رواية ماضي من 1-5

الخروج لما نخلص امتحانات
جمال طيب لو هتروح نوصلك أنت ساكن فين
سيف لا ما تتعبش نفسك انا ساكن هنا جنب الكليه هاخد أى حاجه
إلين انت ساكن هنا اصلا ولا أنت مش من هنا وبس عايش هنا علشان الكليه
سيف لأ انا صعيدى من سوهاج وعايش هنا بس علشان الكليه
جمال ومدحت وسوزى فى نفس الوقت صعيدى!!!!
إلين الوحيده اللى ما نطقتش كان اعجابها بيزيد كل ما ينطق وزاد اكتر لما قال صعيدى
جمال علشان كده ضربه واحده كانت القاضيه مع مدحت
وراحو كلهم ضاحكين
سيف حد عنده أى اعتراض
جمال لأ يا عم هو انت حد يقدر يزعلك هطخنا پالنار صح
بدءو يضحكو تانى
سيف على فكره انا ليا الشرف انى صعيدى
جمال ايه يا عم انت زعلت احنا بنهزر
إلين سيبك منهم جماعه انا مروحه دماغى مصدعه اوى فانا اللى هوصل سيف ممكن يا سيف اوصلك يعنى كأعتذار على سذاجتهم
جمال والله بنهزر وان شاء الله هنبقى اصحاب جدا كمان
سيف طيب أنا ماشى بعد اذنكو
إلين اصرت عليه انها توصله جدا لحد ما وافق قبل ما يوصلو وقفت قدام محل كشرى يلا انزل
سيف نزل من العربيه
إلين نفسى فى الكشرى أوى ممكن ناكل الاول وبعدين اروحك
سيف من ساعه ما شاف إلين وهو قلبه بيدق جامد وكل شويه يقول لنفسه هااا هو ده اللى اتفقنا عليه مفيش حب ومفيش بنات علشان مستقبلى
سيف كان ماشى معاها مسلوب الاراده
سيف هو انتى خطفانى مش قولتى هروحك
إلين هناكل واروحك انا اللى عازمه
سيف نعم ياختى عازمه مين ليه ماشيه مع سوسن صحبتك
إلين طيب خلاص نمشيها انجليزى كل واحد يدفع لنفسه أوك
سيف لا مش اوك معنديش انا الكلام ده
اطباق الكشرى اتحطت قدامهم وبدء سيف يحط شطه كتير
إلين بخجل انا مش عايزه أكلفك كويس انى اخترت كشرى علشان ما يبقاش غالى عليك
سيف بصلها أحطلك شطه
إلين لا انا هحط مش بحبه حامى أوى حبه صغيرين
سيف وانتى بقى كان نفسك فى ايه غير الكشرى ومرضتيش تروحى علشان متكلفنيش
إلين والله كان نفسى فيه جدا
سيف ولا قولتى ده مش من هنا وزمانه معوش فلوس ناكل أى حاجه بسيطه علشان محسش بالاحراج يعنى
إلين مش عيب ان الواحد يبقى مش عايز يحس انه تقيل على حد أو انه يكلف حد اكتر من طاقتو
سيف ضحك بصوت عالى حبيبتى أنا من عيله كبيره جدا وابويا عمده والشقه اللى انا ساكن فيها دى بتاعتى مش مأجر ولا مشترك مع 7من زمايلى علشان نعرف ندفع الايجار يعنى ما تقلقيش عليا وامسحى نظره الشفقه دى من على وشك
إلين لا والله نظرتى دى مش شفقه كانت عايزه تقوله انها نظره اعجاب وقربت توصل انا هتعترف بحبها بس سكتت أوعى تكون زعلت من جمال ومدحت
سيف هما ايه حكاياتهم بقى
إلين أنت حسيت نحياتهم بأيه
سيف هو جمال شكله طيب جدا بس مدحت تحسيه عصبى ومتسرع فى غباء شويه صح
إلين ضحكت نظرتك صح انا وهما اصحاب من زمان أوى مدحت باباه ومامته عايشين بره هو كان عايش مع جده لحد ما جده اتوفى اهله حاولو ياخدو معاهم بس رفض لانه مش بيطيقهم او بيكرههم بمعنى أصح لانهم رامينو من ساعه ما اتولد عايش فى فيلا طويله عريضه لوحدو
سيف وسوزى بتعمل فيه كده ليه
إلين هو وهى توم وجيرى بيحبو بعض جدا وهو بيغير عليها جدا أنت مش أول ولا أخر واحد مدحت يتخانق معاه بسببها هى لما تبقى متخانقه معاه بتغيظه كده وجت فيك فيك أنت بس انت ماسبتش حقك برافو عليك
سيف مجبتيش سيره جمال ليه
إلين بتوتر لأ عادى جمال انا عرفاه من واحنا صغيرين باباه صاحب شركات كبيره مولود فى بقه معلقه دهب وكان معايا فى المدرسه ذى حالاتى
سيف ذى حالاتك!
