رواية ماضي من 1-5

أيه بس يا بنتى ايه اللى حصل
إلين بيفتحلى موضوع جمال تانى وانا مش طيقاه
ليلى وفيها أيه ماله جمال وسيم وغنى وهيعيشك فى نفس مستوانا
إلين مش هتجوز بالطريقه دى انا مش بحبه
ليلى وفيها أيه ما أنا وأبوكى اتجوزنا كده وعايشين عادى ما موتناش
إلين هو انتى بتسمى دى عيشه
ليلى انا مش فايقه لفلسفتك على الصبح مش كفايه صحتينى بصوتك وانا مش شبعانه نوم وهتخلينى اروح النادى وانا متعكننه وسابتها وطلعت اوضتها تجهز نفسها للنادى
إلين تصدقى عندك حق أنتو عيله ما تتعاشرش اصلا
جمال ومدحت وسوزى فضلو فى الكليه طول اليوم
مدحت هى إلين لسه منفضالك
جمال مش عارف اعمل معاها أيه اهتمام واهتميت قولتلى سيبها وأهملها وأدينى هاملها وهى منفضالى
مدحت بس هى معاملتها اتغيرت معانا كلنا
جمال ايوه من ساعه موضوع الخطوبه ده وهى اتغيرت تعرف قلبى حاسس ان لو مكنش فى شركه مبين ابوها وابويا كان زمانها وافقت بيا عادى
سوزى ماأعتقدش إلين بتحبك ذى ما بتحب مدحت حب اخوه كده وبس
جمال هى قالتلك كده
سوزى لأ طبعا انا استنتجت بذكائى
مدحت والنبى خلى استنتاجاتك على جنب احنا مش عارفين نتصرف اذاى دلوقتى يعنى يبعد ولا يقرب ولا أيه
عند سيف فى البيت حاول يذاكر معرفش قرر ينزل الجيم شويه علشان يفكر فى حاجه تانيه وبعدين يرجع يذاكر قبل ما ينزل اتصل بوالدته الحاجه فريال كان ليها مكانه خاصه وسط العيله هى اللى جابت الولاد سيف وأخوه يونس فكان ابو سيف بيفضلها على مراتاته الباقين
سيف أيوه ياما
فريال ايه يا حبيبى بقالك يجى يومين غايب ومش بتتصل
سيف الامتحانات والله ياما أبوى عامل ايه
فريال بخير يا ولدى
سيف وأخواتى البنات كلهم كويسين
فريال كلهم بيسلمو عليك
سيف والمفعوص الصغير أخوى بخير
فريال والله بخير مش طالعلك مش بيحب المذاكره ولا العلام
سيف سجط تانى فى الثانويه
فريال ايوه خلاص بجى هنجعدو من العلام
سيف خير ياما علشان يمسك أراضى أبوى اللى كل شويه يجولى لزمتها أيه الهندسه كنت خليك تمسك أراضى أبوك يونس بقى فيه الخير
فريال ضحكت الله يحظك يا سيف هى دى حاجه فيها هزار
سيف يونس جدع وهيسد
فريال أنت عامل أيه وصحتك بتاكل كويس متقديش حياتك كلها مذاكره وتنسى الوكل
سيف والله ياما باكل وبشرب وبعمل كل حاجه ما تجلجيش
فريال هترجع أمتى
سيف لأ لسه بدرى لسه مناقشه مشروع التخرج
فريال على خير يا ولدى بعون الله
سيف قفل معاها ونزل راح الجيم ورجع فضل يذاكر لأخر امتحان
رجع تانى للواقع اللى هو فيه على صوت إلين وهى بتناديه
إلين سيييييف روحت فين أنت مش معايا سرحان فى أيه
سيف سرحت فى أول يوم أكلت فى كشرى هنا يوم ما قابلتكو تفتكرى لو مكنتش قابلتكو كان حصلى كل ده
إلين ياسيف اللى حصلك ممكن يحصل لأى حد وده كان مكتوب هتعترض على أمر ربنا
سيف مش حكايه اعتراض بس تفكير كان ايه اللى هيحصل لو مكنتش قابلتكو ممكن مكنتش هشتغل أو هرجع لأهلى وأمسك شغل ابويا بس كنت هعيش طول عمرى مرفوع الراس بدل ما أنا عايش دلوقتى مش قادر ارفع عينى فى وش حد
إلين ما أنا قولتلك جايه أقف معاك ونرجع حقك وأن شاء الله كل حاجه هترجع لطبيعتها
سيف أيه بقى اللى هيرجع هترجع بنتى اللى ماټت بين اديا ولا هترجع حياتى اللى باظت ولا يمكن هيرجع أهلى يكلمونى تانى ولا شغلى اللى خسړتو ولا أسمى ولا سمعتى أيه بالظبط ممكن يرجع فيهم
إلين يا حبيبى متحملش نفسك اكتر من طاقتها أنت اللى حصل كان مقدر أنه يحصل أنت ملكش ذنب فى كل ده اللى حصلك أختبار من ربنا أبتلاء وكل حاجه هتتحل بأذن الله
سيف حبيبك!! أنتى لسه بتحبينى بعد كل ده تبقى هبله
إلين اه يا سيف لسه وواثقه انك لسه بتحبنى بعد كل ده
سيف سند راسه على الحيطه وراه وهيسرح تانى بس إلين نادتو
إلين أييييه لسه هتسرح تانى أتفضل يلا أروحك وبكره الصبح بأذن الله عندنا ميعاد مهم هعدى عليك اخدك وأيه علبه السجاير اللى ملزماك دى مكنتش بتشرب سېجاره حتى
سيف قام وقف أهى بقت صحبتى العلبه دى مش بتتخلى عنى أى وقت بعوزها بلقيها جنبى يلا بينا علشان عايز أرجع أنام
إلين وصلته لحد البيت وقالتلو يجهز الصبح بدرى علشان ميعاد مرضيتش تقوله عليه.
