رواية دينا الفصل الاول والثاني

كارمن.. فخرجت من الحمام لترى أصدقائها ناريمان و علياء ينتظرونها بالخارج فقالت احداهما وهي تصفر
يا سيدى يا سيدى على الجمال 
وقالت علياء وهي تضحك 
خلاص أخيرا هتقابلى العاشق الولهان اللي قرفتينا كلام عنه النهاردة 
ردت بغنج وهي تبتسم فهى أخبرتهم لتتباهى أمامهم بجمالها وأن الكثير من المعجبين تحت قدميها وقصت لهم أن أحدهم يراسلها يتغنى بجمالها و جعلتهم يرون رسائله وقالت لهم أنها ستضطر اليوم لتقابله لتقطع عنه الأمل وأنها فقط سترفضه بغرور أنثوي قائلة وهي ترفع رأسها بشموخ  
أه هقابله عشان أخلص من ذنه دا كل يوم يبعتلى رسايل لما زهقت 
فقالت ناريمان بفضول خبيث  
عايزة تفهمينا يعنى إنك متعلقتيش بيه أو حبتيه !!
ردت عليهم بعجرفة  
أنا مبحبش أى حد والنهاردة هقابله عشان أخليه يبطل يحبنى ولو عايزين تعالو معايا بس بشرط لما يجى هتقفوا بعيد وسيبونى معاه لوحدينا
وصلها صوت رسالة ففتحتها بشوق استطاعت إخفائه خلف ملامحها الباردة أمام أصحابها وهي تريهم إياها بعد أن قرأتها 
حبيبتي متتأخريش عليا أنا مستنيكى على ڼار 
فضحكوا جميعا وقالت علياء 
يا سيدى يا سيدى دا واقع لشوشته فى دباديبك يلا نروح عشان نشوفه
وبالفعل تحركوا جميعا وبعدها توقفوا عند المقهى المقصود ليحدقوا بكل المارة لعلهم يتعرفون عليه فوصلتها رسالة أخرى ففتحتها وهم ينظرون معها لتصدمهم محتواها 
ها يا حبيبتى عرفتينى ولا لسة أنا واقف أدامك أهو بصى هتلاقينى وحلو اللبس الضيق بتاع العاھړات دا  
نظر جميعهم فى أن واحد للواقفات أمامهم فوجدوا كارمن ومعها أربعة بنات أخرى وكانت تنظر لعزة بكل سخرية ويعلو وجهها الانتصار والشماتة .
فوقفت عزة وقد كانت تحاول أن تفهم ما الذي يحدث !!..وأين عاشقها الولهان !!..وماذا تفعل كارمن هنا!!.. لكن قاطع أفكارها كارمن قائلة 
ها يا عمرى عرفتى مين العاشق الولهان ولا لسة..  
قهقه أصدقاء عزة وكادوا ېموتون من الضحك على صديقتهم المتعجرفة التى تكاد أنفها تصل السماء فقالت ناريمان وهى تقهقه غير مصدقة سذاجة عزة 
الموضوع طلع مقلب يا حلوة تعيشى وتأخدى غيرها 
وقالت علياء وهي تضحك هي الأخري 
يا سلام أما حتة مقلب سقع مبيقعش غير الشاطر فعلا يا عزة وكنت رسمة علينا الدور من كتر المعجبين بسيادتك منظرك بقى وحش أوي ياريت يا حبيبتى بعد كدة منسمعش صوتك تانى  
وتحركوا مبتعدين عنها وهم يضحكون عليها ..
فأحست عزة كأن أحدهم صب عليها ماء مثلج وكانت تشعر بالغل والحقد يزداد داخلها تجاه تلك الحقېرة كارمن التى قالت لها بتهكم وهي تنظر لها پغضب يغلي بداخلها بسبب ما فعلته لها من حقارة 
يااااااه مكنتش أعرف ان الحلوة مٹيرة للشفقة أوي كدة و كان نفسها تعيش قصة حب للدرجة اللى تخليها تتعلق بحبال دايبة فى الهوا وتتعلق بحبة كلام عالنت زى الهبلة 
كانت عزة فى حالة من الصدمة لتستوعب الذى حدث لها فعليا فليس هناك عاشق يحبها وأصدقائها للتو سخروا منها و أهانوا كرامتها فحدقت بكارمن بكل غل وقالت پغضب عاصف 
بقى أنتى تعملى فيا أنا كدة ودينى لهوريكى هاعمل فيكى ايه 
وتحركت تجاهها لتلكزها بكتفها بقوة لكن أصدقاء كارمن تجمعوا حولها يدفعونها بقوة بعيداعن كارمن فكادت تسقط على الأرض ...