إلين ما بابايا وباباه اصحاب ومنافسين وقريب هيبقو شركاء
سيف اصحاب شركات أيه بقى
إلين ما انا اسمى إلين على حافظ وهو جمال هارون لو تسمع عنهم
سيف طبعا أسمع عنهم اصحاب اكبر شركات هندسيه بس هارون ده من سوهاج صح انا اسمع عنه عندنا فى البلد
إلين أه بس جمال عمرو ما سافر سوهاج باباه بس ييروح يشوف اهله أن شاء الله أول ما نتخرج هشتغل فى شركه بابا وطبعا هاخدك معايا هتوسطلك
سيف لأ يا قطه انا كل السنين طلعت بأمتياز وألف شركه تتمنانى مش محتاج وسايط أنا
إلين يا شيخ أتلهى حد لاقى شغل فى بلدك غير بالواسطه
سيف كان مستغرب من جرائتها معاه جدا بس فى نفس الوقت معجب بجرائتها وطريقه اقتحامها حياتو
إلين مالك مستغرب أوى كده ليه
سيف لأ عادى أول مره حد يكلمنى بالطريقه دى
إلين أنت مالك قفل كده فك شويه يلا علشان أوصلك
سيف حاضر يا ستى اتفضلى ما انا مخطۏف
إلين ضحكتلو ووصلتو لحد البيت بعربيتها أنت ساكن هنا قريب اوى من الكليه
سيف أيوه ونزل روح بيتو بس مش عارف يطلعها من تفكيره أخد شاور وحاول يذاكر مش مبطل تفكير فيها وهى طول السكه مشغله الاغانى بصوت عالى وبتغنى معاها ومش مبطله تفكير فيه دور على اغنيه شو واثق فى حاله وفضلت تعيدها لحد ما وصلت بيتها طلعت لقيت باباها كان نازل الشغل
على مالك يا قلبى فرحانه كده جاوبتى حلو فى الامتحان
إلين يعنى كويس ان شاء الله أنجح
على لأ انا عايز تقدير حلو أمال مبسوطه أوى كده ليه
إلين اتوترت لأ عادى مبسوطه لوحدى
على جمال عامل أيه معاكى
إلين نفخت وملامحها أتغيرت كويس يا بابا
على العلاقه ما بينكو بقت كويسه علشان أول ما تخلصو هيخطبك
إلين اه العلاقه ما بينا علاقه أخوه وصداقه وبس حلوة العلاقه دى
على اتنرفز جدا وعلى صوته عليها جدا أنا مش عارف أنتى بتعاندى معايا ليه قولتلك لو باباه زعل هتبقى خساره ليا كبيره
إلين هو أنا هتجوز واحد مش بطيقه علشان انت ما تخسرش انا مش مشروع من مشاريع انا ليا الحق أنى اقول لأ واختار اللى اتجوزو
وهنا على اتعصب جدا انا طول حياتى ببنى فى شركاتى وتعبت جدا لحد ما بقيت اللى انا فيه دلوقتى تيجى انتى على أخر الزمن عايزه تهدى كل ده بغبائك ماله جمال أيه اللى ناقصه
إلين ناقصه أن انا أحبو
على الحب بيجى بعد الجواز ما أنا اتجوزت أمك عادى ومكنتش اعرفها
إلين وأدى النتيجه هى فى وادى وأنت فى وادى تقدر تقولى فين ماما
على معرفش هتلاقيها فى الكوافير أو فى النادى ذى عوايدها
إلين الساعه لسه مجتش 4يعنى ماما لسه نايمه فوق وأنت ولا حاسس خليك ملهى فى شركاتك ومشاريعك وناسى المشروع الاساسى اللى هو أسرتك
على رفع أيده علشان يضرب إلين بس وقف على أخر لحظه
إلين هتمد أيدك عليا كمان
على أنا عمرى ما مديت ايدى عليكى لا أنتى ولا أخوكى وعلمتكو احسن تعليم
إلين علمتنا التعليم اللى على مزاجك اللى ينفعك وينفع شركتك مامتها صحيت من النوم على صوتهم ونزلت
ليلى فى أيه صوتكو عالى كده ليه انا صحيت من صوتكو
على تعالى شوفى بنتك وعقليها انا معنديش استعداد اخسر المشروع اللى داخله مع هارون سامعه وسابهم ونزل
ليلى فى