رواية فاطمة الفصول من 6-9

أنه مش بېهدد وخلاص لأ هو يقصد كل كلمه لو وصل لمكانها هيق تلها فعلا و ياخد فريده
عزت بتنهيده وهو ينظر للأرض بتفكير
علياء تسافر لندن مع فاطيما أظن كده مش هيوصل لهم
عمر بقلق وخوف على شقيقته
و تفتكر هنلحق نسفرها هي راحت فين أصلا لازم اوصل لها قبل ما شفيق يوصلها
نبيل وهو يتحدث بجدية
ماتقلقش انا هخلص الإجراءات وكل حاجه وهحجزلهم على اول طياره رايحه لندن الصبح بس هاتولى الباسبور بتاعها هي وفريده
سميه وهى تحاول أن تطمئنه
هنلحق يا عمر حتى لو هيهربوا مفيش قدامنا حل المهم عاوزين جوازات سفرهم
وقف عمر ليتذكر أنها قامت باخفاء جواز سفرها فى الفيلا الخاصه بوالدهم تحسبا لأي غدر من شفيق
ف الفيلا القديمه بتاعة بابا هروح اجيبهم واجي
هتفت بتفهم و جدية
النهارده يا عمر علشان يسافروا الليله مش عاوزين نستني
تمام اطمنى مش هتأخر مسافة الطريق
هتف بهذا الحديث قبل مغادرته لإحضار جوازات السفر لتقف سمية و تخبرهم أنها ستقوم بالاتصال ب فاطيما للإطمئنان عليهم
بعد اذنكم هكلم فاطيما علشان اطمن عليهم
بعد مغادرة سمية هتف عزت بجدية
كنت عاوز أتكلم معاك عن فاطيما و موقفها
المحامي بعدم فهم
موقفها من حيث إيه بالظبط
هتف بتنهيده و تعب
الشركة أنا واثق إن جسار هددها لأنها مستحيل تمضي بسهوله
لو شاكك في حاجه نرفع قضيه تزوير والورقه تتعرض على خبير وهيحدد إذا كانت الامضا بكامل إرادتها ولا إجبار
فاطيما حالتها دلوقتي مش كويسه مش عاوز اورطها تاني مع جسار مفيش حلول تانية
للأسف لأ لأن هي فى نظر القانون صاحبة الحق و مانقدرش نرجع اللى اخده الا بقوة القانون
تحدث بتفهم شديد
طيب لو سافرت فترة ورجعت ممكن نرفع القضيه
اه عادي جدا وخصوصا إن فيه اثباتات إن حالتها وقتها ماتسمحش بأنها تاخد اي إجراء خليها بس تختفي فتره كده لغاية لما نفهم فيه ايه و ليه جسار بيعمل كده وشفيق ناوي على ايه علشان نعرف نتحرك صح و نحا ربه بدل ما احنا مش فاهمين حاجه خالص دلوقتى
أجابه بهذا الحديث بهدوء ليسأل عزت باستفهام
طيب ممكن تسافر من غير موافقة جسار
هي صعبة بس ليها حل وهو أنها تسافر بالباسبور الإنجليزي يعني هتسافر بالجنسيه التانيه
طيب يبقي هجهز لسفرهم الليلة
تمام هطلع اخلص الإجراءات واحجزلهم هكلم عمر يجيلى على هناك عن اذنك
غادر المحامي وقام بالاتصال ب عمر و أخبره أنه سينتظره فى مكتبه .. قامت سمية بالاتصال ب فاطيما للاطمئنان عليهم لتجيبها لأنها تعد الطعام فى المطبخ 
طمنيني انتم كويسين صح 
اطمنى يا عمتو إحنا كويسين
قامت بمسح يدها بالمنديل بعد أن أغلقت مكبر الصوت وكان صوتها يبدو عليه التوتر و القلق 
بجد طيب ليه صوتك متغير كده في حاجه حصلت ولا ايه
قصت عليها ما حدث معهم منذ خروجهم حتى الآن كانت سمية تستمع لها بذهول و صدمة يبدو أن هذا اليوم لن يمر بسلام على الجميع 
إيه بتقولى إيه ازاى جسار يعمل كده معقول أنا بجد مصدومه فيه ده مستحيل يكون ابن أخويا أبدا طيب وعلياء فين وعامله ايه دلوقتي
أكدت حديثها لأنها تعلم أن علاقة عمتها ب جسار قوية
اللى سمعتيه يا عمتي من وقت ما وصلنا وهى فى أوضتها معاها فريدة خاېفه تسيبها
خليكى معاها يا فاطيما و طمنيها وأنا هبعتلكم حراسه لغاية الصبح وعمر وأستاذ نبيل هيخلصوا الإجراءات و يحجزوا لكم ويجيوا ياخدوكم هتسافروا كلكم لندن
هتفت بتفهم و جدية
كويس لان وجودهم هنا خطړ عليهم لازم يبعدوا عن هنا
لتؤكد على حديثها