فقالت مها بتهكم 
يا ريت يا حبيبتى تكونى إستوعبتى اللى حصلك كويس 
وأكملت نورا لها وهي تفرد عضلاتها لتخيفها 
من الأخر كدة لو جيتى ناحية كارمن تانى مش هيحصلك طيب يا حلوة  
وغمزت لها وفاء وهي تقول بتهكم  
وياريت تبلغى صاحبتك الغندورة هدى تلم نفسها كدة وإلا هنجيب راسها الأرض زي ما عملنا فيكى
وأكملت داليدا حلقة الړعب بأن قالت  
بطلى غل بقى ناحية كارمن حسين اختارها هى وبيموت فيها فاقبلى بالأمر الواقع يا حلوة 
شعرت عزة بالجنون فلقد تصرفوا حولها كعصابة إجرام وهى وحيدة بينهم و ينظرون لها وكأنهم سيأكلونها حية لماذا الكل يحب كارمن ومخلص لها هكذا ويدافعون عنها باستماتة !!..أما هى لا أحد يعبئ بها حتى أصدقائها سخروا منها بسبب عجرفتها وكذبها الدائم عليهم وتركوها وحدها .. فحدقت بهم جميعا وهى تتوعد كارمن بأن ټحرق قلبها فهى لن تجعلها تهنئ بحسين فهى ستفعل المستحيل لتنغص حياتهم وستفعل أى شئ لإساءة سمعتها حتى يكرهها الجميع ..هذا ما أقسمت عليه بداخلها وجعلها تروي ڠضبها قليلا
فنظرت كارمن لها بثقة وأكملة حلقة الحوار قائلة 
من الأخر بقى أنا معايا لقطات لمحادثتنا مع بعض وخصوصا الجزئية اللى إعترفتى فيها بحبك للعاشق السرى ومعايا كلامك الجرئ اللى قلتيه.. يعنى من الأخر كدة روحك فى ايدى لو حبيتى تلعبي معايا تانى الحاجات دى هتوصل لأخوكى وأهلك فاهمة ولا مش فاهمة 
اتسعت عيني عزة والجنون يتلبسها بينما تقول كارمن مكملة 
أحسلك يا ماما تبعدى عن طريقى وإنت عارفة كويس إنى مبسيبش حقى واللى حصل دة كان قرصة ودن وصدقينى المرة الجاية المقلب اللى هاعمله فيكى مش هيبقي أدام كم واحدة من أصحابك بس ثقى فى دا يلا يا بنات 
وبعدها تحركوا جميعا يرحلون تاركين ورائهم عزة تكاد ټموت قهرا.
في الوقت الحالي 
قبل حاډث صقر بساعتين  
عرفتوا مين اللى منظم الحفلة دى يا بنات!!.. بيقولوا أن حفلة الأطفال في الدار منظمها ابن وزير المالية  
قالت نورا هذا الكلام بلهفة لصديقاتها وكأنها تدلي بسر حربي فردت كارمن 
عليها بتهكم
أتاري في حراس وصحافيين وإهتمام خاص النهاردة أنا كنت مفكراها حفلة عادية ..لأ دى كدا هتبقى حفلة غير خالص 
فردت وفاء باهتمام 
أنا
سمعت إنه مرشح نفسه في البرلمان  
لم يعجب كارمن الكلام وقالت بسخرية 
يابنتى الناس دي الله أعلم نيتهم ايه..في الأخر بيبقي كله دعاية 
وفي هذه اللحظة أقترب الأطفال من كارمن وصديقاتها قائلين لهم بمرح يلا عشان نلعب مع بعض 
فابتسم الجميع وضحكوا بمرح بينما قالت لهم كارمن ضاحكة 
طيب اسبقوني أنتوا أنا هروح الحمام الأول عشان أتوضي وألحق صلاة العصر 
وانسحبت كارمن من بينهم وهي سعيدة لإنتهائها من الامتحانات وترفض بقوة أن يعكر صفوها أي شيء .. فرن هاتفها بإلحاح وهي علي وشك دخول الحمام فأمسكت حقيبتها لتخرج هاتفها بينما فتحت باب الحمام الخارجي وأغلقته خلفها بإحكام ونظرت للمتصل وقد كان كريم شقيقها فردت عليه بينما تخلع حجابها فقال هو لها دون تحية وهو غاضب 
كارمن فين التاب بتاعى مش لاقيه في أي حته  
أوه تبا لقد أخذته منه بالأمس ونست إعادتة لغرفته فقالت بتوتر 
طب مفيش سلام عليكم الأول يا كيمو يا حبيبي 
رد عليها بعصبية قائلا 
سلام عليكم ها يا ستى هو فين ..مستعجل أوعي تكوني خدتيه ..
فقالت له بمشاكسة 
طب لو قلتلك على مكانه تتجوز واحدة من أصحابى .. ولا أقولك أتجوزهم كلهم الشرع حلل أربعة والله كلهم كيوت خالص  
كارمن أنا مش فاضيلك أنا عندى شغل انجزى وقولى مكانه فين 
تنفست بحنق من كريم لعصبيته عليها وقالت له لتغيظة 
طيب أنا بقا خادته وإستخدمته وهتلاقيه جوا دولابي  
وأنهت الاتصال بسرعة قبل أن يصلها غضبه وتوعده لها وضحكت بقوة متخيلة رد فعله الآن فهو حذرها كثيرا من لمس التاب الخاص به وقالت لنفسها ضاحكة 
أحسن عشان يرفض يختار واحدة من أصحابي لكن علي