رواية عشقي الفصول من 12-14

أقرب وقت
لكن رأى المحامى كان مخالف لرأسهم .. قال ل "حسنى" عبر الهاتف
- القضية لو رفعناها دلوقتى هنخسرها .. مفيش أى دليل على ان قواه العقلية مختلة .. لازم يبقى فى ايدنا دليل قوى
صاح "حسنى"
- وهو فى راجل فى سنه يصبغ شعره ويلبس كاجوال .. دى تصرفات واحد فى سنه
قال المحامى بقلق
- ما أعتقدش انى دى أسباب كفاية تخلى القاضى يحكم انه محتاج وصاية عليه وعلى ممتلكاته .. لازم سبب أقوى من كده
فكر "حسنى" قليلا ثم هتف بتوتر
- طيب لو فكر انه تيجوز .. ايه هيكون الوضع ساعتها
قال المحامى بحزم
- لو اتجوز يبقى القضية ضاعت من ايدكوا .. لان ساعتها مراته تقدر تشهد ان قواه العقلية والصحية سليمة .. وبكدة شهادتها هتبقى أقوى من شهادتكوا انتوا .. لان من شروط الزواج سلامة العقل .. لو هتطعن فى قواه العقلية يبقى من باب أولى تطعن فى جوازه
زفر "حسنى" بضيق بينما تتطلع اليه "كوثر" و "يسرية" فى اهتمام تراقبان حديثه وتعبيرات وجهه .. وقال
- طيب والحل
قال المحامى
- مفيش الا انك تجبلى دليل قوى ان قواه العقلية غير سليمة وانه غير مؤهل لادارة أمواله وممتلكاته .. ويكون ده قبل خطوة الجواز .. لان الجواز هيهدم قضيتكوا من الأساس .. مش هيبقى فى قضية لأن زوجته أكيد هتشهد لصالحه
أنهى "حسنى" المكالمة ..بينما شرد الجميع فى وجوم وكأن على رؤسهم الطير 
فوجئ "نهاد" بقول سكرتيرته
- مدام "انجى" عايزة تقابل حضرتك .. بتقول انها صاحبة مدام "بيسان"
أومأ لها قائلا على الفور
- خليها تتفضل
دخلت "انجى" مبتسمة وهى تمد يدها اليه بالسلامة قئله
- هاى "نهاد" .. يارب مكنش أزعجتك
أشار اليها بالجلوس قائلا
- لا أبدا اتفضلى
جلست "انجى" واضعة ساقا فوق ساق فإنكمشت تنورتها القصيرة أكثر .. سألها عما تشرب وخرجت السكرتيرة لإحضار المطلوب .. التفتت اليه وأنظارها مركزه عليه قائله
- الشركة حلوة أوى مكنتش متخيلة انها كبيرة أوى كده
ابتسم "نهاد" وهو يستند بذراعيه فوق المكتب قائلا
- هى فعلا الشكرة كبيرة .. يمكن لان العيلة كلها بتشتغل فيها .. يعني ادارة ذاتيه
ابتسمت وقالت بدلال
- طيب أنا بأه عايزة منك خدمه .. وأتمنى انك مترفضش لان مليش حد غيرك ألجأله وأثق فيه
عقد ما بني حاجبيه قائلا
- خير 
قالت "انجى" بمرح
- بص بأه .. أنا معايا مبلغ ضغنن كده على أدى .. ومليش فى الشغل والجو ده .. ففكرت أديهم لحد يشغلهملى
ثم نظرت اليه بخبث وقالت بنعومه
- وزى ما قولت مش هلاقى غيرك أثق فيه .. وأسلمه فلوسى وأنا مطمنه
ابتسم "نهاد" وقال وهو يخرج احدى الأوراق من درج مكتبه
- ميرسى أوى على الثقة دى 
اتسعت ابتسامتها وقالت بحماس
- يعني وافقت
- أكيد وافقت 
قالت بمرح
- اتفقنا يا "نهاد" .. بجد ميرسى أوى
أعطاها الورقة قائلا
- دى معلومات عن الشركة وعن الاستثمارات اللى بنعملها .. عشان تبقى مطمنة وعارفه احنا بنشغل فلوسك فى ايه وعشان تعرفى كمان نسبة الأرباح بتكون ازاى 
أخذت منه الورقة ودون أن تحيد عينها عن عينيه مزقتها أما نظراته المندهشة وهى تقول بثقة مدروسة ونظرات ذات معنى
- قولتلك أنا بثق فيك .. يعنى أسلم نفسى ليك وأنا مطمنة
بلع "نهاد" ريقه وقد شعر بتوتر لا يدرى مصدره .. لعل عيناها .. لعل حديثها .. لعل نبرة صوتها .. قاطعته بوقوفها قائله
- أستأذن دلوقتى وأسيبك تكمل شغلك
ثم انحنت تستند الى المكتب بكفيها تنظر الى عينيه مباشرة قائله بنعومه
- بس أكيد هنتقابل تانى .. دلوقتى فى بينا بيزنس .. يعني هنتقابل كتير
خرجت تتغنج فى مشيتها .. أما "نهاد" فقد ازداد توتره ...و ... ضيقه !
