رواية ماضي من 1-5

كده
وصلو القاهره
فضلت إلين يومين قاعده فى أوضتها مش بتخرج منها سرحانه طول الوقت وبتحاول تراجع الاحداث يمكن تلاقى حاجه زعلتو منها بس مش لاقيه بعد يومين أمها حست بيها وقررت تدخلها
ليلى حبيبتى مكتئبه ليه مش كنتى مع اصحابك بتتفسحو
إلين أبدا يا ماما كنت بفكر شويه
ليلى يارب تكونى بتفكرى فى جمال الولد مؤدب واخلاق وابن ناس وشاريكى وهيشيلك جوه عنيه يعنى حد ذى ده بيحبك كده ترفضيه
إلين مش حاسه نحيتو بأى حاجه يا ماما والله
ليلى علشان مش مدياله فرصه يقرب منك جربى بس ومش هتندمى
إلين حاضر يا ماما علشان أخلص من الزن
ليلى ده أبوكى هيفرح أوى هقوله يحدد ميعاد مع هارون
إلين كانت عارفه ان اللى بتعملو ده غلط بس كان تفكيرها مشتت وفى نفس الوقت عايزه تورى سيف اللى بيتغر عليها أنها ممكن تاخد اللى احسن منه وانه مش هاممها مكنتش تعرف ان بموافقتها هتأكد المعلومه اللى عند سيف
على اتفق مع هارون يجو تانى يوم على طول قبل ما إلين تغير رأيها .
هارون وجمال وصلو عندهم وإلين قابلتهم بس مفيش أى فرحه فى وشها حاسه أنها مغيبه عن الوعى
هارون أحنا اشترينا واحنا جايين حاجه بسيطه تليق بمقامك يا على بيه خاتم سوليتير لعروستنا وده مش شبكتها الشبكه هتنزل تنقيها على ذوقها
إلين انا طلبت قاعده تعارف بس لسه شبكه أيه ومهر أيه
جمال وده هديه للتعارف اعتبريها قرايه فتحه بسيطه
إلين كانت لسه هتتكلم بس على بصلها جامد
على ده أحنا نتشرف طبعا بيك يا هارون بيه ويشرفنى أن جمال يكون جوز بنتى وأبنى التانى قوم يا جمال لبس عروستك الخاتم
وبالفعل جمال قام ولبسها الخاتم وكانت إلين مخضوضه من السرعه اللى هما فيها
على قوم يا عريس خد عروستك وأقفو فى الفراندا
هارون أيوه علشان ورانا شغل نتكلم فيه انا وعلى بيه
قام جمال وإلين وقفو مع بعض
جمال أنتى مش مبسوطه يا إلين
إلين مش حوار مش مبسوطه بس مخضوضه انا اصلى طول عمرى بفكر فيك ذى محمد اخويا وبس فكنت عايزك تحاول تتقبلنى وفكرتى واحده واحده هتتغير
جمال مسك أديها أوعدك أن هغيرلك الصوره دى خالص وهخليكى تحبينى ذى ما بحبك واكتر
إلين ابتسمت بس من جواها خاېفه وحاجه بتقولها اجرى وسيبى كل حاجه وراكى واهربى بس اكتفت بالابتسام وده ريح جمال جدا اللى اتصل وهما واقفين مع بعض بمدحت وقاله انهم قرو الفاتحه وكان طاير من الفرحه وهو بيكلمه وكلم سوزى وبعدين كلم سيف
إلين خلاص هتكلم مين مش كلمت مدحت وسوزى
جمال لا لسه هكلم سيف افرحه
إلين قلبها كان هيقف لما قال كده بس عايزه تعرف رد فعله
إلين طيب أنت بتفرح معاهم لوحدك افتح الاسبيكر علشان اسمع
سيف أيه يا جيمى عامل أيه
جمال عامل مفجأه هتفرحك اوى
سيف خير
جمال أنا قريت فتحتى على إلين
سيف سكت شويه يستوعب اللى سمعه
جمال الو يا سيف روحت فين
سيف ألف مبروك يا جيمى والله فرحتلكو لو إلين جنبك قولها ألف مبروك ربنا يتمملكو بخير
جمال ما هى سمعاك قولها بنفسك
سيف الف مبروك يا لى لى ربنا يتمملك بخير وتعيشى متهنيه
إلين اضايقت أنه نادى عليها لى لى لأنها كانت بتحب الدلع ده منه بس دلوقتى بعد تخليه عنها ملوش حق ينادى عليها كده
إلين الله يبارك فيك عقبالك يا سيف
قفلو مع سيف وهى مسكت موبيلها وكتبتله رساله 'بعد أذنك انا دلوقتى مخطوبه لواحد وبحبه وبيحبنى والدلع ده مش من حقك تنادينى بيه تانى لأن خطيبى بيغير عليا'
