رواية داليا من 1-4

أحكي لماما أو بابا عن اللي حصل لاني رحت من غير أذنهم ولا قادرة افسخ الخطوبة من غير سبب.
أميرة بت أنت حتجننيني مش كنت حالا مش عارفة تاخدي قرار وشاب ووسيم وجنتل....الخ دلوقتي عاوزة تسيبيه
داليا كل ما افتكر عمل ايه بحتقره. بجد مش عارفه احكي لبابا وماما ولالا.
أميرة لا متحكيش اللي حصل ولا تقولي انك رحت وياريت تتعلمي من أخطائك وموقف زي ده ميتكررش تاني لا معاه ولا مع غيره.
داليا صدقيني لو قلت لك بجد توبة حبطل عبط ومش حثق في أي حد خالص بعد كده وأنا فعلا مش عاوزاه ولا عاوزة أكمل معاه.
أميرة خلاص حاولي توصلي لباباك المعلومات اللي عندك عن شغله والشيكات والباقي لما باباك يعرف حيتصرف لوحده . هو ده الحل الوحيد الوقتي.
وإياك تتواصلي بأي شكل من الأشكال مع البني آدم ده ولا تسمعي صوته ولا تدي له فرصة يكلمك لأنه بيعرف كويس ازاي يأثر عليك ويخليك عجينة طرية في ايده يعمل فيها اللي عاوزه.
أوعديني يا داليا إنك بجد مترديش على أي تليفون منه ولا تسمعي له وصلي استخاره كل يوم وأسألي ربنا إنه يلهمك الصواب وإن شاء الله خير.
داليا حست إنها ارتاحت لكلام أميرة وحست كمان إن ربنا معاها دايما وحيساعدها زي كل مرة وقالت لها أوعدك يا أميرة بجد مش حعبره خالص بجد مش طايقة أشوف وشه.
أميرة سبحان الله.. مش ده اللي كان قمر وطول بعرض وجسم رياضي وشيك .. وريحة برفانه يا أميرة .. ولفة البنات عليه وأنا معاه يا أميرة.....و....و,,,,,و مش حخلص تغزلك فيه.
داليا ده كان زمان قبل ما أكتشف حقيقته خلاص.
أميرة ربنا يخلصنا منه على خير يلا قومي أغسلي وشك وحطي شويه مكياج داري بيهم البلاوي دي علشان مامتك أو باباك ميخدوش بالهم.
داليا طب والنبي يا أميرة تعالي معايا البيت كأننا اتقابلنا تحت وحسام موصلني وهو مستعجل عنده شغل سابني لك توصليني لفوق.
أميرة ماشي يا ستي خلفتك ونسيتك أنا.
داليا حبيبتي وأختي أنت يا مرمر يخليك لي
ونزلت أميرة مع داليا توصلها البيت ونفذوا الخطة زي ما اتفقوا بالضبط وفي اللحظة اللي جت فيها داليا وأميرة يستأذنوا ويدخلوا غرفة داليا باباها وقفها وقال لها أميرة أنت مش غريبة وحكى لها المعلومات اللي عرفها عن خطيب داليا وبيطلب منها ادام داليا إنها تقنع صحبتها تسيب خطيبها لمصلحتها.
هنا أميرة بصت بخبث لداليا لأن حركة باباها وفرت لهم البداية في خطتهم وسهلت لهم موضوع ترك حسام.
ردت أميرة على والد داليا أيه ده كله يا عمو الواحد مكنش يتصور أن كل ده يحصل لحسام خالص بس فعلا وضع صعب حيتصرف أزاي.
الأب المشكلة أنه خبى عليا وايه عاوز يتجوز بكرة من غير أي تجهيزات يعني عاوز يدبسنا في الجوازة.
أميرة والله يا عمو محدش يقدر يلومك بعد كده في أي قرار تاخده ولا تقدر داليا هانم تعترض صح ولا ايه يا داليا .
داليا صح معنديش رد تاني.
في اللحظة دي دخلت والدالأبة داليا ومعاها التليفون وقالت له أخوك على التليفون عاوز يكلمك.
الأب تليفونه في وقته أنا فعلا محتاج آخذ رأيه.
وحكى الأب تفاصيل الموضوع وداليا ومامتها وأميرة مترقبين المكالمة تخلص علشان يعرفوا النتيجه.
وفي آخر المكالمة رد الأب كده صح أنت عندك حق حعمل كده علشان أكون لا ظلمت ولا اتظلمت.