سار "مهند" بسيارته شاردا فى شوارع القاهرة المزدحمة عائدا من عمله .. طرق الى ذهنه التغيير الذى طرأ على عمه .. حدسه ينبأه بأن هذا التغيير وراءه حدث مرتقب .. لكنه قال لنفسه .. لا داعى لأن نسبق الأحداث .. وحتى إن كان يفكر فى الزواج فهذا من حقه ولا يشئ يمنعه .. رغما عنه شعر "مهند"بالشفقة على زوجة عمه هذا إذا ما كان يفكر حقا فى الزواج .. فهى ستدخل وكر الأفاعى بقدميها وبالتأكيد لن تجد ترحيبا من العائلة .. وحتى إن وجدت ترحيبا فسيكون ظاهريا فقط .. أما النفوس فستظل تكن لها الضغينه .. تنهد "مهند" بحسرة على حال عائلته التى ستمنى من كل قلبه صلاح أحوالهم .. فزينة الدنيا وزخرفتها ألهتهم بشكل كبير .. حتى لم يعد لهم هما سوى السعى خلفها .. حانت منه التفاته ليجد شابين يتشاجران مع امرأة كبيرة ويدفعانها بأيديهما .. بدأ الزحام فى التحرك رويدا رويدا .. لكنه انحنى بالسيارة على جانب الطريق وأوقفها .. نظر الى الخلف ليجد الشابين يتطاولان عليها بشدة بالصړاخ تاره وبالدفع تاره والناس من حولهم يمرون مرور الكرام .. فلعل أحدهم يلقى نظرة وآخر لا يبالى حتى بنظرة !
خرج "مهند" من السيارة وتوجه ليقف قبالتهم قائلا
- فى ايه يا شباب
كان الشابان منهمكان فى الصړاخ على المرأة فلم يلتفت أحدهما الى "مهند" .. دفع أحدهما المرأة فى كتفها فأمسك "مهند" بقبضته وأرجعه الى الوراء بعيدا عن المرأة .. هنا الټفت الشاب اليه وصاح
- ايه فى ايه
نظر اليه "مهند"پغضب قائلا
- ميصحش انك تمد ايدك على واده فى سن والدتك
بكت المرأة وقالت منتحبه
- حسبي الله ونعم الوكيل فيك .. ربنا ينتقم منك
اندفع الآخر نحوها قائلا
- عايزة ايه يا تييييييييييت .. يلا امشى من هنا بدل تيييييييييييييييييييت
جذبه "مهند" من ذراعه بحجه وصړخ فى وجه
- احترم نفسك .. عملتلك ايه عشان تشتمها كده
صاحت المرأة تشتكى باكية الى "مهند" مستنجده به
- والله ما عملتلهم حاجه .. أنا حطه الأقفاص دى وبشوى درة .. هما مالهم ومالى
قال أحد الشابين صارخا فى وجه المرأة
- قولتلك غورى من هنا و متعديش جمب المحل بتاعنا
الټفت الشاب الآخر وقال ل "مهند"
- يا بيه ينفع واحدة تشوى درة جمب محل ورد .. تروح تشوفلها أى مصېبة تانية تشوى أصادها
انتحبت المرأة وقالت
- وفيها ايه لو كنت جيت قولتلى الكلام ده براحه بدل ما تقل أدبك انت وهو
اندفع الشاب هاتفا
- أنا بأه قليل الأدب ومش متربى .. عايزة ايه انتى يا تييييييييييييت
لكمه "مهند" فى كتفه وقال بصرامة
- اتقى ربنا بأه .. خلاص خلصنا .. اتفضل ادخل انت وصحبك المحل بتاعكوا
لملمت المرأة أغراضها فى قفص كبير وحملته باكية وهمت بالمغادرة .. تطلع "مهند" الى وجهها الباكى وملابسها الرثة وقال
- انتى كويسة
انتحبت مرة أخرى وهى تقول پألم
- حسبي الله ونعم الوكيل .. كل ما أجى أعد فى حته .. واحد ييجى يكرشنى ويقولى قومى من هنا .. هنعمل ايه يا ابنى محدش مرتاح .. مفيش راحه الا فى المۏت .. بس حتى المۏت مش طايلينه
رق قلب "مهند" لحالها .. لم تتوقف عن الحديث وكأنها تخرج هما حبيسا فى صدرها فاض بها .. أكملت منتحبه وامارات الألم على وجهها
- أعمل ايه الغلبان فى الدنيا دى ملوش عيش .. ان