الحلقه الثانيه
سيف طلع بيتو فى الهدوء القاټل اللى عايش فيه حاول ينام بس ذكرياته مش سيباه فى حاله سرح تانى فى أخر أمتحان وهو نازل من البيت لقى إلين مستنياه بعربيتها تحت بيته وأول ما نزل قربت بالعربيه
إلين صباح الخير يا بشمهندش
سيف باستغراب صباح النور
إلين أصل انا نزلت بدرى وكنت معديه من هنا قولت أعدى عليك أخدك بدل ما تتعب
سيف لأ مفيش تعب ولا حاجه دا هو شارع
إلين يلا أركب متبقاش قفل كده
سيف ركب معاها العربيه وبرغم أنه كان نفسه يقابلها تانى كان مستغرب من تصرفاتها
إلين هما كل الصعايده ذيك كده ولا أنت بس اللى قفل
سيف هو كل بنات بحرى بالجرائه دى ولا أنتى بس
إلين الكلمه دى وجعتها جدا ووشها اتغير ومارديتش عليه وفضلت طول السكه ساكته وبتفكر أنها رمت نفسها عليه
سيف حس انه ضايقها بس مش عارف يراضيها أذاى
سيف ذاكرتى كويس
إلين هزت راسها ايوه
سيف تحبى اراجعلك
إلين لأ ملوش لزوم أنا راجعت قبل ما أنزل من البيت واصلا مفيش وقت يادوب نوصل وندخل الامتحان على طول
سيف حس بصوتها بيترعش واتخنقت جامد
سيف أنا أسف يا إلين مكنش قصدى ولأ ياستى مش كل الصعايده كده أنا بس اللى دبش ما تزعليش منى
إلين بصيتلو وهى سايقه
سيف لأ هنعمل حاډثه على اخر امتحان مش ناقصه هى
إلين ابتسمت ما تخافش وصلنا أصلا يلا
نزلو وكان مدحت وسوزى وجمال مستنينهم قابلوهم سلمو عليهم ودخلو امتحانهم سيف فصل دماغه خالص عن صوره إلين اللى مش مفراقه تفكيره وحل امتحانه بعد الامتحان سلم ورقتو وخرج قرر يروح جرى لإلين يطمن عملت أيه إلين خرجت بره اللجنه لقيتو واقف مستنيها فرحت أوى مع أنها زعلانه لأن الامتحان كان صعب
سيف عملتى أيه
إلين ربنا يستر مش عارفه عملت أيه
سيف أمال الابتسامه دى من أيه ولا شړ البليه ما يضحك إلين ممكن كده برضو
فضلو يراجعو مع بعض الامتحان لحد ما نزلو يقابلو اصحابهم
مدحت محدش يراجع معايا أنا شايل الماده دى
سوزى افضل انت كل امتحان قول كده ونطلع كلنا مقبول وتطلع أنت بأمتياز
جمال ده قر علنى ربنا يستر عليك يا صديقى
إلين أكيد هنخرج النهارده محدش ليه حجه خلصنا خلاص
جمال أنتى عايزه تروحى فين ومن عنينا جمال كان بيكلمها بكل رقه وحب باينه فى عنيه بس إلين قررت توجه كلامها لسيف
إلين ممكن سيف هو اللى يقرر المره دى علشان نرحب بيه فى شلتنا
سيف تعالو نروح مطعم أنا عارفه هيعجبكو وبعدين ندخل سينما بس فيلم أجنبى مليش فى العربي
سوزى هتعمل ذى إلين لازم أجنبى يا أما تزعل وماتدخلش معانا
مدحت ممكن نتقسم اللى عايز عربى يدخل واللى عايز اجنبى يدخل علشان محدش يرخم على حد
خرجو مع بعض وراحو اتغدو