رواية ماضي من 1-5

مع بعض كلهم أكتشفو أن سيف شخص طيب جدا ولذيذ ويتحب كانت أكتر واحده مركزه معاه فى طريقه كلامه واسلوبه إلين كل ما يتكلم أو يضحك تحبه أكتر بعد الغدا راحو اتمشو شويه فى المول سيف وجمال بقو أصحاب جدا سيف حس أن جمال بنى أدم اخلاقه عاليه ومتواضع وده كان شرطه الوحيد فى أى صديق يقابله وقفو عند السينما
مدحت بطلو غلاسه ندخل كلنا فيلم واحد علشان نبقى مع بعض
جمال أحنا نعمل قرعه والاكتر هو اللى يكسب اللى عايز فيلم عربى يرفع أيدو وهو ومدحت وسوزى رفعو أديهم واللى عايز فيلم أجنبى يرفع ايدو سيف وإلين رفعو اديهم كده فيلم عربى اللى أكتر يبقى هندخل مع بعض
سيف أنا اصلا كنت هدخل معاكو يعنى مش هدخل لوحدى
إلين اضايقت جدا وفضلت تنفخ دخلو قعدو كلهم مدحت قعد جنب سوزى لوحدهم وجمال وسيف وإلين مع بعض سيف كل شويه يبص على إلين يلاقيها حاطه أديها على خدها وقاعده باين عليها الملل فى الفاصل طلع اشترالها فشار ودخل أول ما الفيلم بدء أداهولها
سيف أصل شايفك مش مبسوطه قولت اجيبلك ده تتسلى بعد السينما كلهم روحو
إلين سيف أنا هوصلك علشان عايزه أجيب حجات من جنب بيتك ممكن
سيف كان صعبان عليه إلين جدا اللى الخروجه مكنتش على مزاجها واتعكننت طبعا حد يطول انتى توصليه
إلين أبتسمت وودعت اصحابها ومشيت مع سيف
سيف مضايقه نفسك ليه ممكن أعرف خلاص فيلم وعدى المهم كنا كلنا سوا
إلين بصوت واطى مش مضايقه أنا
سيف ده منظر واحده مش مضايقه بذمتك ده انتى قربتى تعيطى خلاص مكنش فيلم اللى يعمل فيكى كده طيب
إلين لعلمك أنا مش بعيط لسه متخلقش اللى يخلينى أعيط
سيف ماشى يا عم الجامد ممكن أبقى جرئ معاكى وأطلب منك طلب مطلبتوش من بنت قبل كده
إلين أستغربت جدا طلب أيه ده
سيف رقم تلفونك يا ستى ممكن
إلين ضحكت هو ده طلب طبعا هديك رقم تلفونى
وصلتو بيتو أول ما وصل أتصل بيها وفضلو يحكو فى كل حاجه لحد الصبح
إلين أنا بقع وأنا بكلمك
سيف وأنا كمان بسقط خلاص محستش بالوقت بجد
إلين أنا كمان
سيف يلا تصبحى على خير
إلين وأنت من أهله
تانى يوم بعد ما صحى سيف من النوم العصر أتصل بيها قالها تعالى ننزل وعزمها على الفيلم الاجنبى اللى كان نفسها تشوفه
إلين مكنتش متوقعه كده خالص منك بصراحه
سيف أصل صعبتى عليا بصراحه امبارح
إلين اليوم ده روحت وكانت طايره من الفرحه سيف كمان كان مرتاح معاها
جدا وفى نفس الوقت عارف أن أهله مش هيوافقو انه يرتبط بواحده مش من بلدهم
إلين فى بيتها قاعده لوحدها مامتها خبطت عليها ودخلت
ليلى ممكن أدخل يا حبيبتى
إلين باستغراب ماما! ايه اللى جابك بدرى فى حاجه
ليلى لأ يا قلبى أنا جايه أقعد معاكى ونتكلم شويه
إلين خير
ليلى باباكى كلمنى النهارده وهارون كلمه تانى وعايزين يجو يتقدمو
إلين ماما أنتو مش بتحرمو أنا قولت لأ خلاص بقى زهقتونى مش هعيش مع واحد مش عيزاه
ليلى أنتى فى واحد تانى فى حياتك صح
إلين أه يا ماما
ليلى يابنتى أبوكى مش هيوافق مش عايزين مشاكل بطلى عناد جمال ما يتعايبش
إلين سكتت تماما وليلى قامت راحت أوضتها
سيف وجمال ومدحت بقو اصحاب جدا كل يوم بيتقابلو لحد ما عدو مناقشه الكليه
وفى نفس الوقت سيف وإلين طول النهار والليل بيتكلمو سيف كان مره رايح مشوار مهم وإلين قالتلو انها زهقانه وصممت تروح معاه أخدها
