكلم معاها 
فريدة وهي تقترب منهم لتهتف باستفهام 
ماما ماما فين بابا هو لسه مش جيه
وقفت لتمسك يدها كي تصعدا للأعلى 
لأ يا حبيبتي ومش هيجي تعالى نطلع فوق يلا
أردفت فريدة بتذمر وحزن 
لأ مش عايزه اطلع عايزه بابا 
تدخلت ميرا بعد أن شاهدت دموعها 
عندي اقتراح أقول ولا إيه يا فريدة
فريدة وهى تبتسم لها 
قولى بسرعه هنروح عند بابا صح
علياء برفض و غيظ شديد بسبب ما يحدث منذ وصولهم 
فريدة خلاص بقى مش معقول كده تعالى نطلع و هلعب معاكي إيه رأيك
تحدثت ميرا وهي تضع يدها على رأسها 
هنخرج سوا أنا وانتى و ماما ايه رايك .. علياء سبيها خليها تتعود علينا
ثم نظرت لعلياء لتهتف بهدوء شديد عكس ما بداخلها .. أجابتها علياء بجدية و خجل 
مش قصدى كده يا ميرا بس مش عايزاها تتعبكم
فريدة وهي تصفق بيدها 
طيب و عمو زين هيجي معانا
أجابت ميرا بابتسامه وهدوء على علياء أولا ثم تحدثت مع فريدة 
مفيش أى تعب بعدين إحنا أصحاب صح يا فريدة .. هاه هو دلوقتي فى الشغل هيخلص ويجي نكون رجعنا قولتي إيه !!
لتهتف بطفوله مما جعل علياء تنظر لها بحزن بسبب فعل جسار لهذا الشيء أمامها 
صح إحنا أصحاب و ماشي يلا بينا بس لو مش جيه أنا مش هكلمه تانى علشان هو كده مش بيحبنى وهيبقي زي بابا جسار
لتجيبها ميرا بجدية وهي تقبلها على وجهها 
لا أكيد هيجي ولو مش جيه نروح سوا له كويس كده
لتمسك يد علياء كي يصعدوا للأعلى لتبديل ثيابها 
أه كويس يلا بينا بقي هطلع ألبس واجي يلا يا ماما
قررت أن تحاول إسعادها فهي طفلة لا يجب أن تعيش فى أجواء سيئة ستفعل أى شيء من أجلها 
يلا يا حبيبتى
ميرا بابتسامة لها 
يلا مستنياكي مش تتأخري
بدلوا ثيابهم و هبطوا للأسفل ليتجهوا مع ميرا لمدينة الألعاب
كانت تسير فى الشوارع وتشعر بالوحده والخۏف لأول مره تشعر بأنها وحيده ليأتيها اتصال من أحد المستشفيات التى قامت بالحجز للكشف قبل حضورها لندن والتى كان موعدها اليوم و نسيت بسبب ما حدث لتتجه للقاء الطبيب رحب بها فى البداية وقام بفحصها ليتجه لمكتبه لتقوم بتعديل ملابسها وتجلس أمامه ليهتف بجدية 
اسمعيني كويس وبلاش خوف أولا المطلوب تكون حالتك النفسية كويسه العامل النفسي مهم 
استمعت لحديثه ويبدو عليها القلق والخۏف ولم تفهم مايقصده 
حضرتك بتقول ايه يا دكتور انا مش فاهمه حاجه 
أردف بهدوء و تنهيدة 
قصدي يا انسه فاطيما أن قلبك تعبان ووزنك الزياده ده عامل إجهاد لعضلة القلب وده طبعا بيزود إجهاد على القلب 
تحدثت بقلق و توتر 
طيب والحل يا دكتور يعنى انا كدا حالتى خطړ ولا ايه 
ابتسم لها الطبيب بود وقال لها وهو يطمائنها 
لا يا انسه فاطيما أنا مقصدتش انى أخوفك أو أقلقك كل الحكايه أحم أنا أسف على الكلام اللى هقوله لحضرتك 
أومأت هى له لكى يكمل حديثه 
أردف يكمل 
كل الحكايه إن وزنك الزياده عامل إجهاد للقلب وده سبب الالم اللى حسيتى به .. علشان الموضوع ما يتطورش لازم تتابعى مع دكتور تغذيه نظبط معاه طريقة اكلنا والوزن ينزل وكدا الأعراض اللى حسيتي بيها هتختفي واحده واحده كل ما الوزن يخف و طبعا هيكون فيه متابعة دورية كل شهر ولو حسيتي بأي تعب فى أى وقت رقمي