رواية داليا من 1-4

من البيت يا داليا لمي كل حاجه مهمه عندك في شنطة سفر وأنا آجي لك من تحت الفجر بعد ما يكونوا ناموا وتنزلي لي ونروح نتجوز علطول.
داليا بصت له باستغراب وكأنها أول مرة في حياتها تشوف الشخص ده وقالت لنفسها معقولة هو ده الشخص اللي بتحبه وبتدوب في هواه.. معقوله هو ده الشخص اللي كانت حتبقى مراته بعد شهور وأيام هو ده الشخص اللي مستعدة تضحي بكل راحتها علشان خاطر تكون معاه.. ايه ده هو كل اللي بيحصل لها ده حقيقي ولا حلم وخيال وغمضت عنيها من غير ما ترد عليه مش مصدقه أن الكلام ده بيخرج منه تتجوز في السر تهرب معاه ايه ده كله هو فاكرها ايه لا تربيتها ولا أخلاقها تسمح لها أنها تعمل كده ولا يمكن تحط بباها ومامتها وأهلها في موقف يكسفهم ويخلي روسهم في الأرض. لا وألف لا مش ده خالص حسام اللي أنا حبيته ده بني آدم تاني غير اللي انا عارفاه. وڠرقت في أفكارها محاولة تستوعب اللي بيحصل ومش مصدقاه. فجأه فاقت على حسام وهو بيقرب منها بطريقة غريبة خضتها ففتحت عينيها بسرعة. حسام في أيه ابعد لو سمحت يلا أنا عاوزة أروح أتأخرت على ماما وبابا.
حسام بضحك هستيري عاوزة تروحي... تروحي مين هو أنت فاكرة إن دخول الحمام زي خروجه!
حسام بضحك هستيري عاوزة تروحي... تروحي مين هو أنت فاكرة إن دخول الحمام زي خروجه!
داليا تقصد أيه
حسام يعني مفيش خروج من هنا إلا وأنت مدام حسام
كل اللي بيحصل ده وداليا مش مستوعبه هو يقصد ايه من كلامه ده فقامت وقفت وقالت هو الجواز بالعافية أنا مش موافقة اتجوزك ولاأروح معاك للمأزون خالص وعاوزة اقول لك أني غيرت رأيي بجد ومش حابة أتجوزك لا دلوقتي ولا بعدين.
حسام ومين قال لك اني حتجوزك بمأزون الوقتي
داليا باستغراب أمال تقصد ايه
حسام وهو عليها بيقول اقصد ده وزقها وقعها على الأرض و عليها كل ده وهي مش مستوعبة أن ده فعلا بيحصل. وجعتها الوقعة لانها كانت مش متوقعاها واتخضت لما قرب و..
بدأت تصرخ وتنده على أخته دلال بس دلال مش في الشقة زي ما اتفقت مع أخوها قال لها حسام متحاوليش محدش موجود في الشقة
داليا مش مصدقه نفسها ومش مصدقه أن كل ده بيطلع من حسام حبيبها للدرجة دي كانت مغشوشة فيه للدرجة دي كانت مخدوعة ياااااااااه هي عبيطة قوي كده لازم تتصرف مش لازم اللي عاوزة حسام ده يتم ولو على جثتها.
قعدت تترجاه بحبهم وبأغلى حاجه عنده أنه يسيبها بس هو عامل زي الحيوان بي
ولما ينزل لرقبتها خاڤت يكمل بجد وبدأت تسايسه وقالت له طيب نتفاهم في التفاصيل أنت شايف أن المكان ده مناسب للي حنعمله أفرض أختك أو زوج أختك رجعوا واحنا كده ترضاها لي وانا حكون مراتك
موافقه آجي معاك بمزاجي بس في فندق أنا وانت لوحدنا.
رفع نفسه شويه وقال لها عندك حق
بس ايه اللي يضمن لي إنك بعد ما اسيبك تكوني بتضحكي عليا ومترضيش تتجوزيني.
داليا حخرج الوقتي معاك من هنا على المأذون والفندق
حسام موافق بس بشرط
داليا شرط ايه
حسام قام من عليها وقال لها .. من تحت الجيبة مټخافيش علشان أضمن أنك مش حترجعي في كلامك وبكده أكون ضمنت حقي وشيلت لك حقك في الخصوصية لليلة دي اللي بتحلم بيها كل بنت.
