رواية ماضي من 1-5

حاجه كان متبنى.
كان مقرر من أيام الكليه أنه أول ما ربنا يكرمه ويشتغل هيتبنى طفل بس يفضل عايش فى دار الايتام بس هو متبنيه ماديا وبياخدو أيام اجازتو يخرجو ويرجعو تانى الملجأ الطفل ده كان روحو فى سيف أخدو مثله الأعلى فى كل حاجه عندو 9سنوات أسمه عبد الرحمن
سيف أول ما دخل دار الايتام دور وسط الاطفال على عبد الرحمن بس عبد الرحمن كان لمحه من بعيد وجرى عليه وسيف شاله من على الارض وحضنه جامد
عبد الرحمن وحشتنى يا عمو
سيف وأنت كمان وحشتنى جدا
عبد الرحمن أنا جبت الدرجه النهائيه
سيف عرفت أبله قالتلى أنك بقيت شاطر جدا ومقفل كل الدرجات أنا هخرجك النهارده عايز تروح فين
عبد الرحمن الملاهى ممكن ولو سمحت هاخد محمد صحبى معايا علشان نلعب سوا
سيف خد اللى أنت عايزو ويلا بينا
قضو اليوم كله مع بعض ولعبو سوا كان عبد الرحمن كل اصحابه غيرانين منه حتى محمد اللى أخدو معاهم
سيف خلص معاهم ورجعهم دار الايتام رجع لقى صوفيا مستنياه تحت بيته
سيف بتعجب صوفيا أيه اللى جابك هنا
صوفيا بالعربى الركيك مش أنت عطيتنى الكارت االى فيه عنوانك اتصلت كتير وانت مش بترد جيتلك مضايق
سيف لأ أبدا طيب تحبى تقعدى فى مكان بره علشان أنا عايش لوحدى
صوفيا لأ معنديش اعتراض أطلع معاك
سيف أخدها وطلع وساب الباب مفتوح قدملها حاجه تشربها
صوفيا أنا هدخل فى الموضوع على طول تحب تشتغل معانا وتسيبك من الاغبياء اللى انت شغال معاهم
سيف اتفاجأ لأنه كان بيفكر يسيب الشغل لأنه أولا مش طايق يشوف إلين قدامه وكمان جمال ومعاملته اللى اتغيرت رد عليها أنتى فجأتينى الصراحه
صوفيا تقدر تفكر لحد بكره الصبح ويكون فى علمك هتمسك الشركه كلها ﻻن سنيور أنطونيو مش فاضى هيبقى بين هنا وهناك أحنا عارفين قيمتك كويس ونتمنى أنك تبقى معانا
اليوم ده سيف طول اليوم فضل يفكر وأتصل بأمه علشان يحكيلها وهى قالتلو أنها شايفه أنه يروح مع الشركه الاجنبيه وده اللى حصل فعلا تانى يوم راح الشركه وصمم أنه يقدم استقالتو مهم قدملو هارون من اغراءات وزياده فى المرتب بس وراح لجمال مكتبه وكان مدحت وسوزى وإلين عنده
سيف خبط ودخل كلهم انتبهو السلام عليكم أنا بس جاى أسلم عليكو علشان هسيب الشغل
إلين الوحيده اللى بان على وشها الزعل
جمال أنا بتتلكك على أى مشكله علشان تسيب الشغل
سيف تقدر تقول بنسحب فى الوقت المناسب علشان لما نشوف بعض نقدر نسلم على بعض بدل ما تبقى خڼاقه كبيره ونكره بعض
مدحت أنا مكنتش أتمنى تمشى كده يا سيف أنت شاطر وأكيد هتلاقى شغل
جمال أنا شايف أن تصرفك سليم ميه فى الميه بس طبعا الخناق جوه الشغل أكيد هتيجى فرحى أنا وإلين
إلين قامت بنرفزه وسابت المكتب وخرجت بره من غير ولا كلمه
سيف أكيد يا جمال ولو احتاجتنى فى حاجه قبل الفرح أنا تحت أمرك
وخرج من الشركه طول ما هو ماشى مش قادر يفهم إلين أتصرفت كده ليه مش هى وصلت لغرضها ان جمال يخطبها طيب يمكن هى حست بحبه ليها أو مشاعره تجاهها طيب يمكن فعلا بتبادله نفس المشاعر وبتحبه حتى لو مش هيقدر يخون جمال
كلم صوفيا وقالها أنه معاهم واتقابلو أتكلمو فى الشغل صوفيا كانت معجبه بسيف جدا فضلو 3أسابيع يظبطو الشغل هو وهى وانطونيو وأتفقو على كل حاجه
روح اليوم كان تعبان جدا دخل شقتو رمى نفسه على أقرب كنبه بس فجأه لقى الباب ييخبط فتح لقاها إلين
