رواية ماضي من 1-5

حاجه
سيف ماشى يا ستى انا اتفقت مع جمال انكو هتيجو معايا فى العربيه ومدحت وسوزى مع بعض
إلين اتنهدت ماشى يا سيف انا ممكن اروح مع سوزى وتعالى انت وجمال لوحدكو
سيف اااااه شكلك زعلانه يا منى يا من جمال صح
إلين لأ أنا برتاح أكتر فى عربيه مدحت
قفلت مع سيف وبصت لسوزى أنا هاجى معاكو بكره مش عايزه أروح معاهم
سوزى أوك براحتك
إلين سابتها ومشيت روحت
سوزى راحت لمدحت لقت جمال كمان روح
مدحت ايه عرفتى متنكده ليه صحبتك
سوزى مش هتتخيل أن إلين بتحب سيف
مدحت بنرفزه سيف!!!وجمال اللى ھيموت عليها
سوزى مش شيفاه هى أصلا وعمرها ما حست بيه وعلى فكره سيف كمان بيحبها
مدحت لأ طبعا اللى أنتى بتقوليه ده مش هينفع عقلى صحبتك
سوزى هتعمل أيه يعنى هتجوزها جمال بالعافيه
مدحت كله منك أنتى السبب أنتى اللى دخلتيه ما بينا مكنا حلوين
سوزى يا سلام انا اللى بقيت غلطانه دلوقتى ولما تشوفه أنت وجمال بتبقى صحابو جدا
مدحت هو كويس وجدع ومحترم بس لو هختار ما بينه وبين جمال أكيد جمال طبعا
سيف روح فضل يجهز فى حجاته وشنطه وروق شقته علشان هيسيب الشقه مده طويله وكلم باباه قاله أنه جاى هو وأصحابه وباباه ومامته رحبو جدا بيهم سيف كلم جمال واتفقو أن جمال هيعدى عليه الصبح ومدحت أتصل بإلين واقنعها انها تيجى معاهم مفكر أنه كده هيبعدها عن سيف تانى يوم الصبح سيف نزل لقى جمال مستنيه حطو الشنط فى العربيه
جمال ما شاء الله دى عربيتك
سيف أه
جمال مكنتش متخيل أنها حلوة
كده قولت أكيد عربيه مهكعه لكن اودى موديل السنه دى مش متوقع بصراحه علشان كده خاېف عليها ومش بطلعها
سيف ضحك الصراحه أه بخاف عليها جدا بحبها يا عم عربيتى حبيبتى
وقفو استنو مدحت وسوزى
جمال مدحت قالى انهم هيعدو ياخدو إلين وهيجو
فضلو مستنين شويه وجم وبدء طريق السفر على الطريق جمال وسيف مبطلوش كلام كانو نفس التفكير ونفس الاهتمامات
جمال ده بابا لو عرف أنى جاى معاك هيزعل أوى
سيف ليه يعنى هو مش عايزك تروح بلدك
جمال لا ده كل مره بيتحايل عليا أروح وانا مش بحب الصراحه أروح
سيف أمال جيت معانا ليه
جمال لا الخروجه مع الصحاب حتى لو هنقعد على الرصيف هتبقى حلوة
سيف أه طبعا
فى عربيه مدحت بيتكلم هو وسوزى وإلين مش بتنطق خالص
لحد ما وصلو لاستراحه فى نص الطريق ونزلو كلهم من العربيات وقعدو يشربو حاجه
سيف بص لإلين بومبا كشړ لسه مكشر من امبارح ليه
كلهم ضحكو حتى إلين ضحكت
إلين انا مش مكشره والله عادى
جمال أيه قرفوكى طبعا معاهم طول السكه عصافير الحب وهو وسيف ضحكو عليها
إلين دخلت تجيب حاجه من الكافيتريا ومدحت كان بيتكلم مع جمال سيف قام راح لها كان واقف وراها وهى بتشترى شاى بتلف علشان ترجع لقيتو فى وشها اټخضيت ونطت وشويه من الشاى جه على اديها لسعها وهى صوتت بصوت واطى سيف مسك من اديها الكوبايه بسرعه وهى مسحت اديها
سيف أنا اسف والله مش قصدى اخضك
إلين أنت جى تطلب حاجه
سيف لأ جايلك انتى عايز اعرف مالك وفين شقاوتك وأيه كميه الحزن اللى فى عينك دى
إلين بصيتلو سيف وسكتت تانى
سيف بلهفه اتكلمى فيه أيه
إلين هو أنا بالنسبالك أيه مش عايزه ابقى هايفه يس عايزه أعرف
سيف لسه هيتكلم بس مدحت لاحظ انه واقف مع إلين لوحدهم وقام راح لهم
مدحت ايه مش يلا بقى علشان نلحق نوصل
إلين انا هروح مع سيف
وفعلا كلهم قامو وإلين ركبت مع سيف وجمال لحد ما وصلو
