رواية ماضي من 1-5

ممكن حضرتك تروحى تحضرى شنطك وتقولى لسوزى كمان
إلين بصت لسيف اللى واقف مذهول
مدحت إلين ممكن تروحى بعد أذنك
إلين مشيت وسابتهم وجمال ومدحت كانو ماشيين
سيف أقف هنا أنت وهو فيه أيه حصل ايه حلمتو بيا أنتو الاثنين
جمال أحنا دخلناك ما بينا وفى ظرف يومين بقيت أكتر من أخونا انما تتجرأ وتاخد حاجه مش بتاعتك تبقى بتحلم انا جمال هارون فاهم يعنى ايه يعنى ممكن امحيك من الوجود
سيف بصوته كله فوق لنفسك وأعرف أنت بتكلم مين لو انت جمال هارون أنا سيف الدين جابر الدهشورى يعنى تفوق لنفسك وتتكلم بأدب
الفلاحين بدؤ يتجمعو وجمال مشى ناحيه البيت بنرفزه
سيف مدحت اقف هنا وفهمنى
مدحت أنت أيه علاقتك بإلين
سيف وأنتو مالكو بإلين
مدحت هى تبقى خطيبه جمال او يعنى هيتخطبو كمان يومين ثلاثه احنا مش عارفين هى بتعمل ايه بتغيظو ولا بتخليه يغير ولا أيه النظام
سيف جذ على اسنانه يا بنت الذينا يا بنت الذينا بس أنا معرفش يا مدحت محدش فيكو قالى
مدحت أظن كده مش هينفع نقعد هنا
سيف مشى ودخل البيت
فريال فى أيه يا سيف
سيف ولا حاجه مشكله بسيطه كده وهنحلها
سيف طلع اوضه جمال خبط لقى جمال فتح وكان شايل شنطه سيف زقه دخلو جوه الاوضه تانى
سيف ادخل وبطل هبل أنا معرفش انها تخصك وربنا معرف ومن اللحظه دى هى أختى انا فرحان جدا بصداقتك ومش عايز أخسرك يا جمال استهدى بالله أنت دلوقتى اللى تهمنى وزعلك يعز عليا
جمال بصله كتير
سيف هاااا اخدت كام صوره متبقاش غلس بقى مكنتش أعرف
جمال سيف أنا بحب إلين جدا بعشق تفاصيلها هى بتخلينى ذى المچنون بتصرفاتها
فى أوضه سوزى وإلين
سوزى أيه شغل الجنان ده ما يفهمونا حصل أيه احنا لحقنا نيجى علشان نسافر
إلين معرفش هو قالى حضرو شنطكو مش عارفه فيه أيه سوزى أنا هكمل نوم ولما تعرفى صحينى
إلين كانت قاعده هتتجنن طيب أيه اللى حصل وسيف ضايقهم فى ايه وفعلا هيمشو ولا هيكملو
باااااك فى الوقت الحالى
سيف كان نايم سرحان فى ذكرياته دى طول الليل لحد ما راح فى النوم اول ما النهار طلع وصحى الظهر على صوت خبط جامد على الباب قام بنرفزه فتح الباب والصداع هيفرتك دماغه
تفتكرو مين اللى بيخبط
هو وإلين هيعرفو يرجعو لبعض تانى ولا لأ
الحلقه الثالثه
سيف كان نايم سرحان فى ذكرياته دى طول الليل لحد ما راح فى النوم اول ما النهار طلع وصحى الظهر على صوت خبط جامد على الباب قام بنرفزه فتح الباب والصداع هيفرتك دماغه
سيف حرام عليكى بقى يا إلين أرحمينى
إلين هو ده اللى قولتلك تبقى عندى بدرى
سيف مشى ورمى نفسه على الكنبه إلين انا مش عايز أحل أى مشكله خلاص مش هاممنى أى حاجه الغالى اللى عندى خلاص راح هبرء نفسى قدام مين
إلين قدام نفسك .
