رواية داليا من 1-4

الأب يستوعب الكلام ده ولا يرضاه لبنته أزاي يوافق لبنته على عريس حيتحكم عليه بالسجن ولا شغل ولا فلوس ولا دخل ثابت كده بيكون بيحكم عليها بالشقاء في الدنيا ليه أيه اللي يجبره على كده وقفل مع صاحبه وراح بسرعه لمراته يحكي لها اللي عرفه من صاحبه واللي قرره ما بينه وبين نفسه لما سمعت الام الكلام مصدقتش وقالت يا عيني عليك يا بنتي وياعيني عليك يا بني.
الأم البنت متعلقة بيه يا حج.
الأب أنت اټجننت بعد كل اللي حكيته لك تقولي لي متعلقة بيه ايه وزفت ايه ده حيبقى رد سجون ومن غير شغل يصعب عليك بنتك أنا خلاص قررت أفسخ الخطوبة اليوم أول ما يرجع ولولا الملامة كنت اتصلت بيه الوقتي يرجعها بس أخاف يشك في حاجه الصبر طيب.
روحي يلا لمي حاجته وهاتي شنطه حطي له حاجته فيها علشان أول ما يرجعوا اديهم له علطول.
أنا مش مستغني عن بنتي.
الأم عندك حق "ليقضي الله أمرا كان مفعولا"
حسام ماسك أيد خطيبته بمنتهى الحب والشغف وطالع بيها لشقة أخته دلال وجوزها خبط على الباب فتح لهم زوج أخته ورحب بيهم كتير وطلعت دلال أخت حسام من المطبخ ترحب بيهم وتعتذر عن الپهدلة اللي هي فيها من أثر الطبخ.
داليا هنا بصت بلوم لحسام وقالت لدلال والله أنا آسفة حسام هو صاحب الفكرة دي وتعبك معانا معلش أعذريني وأوعدك مش حتتكرر تاني.
دلال باستنكار يا سلام متشوف خطيبتك يا حسام ده اسمه كلام ده ده أنت تشرفينا وتنورينا يا قمر دايما وعلطول أنا مقصدش أنك متجيش.
حسام معلش يا دلال بتتحجج
داليا لا والله مش بتحجج بس مش بحب اتعب حضرتك
دلال لا تعب ولا حاجه أنت نورتينا.
ودخلهم زوجها على غرفة الطعام وهو بيقول الأكل خلاص جهز على السفرة اتفضلوا أهلا وسهلا أكيد جعتم.
دخل حسام ودلال للسفرة وقعد حسام جنب خطيبته وهو بيقول لاخته ايه ده كله يا دلال ما شاء الله الأكل ريحته حلوة جدا وباين عليه أنه طعمه ممتاز
دلال بألف هنا وشفا عليكم
داليا لا بجد تسلم أيدك أول مرة في حياتي أذوق سيفود بالطعامة دي والكاليماري تحفه تحفه تحفه.
دلال حبيبة قلبي انت يا داليا اتجوزوا انتم بس وأنا حغرقكم سيفود علطول
داليا اتكسفت وبصت في الارض من كتر بصات حسام ليها وهو بيقول لاخته متقلقيش يا أختي قريب خالص. ومفهمتش داليا يقصد من ورا الجملة دي أيه.
بعد ما خلصوا الغدا قام زوج دلال حضر الشاي والكل ساعد في رفع الأطباق ونقلها للمطبخ هنا اكتشفت دلال أنه مفيش سائل غسيل للاطباق فندهت على جوزها وطلبت منه ينزل يشتري لها زجاجه وهو مرفضش وجه ينزل جريت عليه ووشوشته قالت له مترجعش علطول ساعه كده وارجع استغرب زوجها من طلبها قال لها عيب عندنا ضيوف هي زعقت هو انت كنت ناوي تقعد على قلبهم طول الوقت وبعدين أنا موجودة معاهم ولا أنا مش ماليه عينك يعني .
رد جوزها لا أزاي
دلال الموضوع اللي أنت عارفه نصحت حسام يصارح بيه دلال اليوم علشان كده هو حابب يكلمها براحته.
الزوج ماشي يا ستي حروح أقعد على القهوة ساعة زمن كده.
دلال ربنا ييسره الحال يارب وتوافق
الزوج ربنا يعملهم هم الأثنين اللي فيه الخير.
نزل زوج دلال أخت كريم بحجة يشتري سائل جلي الصحون ودخل حسام مع داليا غرفة الجلوس وأخذ معاه كبايتين الشاي بتاعتهم ودماغة مليانه ألف فكرة
ينفذ الفكرة بتاعته أزاي يا ترى كده صح ولا غلط واقنع نفسه أن ده هو الحل الوحيد علشان ميخسرهاش.
