رواية داليا من 1-4

ده بتصحيني بدري ليه ما أنت عارفه إني مبنمش إلا بعد ما أصلي الفجر.
داليا قدرك ونصيبك بقى وبعدين أنت عارفة إني بصحى بدري مش بحس باليوم لما بصحى متأخر.
أميرة وأنا ذنب أهلي أيه.
داليا ذنبك إنك صحبتي أنا مش عارفة إيه شغل العفاريت بتاعك ده حد يصحى طول الليل وينام طول النهار ده حتى حرام.
أميرة يعني ورايا إيه أعمله طول النهار وحصحى بدري أكلم مين يعني ما أنت عارفه كل البيت نايم عندي ومن بعد ما خلصنا الجامعة لا شغلة ولا مشغلة.
داليا بجد يا أميرة لازم تشغلي وقتك لازم تلاقي حاجه تملي بيها الفراغ اللي بيدمر حياتك دي ايه رأيك تشتغلي
أميرة أشتغل مين بس يا بنتي أنا أولا أخدت على الراحة والانتخة أخدت على النوم براحتي والصحيان براحتي وبعدين فوق كل ده بابا مش حيوافق أشتغل خالص أنا خريجة كلية تجارة وهو لا يمكن يسمح لي إني أشتغل في مكتب أو شركة صغيرة ومعنديش لا الخبرة ولا متطلبات الشركات الكبيرة يا ستي بجد أنا مش زهقانة ربنا يخلي لنا تيته دايما مجمعانا كل يوم وكل وقت كل الأخوات وأولادهم وبناتهم والأحداث والحكاوي مبتخلصش.
داليا ربنا يزيد ويبارك يا ستي بس برده أنا حفضل وراك مش حسيبك تفضلي كدة علطول.
أميرة حيلك حيلك ما تقولي لنفسك وتنصحيها قبل ما تنصحيني قعدت بعيد عني في القاهرة أربع سنين بتدرسي اللغات اللي نفسك فيها وأديك اتخرجت ورجعتي ليا هنا تاني وقعدت جنبي أهو فين يا ستي نصايحك دي وفريها لنفسك.
داليا ومين قال لك إن القعدة دي حتطول اليوم إن شاء الله آخر يوم فيها علشان كده أشفقت عليك وقلت أكلمك شوية.
أميرة اتعدلت على سريرها وفاقت وقالت لداليا يا ندلة أنت في حاجه مخبياها علي صح انت رجعت لحسام صح 
داليا بكسرة نفس لا حسام برة الموضوع ده خالص.
أميرة يلا أقري وأعترفي تعالي على كرسي الاعتراف وقولي لي إيه بقى الحكاية بالضبط.
داليا لا يا أميرة الموضوع ده مينفعش في التليفون تعالي نفطر مع بعض ححضر الفطار عقبال ما تلبسي وتيجي.
أميرة طيب ثواني حاخد حمامي وألبس وآجي.
داليا متتأخريش كالعادة اشحال البيت جنب البيت يا دوب حتعدي الشارع بس.
أميرة طيب يا ستي حاجي بسرعة جهزي إنت بس الفطار.
داليا حاضر أحلى فطار لأحلى مرمر.
الحلقة الرابعة الأنترفيو
بعد أربعين دقيقة بالضبط خبطت أميرة على داليا باب الشقة.
فتحت والدة داليا لأميرة.
والدة داليا أهلا أميرة حبيبتي إزيك عاملة إيه أخبارك وأخبار ماما وبابا.
أميرة الحمد لله ياطنط بخير
والدة داليا يستاهل الحمد .. ادخلي لداليا في المطبخ بتحضر الفطار وهمست لها حاولي تتكلمي معاها وتخففي عليها من اللي حصل إمبارح
أميرة حاضر ياطنط أنا فعلا جيت علشان السبب ده.
والدة أميرة أكيد عاوزة تتكلم معاك وتاخد رأيك في كل حاجه ما أنا عارفاها مش بتسمع كلام حد إلا أنت.
داليا يا ماما هي فين الآنسة أميرة 
اميرة يا سلام .. لا ياطنط لو سمحت متسمعيش كلامها سيبك من البت دي تعالي نكمل إحنا رغينا بعيد عنها
والدة داليا لا خلاص بقى.. اسيبكم لبعض اليوم السبت ورايا شغل بيت كتير يخلص قبل ما أنزل الشغل بكرة إن شاء الله.
أميرة أوك يا طنط اتفضلي حضرتك وأنا حشوف دودو هانم.
داليا ومالك بتقوليها بتريقة كده ليه !يلا تعالي انقلي معايا أطباق الأكل على طرابيزة السفرة 
أميرة سمعا وطاعة يا دودو هانم!
داليا مفيش فايدة
(وهم بياكلوا)
أميرة مش ناوية تنطقي بقى وتقولي في إيه.
