رواية فاطمة من 10-15

تروحي أنا كمان مش راحه
اقتربت فريدة منها وهتفت بتوسل
علشان خاطري يا ماما علشان خاطري 
لتتراجع بسبب حديث فاطيما و مشاهدتها دموع فريدة ولكن هتفت بتحذير
طيب خلاص بس مش تتحركي من جنبى يا فريدة وإلا مش هيبقى في خروج تانى خالص
عادت فريدة ل زين و تمسكت بيده
حاضر حاضر همسك في عمو زين على طول على طول
نظرت علياء ل فريدة بغيظ شديد وتحدثت بصوت منخفض
هتمسكي في عمو زين أنا مش عارفه عمو زين ده طلعلي منين
فاطيما بتفهم لقلق علياء على ابنتها
علياء خليهم سوا هو هيتفاهم معاها أكتر مننا بلاش الخۏف ده علشان نتحرك براحتنا
تحدثت باستسلام
طيب ماشي هنطلع نجهز و ننزل على طول
هتفت ميرا بسعادة بعد حصولهم على موافقة علياء بالذهاب معهم
مش تتأخروا أحسن زين يغير رأيه
نزار وهو يتجه للخارج
هجهز العربية مش تتأخروا
فريدة وهي تمسك يد علياء كي يصعدوا و يبدلوا ملابسهم
مش هتأخر هاجي بسرعه بسرعه يلا يا ماما يلا
ميرا وهي تحاول إغاظة فريدة
يلا بسرعة وإلا هقعد قدام
بدلوا ثيابهم و هبطوا للأسفل ليجدوا ميرا تنتظرهم تحدثت علياء بهدوء
إحنا جاهزين
فريدة وهي تبحث عن زين
فين عمو زين انا جاهزه اهو
تحدثت ميرا وهم يتجهون نحو الخارج
بره هو وفاطيما يلا أحسن يمشوا علشان اتأخرنا عليهم
ركضت فريدة للخارج
يلا بينا بسرعه
هتفت علياء پخوف عليها
فريدة بالراحه يا حبيبتي تقعي
ميرا وهي تمزح معها
أنا هقعد قدام استنوني
فريدة بتذمر طفولي
لأ أنا عايزه أقعد جنب عمو زين
علياء وهم يقفون أمام السيارة
فريدة عيب يا حبيبتي تعالى اقعدي معايا ورا
حاولت فتح الباب الأمامي
لا أنا هقعد قدام
ميرا وهي تقف جوارها بعناد
لأ انا
علياء بتنهيدة و إرهاق
فريده مش معقول كده تعالى ياحبيبتي معايا ورا
اقترب نزار منهم وفتح الباب الأمامي ليشير ل ميرا لتجلس فى الخلف
تعالي معايا يا فريدة يلا ورا يا ميرا
فريدة بسعادة وهي تجلس فى الأمام
هييييي شوفتي عمو زين قالى تعالى
تحدثت فاطيما التي جلست في الخلف
خلاص فريدة هتقعد قدام يلا كده هنتأخر
لتهتف ميرا بعناد وهي تجلس في الخلف
طيب هروح الشلال و مش هاخدك معايا
فريدة بغيظ و تحدي
عمو زين هياخدني
كانت علياء تتابع ما يحدث بغيظ شديد لتتحدث بصوت منخفض لم يسمعه أحد
دي نسيت إن ليها أم 
نزار وهو يقبلها على وجهها
أنا هاخدها كل الألعاب يلا خلينا نمشي
فريدة بسعادة
هيييييي يلا بينا يا عمو يلا
وصلوا لتركض ميرا للداخل سريعا متجاهله ندائهم عليها بينما ظلت علياء و فاطيما يجلسون وهم يشاهدوهم ينتقلون من لعبة لأخرى وكانت علياء تفكر فى شخصية زين من يراه مع فريدة يظنها ابنته حقا تعترف أنه شخصية غامضة انقضى اليوم فى سعادة ومرح لتنام فريدة فى السيارة بسبب إرهاقها من اللعب وصلوا ليجدوا سليم فى انتظارهم اقتربت علياء من فريدة لتحملها لكن اعترض زين وأصر على حملها ليصعد لأعلى بعد أن نظر ل علياء بتحذير وضعها فى الفراش ونظر للغرفة بابتسامه هادئة وقرر المغادرة سريعا هبط ليجد ميرا تجلس فى الأسفل مع والدها ليخبرها أنهم سيتناولوا العشاء فى الخارج ابتسمت له بحماس وصعدت للأعلى ليخبر والده أنه سيذهب للقاء أحد أصدقائه أومأ بموافقة ليعود سليم للفيلا الخاصه به 
قرر نزار الذهاب لرؤية كنان لمعرفة حقيقة مرض فاطيما فهو لن يتحمل خسارتها أو حدوث أي شئ سيء معها .. كان يتابع أحد الحالات فى مكتبه لتخبره الممرضه بوجود زين رغم تعجبه من زيارته له لكنه تذكر أحداث أمس ليعلم سبب حضوره ليسمح له بالدخول 
دق الباب ليهتف بهدوء و مرح
