رواية ماضي من 1-5

من السماء
صوفيا قدمتله الكاس بتاعه
سيف لأ انا مش بشرب أعذرينى معلش وبص الناحيه التانيه لأن برغم جمالها ده هو لسه بيحب إلين
صوفيا حست أنه زعل أنت زعلت يا سيف
سيف لأ خالص أنتى براحتك بس أنا بجد مش بشرب
صوفيا تعالى معايا مسكت أديه وقعدتو على الانتريه وقربت منه فى موضوع كنت عايزه أكلمك فيه ممكن
سيف طبعا أتفضلى
صوفيا أنت فيه حد فى حياتك
سيف لأ خالص
صوفيا الفستان اللى أنا لبساه ده يوقع أقوى راجل أنا لبسته لأنى متأكده أنه هيغريك بس من نظرتك انه مش هامك عرفت ان فى حد فى حياتك
سيف لأ توقعك غلط انا سينجل
صوفيا أمال مالك أنا بقالى فتره فى مصر مفيش اى حد جذبنى ناحيتو ولا حسيت بمشاعر تجاه حد قضيت الفتره كلها شغل وجد بس أنا أول ما شوفتك شعورى نحيتك مختلف تماما عايزه أبقى معاك على طول قادر تفهم كلامى
سيف هز دماغه أنه فاهم
صوفيا أنا مكنتش عايزه اعترفلك دلوقتى قولت لما ابدأ أحس انك انت كمان بتبادلنى نفس المشاعر بس لازم أعترفلك لأن قدامى بس أسبوع وهيرحلونى من مصر علشان الاقامه
سيف طيب والشغل
صوفيا خاب أملها هو ده بس كل اللى همك
سيف لا طبعا وأنتى كمان مش عايزك تبعدى
صوفيا بص أنا هتكلم معاك بصراحه أنا محتجاك علشان أخد الاقامه والصراحه أنا عادى ممكن اتجوز أى حد بس أنا بجد معجبه بيك ولو عايز نفضل أصحاب لحد ما تاخد عليا وتحبنى أنا معنديش مانع
سيف اتفاجأ بكلامها جدا بس فكر أنه عايز ينسى إلين بأى طريقه وصوفيا فرصه مناسبه جدا ليه بس أذا كان أهله مكنوش هيوافقو بإلين علشان مش من البلد هيوافقو بواحده أجنبيه وكمان هو طباعه غير طباعها
سيف صوفيا أنتى فجأتينى بس أنا طباعى غيرك خالص ولايمكن هرضى أن مراتى تلبس كده أو تتعامل بطريقتك مع الرجاله
صوفيا أنا مستعده أعلن اسلامى من بكره وأتحجب بس أنت تحبنى
سيف أنا مش هفرض عليكى الاسلام لأن ده لازم يبقى أنتى اللى عيزاه بنفسك مش علشانى بس على الاقل لبسك يكون محتشم
صوفيا عنيها كانت بتضحك وفرحانه جدا حاضر اللى أنت عايزه
سيف لو أنتى عيزانى أتجوزك فتره ونطلق علشان الاقامه أنا معنديش مانع بس برضو فى الفتره دى هتلبسى محترم لأنك هتكونى فى عصمتى وهتحاسب عليكى
صوفيا ابتسامتها اتمسحت يعنى أنت مش عايز تتجوزنى جواز فعلى
سيف لأ أنا مقولتش كده أنا بقولك يعنى لو أنت عايزه تتجوزينى بس علشان الاقامه مفيش حرج أحنا أصحاب لكن لو
صوفيا بس أنا قولتلك أنى ممكن اللحظه دى أتجوز أى راجل بس أنا بحبك أنت فاهمنى
سيف فاهمك يا صوفيا خلاص فهمت
فضلو يتكلمو لحد الصبح ما طلع
سيف أنا هقوم أروح بقى علشان ألحق أنام علشان عندى فرح بليل
صوفيا ممكن أجى معاك
سيف أكيد تعالى طبعا هعدى عليكى بليل وأنا رايح يلا سلام
روح بيته لقى سوزى مستنياه على باب الشقه
سيف هو أنتو بتسلمونى لبعض ها أنت كمان مدحت سابك وعايزه تغيظيه صح توقعى سليم صح
سوزى أنا مكنتش متوقعه أنك كده حد قالك قبل كده أنك غبى
سيف سوزى احترمى نفسك أنا مسمحلكيش أنتى عايزه أيه منى أنتى وصحبتك مش فاهم
سوزى صحبتى اللى حبتك ڠصب عنها وأنت فهمتها انك بتحبها واتغيرت معاها ولا اللى جاتلك أمبارح تستنجد بيك لأنك الوحيد اللى هتقدر تساعدها وبرضو بهدلتها صحبتى باتت عندى فى البيت مڼهاره فى العياط بسببك أنت غريب اوى منين فى عنيك كل الحب ده ليها ومنين هتسيبها تتجوز واحد غيرك منين أعترفتلها أن فى مشاعر من ناحيتك ومنين فى نفس اليوم سبتها أحنا الاتنين مش قادرين نفهم.