أكيد طبعا و انتي كمان لازم تبعدي عن هنا فاطيما خلى بالك منهم وانتم بره أنا عارفه وواثقة أنهم مش هيكونوا بأمان الا معاكم و اتكلمي معاها واشغليها علشان تنسى اللى حصل وتعيش حياتها مع بنتها لغاية لما نحل الموضوع ماشي يا حبيبتي
متقلقيش يا عمتى كلنا هنكون معاها وبفكر إنها تشتغل فى الشركة معانا
سعدت سمية بهذا الاقتراح فهذا الأمر سيجعلها تنسي ذكرياتها السيئة هنا 
كويس فكره حلوه اهو تشغل نفسها هي شاطره وهتساعدكم ف شغل الشركه عايزاكم أيد واحدة كلكم كفايه اللى باع وراح
متقلقيش كل شئ هيرجع زى الأول هنكون أيد واحده
اتمنى ياحبيبتي أتمنى خلى بالكم من نفسكم كويس
متقلقيش بس ابقي تعالي اطمني علينا هناك
أكيد طبعا يا حبيبتي هو انا عندي اغلى منكم هبقي احاول اجي اطمن عليكم بس الأوضاع هنا تستقر وتهدي شويه مقدرش اسيب بابا لوحده هنا ف الظروف دي
طيب يا حبيبتي وقولي لجدي ميزعلش مني
انتى عارفه جدك بيحبك قد ايه مستحيل يزعل منك
هتفت بندم حقيقي بعدما شعرت بالحزن بسبب ما حدث معهم
أنا مقدرتش احافظ على الأمانة يا عمتي فشلت
سمية بجدية لأنها تعلم أن ما حدث معها لم يكن سهلا
ڠصب عنك يا حبيبتي وجدك عارف كده وهيرجع حقك بس مش دلوقتى الصبر وكل حاجه هترجع زي الاول واحسن
أكيد يا عمتي
أغلقت معها و ذهبت لرؤية والدها رفضت إخباره بما حدث كى لا يمرض مرة أخرى أو يحدث صداما جديدا بينه وبين جسار لينتبها لقدوم المحامي ويبدو عليه القلق 
مساء الخير معلش جيت في وقت زي ده بس عندي خبر كده
هتف بهذا الحديث وجلس ولكن يبدو عليه القلق ليجيبه عزت بقلق
مساء الخير ايه الحكاية واضح فيه حاجه
ليخرج اولا تذكرتين سفر ويتحدث بعد ذلك
للأسف أول طياره رايحه لندن فى الفجر و مفيش غير تذكرتين بس و التذكره التالته حجزتها فى الرحله اللى بعدها هنعمل إيه ايه مين اللى هيسافر الأول فيهم
هتف عزت بجدية و هو ينظر ل سمية
الفصل التاسع
انى راحله
كم نال قلبي من الۏجع باقترابي منك... خذلت طفلتك الجميلة.. جرحت كرامة زوجتك و خنت عهد الحب بيننا كم أتمنى أن أراك مكسورا ماذا فعلت بي .. أحببتك بصدق وكان الأسى جزائي .. هل كان الحب وهما و خداعا وأنا التى لم تر... هل كان قلبي من ورق... هل كان يتوهم بانك الحبيب الوفى القلب يهواك ولكن عنك الابتعاد ملائم........
جلس عزت يفكر عدة دقائق لكن ليس أمامه حل أخر سوي هذا الحل
فى الحاله دى علياء تسافر الأول وبعد كده فاطيما تسافر بعدهم وجودهم هنا مش فى صالحهم
هتف المحامي بجدية و هدوء
تمام يا عزت باشا اللى تشوفه التذاكر أهي أنا هأمن الدنيا مع الحراس وأستاذ عمر لغاية لما يركبوا الطياره و يسافروا مفيش حاجه مضمونه من أي حد دلوقتي
أجابه عزت بتنهيده وهو ينظر لابنته التى اتجهت لتجلس فى الخارج كي تتركهم يتحدثا معا
سمية هتروح علشان تبلغ علياء هي الرحله امتى !!
تحدث بتفكير وهو ينظر لساعة يده
الساعه 5 الفجر يعني لازم تكون فى المطار 4 بالكتير
هتف بهدوء و حذر
كويس أظن مستحيل يفكروا أنهم ممكن يسافروا فى الوقت ده أهم شئ يطلعوا الطيارة من غير قلق أكيد فاهمني
قامت الخادمة بإحضار القهوه لهم ليهتف بعد رحيلها
أكيد طبعا أطمن كده كده لازم حراسه مفيش حاجه مضمونه زي ما قولت لحضرتك شفيق مش مضمون ممكن يعمل أي حاجه خليها بس تكون جاهزة فى الميعاد
ليمسك عصاه ويحمل تذاكر السفر نظر لهم بعض الوقت
متقلقش كل شيء هيكون جاهز و زيادة حرص هتروح المطار مع سمية