داليا لا والله كتر خيرك.. بجد مش عارفه أقول لك ايه على كرمك ده ايه الۏساخة والقذارة دي اللي انت بتقولها لي دي أزاي كنت في يوم من الأيام كنت بحبك وكنت بفكر أتزوجك
وبسرعة جريت داليا ناحية الشباك المفتوح ونطت فوق السور بتاعه استعدادا منها أنها تنط منه.
حسام صړخ لا يا داليا أرجوكي أنت بتعملي أيه يا مچنونة.
داليا بصت له وهي مڼهارة وبتعيط لا يا شيخ أنا اللي بعمل أيه.. أنا اللي مچنونة المۏت عندي أحسن من إنك تلمسني.
حسام داليا انزلي واوعدك اني مش حمد ايدي عليك صدقيني خلاص أنا مش عارف ايه اللي جرى لي.
داليا فاكرني حصدقك لو سمحت اوعى تقرب والا حرمي نفسي بجد.
حسام يا مچنونة انت عارفة احنا في الدور ال يعني حتنزلي مېته.
داليا وماله ما انا كده كده مېته فالمۏته دي احسن لي.
هنا دخلت اخت حسام الغرفة وشافت داليا واقفة على سور الشباك صړخت وقالت يا مصېبتي داليا في ايه ايه يا حسام اللي بيحصل.
داليا اللي بيحصل اني عمري ما شفت اقذر من عليتكم دي أذاي توافقيه انه يعمل في بنات الناس كده انت ايه انت وجوزك مركبين قرون يجيب لكم أكله سمك وتخلوا له الشقة علشان مزاجه اخص عليكم لا شفت ولا حشوف بجد.
دلال ايه اللي بتقوله خطيبتك ده يا حسام هو ايه اللي بيحصل هنا
حسام مش قادر ولا عارف يرد
داليا اللي بيحصل هنا أن الباشا أخوكي عازمني هنا وعاوز في بيتك وانت سايبه له الشقة.
دلال لطمت على وشها وقالت يا لهوي ياحسام صحيح الكلام اللي بسمعه ده وراحت رزعاه قلم طيره
أنت بجد حاولت تعمل كده أنت للدرجة دي واطي ضحكت علي وأنا عبيطة صدقتك.
حقك عليا يا داليا والله ما فهمني كده خالص وشرحت لها اللي قاله ليها.
داليا طنط دلال استحلفك بالله ما تخليه يكمل معايا اللي ناوي عليه أرجوكي يا طنط حرام عليكم بجد ,انا أوعدكم مش حنطق لمخلوق ولا ححكي لماما ولا بابا خليه بس يسيبني في حالي.
دلال داليا من غير ما تترجيني يا حبيبتي أنت زي بناتي اللي جوزتهم بالضبط ولا يمكن أرضى أن يحصل لواحدة منهم حاجه زي دي أنت أصلا خسارة فيه هو حيوان ميستهلكيش انزلي يا بنتي من على الشباك وأوعدك إنه مش حيقرب لك.
داليا ربنا يخليك ياطنط
نزلت داليا من على سور الشباك وأخذت شنطتها وجريت ناحية الباب حاول حسام يحصلها أخته دلال جرته من إيده وقالت له إيه رايح فين أوعى تكون فاكر إني حسيبك تحصلها ده انت طلعت لا أخويا ولا أعرفك ولا عاوزة أشوفك تدخل بيتي ثاني واوعى تقرب من داليا بالشكل ده تاني وإلا يمين بالله لأبلغ عنك بنفسي أنت لا احترمتني أنا وزوجي ولا احترمت حرمة البيت بتاعي مخفتش على البنت مخفتش على اختك وسمعتها ولا لما جوزها يرجع البيت ويكتشف اللي حصل ده احنا فتحنا لك بيتنا ووثقنا فيك بجد إخص عليك.
حسام أصل أصل يا دلال ومقدرش فعلا يكمل جملته لأخته دلال لأن مهما كان مفيش مبرر للي كان حيعمله في داليا الوقتي وحس بنوع من الاحتقار من نفسه.
داليا لبست نظارة الشمس بتاعتها علشان تغطي عياطهاو شاورت لتاكسي بسرعة وطلبت منه يروح على العنوان اللي قالته وبعدها طلعت موبايلها واتصلت بصحبتها أميرة .
أميرة ألو
داليا وهي بټعيط باڼهيار أميرة إلحقيني بسرعة محتاجاك
أميرة داليا اهدي أيه اللي حصل فهميني.. انطقي
داليا مش حينفع في التليفون .. أنا ركبت تاكسي وجايه لك في الطريق.
أميرة طيب أنا مستنياك
داليا رجاء يا أميرة محدش