رواية داليا من 1-4

تطلعي فهمتي.
داليا لو كان الوضع غير الوضع كان رد فعلها حيكون غير وكانت حتدافع عن حبها باستماته بس أكيد الوضع عندها الوقتي مختلف تماما.
لقت داليا نفسها بترد بخضوع غريب حتى عن نفسها حاضر يا عمي إن شاء الله.
وكمل عمها وطول فترة الشهر اللي حنديه له فرصه أوعي تتواصلي معاه ولا تشوفيه الله أعلم يخطط لايه.
داليا برده ردت حاضر يا عمي بس هنا دي فعلا رغبتها مش ڠصب عنها.
داليا كملت كلامها مع عمها عمي لو سمحت عارفه إن الموضوع اللي حكلمك فيه مش وقته خالص بص طالما أنت هنا اسمح لي افاتحك فيه.
باباها زعق وقال موضوع ايه ده يا داليا مقلتيش عليه
أخوه سكته وقال له أصبر خليها تتكلم كنت حابة حضرتك تتوسط لي عند أي شركة من اللي بيتاعملوا مع مكتب المحاسبة بتاعك يشغلوني معاهم.
العم ضحك وقال لها غالي والطلب رخيص حاضر يا داليا يا حبيبتي بكرة حكلملك ناس معارفي.
شكرت داليا عمها وهنا رن جرس الباب اتنفضت داليا شاور لها باباها إنها تدخل غرفتها وتقفل الباب عليها وزي ما اتفقوا.
حسام واقف حد يفتح الباب مع صاحبه على السلم وجوه دماغة أفكار كتيرة رايحة وجاية يا ترى حصل ايه يا ترى داليا حكت لباباها على اللي حصل مني فكر كتير وبعدين قال لنفسه وماله لو حتى هي حكت لباباها اللي حصل يعني مش حيقدر يعمل حاجه ولا حيقدر يفسخ الخطوبة بل ممكن أكبر الموضوع وأقول له إنها ممكن تكون حامل ولازم نسرع من الجواز علشان السبب ده.
في اللحظة دي باب الشقة اتفتح وظهر والد داليا اللي سلم على حسام وصاحبة وطلب منهم يدخلوا الشقة.
دخل حسام الشقة وسلم على عم داليا وقعد على الكرسي المواجه للعم والأب.
وبدأ الكلام خير يا عمي قلقتني طول الطريق وأنا بفكر يا ترى حضرتك عاوز مني أيه.
الأب خير يا حسام إن شاء الله.
العم بص يا حسام علشان منطولش عليك وصلنا أخبار عن اللي حصل مع شريكك.
حسام جواه ارتاح لانه عرف إن داليا محكتش ليهم اللي جرى بس قلق إن الموضوع ده وصلهم.
حسام هي داليا قالت لحضرتك
الأب هي داليا عارفه
حسام بلجلجة مش بالضبط إمبارح واحنا بنتغدى لمحت لها.
العم على العموم يا حسام وضعك كدة اتغير كتير عما جيت تتقدم لنا واعتقد إنك كدة مش حتقدر تلتزم بالمدة المحددة اللي اخترناها مع بعض لاتمام الزفاف.
حسام يا عمي ده ظرف طارق أنا بس محتاج أمد المدة من 3 شهور ل شهور اسافر فيها برة علشان قدر أعوض خسارتي.
الأب تمد المدة وأنا أيه اللي يضمن لي كلامك ده.
في اللحظة دي اتدخل صاحبه أنا يا عمي أنا أضمنه.
الأب مع كل احترامي لك يا ابني ضمانك ليه ده مش ضمان ينفع خالص.
حسام ما هو ياعمي أنت كده تقصد ايه عاوز تفشكل الموضوع مع إني اشتريت معظم الحاجات خلاص.
العم شوف يا حسام يا ابني علشان منكنش ظلمناك أو أنت ظلمتنا أنا عندي حل وسط.
حسام إيه هو
العم صلي على النبي
حسام والكل صلوا على النبي
في الوقت ده داليا قاعدة في غرفتها حتتجنن مش عارفة تعمل إيه رايحة جاية وآخر ما زهقت جريت على التليفون وكلمت صحبتها أميرة.
داليا أميرة حتجنن مش عارفة أعمل أيه بجد.
أميرة أنا بجد معنتش فهماك إحنا مش متفقين يا داليا على كدة ومتفقين إنك حتسيبيه خلاص وفضلتي تدعي ربنا إنك تسيبيه.
داليا أيوه يا أميرة اتفقنا .. بس بجد التنفيذ صعب صعب قوي أنا قلبي بيتقطع عشانه وهو بره.