مساء الخير يا كنان ولا أقول يا دكتور 
كنان بابتسامة وهو يشير له كي يجلس
مساء الخير لا بلاش دكتور دى قربت انسى اسمي
نزار بتنهيده و قلق
اه .. إنت هتقولي حاسس بيك المهم أخبارك إيه طمني عليك
أردف بهدوء و جدية
أنا كويس إنت أخبارك إيه و مختفي فين
تنهد بتوتر فهو يخشى سماع الإجابة بسبب خوفه عليها
مشاغل كل حاجه فوق دماغي انت عارف المهم كنت عايز أسألك على حاجه
كنان متعجبا من قلقه
أكيد طبعا أسأل أي سؤال
ليتحدث بجدية و رجاء
فاطيما مالها عندها إيه وبلاش تخبي عليا أرجوك 
أراد أن يجعله يهدأ و يمحو التوتر البادي عليه
فاطيما !! وأنا قلت جاي تسأل عليا واضح فيه بينكم علاقة
طبعا جاي علشانك عندك شك وبالنسبه لفاطيما عايز أطمن عليها و علاقة إيه يا عم إنت 
كنان بشك و تحليل لما حدث أمس
نظرتك لها امبارح و طريقة كلامك معاها خلتني أشك بصراحه بعدين فيها إيه يعني ولا إنت من أنصار العود الفرنساوي
نزار پصدمة من حديث صديقه طالما رفض علاقات كثيرة لكنه لا يقيس بمستوى الجمال الخارجي
عود فرنساوي ايه و جنان إيه فاطيما تعتبر أختى أطمن المهم طمني عليها
ليجيبه بمهنية شديدة و جدية واضحه فهو لا يستطيع الإفصاح عن حالة المرضى بسبب القسم الذي ألقاه أثناء تخرجه أن يحافظ على أسرار المرضى
إنت عارف كويس إني مش هقدر أعطيك أي معلومة بدون موافقتها لكن كصديق هقولك إنها محتاجة دعم نفسي وتبعد عن أي قلق
ليتحدث بقلق بسبب خوفه من شيء غامض
أنا عايز تقرير كامل عن حالتها هي عندها إيه 
أردف بتفهم و تعجب بسبب قلقه الشديد فهو نادرا ما يشاهده فى تلك الحالة
عندها مشاكل فى القلب ولو استمرت على العلاج هتكون أفضل بس لازم متابعه كل فترة
تحدث پصدمة فهو يشك فى أمر ما
مشاكل في القلب ! ماشي يا كنان شكرا و أتمنى إنها متعرفش إني عرفت
تنهد كنان بجدية فهو يريد أن يعلم أمرا ما من أجل علاجها
ممكن أنا أسالك سؤال عنها بما إنك تعرفها كويس
نزار بتعجب و قلق
إسأل !!
تحدث بتردد و هدوء
بالنسبه يعني لموضوع وزنها هو ده وراثه ولا إيه علشان علاجها
نزار بتنهيدة حزينة
لأ مش وراثه دي حاله نفسيه للأسف من وقت اللى حصل زمان وقت الحاډثه ومۏت باباها وكل اللى اتعرضتله هو السبب في زيادة وزنها الدكتور قال إن العامل النفسي هو السبب
ليتحدث بجدية و هدوء
طيب أنا محتاج مساعدتك علشان حالتها متطورش عن كده
نزار بتأكيد و جدية
أكيد طبعا أطمن هجيبها دايما ونتابع لغاية لما تخف خالص أنا معنديش أغلى منها و معنديش استعداد أخسرها
تنهد بجدية و هدوء
الموضوع مش متابعه بس يا زين لأ بالعكس المتابعه عامل جانبي لعلاجها لكن المطلوب بلاش تتعرض لأي ضغط نفسي أو زعل مطلوب لها جو هادي فاهمني
أجابه بجدية و تفهم
أكيد طبعا أطمن طول ما هي موجوده معايا يبقي أطمن متقلقش
كنان مبتسما له
تمام وياريت أشوفك تاني قريب
نزار وهو يودعه كي يرحل
أكيد هنتقابل كتير الفتره اللى جايه سلام
غادر وتركه وهو مازال يفكر فى نوع العلاقة بين صديقه و فاطيما لأنه يعلم أن لديه شقيقه واحده و أنه يرفض إنشاء علاقات مع فتيات .. كان يقود سيارته ليعود له هذا الشعور الذى مر به فى السابق ليذهب للنهر فهذا مكانه الوحيد الذى يلجأ إليه حين
يشعر بالاختناق و الخۏف وقف أمامه فترة طويلة ليقرر العوده لهم فهو وعدهم بتناول العشاء فى الخارج 
استيقظت علياء لتجد المنزل هادئا وقررت أن تعد الطعام فالجميع مرهقين بعد أحداث اليوم بدأت تعد الأطعمة بهدوء نعم لقد اشتاقت للأكلات المصرية لتجد ميرا قادمة إليها 
