رواية داليا من 1-4

الحلقة الأولى أكلة سمك
جرس التليفون رن
والدة داليا شوفي مين على التليفون يا دودو.
داليا ده أكيد حسام يا ماما
والدة داليا طيب ردي عليه بسرعه ليه سايباه يرن كده
داليا حاضر يا ماما حرد أهو
داليا حبيب قلبي ورحي وحياتي إزيك .. وحشتني.. كل ده تأخير .. متصلتش من بدري ليه
حسام نور عيني وعمري كله أنت هو أنا أقدر استغنى ولا أتأخر بس دخلت استعد لخروجتي معاك.
داليا أزاي يعني
حسام بصراحة غيرت الترتيب اللي أحنا متفقين عليه
داليا مش فاهمة
حسام مش أنا كنت متفق معاك نتغدى بره
داليا آه
حساه حنتغدى بس مش بره قوي
داليا إزاي يعني
حسام نزلت أشتريت سمك وجمبري وكابوريا وكاليماري واستاكوزا واديتهم لاختي تطبخهم لينا فهي وزوجها منتظرني أنا وأنت على الغدا.
داليا بس ده مكنش اتفاقنا يا حسام وبعدين بابا مش حيوافق وأنا مقلتش لماما كده هي فاهمة إننا حنتغدى في مطعم بره.
حسام بسيطة يا حبيبتي.. متقوليش
داليا باستغراب إزاي يعني مقولش مينفعش
حسام حياتي للدرجة دي معندكيش ثقة بي وبعدين اختي معاك أهي بتعزمك بنفسها (ورمى السماعة لأخته من غير يدي داليا فرصة تتكلم)
الأخت أهلا يا داليا حبيبتي.. مستنياك ...أوعي متجيش ..أنا بدأت خلاص في الأكل .. حأكلك أحلى سمك وسيفود دقتيه في حياتك.
داليا يا طنط والله مش عارفه أقول لك إيه.
الأخت ولا تقولي ولا تعيدي أنا وجوزي موجودين ده مش مكفيك.
داليا إنت الخير والبركة يا طنط
الأخت طب خلاص مستنياك خدي حسام معاك أهو.
حسام هاه يا حياتي أتأكدتي بنفسك من كلامي
داليا ليه تدبسني مع أختك كده عيب أحرجتني.
حسام مش انت مش واثقة في على الرغم إننا حددنا معاد الفرح بعد 3 شهور والعفش معظمه خلص.
داليا لا يا حسام مش موضوع مش واثقة فيك موضوع ميصحش ولا ماما ولا بابا حيوافقوا وأنت واحشني كتير ومش حستحمل مشفكش النهاردة.
حسام خلاص بسيطة متقوليلهمش إنك رايحه تتغدي عند أختي وأنا حوصيها متجيبش لمامتك سيرة.
داليا وأختك تقول علي أيه مهمكش شكلي ادامها.
حسام يوه يا داليا بجد زهقتيني لامتى حتتعاملي معايا كغريب لامتى مش حتثقي في .للدرجة دي أنا فارض نفسي وحبي عليك. خلاص يا ستي مفيش خروج ولا زفت وقفل السكة.
داليا بصت للسماعة اللي لأول مرة بقفلها في وشها للدرجة دي ولأول مرة يتعصب عليها بردة للدرجه دي
وسألت نفسها يا ترى إيه السبب ملقتش جواب عندها فقررت تتصل بيه وتسأله.
في اللحظة دي وقبل ما داليا تتصل حسام قاعد سرحان مع نفسه بيفتكر ليلة إمبارح إزاي لما قرب منهاكان حاسس إنه ملك الدنيا وما فيها إزاي مش قادر حتى يفكر إنه يعيش في الدنيا دي من غيرها ولا يستحمل فراقها إزاي إنه لما فاق من حلمه ده معاها بكل تفاصيله اللي خلته بجد مش قادر على فراقها أخد قرار عمره في حياته ما فكر إنه يقدر ينفذه بالطريقة دي وفي اللحظة دي رن جرس التليفون وكانت داليا.
أول ما اتصلت داليا رفع حسام السماعة وقال لها قبل ما تقولي أي حاجه يا داليا إحنا خلاص فرحنا بعد 3 شهور إن شاء الله يا تكوني واثقة فيا وتيجي تتغدي معايا عند أختي يا متتكلميش معايا بعد كده خالص.
داليا استغربت كتير من لهجته وأسلوبه وسكتت شويه تستوعب الموقف بس هو كان ملاحقها مش مديها فرصة تفكر.
حسام هاه عاوز جوابك الوقتي حالا
داليا بتردد حسام أول مرة كده أخبي حاجه على ماما وبابا.
حسام كلمة ورد غطاها جايه ولا لا
داليا طيب المرة دي وبس متطلبش مني تاني أعمل أي حاجه من غير ما أقول لماما.
