رواية داليا من 1-4

عارفه أنا أد إيه بحبك.. أنا مش بحبك بس يا داليا أنا بعشقك.. يا داليا ليه بتعذبيني كده.. إنت كده بتقتليني.. مش حقدر اعيش من غيرك صدقيني .. المۏت احسن لي.
داليا بجد مش قادرة تستحمل وخصوصا لما لقت والدتها كمان متأثرة بيه وبتعيط وبتقولها قطع لي قلبي.
داليا أنا يا ماما اللي قلبي اتقطع أنا حخرج له يا ماما ويحصل اللي يحصل بجد مش قادرة استحمل أكتر من كده خالص تعبت تعبت بجد.
وخرجت داليا من غرفتها بسرعه لغرفة الضيوف بس للأسف ملقتش فيها حد ففهمت إن عمها وأبوها خرجوا حسام بره الشقة طردوه بمعنى أصح داليا عيطت وقالت لهم ليه كده حرام عليكم هو بيحبني.
العم داليا أنت لسه صغيرة مش فاهمة حاجه حتشكريني بكرة لما تكبري وتفهمي المواضيع على حقيقتها.
داليا لقت نفسها فجأه جالها حالة سکينة غريبة زي ما تقولي هدوء بعد العاصفة ودخلت غرفتها وقفلت على نفسها الباب.
الأب تفتكر كده أحنا ظلمناهم
العم لا خالص صدقني كده الصح وأنا إن شاء الله من بكرة حشوف لها شغل يشغلها عنه ولو عمل اللي احنا عاوزينه قبل الشهر نفذ وعدك واديها له.
الأب وهل تعتقد أنه حينسى لينا اللي عملناه فيه الوقتي ومش حينفس في بنتي.
العم وهو أنت ضامن يعمل كل حاجه قبل الشهر ما يخلص
الأب الله أعلم
العم خلاص سيبها على الله
الأبونعم بالله.
كلمت داليا أميرة وحكت لها على اللي حصل
أميرة لا حول ولا قوة إلا بالله.. ليه تقطيع القلب ده
داليا شفتي الحيرة اللي أنا فيها
أميرة ربنا يعمل لك اللي فيه الخير إن شاء الله.
داليا يارب يا أميرة
أميرة يلا أدخلي حاولي تنامي
داليا إن شاء الله ححاول .. تصبحي على خير
أميرة وأنت من أهل الخير
قفلت داليا مع أميرة ولسه حتنام لقت تليفون من حسام مكنتش متخيلة إنه حيتصل بيها والوقتي.
أخدت قرار مع نفسها إنها لازم تكمل الخطوة مش بعد كل اللي حصل ده ترجع فيها ولو ليها نصيب في حاجه حتشوفها إن شاء الله وقفلت الموبايل ورفعت سماعة البيت ونامت كأنها مغمى عليها زي ما يكون النوم ده جالها كنوع من أنواع الهروب من كل اللي بيجرى لها.
بعد ما حسام نزل من بيت داليا كان مڼهار تماما..أخذه صاحبه وطلب منه يهدى أول مرة يشوفه في الحالة دي وقاله حسام أهدأ أنا أول مرة بجد أشوفك كده لازم تهدا علشان نعرف نفكر صح.
حسام مش قادر يا محمود بجد مش قادر استحمل فكرة بعدي عنها ولا إني ممكن أخسرها.
محمود إن شاء الله مش حتخسرها تفاءل خير. تعال نقعد شويه على كافيه على البحر وروق أعصابك متروحش البيت بالشكل ده.
حسام أنا أصلا مش طايق أرجع البيت تعالى نقعد شويه في أي مكان
محمود أخده واختار كافيه وقعدوا مع بعض وطلب له عصير ليمون بالنعناع علشان يروق أعصابه
محمود الوقتي خطتك ايه وناوي تتصرف أزاي
حسام مش عارف بجد مش عارف والي طالبه ده مني في الوضع الحالي مستحيل.
محمود يعني عاوز تقف تتفرج لغاية أما تروح من بين إيدك كده.
حسام طيب أعمل ايه انصحني.
محمود حاول تعتر على قريبك اللي ڼصب عليك بأي طريقة وحاول تسايسه وتتفاهم معاه خد منه أي حاجه شويه خساره أحسن من خسارة كل حاجه.
حسام عندك حق يا محمود لازم ألاقي طريقة الاقيه بيها
محمود بس السرعة مطلوبه علشان تقدر تحضر طلبات والد داليا قبل ما الشهر يخلص
حسام ماشي الحال .. إن شاء الله خير أديني بس دقيقة أكلم فيها داليا.