سيف قام اتعدل قدام نفسى انا بكره نفسى وبكره اى تصرف اتصرفتو حتى لو كان قصدى خير بكره حياتى انا بتمنى المۏت فى اى لحظه إلين أرجوكى سبينى فى حالى انا عامل ذى الازاز المكسور اللى هيقرب منى هيتعور انا كنت بحاول أنسى ظهورك تانى فى حياتى قلب عليا المواجع أنا طول الليل سهران والذكريات مش راضيه تسبنى فى حالى
إلين أنا قولتلك مش هسيبك غير لما نعدى مع بعض المرحله الصعبه دى ولما أنت سهران طول الليل والذكريات مضيقاك ليه متصلتش بيا ذى زمان وصلت فى الذكريات لحد فين
سيف لحد يوم ما ظلمتك وصدقت كلام مدحت وجمال فاكره اليوم ده
إلين عنيها دمعت جدا يوم ما اتغيرت معايا فجأه وبقيت بتعاملنى وحش وحتى مدتنيش فرصه ادافع عن نفسى أو افهمك الحقيقه
سيف كنت غبى فكرتك بتلعبى ذى سوزى هما فهمونى كده وانا للأسف صدقتهم فاكره اليوم ده لما كنتى مكسوره أوى وانا خليت أمى تقولى قدامكو انى هتجوز من بلدنا وانها خلاص خطبتلى وانا عملت نفسى فرحان
إلين كنت بحبك أوى ساعتها واټصدمت جدا
سيف ضحك أصل امى كانت خاېفه منكو بنات البندر وفضلت تقولى انت حاطط عنيك على إلين وانا ساعتها قولتلها ريحى نفسك دى خطيبه جمال والتانيه خطيبه مدحت وعلشان تتأكد قالت قدامكو كده
إلين أنا ساعتها انهرت فى الاوضه محدش حس بيا غير سوزى وكنت مستغرباك أوى أنت لسه معترفلى الصبح أن فى مشاعر من نحيتى
يلا بينا بقى فى ناس مستنينا ومدياهم ميعاد
سيف ناس مين ممكن أعرف ولا مليش أى رأى
إلين محامى اسمه السيد عبد الوهاب بس عقر هيجيبلك حقك تالت ومتلت
سيف لأ أنا كنت عند أكبر محامين ومحدش فيهم فادنى
إلين ده مش كبير ده ذكى وبجد هتيجى معايا علشان خاطرى ممكن ولا هتكسر خاطرى ذى كل مره
الكلمه دى وجعت سيف أوى وافتكر كام مره كسر بخاطرها برغم أنها أكتر واحده بتحبه وأكتر واحده هو بيحبها
سيف خلاص يا إلين هاجى معاكى بس لو فشلنا المره دى انسى خالص الموضوع ده
إلين أخدتو وراحت بيه للمحامى فى حته شعبيه جدا وتقريبا أول مره هو وهى يدخلو المكان ده
سيف أنتى مين قالك على المكان ده
إلين دول ناس اصحابى اتعرفت عليهم وهعرفك عليهم هما جدعان جدا ومستعدين يساعدونا
دخلو للمحامى فضل سيف يحكيلو حكايته بكل التفاصيل
المحامى بص يا سيدى اللى فهمته ان ده مغرز معمولك علشان المشروع اللى كنت داخله صح
سيف صح
المحامى وعلشان كده يبقى حد من المنافسين ليك هو اللى عمل كده
سيف دول أكتر من 30شركه هعرف مين فيهم اذاى
المحامى دى بقى وظيفتى انا هعمل تحرياتى وهشوف أيه النظام ماشى اكتبلى كل تفاصيل حياتك وانا هبحث واحقق بمعرفتى
سيف كتبلو كل التفاصيل اللى هو عايزها واداله الورق اللى هو عايزه وقام هو وإلين مشيو
سيف تفتكرى هيقدر يعمل حاجه
إلين الغريق بيتعلق بقشايه احنا بنعمل اللى علينا والباقى على ربنا
سيف مين بقى اصحابك اللى هتعرفينى عليهم
إلين الأول نعرف مين اللى ورا كل ده وبعدين اعرفك عليهم
وصلتو لحد البيت ومشيت هى كانت محتاجه تبقى لوحدها شويه قربها من سيف ذى ما بيفكره بذكرياته بيقلب عليها المواجع وصلت لحد بيتها بس فضلت قاعده فى العربيه ورجعت ليوم ما سيف اتغير معاها
فلاش باااااك
الين كانت مڼهاره فى العياط فى الاوضه فوق وسوزى قاعده حضناها جامد
سوزى أنا مش قادره افهم هو عمل كده ليه انا هنزل اسأله
إلين لأ لا هتبقى صحبتى ولا اعرفك لو اتكلمتى معاه فى حاجه هترخصينى أكتر ما أنا رخصت نفسى معاه
سوزى ما أكيد حاجه غيرتو معاكى انتى كنتى بتقولى أنه الصبح قالك أنه معجب بيكى وكنتو كويسين بعد كده جه جمال ومدحت ممكن قالولو حاجه
إلين ما أنتى سألتى مدحت وقالك لأ وانهم كانو قافشين علشان حاجه فى الكليه ممكن تقولى لمدحت أننا هنمشى بكره الصبح بدرى لأنى بجد تعبت
سوزى أوك هقوله أكيد
وفعلا الصبح بدرى كانو جاهزين كلهم سيف ودعهم وكان متجنب اصلا أنه يبص ناحيه إلين لسببين أنه خاېف يبصلها يبان حبه ليها فى عنيه وأحتمال جمال يلاحظ والسبب التانى أنه مش عايز يشوفها وهى عنيها دبلانه ومكسوره