أهل سيف كانو منتظرينهم ورحبو بيهم جدا بس فجؤو بأن فى بنات معاهم سيف عرفهم على أهله ودخلو بيتهم وكان البيت كبير جدا وسط أرض واسعه
فريال يا مرحب يا مرحب نورتونا
جمال ده نورك ياحجه
فريال أنتو كلكو مهندسين ذى سيف ولدى
مدحت أن شاء الله النتيجه تطلع بس ونبقى مهندسين كلنا الخدم اخدوهم وصلوهم اوضهم
فريال شدت سيف من ودانه بعد ما دخل اوضته
سيف أى اااااااى فيه أيه طيب عملت ايه
فريال هما دول صحباتك عايز تفرج علينا أهل البلد
سيف مالهم بس دول محترمين والله جدا
فريال قلبى مش مطمنلك اما نشوف الاحترام ده
سيف خرج وقابلهم بره قعدو اتغدو واخدهم يفرجهم على الاراضى واسطبل الخيل لحد بليل كانو مجهدين جدا وراحو اتعشو وطلعو على اوضهم
سوزى ها وصلتى لأيه مع سيف
إلين أنا هعترفلو بكل حاجه وهقوله بحبك واللى يحصل يحصل
سوزى يا مجنونه طيب افرضى قالك لأ مثلا هترضى بجمال
إلين نامى يا سوزى أنا مش هرضى بجمال لو انطبقت السما على الارض
تانى يوم الصبح إلين فاقت بدرى جدا ونزلت تتمشى شويه سيف كان سهران مع مدحت وجمال بس صحى بدرى بص من الشباك لقى إلين بتتمشى نزل يتكلم معاها علشان يكملو كلامهم
سيف صباح الخير يا قمر
إلين ضحكت صباح النور يا سيف
سيف وحشتنى ضحكتك دى على فكره
إلين بجد !
سيف أه يا ستى بجد كنت حاسس انك مسافره مثلا ولسه واصله دلوقتى ووحشنى كمان الكلام معاكى بليل فى التلفون نمتى كويس بليل
إلين محستش بنفسى
سيف كنتى بتقولى أيه بقى امبارح
إلين مش هكرر كلامى رد أنت بقى
سيف أنتو كلكو دخلتو حياتى فرحتونى جدا ومدحت وجمال وسوزى بقو أكتر من أخواتى
إلين جمال ومدحت وسوزى امممم تصدق فعلا هو ده سؤالى
سيف أنتى طبعا غيرهم أنا عايز أفضل معاكى طول الوقت قلبى بيدق جامد وأنا معاكى ولما بتيجى سيرتك
إلين أيه
سيف ببقى مش عايزها تتقفل
فريال ويونس كانو صاحين وشايفين سيف
يونس مين دى ياما اللى مع اخويا
فريال ربنا يسترها على أخوك بيقولى زمايلى بس قلبى مش مطمن أخوك مش هيتجوز غير من بلدنا واحده تصونه مش ذى دى
يونس بس دى حلوة أوى ياما سيف برضو ذوقو حلو
فريال أيه اللى حلو فيها
يونس دى حرام عليكى بالذمه فى حد فى بلدنا عسل كده دى ذى الملايكه
فريال اتكتم بقى واصطبح على الصبح دى كل حاجه فيها صناعى انما بنات بلدنا جمالهم طبيعى
مدحت كمان صحى وبص من الشباك لقى سيف وإلين بيتمشو مع بعض وقريبين أوى من بعض قرر يصحى جمال ويلمحلو
جمال فى أيه يابنى حد يصحى حد كده
مدحت زقو وقعو من السرير أتفضل قوم بص معايا من الشباك
جمال قام معاه فى أيه يا حيوان على الصبح
مدحت أتفضل الباشا حط عنيه على سوزى ولما وقفتلو حط عنيه على إلين
جمال لأ أكيد سيف مش هيعمل كده
مدحت خليك أنت كده طيب لحد ما يخطفها منك وعلى فكره دى مش اول مره يبقو مع بعض كده وانا بحاول ابعدهم عن بعض ماشوفتش انها كانت عايزه تسافر معاه لوحدهم ولما لقيتك معاه قالت أنا معاكو
جمال يظهر أننا غلطنا لما جينا هنا انا هنزل دلوقتى أقولهم اننا ماشين
جمال نزل ومدحت وراه كان سيف وإلين وصلو الاسطبل إلين خاېفه تأكل الحصان وسيف ماسك اديها بيساعدها تأكله
مدحت وجمال دخلو الاسطبل
سيف بصلهم وأبتسم صباح الخير يا شباب ثوانى وهخليهم يحضرو الفطار
جمال بص لإلين بنرفزه لأ ملوش لزوم أحنا ماشين دلوقتى
سيف استغرب نعم! فى أيه حصل حاجه
جمال لأ محصلش