سيف اتفاجأ بيها وقلبه دق جامد أوى وفضل باصص لها ومشاعره كلها متلخبطه هو بيحبها جدا وفى نفس الوقت بيكرهها جدا نفسه يشوفها وفى نفس الوقت مش عايز يقابلها فى حته قرر يسيطر على مشاعره دى واتحولت نظرته ليها لنظره ڠضب
سيف بحزم إلين !!أيه اللى جابك فى حد حصله حاجه جمال كويس
إلين هتكلمنى كده من على الباب
سيف دور وشه ودخل الشقه وهى دخلت وراه
سيف سيبى الباب بعد أذنك وقوليلى جايه هنا ليه
إلين كان صوتها بيترعش أنا فرحى بكره يا سيف على جمال
سيف اتنهد عارف خطيبك اللى هو صاحبى عزمنى
إلين أنا عايزه أعرف أنا عملتلك أيه معاملتك اتغيرت معايا ليه
سيف هو جمال عارف أنك هنا
إلين سيف أرحمنى أنا بحبك فاهم يعنى أيه من أول لحظه شوفتك فيها
سيف قاطعها أنتى واحده مش محترمه
الكلمه دى نزلت ذى الصاعقه على إلين
سيف انتى واحده مخطوبه وفرحك بكره وجايه لواحد عاذب بيته تقوليله بحبك تبقى أيه غير أنك شمال أيه جمال طنشك تانى وجيالى تانى علشان تغيظيه
إلين مش بترد عليه وحست أنها رخيصه أوى أخدت شنطتها ونزلت من غير ولا كلمه
أول ما نزلت سيف مسك الفازه اللى قدامه حدفها فى الحيطه كسرها
فضل يزعق بصوته كله يخربيت الغباء أنا مش عارف أنا كنت معجب بيكى على أيه أطلعى بقى بره دماغى وأخد مفاتيحه ونزل أخد عربيته وساق بسرعه جدا وبرضو مش عارف يبطل تفكير فيها سيف لنفسه بس يا غبى يا غبى بتلعب بيك أنت مش بتفكر فتح موبيله كان عايز يتصل بأى حد يتكلم معاه علشان يبطل تفكير فيها أتصل بفريال فضلت تحكيله على مشاكل أخواته البنات ومشاكل أبوه
فريال مالك يا ولدى أنا بحدثك وانت مش بترد
سيف مفيش شويه مشاكل أنا بس كنت عايز أطمن عليكو
فريال كلنا بخير يا ولدى أنت اللى صوتك فيه حزن الدنيا كلها
سيف أنا كويس ياما شويه مشاكل فى الشغل بس مفيش حاجه مهمه
قفل معاها ولقى نفسه بيكلم صوفيا هو عارف ومتأكد أنها معجبه بيه بس هو مش حاسس نحيتها بأى حاجه
اتصل بيها واتواعدو أنه يروح ياخدها من بيتها ويسهرو فى أى مكان .
دخلو مطعم قريب من بيتها
صوفيا مش من عادتك تكلمنى أو تخرج معايا كله شغل وبس
سيف ليه مش أحنا أصحاب ليه مخرجش معاكى
صوفيا تعرف أيه عيبك أنك أنسان عملى زياده عن اللزوم أدى لنفسك فرصه تعيش حياتك وتخرج وتقابل ناس جديده شوفت لما قابلتنى حصل تغير فى حياتك وشغلك أذاى للأحسن طبعا ولا رأيك أيه
سيف طبعا يا صوفى أنا لو ما قبلتكيش مكنتش عارف هتصرف أذاى
صوفيا عنيها لمعت صوفى أول مره تنادينى ب أنا حبيت كده أوى منك
سيف بصلها وأبتسم خلصو قعدتهم وهو قام علشان يوصلها
سيف أنا مش عارف أشكرك أذاى على أنك وافقتى تخرجى معايا طلعتينى من المود خالص
صوفيا طيب الوقت اتأخر أيه رأيك تطلع معايا نسهر شويه كمان
سيف بعد تردد وتفكير أنه حتى لو روح بيته مش هيعرف ينام من التفكير قرر يسيب نفسه ومايبقاش قفل على رأى كل اللى يشوفه ويطلع معاها
صوفيا أول ما دخلت شغلت موسيقى هاديه وقالتلو أتصرف كأنك فى بيتك وراحت حضرت شمبانيا ومعاها مقبلات وغيرت لبسها لبست فستانى قصير جدا ومثير جدا وطلعتلو كان هو بيقلب فى الموسيقى
سيف أول ما شافها اتفاجأ كانت جميله جدا بفستانها الابيض الميكروجيب وكان ضيق جدا مفسر كل جسمها وشعرها الاصفر اللى سيباه على كتفها وعيوانها واسعه وكأنها حته