محمود باستغراب مش عمها قال لك متكلمهاش خالص طول الشهر
حسام عمها يقول اللي يقوله ميهمنيش عمها يهمني داليا نفسها في موقف حصل لازم ابرره ليها صح ولازم اتأكد من استمرار حبها لي ولازم تدعمني جامد الفترة الجاية لأن من كده حتأكد إن رأيها من رأي باباها وعمها ومعدتش بتحبني.
محمود أنا مش حجبرك تحكي لي الموقف اللي بينكم لو حسيت إنك عاوز تحكي أنا موجود ومقدرش امنعك تكلمها أنت مش صغير وتعرف ايه الصح وايه الغلط بس نصيحة اتقل شوية وسيبها براحتها.
حسام إن شاء الله يا محمود.. استأذنك دقيقة واحدة
محمود براحتك انا هنا مستنيك
محمود قام يكلم داليا اتصل بيها كتير وهي مش بترد خالص فقد الأمل ورجع لصاحبة وهو محبط وقاله مش بترد.
محمود خلي بالك باباها مانعها تكلمك وبعدين أكيد نامت
حسام هل تعتقد إن لو واحدة المفروض بتحب خطيبها وفي موضوع وارتباط بيتفشكل حتقدر تنام اليوم ده
محمود مقدرش أحكم الله أعلم بمشاعرها الوقت ده وأحاسيسها هو أنت زعلتها في حاجه.
في اللحظة دي أفتكر حسام كل اللي عمله فيها يوم أكله السمك وحس ما بين نفسه أنه بيحتقر نفسه بجد وسأل نفسه يا ترى بعد اللي أنا عملته فيها حتسامحني وحترضى تكمل معايا
بجد غبي غبي وطلعت آخر كلمتين منه بصوت عالي وسمعهم صاحبه
محمود هو مين ده اللي غبي
حسام متاخدش في بالك.. يلا بينا نروح
محمود يلا تعالى أوصلك الأول
حسام لا روح أنت .. أنا حاخد تاكسي
محمود طيب براحتك تصبح على خير
حسام وأنت من أهل الخير وسأل نفسه يا ترى أحكي لمحمود على اللي عملته مع داليا ليه متردد علشان حاسس إن اللي عملته حقاره وخاېف أخسر صاحبي كمان مش ححكي له الوقتي خالص لما نشوف ايه اللي حيحصل في الشهر ده.
تاني يوم الصبح صحيت على مامتها بتحاول تفوقها الظهر وتقول لها إن عمها بيحاول يكلمها على تليفونها مغلق فاتصل بيها وطلب يكلمها ضروري قامت داليا مخضۏضة وقعدت على السرير وأخدت التليفون من مامتها وقالت أيوه صباح النور يا عمي آسفة الظاهر التليفون فصل شحن وأنا مش واخدة بالي خير يا عمي.
ونطت فجأة من السرير وهي بتقول بجد .. بجد يا عمي أحلف.. وبعدين سكتت بخيبة أمل تاني وقالت له حاضر يا عمي.
أول ما قفلت السماعة مامتها قالت لها فهميني في ايه اللي بيجرى بالضبط.
داليا أبدا يا ماما عمي قال لي إنه كلم لي مهندس بيتعامل معاه في الشركة وهو بدوره كلم الشركة اللي شغال معاهم في التوريد إني اشتغل معاهم.
الأم يعني لقى لك شغل الحمد لله كده خلاص
داليا كنت فاكرة زيك كدة بس قال لي أنت وشطارتك في الانترفيو اقنعيهم.
الأم وايه المشكله
داليا بيقول انها شركة كبيرة من القاهرة بتفتح فرع هنا وعاوزين يجمعوا الموظفين للفرع الجديد.
الأم وايه المشكله أنت أدها هو انت أي كلام ده كفاية اللغات اللي معاك.
داليا المشكلة مش في اللغات المشكلة في الخبرة معنديش خبرة في مجال المقاولات خالص وعاوزين كمان سكرتيرة تنفيذية يعني أشطر أنواع السكرتاريه.
الأم جربي مش حتخصري حاجه امتى الانترفيو
داليا بكرة الصبح إن شاء الله في الفندق اللي على الكورنيش
الأم ما شاء الله ربنا يجعل الوظيفة دي من نصيبك
داليا يا رب يا ماما لأني محتاجاها في الوقت ده بجد.
الأم إن شاء الله خير.
أميرة بصوت نائم أيه ده هو الساعة كم الوقتي.
داليا الساعة عشرة الصبح كفاية عليك كده عاوزة اتكلم معاك.
أميرة يا شيخة حرام عليك كل يوم على الحال