رواية ماضي من 1-5

حاجه أنا برضو خسړت نفسى والدنيا مسوده فى وشى ميغركش أنى بفضل أهزر معاك علشان أطلعك من الكئابه اللى أنت فيها وأنا من جوايا بمۏت فى الدقيقه ألف مره
سيف طيب بس أهدى أهم حاجه عندى دلوقتى أننا مع بعض سوقى العربيه ورانا عربيات بتصوت الناس هينزلو يضربونا وأنا مش هقدر على كل دول دورى العربيه يا لولو ربنا يهديكى يارب
إلين مشيت بالعربيه وسط شتيمه مبالغ فيها من باقى العربيات
سيف طلع أيده من الشباك وضحك وبدء يعمل باى باى للناس اللى بټشتم ربنا يسامحكو جميعا
مرتاحه كده شتمو من أكبر لأصغر فرد فى عيلتى وعيلتك
إلين ضحكت أنا شيفاك مبسوط وبتشاورلهم كأنك نازل الانتخابات
سيف هيضربونا يا أمى
مشيو راحو قعدو على الكورنيش
سيف هو مقليش انه ابوكى على فكره يعنى جايز يطلع مظلوم قالى يا هارون يا على
إلين على فكره أنا أكتر واحده ممكن افيدكو متنساش أنى أقدر أدخل الشركه ولا حد هينطق معايا سيف أنا عمرى أنا عارفه أنى موثقتش فيك قبل كده بس ممكن أنت تثق فيا المره دى
سيف حاضر بس متسألنيش هتصرف أذاى ولا وصلت لأيه ولما هطلب منك حاجه تعمليها هبقى أقولك تفصيل الحاجه
دى وبس متطلبيش أكتر من كده
إلين الكلام ده لحد ما تثق فيا
سيف أنا دلوقتى مش بثق فى حد ده حتى أمى اللى أنتى عمرك ما هتبقى فى غلاوتها مش هثق فيها لأنهم باعونى بالرخيص ولا كأنها تعرفنى
إلين حط نفسك مطرحهم أنتو صعايده وحاجه ذى دى زلزلت البيت عندكو أتهامك فى قضايا من النوع ده غريب عليهم برضو أنت ما حاولتش تكلمهم بعد ما القضايا سقطت عنك
سيف حاولت وقفلت السكه فى وشى ومن ساعتها ما حاولتش تانى بس من فتره للتانيه بتصل من أى سنترال أسمع بس صوتها علشان أطمن أنها لسه عايشه وأقفل
إلين بس أنت كنت مرتبط بمامتك جدا عن أبوك
سيف جدااااا برغم أنها صعيديه وتعليمها على أدها بس كانت بتقعد وتسمعنى وتقدر اللى حاسس بيه وتنصحنى وأنا كنت باخد بنصيحتها كنا أصحاب جدا
إلين طيب وباباك
سيف لأ الأراضى والشغل والاسطبل شغلين دماغو بس ده عادى يعنى هو الأب بيبقى جامد عن الأم كده برغم أنى كنت بشوف فى عيون أبويا حنيه الدنيا كلها بس اللى بيبينه بس القسۏه هو فاكر أنه كده هيطلعنا متربين
إلين يابختك أنا ولا أب ولا أم انا عندى داده وأخويا محمد أحنا ربينا بعض وهو أول ما شد حيله بابا سفره يكمل دراسته ويرجع بس هو ما صدق فلت من أيد بابا مجاش تانى
......
فى سوهاج
جابر دخل لقى فريال قاعده جنب التلفون وحاطه أديها على خدها
جابر هتفضلى حزينه كده على طول هتموتى نفسك
فريال هو اللى ضاع فرسه من الاسطبل ولا بقره ده أبنى البكر
جابر مش هو اللى ضيع نفسه ولا أحنا
فريال بس أنا متأكده أنه مظلوم وأننا كان مفروض نقف جنبه
جابر هو حدثك تانى النهارده
فريال لأ معدش بيتصل بقاله أكتر من سنه
جابر طيب أقفلى السيره الهباب ديه أحنا ما صدقنا أجواز البنات نسيو والڤضيحه هديت شويه
فريال نفسى أشوفه حاسه أن ربنا هيفتكرنى وانا مشفتوش
جابر بنرفزه ولا لو خطى خطوه واحده فى البلد لكون جاتله بنفسى
فريال خلاص يا حج خليه عايش بعيد بس عايش
.........
فى بيت على
على رجع العصر علشان يقابل ليلى قبل ما تنزل
ليلى بأستغراب على !أيه اللى جابك ده مش ميعاد رجوعك
على وأنتى هتقوليلى أرجع بيتى أمتى أنا جاى ألحقك قبل ما تنزلى
ليلى وهى بتحط مكياج وباصه فى المرايه ليه خير فى حاجه
على بنتك مش هتجيبها لبر راحت للولد اللى أسمه سيف وهى وهو بيزنو على خړاب عشتهم
ليلى سيف مين ورمح مين ما تتكلم من غير ألغاز
على ما أنتى نايمه على ودانك مفروض بنتك تبقى وسطنا هنا
ليلى ضحكت بصوت عالى وسط مين ليه هو أحنا أصلا عايشين هنا سيبها فى المكان اللى تحبه كفايه كاتم على نفسها لحد كده
على أنا سايبها بس هى اللى بتدور ورايا هى والزفت اللى معاها وأكيد مش هسكتلها روحلها وعقليها أحسنلها
على خرج وليلى كملت المكياج وهى ساكته ونزلت
.....