كانت عايزه تغيظه بأى شكل متعرفش أنها بتبعده عنها وبتخلى كرهه ليها يزيد
بعد شهرين على وهارون اتفقو على المشروع اللى داخلينو سوا وجمال اشترط على باباه أنه يشتغل فى المشروع ده هو واصحابه مدحت وسوزى وسيف وإلين
من أول يوم فى الشغل والكل لاحظ تميز سيف وأنه مهندس شاطر جدا واعجب بيه على وهارون وكانو بيوكلو بشغل أكتر من الباقى وهو بيسد فى أى شغل لدرجه أن هارون رقاه هو وخلاهم كلهم يسمعو كلامو ودى حاجه دايقت جمال جدا
مدحت مالك يا عم فرحك كمان شهر بالظبط مضايق ليه
جمال يعنى أنت مش شايف اللى أكل مننا الجو
إلين بس الحق يتقال هو أشطر واحد فينا ويستاهل
جمال بس برضو ما ينفعش يبقى أعلى منى ده بابا زودلو مرتبه ل 12000فى الشهر غير انه خلانا كلنا نسمع كلامه
إلين لو مينفعش يبقى أعلى منك يبقى ما ينفعش يبقى أعلى منى أنا كمان لأنى ذى ذيك هنا بس انا متقبله عادى أنه اشطر واحد فينا
جمال أنا مش ذى ذيك يا قطه أنا راجل يعنى فى ثانيه ممكن أقولك اقعدى فى البيت
إلين هيبقى أخر يوم ما بينا لو فكرت كده
سوزى فى أيه يا جماعه اهدو شويه الموضوع مش مستاهل كل ده
وهنا سيف دخل عليهم يلا يا شباب على الاجتماع علشان فى شغل كتير ولازم قبل شهر يخلص
كلهم بصولو وسكته لدقايق
سيف هو أنا جيت فى وقت مش مناسب ولا أيه
جمال أهلا بالريس لأ مايصحش تقول كده انت برضو مقامك اعلى من كده تدخل فى أى وقت
سيف ابتسم وفهم على طول ان جمال غيران علشان اترقى
سيف لأ انا ريس بس متواضع أوى وعادى أنى اتكلم مع عامه الشعب اللى ذيكو
مدحت وسوزى وإلين ضحكو بس جمال بصلهم فسكتو مره واحده
مدحت سيف هو أنت معدتش بتقضى معانا الاجازات ليه فعلا احنا مضايقين
سيف لسببين السبب الاول أن كل واحد فيكو عايز يقضى اجازته مع خطيبته والسبب التانى أن بيبقى ورايا حاجه مهمه لازم أعملها كل اجازه بس كده يلا علشان الشركه الاجنبيه جايه تتعاقد معانا انا هروح وحصلونى
جمال شوفتى يا ست هانم دلوقتى مش عايز يقضى معانا وقت علشان انا خطبتك يعنى هو كان حاطط عينه عليكى
إلين بس دى حاجه تتحسبله مش تتحسب ضده كده هو بيحترمك
وبيحترم اننا اتخطبنا وبعد علشان ميكونش فيه أى حساسيه
جمال أنتى على طول كده فى صفه
إلين بنرفزه هو أحنا مش هنخلص بقى من سيف وهتفضل حاطه قدامك
جمال وفى أحتمال تانى غير أنه بيحترمنى أنه مش عايز يقابلك علشان خاېف ليحن
إلين طيب يا جماعه بعد اذنكو أنا رايحه الاجتماع
إلين مشيت على الاجتماع وكلهم وراها
مدحت خف شويه يا جيمى طهقتها
جمال يعنى أنت مش شايف
مدحت لأ مش شايف انا شايف انها مخطوبالك ومخلصالك وبس وسيف شاطر ويستحق المنصب ده أنت بقى حطه فى دماغك ده وضع تانى ومكنتش حاطه فى دماغك قبل ما أبوك يرقيه وكان عادى بالنسبالك أنه يخرج معانا سيف مش وحش يا جمال.
كل الكلام ده إلين كانت سمعاه وهى ماشيه قدامهم
وصلو الاجتماع
سيف فضل يعرض المخططات على وفد الشركه المكون من رجل اعمال ومهندس وسكرتيره من ايطاليا
صوفيا السكرتيه اللى كانت بتتفاهم مع سيف وبتفهم المدير بتاعها اللى اعجب جدا بشغل سيف وشطارته
جمال أسمحولى أنا بقى عندى اعتراض على كل القرارات دى لأنها هتخسر الشركه بتاعتنا
سيف خساره ايه يا جمال نسبه الخسائر 0راجع الورق اللى فى ايدك كويس
جمال بصوت عالى أنت مش هتعرفنى مصلحه