اخته دخلت من الباب وقالت معايا أحلى بسبوسة بيتي.
داليا ردت بسرعه لا مفيش حته تانيه في بطني خالص
دلال بإصرار لا إزاي لازم تدوقي البسبوسه بتاعتي
وندهت عل حسام حسام عاوزاك.. استأذنك يا داليا 5 دقايق اغير هدومي واخد حمام لحسن ريحتها سمك خالص.
داليا براحتك خالص أنا شويه ونازله
دلال لا تنزلي ايه لسه القعدة حتحلو
وهمست لاخوها لما وصلها انها بعتت زوجها مشوار وحتختفي نص ساعه بس مش اكتر صارحها بالحقيقة بقى وحاول تقنعها.
غمز لها اخوها بالموافقة وباسها من خدها وقال لها أحلى أخت في الدنيا.
ومكنتش تعرف دلال أبدا نية حسام تجاه داليا خطيبته وانه استغلها بالشكل السئ ده لأغراضه الدنيئة مجاش في بالها خالص ان أخوها ممكن يكون بالحقارة دي.
حسام وهو بيخطط مفكرش خالص أيه حيكون رد فعل داليا لما يعمل معاها كده.
وايه حيكون رد فعل اخته وجوزها لما يرجعوا ويكتشفوا أنه عمل في خطيبته كده في بيتهم وهم ڠصب عنهم ساعدوا في كده كان معمي كل اللي هامه حاجه واحدة بس كررها في دماغة كذا مرة أول لما ساب أخته.
لازم ا داليا الوقتي....أيوه لازم .
الحلقة الثانية
قعد حسام جنب داليا على الكنبة يشربوا الشاي وهنا بصت له داليا وقالت له هاه يا حسام خير فيه أيه بجد قلقتني أيه اللي حصل أحكي لي ممكن أقدر أساعدك.
قرر أنه يحكي لها اللي حصل معاه لعلها تستجيب معاه وترضى تجيب المأذون ويتجوزوا.
وبعد لما خلص حكايته بص لها وبالطبع كان مخبي الجزء بتاع الشيكات والسجن هاه أيه رأيك
بصت له داليا وقالت موقفك بجد صعب قوي وأزاي قريبك ده اللي بتثق فيه ينصب عليك بالشكل ده.
حسام معدش في أمان خالص في الدنيا دي يا داليا والجملة اتعلقت في لسانه لانه افتكر اللي ناوي عليه معاها فهو كمان ينطبق عليه معدش ليه أمان بس رمى الفكرة دي من دماغه بسرعة لأن فعلا الشيطان كان متملك منه وخلاص حاطط في ذهنه أنه لازم يملكها خلال نص ساعه قبل ما ترجع له أخته.
داليا كملت كلامها ليه محاولتش تتواصل معاه وبالتراضي تقسموا البضاعة أو المبلغ لانك كده ممكن تتحبس بالشيكات اللي عليك.
حسام مش عارف أوصل له يا داليا طلع من قبرص على مالطا على أيطاليا مش عارف فين أراضيه.
داليا منخفش يا حسام أنا عمر ما حاجه زي دي ما حتفرق ما بينا أنا ححارب معاك وحستحمل لغاية لما ترجع حقوقك وحقلل طلباتي كتير من جهتي متقلقش وخد الشبكة بيعها وسد جزء من اللي عليك ومش عاوزة فرح يا سيدي أيه رأيك بقى.
حسام كل ده حلو بس أنا مش ضامن باباك.
داليا يعني ايه مش فاهمة
حسام يعني باباك لما يعرف كل التفاصيل دي مش حيكمل الجوازة اوعي تقولي له اوعديني
داليا اوعدك .. بس ايه اللي خلاك تجزم بكدة
حسام أنا عارف أنا بقول لك ايه.
داليا خلاص يا حسام زي ما تشوف.
حسام عاوز منك طلب تاني
داليا خير يا حسام
حسام تعالي نتجوز في السر علشان أضمن ان باباك ميقدرش يفشكل الخطوبة.
داليا أنت اټجننت يا حسام ..أيه اللي أنت بتقوله ده وأزاي يخطر في بالك إني ممكن أعمل حاجه زي دي من ورا أهلي.
حسام داليا اسمعيني بس
داليا اسمع ايه وهباب ايه أنت مش سامع نفسك بتقول ايه.. دي لا اخلاقي ولا تربيتي أصلا ممكن بابا ما يوافقش أنه يجوزنا لبعض لو عرف حكايتك دي
حسام طيب خلاص بسيطه أهربي