رواية داليا من 1-4

ترى حنجح فيه مع الأعداد المؤلفة اللي مقدمة وعندها خبرة.
أميرة بت أنتي ... اهدي .. أنت لسه قايلة ايه وموضوع خطيبك ده شيليه من دماغك خالص حاسة إنه حيتفشكل لوحده إن شاء الله ربنا حيعوضك خير نصيحة متدوريش على الحب ولا تفكري فيه أرميه ورا ظهرك وحييجي راكع لغاية تحت رجلك.
داليا يا عم الحكيم أنت.. جبتي الحكم دي كلها منين
أميرة من الدنيا
بس تعالي بس نختار لك حتلبسي إيه وحنعمل في شعرك ومكياجك إيه.. قلتي لي امتى الانترفيو
داليا بكرة الساعه 9 الصبح إن شاء الله.
أميرة وسايبانا نرغي يلا قومي بسرعة.
داليا حاضر أهو قايمة بسرعة.
(ودخلوا جري على حجرة داليا ينقوا الطقم اللي حتروح بيه داليا المقابلة).
الإنترفيو
داليا وأميرة في غرفة داليا بيحاولوا يختاروا الطقم اللي داليا حتلبسه في المقابلة.
أميرةأفتحي الأول دولابك واسمحي لي سنضطر آسفين إننا نستخدم من اللبس اللي الأستاذ حسام اشتراه لك من أوروبا لأنه بجد قمة الشياكة.
داليا آدي الدولاب أهو أدامك والكورنر ده فيه اللبس اللي اشتراه لي حسام بس خلي بالك أنا مش عاوزة اختار لحاجه ملزقه ولا محزقة ولا قصيرة أنا رايحه شركة كبيرة وعاوزاهم يختاروني علشان كفاءتي أو مؤهلاتي مش علشان رجلي باينه ولا تفاصيل جسمي واضحة.
أميرة أكيد يا داليا أنا معاك .. بس في النفس الوقت تبقي شيك وراقيه لأنك واجهة للمكان للي رايحة تشتغلي فيه وزي ما بتقولي إنها شركة كبيرة ومعروفة وجايين من العاصمة إيه اللي يجبرهم ياخدوا واحده مظهرها مش اد كده.
داليا أخص عليك يا أميرة ده رأيك في إن مظهري مش أد كده هو لبس حسام هو اللي مخلي شكلي بس حلو
أميرة لا يابنتي مقصدش كده خالص أفهمي المهم طبعا القالب ولبسك حلو بس اللبس اللي حسام شاريه راقي بزيادة ولافت للنظر من أناقته ورقته في نفس الوقت.. أنت فاهمة قصدي ولالا
داليا فاهمة يا أميرة يلا خلصي بقى خلينا نخلص.
أميرة اديني مقترحاتك كلها وأنا أختار منها
داليا ما أنت شفتيني لابسه كل اللبس ده قبل كده متختاري علطول
أميرة لا يا فالحه المهم أنت لازم تكوني حاسة بنفسك وأنت لابسة الطقم إنك حلوة وجميلة المهم إحساسك إنت.
أحيانا تكوني لابسه طقم لانك اخترتيه من بين كل الأطقم وتلبسيه وتحسي نفسك أجمل إنسانه في الوجود رغم إنك ما أضفتيش ليه أي حاجه ساعة وحلق ومكياج خفيف وأحيانا تانيه بتكوني لابسة نفس الطقم ونفس اللاكسسوار ونفس المكياج ونفس تسريحة الشعر بس تحسي نفسك أوحش واحدة في الكون ليه بجد مش عارفة هل هي حالة نفسية ولا مزاجية ولا علم طاقة سلبية وإيجابية مقدرش أحدد بجد.
علشان كدة بقول قولي لي أنت حاسة نفسك بكرة بأنه طقم وأنا أأكد لك حلو ولا لا.
داليا تصدقي إن روحي رايحه لطقم معين بعينه الطقم اللي اتصورت بيه يوم تخرجي من الجامعة واللي لبست عليه الكاب الأسود والجاون الأسود بتاع التخرج
أميرة فكريني بالطقم ده مش فاكراه واشمعنى بيعجبك
داليا مش عارفة بحسه بسيط ورقيق جدا وفي نفس الوقت قمة الشياكه بيخليني أميرة يا أميرة..هههههههه
أميرة وريه ليا يا ستي
داليا أهو .. هو عبارة عن بنطلون أسود قماش استريت وعليه بلوزة حرير ناعمه أغلبها باللون الأبيض ولازق فيها كارديجان رمادي متوسط من نفس خامة الحرير واسعه وفي نفس الوقت مرسومه علي.
بحس إني بتفاءل بيها مش عارفة ليه وأنا لبساها بحس بثقة في نفسي رهيبة.