أميرة لا فوقي يا حبيبتي لو سمحت يصعب عليك نفسك أولى ولازم تفوقي ولازم تفتكري اللي عمله فيك أنت نسيت ولا إيه تحبي أفكرك بكلامه ليك
داليا لا أرجوكي يا أميرة بلاش أنا ما صدقت انسى.
أميرة بتقولي ايه! يا بنتي إنت لسه عبيطة للدرجة دي لسه بتحني له لسه مشفتيهوش على حقيقته أعمل فيك إيه والله أحلف ماعنت حعبرك تاني ولا انصحك ولا حتى اسمع لك.
داليا لا يا أميرة علشان خاطري بلاش.
أميرة لا حول ولا قوة إلا بالله 
بصي يا داليا لازم تاخدي قرار حازم في الموضوع ده يأما تطلعي الوقتي وتكسري كلام باباك وعمك وتختاري ترجعي له ومتفسخيش خطوبتك منه وخلي بالك كده حتكوني خسړت أهلك والاختيار الثاني وهو إنك متطلعيش من غرفتك خالص وتمشي ورا كلام باباك وعمك . بس خلي بالك القرار اللي حتختاريه الوقتي حيتوقف عليه حياتك كلها بعد كده ولازم تكوني اده ولازم تتحملي مسؤوليته.
داليا أنا بعمل استخاره كل يوم يا أميرة وبدعي ربنا انه يعمل لي اللي فيه الخير أيا كان فين ومع مين لأني عارفة نفسي ضعيفة ومتأكدة إن ربنا حيساعدني ويوفقني للاختيار الصحيح.
أميرة طيب حاسة بايه يا داليا
داليا مش عارفه أحدد أي حاجه
أميرة لا حول ولا قوة إلا بالله. صاحبتي اټجننت يا ناس
داليا طيب حقفل معاك الوقت علشان أحاول أعرف وصلوا لأيه وحكلمك بكرة الصبح إن شاء الله.
أميرة ماشي يا دودو سلام.
سلام يا مرمر
بعد ما صلى الكل على النبي بص حسام لعم داليا منتظر منه يبدأ الكلام.
العم بص يا حسام يا ابني حعيد تاني علشان مظلمكش وأظلم نفسي حقول لك على حل وسط واللي هو الفرصة تتعدل لا تكون زي ما كانت 3 شهور ولا 6 زي ما انت بتطلب الوقتي.
حسام تقصد أيه بكلامك ده
العم ادامك شهر واحد بس تثبت فيه صدق كلامك وإنك اتنصب عليك فعلا من قريبك أنا ازاي اتأكد من كلامك ده
حسام هو تعجيز
العم انا لسه مخلصتش كلامي
حسام كمان لسه فيه كلام
العم وخلال الشهر ده تكون جاهز بكل حاجه متفقين عليها مع بعض وإلا تعتبر الموضوع لاغي.
حسام قام واقف وقال لا بقى ده شغل استعباط.
الأب قام هو كمان أنت زودتها قوي ودي قلة أدب منك أزاي تتطاول علىى أخويا الكبير وفي بيتي كمان اتفضل اطلع بره بيتي حالا معنديش بنات للزواج.
صاحب حسام مسكه من ذراعه وهداه وطلب منه يعتذر بسرعة وقعد يلطف الجو واعتذر حسام للعم وهنا العم قاله كلامي بعد إذنك يا أخويا زي ما قلت أدامك فرصة شهر واحد فقط تجهز فيها كل حاجة وتثبت صدق كلامك نجوزك بنتنا عدى الشهر ومعملتش اللي اتفقنا عليه مفيش بنات عندنا للجواز وخلاص كده ولو سمحت ممنوع الكلام في التليفون ولا محاولة التأثير عليها بأي شكل من الأشكال.
حسام إزاي يعني طيب الشهر أنا موافق عليه بس مشفهاش ولا كمان أكلمها ده كتير كتير قوي كمان وڠصب عنه أنفجر في العياط وكأن خزين كل الكبت ومشاكلة طلع فجأة مع لحظة الإحباط دي هو نفسه مكنش فاكر إنه حينفجر كده سمعت داليا من جوه شهيقة وصريخه وعياطه قلبها اتقطع ومش عارفه تعمل إيه تطلع له وتكسر كلام باباها وعمها ولا متطلعش حتتجنن وتاخده في حضنها وفي اللحظة دي حسام نده عليها بصوت عالي ومهموش باباها ولا عمها يا داليا .. يا داليا.. حرام عليكي ليه سيباهم يعملوا في كده أنت مش