برقت داليا وبصت لأميرة وهي مش فاهمة حاجه وأميرة نفسها مش فاهمة وشاورت لها تصبر 
قفل الأب السماعة وهنا الكل قال في نفس واحد هاه خير
الأب قال لداليا عمك طلب مني أطلب منه يجي لنا زيارة وأواجهه بالمعلومات اللي عرفتها عنه.
داليا طب وبعدين
الأب وبعدين المفروض ادي له فرصه
داليا ايه... فرصة ليه
الأب في ايه يا داليا المفروض تكوني مبسوطه مش زعلانه.
أميرة اتدخلت طبعا يا عمو بس هو التعبير خاڼها وبصت بتبريق لداليا صح يا داليا
داليا صح يا أميرة بس محتاجه أعرف تفاصيل
الأب عمك قال اسمع منه المفروض ان فرحكم بعد 3 شهور صح بس انا حديله فرصه شهر واحد بس يثبت لي جديته ويستعد للجواز والا الموضوع يفشكل .
داليا في سرها يا رب يفشكل
أميرة عين العقل يا عمي.
الأب أنا حكلمه
ورفع الأب سماعة التليفون واتصل بحسام اللي أول لما شاف رقم تليفون والد داليا اتخض خاف تكون داليا حكت لباباها اللي حصل وبقى متردد يا ترى يرفع السملعة ويرد على التليفون ولا يطنشه وفي النهاية قرر إنه يرد عليه فقال بتردد أيوه يا عمي أزي حضرتك.
الأب الحمد لله بخير بقول لك يا حسام يا ريت تشرفنا بكرة آخر اليوم في البيت عاوز أناقش معاك بعض الأمور.
حسام وهو مړعوپ خير يا عمي يا ريت توضح في ايه
الأب إن شاء الله خير منتظرينك أنا وأخويا بكرة إن شاء الله بعد العشاء.
حسام تنح لكلمة أنا وأخويا دي ده مشفهوش إلا مرة واحدة وقت قراءة الفاتحة يا ترى جي هو كمان ليه.
قطع على حسام تفكيرة صوت الأب وهو بيعيد هاه يا حسام مردتش منتظرينك بكرة إن شاء الله بعد العشاء.
حسام إن شاء الله يا عمي حاجي بس اسمح لي أجيب معايا واحد صحبي بعتبره أخويا الكبير.
الأب براحتك يا ابني على كيفك.
حسام إن شاء الله قفل السماعة وهو عمال يحط سيناريوهات للي ممكن يكون حصل وحيحصل يا ترى داليا قالت إيه لباباها ويا ترى هو عاوز منه إيهقعد حسام يفكر في صاحبه اللي حيوسطه معاه هل يحكي له كل اللي حصل منه ولا يحكي له بس على وضعه المالي
خاف لو حكى له كل حاجه يتخلى عنه وميجيش معاه فقرر انه يحكي له بس نص الحكاية عن وضعه المالي ويروح معاه ويشوف الوضع إيه هناك وهو وحظه ورفع سماعه التليفون علشان يكلم صاحبه ويتفق معاه على مشوار بكرة.
الحلقة الثالثة
في بيت داليا داليا وأميرة قاعدين مع بعض في غرفة داليا.
داليا وبعدين يا أميرة في الوقعة الهباب دي أيه موضوع الشهر الفرصة ده كنت ما صدقت قرار بابا بالانفصال لازم يطلع لي عمي بالفرصة الشهر.
أميرة أنت لو بصيتي من طرفهم عندهم حق هم ميعرفوش تفاصيل الموضوع زينا كل اللي وصلهم موضوع شغله بس فلازم يعطوه فرصه.
داليا طيب أنا مش عاوزة اكمل افرضي عمل كل اللي عاوزينه هم خلال الشهر.
أميرة أولا معتقدش خالص أنت بتقولي اتنصب عليه ثانيا خلال الشهر ده لا تشوفيه خالص ولا تكلميه ووصلي رساله انه ميحاولش يرحع لك لانك خلاص عرفتيه على حقيقته وانك لو اصر حتقولي اللي عمله لباباك.
داليا بتفكير عندك حق ... ورفعت اديها للسما وهي بتدعي ربنا أنه يبعده عنها لو شړ ويقدر لها الخير إينما كان.
عدى اليوم بسرعة ووصل عم داليا بدري عن الميعاد ساعة علشان يتناقش مع أخوه في تفاصيل الموضوع قبل ما يجيي حسام.
ونده على داليا نعم يا عمي
العم تعالي هنا يا داليا يا حبيبتي
داليا أنا هو
العم مش حوصيك متطلعيش لو سمحت خالص اليوم مهما سمعت خليك في غرفتك لان القعدة دي قعدة رجالة ممنوع