سيف أنا مش عارف أنتو جايبين البجاحه دى أنتى وهى منين متنسيش أن اول تعارف بنا كان علشان تغيظى مدحت بدل ما تروحى تحلى مشاكلك معاه جيتى دخلتى واحد ملوش أى ذنب وخلتينا اتخانقنا وكنا هنترفد على أخر سنه
سوزى وهى عملت معاك أيه علشان تكرهها كده
سيف أنتى هبله ولا بتستعبطى ما هى عملت نفس اللى عملتيه بتغيظ جمال علشان يجى يخطبها بس هى لعبتها صح عرفت تخلينى أحبها
سوزى مين اللى فهمك كده ده غباء إلين طول عمرها پتكره جمال مش بطيقه هو اتقدملها كذا مره بحكم شغل ابهاتهم وهى بترفض وأبوها بيضغط عليها وحتى لما كنت بتقف معانا مكنتش بتلاحظ أنها مش مدياله وش خالص إلين حبتك من أول ما دخلت حياتنا وكانت طايره من الفرحه يوم ما أعترفتلها بحبك فى سوهاج فاكر اليوم ده أنت قلبت عليها لوحدك
سيف ولما هى مش بطيق جمال اتخطبتلو ليه ما هو ده يثبت انها كانت بتغيظه علشان يخطبها
سوزى من كتر الضغط عليها من أهلها ومن تصرفك معاها إلين أتصرفت كده هى امبارح جاتلك علشان تنقذها من الجوازه دى لأنها مش قادره تبص حتى فى وشه وأبوها ضاغط عليها وأمها حتى أنت بتصرفاتك معاها أنا عايزه أعرف مين فهمك كده
سيف مدحت اللى قالى كده وجمال وأنا صدقتهم لأن كان كل اللى قدامى بيقول كده أنا اصدق مين فيكو دلوقتى
سوزى تعالى معايا وأنا هثبتلك مين الكداب
سوزى أخدتو معاها وراحو على فيلا مدحت
سوزى أقف هنا وأتصل بيا وأنا هفتح عليك وأشغل الاسبيكر وأنت هتسمع كل حاجه
وفعلا ده اللى حصل سوزى خبطت ودخلت ونادت على مدحت
مدحت حبيبتى وروحى عقبال فرحنا
سوزى بدلع حبيبى مش متخيل أنا فرحانه أد أيه أنهم أخيرا هيتجوزو ده جمال استحمل كتير
مدحت وأنا برضو فرحان جدا ليهم
سوزى بس الغبيه اللى ما بتفهمش لسه بتفكر فى الزفت اللى أسمه سيف ده
مدحت هى قالتلك كده
سوزى ايوه ده يا سبحان ما بعده عنها وغيره معاها كده
مدحت يعنى يعمل فيها أيه تانى علشان يبعدها عنه
سوزى هو صحيح بيعمل كده علشان يبعدها عنه ليه هو حصل منها حاجه
مدحت لأ طبعا أنا اللى بعدته جمال كان أخد باله من علاقتهم وكان لازم أتصرف أنتى عارفه جمال غبى ومبيحبش حد ياخد منه حاجه
سوزى وأتصرفت أذاى بقى
مدحت أبدا يوم ما اتخانقنا فى سوهاج فاكره قولتله أن إلين تبقى خطيبه جمال وأنها بتعمل كده علشان تغيظه لأنهم متخاصمين وهو صدق وماحاولش يسألها لأنه زعل منها وطبعا وقف فى صف جمال بس كده
سوزى قفلت أديها جامد وضړبتو باليد فى وشه وطلعت بره الفيلا
سوزى سمعت يا بشمهندس
سيف هى إلين فين دلوقتى
سوزى أنا سيباها نايمه عندى فى البيت
سيف طيب اطلعى بسرعه على بيتك بسرعه
لنفسه طول السكه يخربيت غبائك أنت مبتفهمش فيها أيه لو كنت سألتها طيب لو كنت سمعتها أمبارح
وصلو البيت وسوزى طلعت بسرعه ووراها سيف عرفتو بمامتها سيف وقف فى الصالون وسوزى دخلت تجرى على جوه لقيت الأوضه فاضيه
سوزى جرت على بره تانى ماماااا فين إلين
أمها صحيت ونزلت
سوزى نزلت راحت فين
أمها واحده فرحها النهارده هتكون أكيد فى الكوافير
سوزى وسيف نزلو يجرو وركبو العربيه سيف هو اللى ساق علشان يبقى أسرع منها
سيف أنتى عارفه الكوافير بتاعها فين
سوزى أه عرفاه أنا مش عارفه مش بترد ليه