رواية فاطمة الفصول من 6-9

كان بيشوفنى زي جسار وسلمى ويتعامل معايا على الأساس ده
انتي حفيدته زيهم يا علياء و معاكم فاطيما و و المهم انسي اللى فات زي ما قلتلك من اول ما تدوس رجلك الطيارة ابدأي ذكريات جديده و اطمني هو مش زعلان منك
هحاول يا عمتو إني اكمل إنما أنسى صعب الماضي مش بيتنسي بنكمل عليه عن اذنك هصحي فريده و اجهزها
تحدثت بهذا الحديث وهي تقترب من فريدة كي تجعلها تستيقظ لتمنعها سمية كي لا تقلقها 
سبيها نايمه شوية و انتي كمان نامي علشان متتعبيش فى الطيارة لازم ترتاحي
مش نعسانه بس هحاول
بعد مغادرة سمية حاولت علياء الاتصال ب جسار ليجيبها بعد عدة محاولات منها .. تنهدت بابتسامه بعد أن فتح هاتفه ليجيبها 
نعم 
لكنها صدمت من رده البارد عليها لتظن أنه غاضب منها بسبب رفضها الذهاب معه ظنا أنه كان سيأخذها لمكان أخر 
جسار ازيك انت فين و ليه سايبنى لوحدي مش هتيجي 
مش انتي رفضتي تيجي معايا خلاص خليكي مع اللى عندك بقى
بس انت مكنتش هتاخدنى معاك كنت بتقول انك هتسلمني لشفيق بتهزر أنا عارفه بس مكنش وقت هزار ده 
هتفت بهذا الحديث لتنصدم من رده عليها بعد ذلك 
مين قال إني كنت بهزر لأ جد وانا لسه عند كلامي 
هتفت پصدمه من حديثه
جسار انت بتقول ايه ارجوك بلاش كلامك ده وتعالى خليني أودعك قبل ما أسافر 
ليرد عليها بطريقة جعلتها ټندم على اتصالها به 
كويس سافري ابعدي عن هنا طالما مش عايزه ترجعي عند شفيق 
وقفت غير مستوعبه ما سمعته منه نعم يؤكد لها أنه تخلي عنها ولكن هذه المرة كانت تشعر بالهزيمة والانكسار من ظنت أنه سيساعدها هو أول من تخلى عنها
إنت بتقول ايه هتسيبني أسافر يا جسار انت بتتخلى عني 
هتف ببرود وكأنه يريد التخلص من أي شيء يقف فى طريقه لتحقيق أهدافه
مش تخلي أنا مش عايز مشاكل عايز حياتي تمشي ف هدوء دلوقتي كل واحد همه مصلحته ووجودك هيعملي المشاكل أمشي يا علياء سافري سافري وانسي كل حاجه هنا وانسيني انا كمان وعيشي انتي وبنتك حياه جديده خلي بالك من نفسك ومن فريده مع السلامه
لتصرخ بصوت منخفض كي لا يستمع أحد لحديثها معه
لأ لأ جسار جسار جساااااااااار 
لتلقي الهاتف على الفراش وجلست تبكي بقوه وقهر 
هبطت سمية لتجد فاطيما تجلس فى الأسفل لتقترب منها وقررت أن تتحدث معها فى غرفة المكتب 
هتفت بجدية وهى تتجه لغرفة المكتب
فاطيما تعالي يا حبيبتي عايزه اتكلم معاكي شويه
ذهبت خلفها وطلبت منها أن تغلق الباب و جلست بعد ذلك 
ايوه يا عمتو اتفضلي قلت اسيبك تتكلمي معاها لوحدكم في حاجه
ابتسمت لها بحب و تفهم
يعني ماتقلقيش هو بس مفيش غير تذكرتين بس على اول طياره رايحه لندن والتذكره التالته اتحجزت ف الرحله الى بعدها وطبعا علشان الخطړ على علياء وفريده كبير ف فكرنا أنها تسافر الاول وانتي فى الرحله اللي بعدها قولتي إيه 
تنهدت بهدوء وأجابتها بجدية
تمام مفيش مشكلة بعدين ده الصح المفروض هى تسافر الاول
ماشي يا حبيبتي أنا عارفه إنك مستعجله على السفر بس متقلقيش هما كلهم كام ساعه وتبقي في الطياره اللى بعدها
نظرت لها لتهتف بهدوء
كويس ده افضل حل و مش قلقانه لاني هسافر بأي طريقة
وقفت كي تصعد لتنام بأحد الغرف هذه الليله
تمام أنا هبات هنا الليله علشان انا الى هوصلها المطار و هرجع اوصلك علشان أكيد الباقي متراقب
لتتجها معا للخارج ولكن توقفت لتطلب منها شيء ما
تمام أوضتك جاهزه ممكن اطلب طلب يا عمتو قبل ما اسافر عارفه اني مش من حقي اطلب بس دي آخر مره اكون هنا