تحدثت بتعجب وهي تشاهد علياء تقوم بإخراج صينيه من فرن البوتاجاز
علياء بتعملي إيه فى المطبخ
نظرت لميرا و أردفت بهدوء
ميرا تعالى هكون بعمل ايه بعمل الأكل أكيد جعانين من الصبح ما أكلناش غير الفطار
وضعت يدها على رأسها بعد تذكرها أنها نسيت إخبارهم
هاه طيب بلاش تكملي علشان هنتعشى بره
مازالت تتابع قلي الدجاج و أجابتها بتعجب
بلاش أكمل إيه أنا يعتبر خلصت خلاص ربع ساعه والاكل هيكون جاهز وبعدين مين اللى هيتعشوا بره
ميرا وهي تجلس على طاولة الطعام الموضوعة فى المطبخ
كلنا يا حبيبتي وبابا كمان معانا
تحدثت بهروب فهي أصبحت تخشى التواجد مع نزار فى مكان واحد
روحوا أنتم أنا مش هقدر أروح وبعدين فريده تعبت من مشوار النهارده ف هقعد أنا وهي نتعشي و نستناكم أو لو اتاخرتم هنام لإني تعبانه أوى ومش نمت لغاية دلوقتى
ميرا برفض و عناد
الاعتراض مرفوض ولا أنادي فريدة و فاطيما يقنعوكي زي الصبح
علياء وهي تجلس على الكرسي بإرهاق
صدقيني مش قادره حقيقي تعبانه و نعسانه اوى بجد وبعدين الاكل اللى اتعمل ده هيروح فين طيب
ميرا بتبرير و تنهيدة
يتحفظ فى التلاجة بسيطه يعني بعدين من بكرة مش هنلاقي وقت نخرج بليز
علياء متفاجأة من إصرار ميرا
خليها مره تانيه طيب وبعدين نبقي نخرج تانى عادي هو الشغل هيبقي اليوم كله
ميرا وهي تضع يدها على رأسها بتمثيل
هنرجع متأخر ده لو الشغل مجاش ورانا هنا
علياء محاوله إنهاء هذا النقاش
طيب ما نتعشي هنا وابقي اخرجي أظن وجودنا مش مهم أوى يعنى اخرجوا انتم و انبسطوا
ميرا وهي تتذكر عناد زين وتفكر أن هذه فرصة جيدة لتقارب علياء و شقيقها
انتى عنيده زي واحد يا حبيبتي خلينا نقرب من بعض ونتعرف على بعض زيادة
علياء بجدية و هدوء
الأيام جايه كتير و هنتعرف أكيد وبعدين ما احنا عايشين سوا أهو في قرب أكتر من كده
انتبهوا لوجود فاطيما التى شاهدتهم يتحدثون فى المطبخ لتذهب إليهم 
بتعملوا إيه هنا !!
علياء وهي تتجه للخارج لتضع الطعام على الطاوله
بحضر الأكل و الانسه ميرا عايزه تتعشي بره
أردفت ميرا باعتراض
فاطيما اقنعيها نتعشى بره زين و بابا جاهزين
أقتربت منها لتقرصها فى وجهها بمزاح
أنا تعبانه وبعدين أنا مش بتعشى أنا بس عملت الأكل علشانكم و علشان فريده
ميرا وهي مازالت على إصرارها
فريدة هتوافق وافقي خلينا نشوف لندن بالليل و جوها
فاطيما بهدوء فهي تريد أن تذهب للخارج للاستجمام قليلا قبل أن تبدأ فى عملها
حبيبتي صدقيني الجو فى لندن مختلف بالليل ونروح اليخت
علياء بتعجب من إصرار ميرا على الخروج
انتي ليه محسسانى انك اول مره تنزلى إذا أن مكنتيش عايشه فيها عمرك كله
علياء وهي تنظر للطعام التي أعدته بحزن
طيب والأكل اللى اتعمل ده
لتجيبها ميرا بتنهيدة
يعني تعتقدى بنت مع اتنين رجاله هتخرج من غير قلق اه أنا عايشه فى لندن لكن الطابع العربي والعادات مسيطرة هنا
ضحكت علياء و فاطيما بقوة على حديثها لتجيبها علياء
ضحكتينى حقيقي بتستغلى بقي وجود اتنين ستات معاكي علشان تنطلقي
ميرا برفض وهي تشير لهم
إحنا ٤ مش ٣ فريدة معانا بعدين يلا بقي وإلا هيغيروا رأيهم
فاطيما من بين ضحكها
معلش أحسن مضطهدة معاهم كفاية عناد بقى فين فريدة
علياء بهدوء و ابتسامة لا تنكر أن وجود ميرا له تأثير كبير عليهم
فريدة فوق نايمه من وقت ما رجعنا
فى وقت سابق وصل نزار و أخبر والده عن خطته لقضاء الليلة ليوافقه الرأي فهو يريد أن يجعلهم يشعروا بالهدوء و أيضا أن يزيل حدة توتر العلاقة بين نزار و علياء ليخبره أن يهيئ نفسه لحين ذهابه للبنات و إحضارهم 
دق نزار