حسام لا يا حبيبتي بعد الجواز مفيش ماما خالص حياتنا جوة الأربع حيطان دول وممنوع تقولي أي حاجه لماما.
داليا سكتت ومش عارفة ترد عليه بأيه بس في حاجه جواها مش مريحاها فاستعاذت بالله من الشيطان وقررت تقفل معاه علشان تجهز.
حسام عاوز منك طلب يا دودو يا حبيبتي.
داليا خير يا قلبي أطلب
حسام فاكرة التايير اللي اشتريته ليك من قبرص آخر سفريه لي.
داليا طبعا فاكراه ودي حاجه تتنسي أد ايه ذوقك قمة الشياكة.
حسام ممكن تلبسيه النهاردة وأنت خارجه معايا
داليا بس
حسام بس ايه
داليا الجيبه بتاعته قصيرة حبتين وانا بتكسف أخرج بيها طالما مفيش مناسبة.
حسام أولا انت خارجه مش لوحدك مع خطيبك وضروري تكوني متشيكة ثانيا الجيبة مغطية لتحت الركب ثالثا أنت مش محجبه لسه وعدتيني بالحجاب بعد الجواز رابعا وده الأهم وحشني شكل رجلك اللي بتجنن عليها ودي الطريقة الوحيدة اللي حتخليني أشوفها.
داليا ضحكت بكسوف ومعرفتش ترد إلا بحاضر حلبسه دخلت داليا غرفتها تستعد للخروج مع حسام خطيبها.
اتلفت حسام لأخته بعد ما قفل التليفون مع داليا وبحسرة قال لها دلال بجد مش قادر اتخيل إني ممكن اخسرها أنا بحبها بجد ومقدرش اعيش من غيرها.
حسام لو باباها عرف إنه اتنصب عليا وخسړت كل فلوسي حيرجع في كلامه وميكملش الجوازة وخصوصا ان شغلي الاساسي كمحامي ملوش دخل ثابت.
دلال هو أكيد عارفك كويس وعارف انك بتحب بنته اد ايه وهو اشترى راجل.
حسام انا اتقدمت ليه كمستورد ومحامي وفلوس شركتي هي اللي جابت الشقة بس لما اتنصب عليا مش حقدر أكمل باقي التزاماتي ناحيتهم واخاڤ يرفضني.
دلال المهم إن داليا بتحبك حاول تقنعها هي وهي تقنع باباها.
حسام علشان كده فضلت اجيبها عندكم تتغدى علشان أتكلم معاها براحتي وأحاول أقنعها.
دلال عين العقل يا أخويا يا حبيبي ولك عليا أول ما نتغدى وينزل محمد جوزي الشغل أغيب عنكم نصاية كده عند الجيران حاول تقنعها فيها.
هنا فرح حسام ولمعت عينه لمعه مفهمتهاش اخته خالص حسام قال لها حبيبتي انت يأختي يا عسل.
حضنته وقالت له ربنا يوفقك يا حبيبي.
فكر حسام وقرر مع نفسه مش حسمح لأي حد مهما كان ياخد مني داليا أو تسيبني اتعذب من بعدها أبدا لازم حل داليا لازم تبقى ليا وبتعتي أنا لوحدي ولازم أضمن وجودها أنا مش حخسر كل حاجه وهنا جت له فكرة جهنمية لو قدر يجبرها تكون مراته اليوم من غير علم ابوها وامها بالشكل ده حيقدر يتجوزها مهما كانت الظروف ومش حيقدر أبوها يمنعه أبدا من جوازة منها وضحك ما بينه وبين نفسه.
داليا لبست التايير اللي جابه ليها خطيبها عبارة عن شيب أسود حرير كلوش ويادوب مغطي الركبة وبلوزة بيضا في أسود محددة تفاصيل الجسم ماسك على كل خصرها وسيبت شعرها اللي حصل طول الجيبة تقريبا وحطت مكياج بسيط ولبست كعب عالي وحطت من البرفان اللي خطيبها اشتراه ليها وطلب منها متحطش منه إلا معاه بس وخرجت تفرج مامتها شكلها.
الأم إيه الأقمر ده الله أكبر ربنا يحفظك من عين الناس بره.
داليا بجد يا ماما حلوة
الأم حلوة بس ده أنت حتهبلي خطيبك عليك كده بس يا داليا الجيبة مش قصيرة شوية.
داليا يا ماما هانت يا حبيبتي كلها كام شهر واتحجب خلاص مرة من نفسي( وخبت على مامتها موضوع الغدا عند اخته وموضوع إنه طلب منها تلبس التايير ده)
وصل حسام وكاعادة جريت داليا تفتح له الباب وتستقبله وشمت ريحة البرفان