سيف أنتى صممتى وانا اخدتك برغم انك مش عارفه رايح فين ممكن ابقى رايح فى حته مشپوها مثلا
إلين أحنا الصبح هتروح حته ذى دى دلوقتى
سيف هى الاماكن دى ليها ميعاد محدد
سيف وقف يلا بينا هننزل هنا
إلين بأستغراب ده دار أيتام جى هنا ليه
سيف جاى عادى بحب العب معاهم عادى يعنى
سيف دخل والاطفال كلهم عرفينو وجريو عليه وهو كان ناسى نفسه معاهم وفضل يلعب معاهم كوره كأنه فى سنهم وكان جايبلهم هدايا معاه
إلين خلاص قربت تقوله بحبك وتخلص لان قلبها ۏجعها من كتر ما كل شويه تعجب بحاجه جديده فيه
تانى يوم اتواعدو فى الكليه كلهم
مدحت أحنا كل سنه بعد الامتحانات لازم نسافر تعالو نروح بورتو مارينا او السخنه
جمال أه يا ريت يا سيف بتبقى فسحه حلوه أوى
سيف لا ما أنا برضو هسافر بس بورتو سوهاج أهلى وحشنى جدا وانا قولتلهم هخلص المشروع واجى على طول مش هينفع تحبو تيجو معايا هتتبسطو أوى بالجو عندنا
إلين كانت مش بتنطق خالص وطول الوقت سرحانه
سوزى أيه يا إلين أنتى مش معانا خالص
إلين لأ هنا شوفو أنتو هتروحو فين وأنا معاكو
سيف كان حاسس انها متغيره ومش عوايدها الهدوء ده وكلام سوزى أكدله
سيف هنسافر بكره الصبح بدرى همشى بقى أنا معلش لسه ورايا حجات أعملها وشنط أحضرها وبلاوى سودا بيتكلم وكل شويه يبص لإلين مش عارف مالها ومش هيعرف ياخدها من وسطهم هتبقى حركه بايخه
جمال طيب أوك نتقابل الصبح بدرى
مدحت بيحاول يخلى الجو لجمال بص أحنا نطلع بعربيتين علشان نبقى مرتاحين انا وسوزى وممكن سيف معانا وانت يا جمال هات إلين فى عربيتك
سيف لأ معلش أنا لازم اسافر بعربيتى مش هقدر اسيبها هنا
مدحت وجمال وسيف فى صوت واحد أنت معاك عربيه امال مش بنشوفها ليه
سيف أروح بيها فين ما انا باجى الكليه مشى
سيف كان مضايق من سكات إلين قرر يسألها قدامهم كلهم
سيف إلين فى حاجه انتى مضايقه ليه
إلين ممكن تتكلم مع جمال وتقوله انها مش بطيقه بس عايزه هو يحس لوحدو علشان ما تجرحهوش وممكن تقول لسوزى تقوله بس برضو لأ هتبقى ضربه جامده منها وعلاقتها بسيف أى نعم هى فى يومين بقت بتحبه جدا بس برضو لو حكيتلو هتبقى بترمى نفسها عليه وتجبره أنه يتجوزها علشان ينقذها وهى مش عايزه كده عيزاه لو هيتجوزها يتجوزها عن حب فضلت باصه لسيف ومش بترد
سيف ابتسم كل ده ده أنتى مضايقه أوى لأ ليكى حق تصدقى يابنتى ما تنطقى طيب أنا همشى وعلى تلفونات بقى
سوزى تعالى يا إلين عيزاكى
إلين مشيت معاها من سكات خالص
سوزى شكلك وقعتى صح
إلين قلبى هيطلع من مكانه اما بشوفه
سوزى نظراتك ليه باينه أوى على فكره بس هو كمان بييصلك لما ما تبقيش واخده بالك هو طبيعتو خجول شويه
إلين جداا وهو مؤدب جدا وتحسيه راجل كده وبيهتم بتفاصيل محدش بيلاحظها بس بيفاجأنى أنا خلاص قربت أقوله بحبك
سوزى طيب وجمال
إلين الضحكه اتمسحت من على وشها ابوه عايز يجى يتقدم دلوقتى أنا مش قبلاه هو كل ده مش حاسس
سوزى جمال بيحبك جدا جدا انتى مش بتحسى اذاى هو بيحبك من وانتو اطفال ومصدق ابوه قال هجوزهالك هو حاسس انك مطنشاه بس فى نفس الوقت مش قادر يبعد عنك جمال طيب واخلاق وعارفين أصله لكن سيف لسه منعرفش عنه حاجه فى الوقت ده سيف أتصل بيها
إلين الو
سيف مالك يا إلين
إلين مفيش مخنوقه شويه
سيف من مينومن أيه
إلين مش قادره اتكلم دلوقتى يا سيف ممكن لما نسافر نبقى نلك فى كل