داليا لأني مش عارفة أبدأ منين
أميرة بلاش رخامة بقى وأحكي وجيبي من الآخر
داليا حاضر يا ستي... بالنسبة لموضوع حسام مش عاوزة اتكلم فيه تاني خالص لغاية لما تخلص المهلة الشهر
أميرة ماشي والموضوع التاني
فاكرة لما قلت لك إني أخدت كورس كمبيوتر.
أميرة أيوه فاكرة ....هاه وبعدين
داليا وفاكرة لما قلت لك إني وصيت عمي يكلملي حد يعرفه على شغل
أميرة آه فاكرة أوعي تقولي إنك اشتغلت خلاص... فين .. ومع مين..
داليا حيلك ..حيلك مش للدرجة دي الراجل يا دوب كلم مهندس بيخلص له ملف الضرايب بتاعته فاتوسط لي عند الشركة اللي بيشتغل معاها في مشروع كبير.
أميرة من الآخر يعني اشتغلت
داليا مش بالضبط
أميرة اتعدلي كدة وفهميني
داليا في انترفيو من الآخر أهو.
أميرة فين
داليا في مكتب الشركة المؤقت في الفندق إلي على الكورنيش.
أميرة طيب وأيه المشكلة وليه المكتب في الفندق ده شوه يعني ولا الشركة بجد كبيرة للدرجة دي
داليا لا هم الفرع الرئيسي في القاهرة هم هنا معندهمش فرع لسه علشان كده أجروا المكتب في الفندق
أميرة يعني أنت حتشتغلي في فرع الفندق
داليا لا
أميرة عروستي
داليا اللي فهمته إن شركتهم أخدت في البلد هنا مشروع كبير في الصحرا وإنهم حيعملوا مقر هناك للشركة في المشروع وعاوزين سكرتارية وطقم موظفين من نفس البلد علشان يوفروا بدل الانتقال.
أميرة لغاية الوقتي كويس إيه المشكله بقى أنا مش فاهمة حاجه.
داليا أمال إنت فاكرة أنا عازماك على الفطار ليه
أميرة بقى كدة فطار وراه رشوة يعني
داليا لا بجد يا أميرة .. متلخبطة قوي.. جوايا كمية مشاعر ملخبطة مش عارفة أعبر عنها ولا اترجمها.
أميرة طيب واحدة واحدة خرجي أول شعور 
داليا إنتي بتتريقي حضرتك
أميرة لا والله .. ما هي مشاعرك دي لازم تخرج واحدة واحدة علشان نعرف نرتبها.
داليا تعالي نقف في البلكونة شويه وأنا بحكي لك.
أميرة أوك ... يلا بينا
داليا أولا موضوع الخطوبة المتعلق ده مكتفني ومش حينفع اشتغل من غير ما اقوله ده في حالة لو كملت معاه رغم إني تعمدت مردش على تليفوناته امبارح علشان آخذ قرار مندمش عليه.
أميرة بصراحة يا داليا هو عملته سودا بجد محدش يعمل كده مهما كان المبرر.
داليا أقول له ولا لا.
أميرة لا طبعا أولا داري على شمعتك إنت لسه مرحتيش الانترفيو ومعرفتيش نجحت واتقبلت ولالا ثانيا هو ملوش عندك حاجه أنت مش مراته ولا كاتب كتابه عليك علشان يكون لازم تقولي له أنت في بيت باباك لسه وطالما باباك عارف وموافق هو ده المهم.. فسيبك أنت منه.
داليا أنا مش بهزر أنت مشفتيش قهرته وبكاؤه امبارح قطع لي قلبي بجد.
أميرة أنت مش قلت مش عاوزة تتكلمي عن الموضوع ده.
دالياڠصب عني بجد
أميرة كل ده رسم وتخطيط أنت صغيرة وجميلة وشهادتك عاليه ووافقتي على كل ظروفه اللي بيدرجك ليها واحدة واحدة وأنت زي الهبلة بتوافقي . ده حتى أبوه وأمه العيانين وافقتي تقعديهم معاك هل أنت متخيلة إيه المطلوب منك بعد كده وإن شقتك حتكون بيت العيلة
داليا حرام يا أميرة متقوليش كدة الواحد ممكن يتحط في الموقف ده اللي خلاني أفكر في الانفصال العملة السودا اللي عملها..خلتني أشوفه صغير قوي ومحترموش .. صغر بجد كتير في نظري علشان كدة قررت أبعد وأستخير ربنا لعله يلهمني حسن الاختيار.
أميرة أنزلي الشغل يا داليا ممكن يكون ربنا سبحانه وتعالى بعت لك الشغل ده يلهيك عنه وعن التفكير فيه.
داليا ممكن برده عندي إحساس شديد بكدة وإحساس أشد إن الوظيفة دي حتكون من نصيبي إن شاء الله.
داليا..صحيح المشكلة التانية.
أميرة خييييير
داليا حلبس أيه في الانترفيو ويا