أميرة جزء كبير من أحساسك بالثقة في نفسك نابع من الثقة في مظهرك طيب ممكن تلبسيه أدامي أشوفه عليك.
داليا حاضر ثواني البسه وآجي لك
دخلت داليا على أميرة وهي لابسة الطقم أميرة صفرت وقالت تحفة اختيار موفق فيه كل التفاصيل المطلوبة رسمي وفورمال شيك وراقي محترم ورقيق من الآخر منتهى الشياكه.
داليا ده بصراحة اللي حاسه بيه
أميرةفكرتي حتلبسي دهب ايه
داليا دهب ايه يا أميرة اللي انت بتتكلمي عليه أولا مش حلبس شبكتي لان بابا واخد عنده هدايا حسام حلبس كوليه اكسسوار رقيق وساعه رادو أعتقد مفيش أشيك منها والخاتم الذهب اللي ماما أديته لي يوم ما خلصت الثانوية العامة واللي اشترته من أول راتب ليها لما اشتغلت وطلبت مني أديه لأول بنت لي لما تخلص الثانوية العامة.
أميرة واشمعنى الخاتم ده حتلبسيه مش بتقولي مش عاوزة تلبسي دهب
داليا مش عاوزة دهب علشان مكنش متكلفة وأنا رايحة انترفيو شغل والخاتم ده بالذات لأني حاسة أنه وشه حلو عليا فيه فص فيروز كبير لونه غريب وتصميمه فريد محدش شافني لبساه إلا لما سألني عليه.
أميرة وريهوني كده
داليا قلعته من صباعها وورته لأميرة اللي قالت هو صراحة تحفة خلاص اعتمدناه
داليا كده الحمد لله اخترنا كل حاجه
داليا تسلمي لي يا مرمر يا حبيبتي
أميرة ربنا ما يحرمنا من بعض أبدا ويوفقك في الانترفيو بتاع بكرة إن شاء الله
في نفس اللحظة حسام بيحاول يوجد أي طريقة اللي ممكن من خلالها يوصل لقريبه اللي ڼصب عليه حنسيبه شويه يجتهد مع نفسه وحنركز شويه أحنا مع داليا والانترفيو بتاعها.
طلبت داليا من مامتها تصحيها الساعة 7 علشان تقدر تجهز وتحضر نفسها وتنزل بدري لأنها متأكدة إنه صعب تلاقي تاكسي بدري وعاوزة توصل قبل الميعاد شويه علشان تدور على مكان المكتب فين بالضبط مش حلو لما توصل متأخرة أول يوم.
مامتها قالت لها أحضر لك الفطار يا داليا.
داليا لا يا ماما بجد كفاية كباية النسكافيه مش قادرة أفكر في أي حاجه تانية.
الأم طيب براحتك خدي معاك فلوس زيادة من الدرج علشان التاكسيات أو لو أحتجت تشتري حاجه.
داليا شكرا يا أحلى أم في الدنيا دعواتك
الأم ربنا يوفقك يا بنتي ويعمل لك اللي فيه الخير.
داليا يا رب يا ماما
وهي نازلة اتصلت على عمها تأكد عليه المكان ووقت الانترفيو وتمنى لها التوفيق.
لقت داليا تاكسي بسهوله وطلبت منه يوصلها لمكان الفندق اللي على الكورنيش ولما وصلت دخلت الريسيبشن وسألت الموظفة اللي على الاستقبال عن فين مكتب الشركة الموظفه شرحت لها أزاي توصل لقسم المكاتب أنه دور ورقم المكتب المخصص للشركة دي.
شكرتها داليا ودخلت الاسانسير متجهه للدور المخصص للمكاتب والشركات بالفندق.
مشيت داليا في ممر طويل كله مكاتب وعيادات وشركات لغاية أما وصلت للرقم اللي دلتها عليه موظفة الأستقبال ولقت اسم الشركة بالفعل مكتوب على اليافطة اللي برة.
وقفت شويه خاېفة تدخل وافتكرت وصية مامتها اقرائي وانت داخلة الفاتحة وآية الكرسي وأدعي وربنا يعملك اللي في الخير كل ده قبل ما تدخلي العتبة.
فضلت واقفة داليا بره الباب الزجاجي للشركة ورافضة تدخل وتعتب إلا لما تخلص كل الأذكار اللي موصياها بيها أمها ومنتبهتش بالشخص اللي واقف وراها من فترة عاوز يدخل ووقوفها على الباب بالشكل ده مانعه محستش إلا لما اتكلم وقال لها هو احنا حنفضل واقفين كده كتير على الباب من بره هو حضرتك مش ناوية تدخلي ولا أيه لو مش ناوية اسمحي لي أنا مستعجل حابب أدخل.
اتكسفت داليا من الموقف واعتذرت ووسعت له من أدام الباب علشان يعدي وقررت تدخل وراه.
هنا ضحك وقال لها