ضمتها بحزن وهى تربت على ظهرها
ليه بتقولى كده اطلبي على طول يا حبيبتي 
هتفت بحزن والدموع تتجمع فى عينيها فهى حقا بحاجه لوالديها فى هذا الوقت
عاوزه ازور بابا و ماما علشان وحشوني أوي و سابوني بدري أوي
هخلي الحرس ياخدوكي هناك الصبح هوصل علياء وارجع هستناكي مش تتأخري
هتفت سمية بجدية وهى تضمها
ماشي يا حبيبتي يلا ارتاحي علشان بكره يوم طويل اوي
لتجيبها بحنو
حاضر وانتي كمان ارتاحي تعبانه بسببنا
هو أنا عندي اغلى منكم اتعب علشانهم 
ضمتها بقوه لتهتف بدموع
وبجد من غيرك بعد بابا و ماما كمان مكنتش هقدر أكمل 
ابتعدت عنها لتضم وجهها بين يدها و هتفت بحنو وتأثر حقيقي
وأنا معاكم على طول أنتم ولادي اللى ماليش غيرهم و قولي للدكتور لما تشوفيه إني زعلانه منه تلات ايام كامله مش يكلمنى فيهم
تحدثت بتوتر من القادم بعد سفرها
أنا خاېفه منه ومن مواجهته أكيد هيعاقبني زي زمان و هقوله يكلمك اكيد وأول ما هوصل هنكلمك سوا علشان نعمل محكمه و جلسه تصوير زي زمان
ابتسمت لها فهى تعلم العلاقة بينهما كيف تسير
ماتقلقيش انا هفهمه
اتجهوا لغرفهم بعد ذلك وفى الساعة الثانية صباحا اړتعبت علياء بعد أن سمعت ضړبا على الباب فى هذا الوقت المتأخر لتقف پخوف وهتفت بقلق
م م مين
أجابت فاطيما بهدوء وهى تفتح الباب
أنا فاطيما ليه الخۏف ده كله
الحمدلله هاه لأ مفيش بس خفت يكون حد تاني غيرك
اقتربت منها لتهدأها وتبث الطمأنينة لديها
مټخافيش ما فيش حد يقدر يدخل هنا بسهوله أنا جيت اشوفك علشان ميعاد السفر مش تتأخري
هتفت بهدوء وهى تنظر لها
أنا صاحيه اطمني شكرا يا فاطيما
اقتربت من فريدة وقبلتها على وجهها وهي نائمة  
أنا هجهز أكل علشان يبقى معاكم فى الطيارة علشان فريدة
هتفت بخجل فهي لا تريد ازعاجها أكثر من ذلك
لأ شكرا مفيش داعي متتعبيش نفسك لو جاعت هبقى اجيب لها أكل من الطياره
لتقترب منها وتحدثت بحزن داخلي
كده يبقى أنا غريبة عنك تعرفي انا حبيتها أوي من أول ما شفتها فكرتني بطفولتي زمان بعدين مفيش أي تعب اطمني
لتجيبها سريعا وهى تمسك يدها
لأ بالعكس أنا اعرفك من زمان وحبيتك من كلامه عنك ولما شوفتك دلوقتي و اتعاملت معاكي حبيتك أكتر بس يعني مش عايزه اتعبك معايا اكتر بس خلاص لو ده ها يريحك تمام اعملي على ما أصحيها و أجهزها و اجهز انا كمان
لتجيبها بابتسامه هادئة
هستناكي تحت ولو عاوزه أساعدك فى أى شئ معاكي
لتضمها بحب وهي تنظر لابنتها
حبيبتي تسلمي و إحنا مش هنتأخر
سارت عدة خطوات اتجاه الباب لتهتف
تمام هشوف عمتو وانزل اعمل قهوه علشان تفوقي
هتفت علياء بابتسامه وهى تتجه ل فريدة كي توقظها
ماشي يا حبيبتي
بعد مغادرة فاطيما أعدت ثيابه و أيقظت طفلتها التى تذمرت پغضب طفولي لأنها كانت تريد النوم لتخبرها أنها ستجعلها تنام في الطائرة لتهبط بعد نصف ساعة .. اتجهت فاطيما لرؤية سمية لتجدها مستيقظه لتخبرها أنها ستعد القهوة لهم وهبطت للأسفل
بعد وقت قصير وجدتهم يهبطون لأسفل ليشربوا القهوة معا 
لتخرج فاطيما هاتفها وترسل إحدى الصور ل علياء التي تعجبت فى البداية ولكن حديثها معها جعلها تطمئن 
دي صورة ميرا هتقابلك في المطار هي و أخوها متقلقيش و هي كمان معاها صورة لكي علشان تعرفوا بعض بسهولة 
هتفت بخجل شديد
أنا مش عارفه أقول أيه بعد كل اللي بتعملوه معايا ده 
هتفت سمية معترضة
تاني الكلام ده لو كان فيه وقت كنت رديت عليكي يلا علشان هنتأخر 
ودعوا فاطيما وغادروا متجهين للمطار ليجدوا عمر و