رواية جديدة جامدة الفصول من السابع عشر للعشرين بقلم الكاتبة الرائعة

باشا..ابقى روح شوف نفسك الأول..
رد عليها بحدة و انفعال
أنا ايه اللى مخلينى واقف و بضيع وقتى و أتكلم معاكى!..أنا رايح أشوف حل للمصېبة اللى حصلت دى...و يا ريت ما تسيبيش نادين لواحدها...شوفيها راحت فين و اتكلمى معاها بهدوء لحد ما تقبل الأمر الواقع...فاهمة يا أميرة!..أنا معنديش استعداد أخسر بنتى الوحيدة اللى طلعت بيها من الدنيا.
انصرف من أمامها تاركا إياها تنظر فى أثره پقهر و غيظ تتمتم لنفسها بحسرة و ندم
بنتك الوحيدة!!...دلوقتي افتكرت انها بنتك الوحيدة....انت أكبر غلطة ف حياتى يا عادل و هفضل أندم عليها طول عمرى.
لم يكد عادل يخرج من الباب الداخلى للقصر حتى استوقفه عدد من رجال و أفراد الشرطة استخرج أحدهم إذن ضبطه و إحضاره و لكنه اعترض قائلا
أنا ماليش علاقة بالشحنة دى يا حضرت الظابط أنا لو جيت معاك هاجى كشاهد مش متهم.
الضابط
اتفضل معانا و نبقى نشوف الموضوع دا فى النيابة 
انا مركزى ميسمحليش إنى أركب بوكس...بعد إذنك أنا هاجى بنفسى بعربيتى.
زفر الضابط پعنف و لكنه يعلم أن عادل شخصية مرموقة و من الصعب اصطحابة بسيارة الشرطة لذا أومأ له بالموافقة فذهب عادل إلى حيث سيارته و استقلها و انطلق بها خلف سيارة الشرطة.
فى شقة يزيد...
عادا إلى الشقة بعد إحضار الملابس الجديدة و شراء وجبة غداء متناسبة مع نوعية الطعام التى اعتادتها أثير و قام يزيد بالإتصال بشقيقه زايد و طلب منه أن يحضر محامى كفؤ و يأتى به إلى الشقة فى الغد لكى يتناقش معه فى قضية أثير و يرتب الخطوات التى سوف يسير عليها لإنتشالها منها و إثبات برائتها.
أنهى الاتصال مع زايد ثم دخل لها الغرفة فوجدها تجرب الحجاب على وجهها أمام المرآة فابتسم بسعادة و أقبل عليها حتى احتضنها من الخلف بتملك ثم قال بسعادة
مكنتش أعرف إن القمر بيطلع بالنهار.
أنزلت يديه عن خصرها برفق ثم التفتت له و رمقته بعتاب قائلة
و بعدين معاك يا يزيد...قولتلك بلاش كدا.
ادارها لتكون فى مواجهته ثم أردف بهيام
معرفش تكونى قدامى كدا و أقعد مؤدب....دا حتى ميبقاش عندى نظر..
بالكاد استطاعت كبت ابتسامتها ثم استرسلت بمراوغة لكى تغير مجرى الحديث قائلة 
مش عارفة ليه حاسة ان الحجاب مش لايق على وشى.
رفع حاجبيه باستخفاف مجيبا بنبرة ماكرة
اممم...توهى و اتقلى براحتك يا.... هو صحيح لما أحب أناديكى باسم دلع أقولك ايه...
انفلتت منها ضحكة صاخبة لم يرها منذ زمن الشيئ الذى جعل قلبه يرفرف بين ضلوعه طربا بضحكتها الصافية النابعة من قلبها الرقيق بالكاد توقفت عن الضحك تحت نظراته التى تكاد تلتهمها ثم قالت بغنج
انت رأيك إيه!
رفع رأسه ينظر للسقف و ضيق جفنيه بتفكير قائلا
ممكن أثورة..أو ثرثورة.. أو ثيرو..أو...
بس بس إيه دا كله!...مامى الله يرحمها كانت لما بتنادينى بتقولى يا توتة. 
توتة!... طاب إيه علاقة توتة بأثير! 
مش عارفة... يمكن كانت زيك كدا مش لاقية اسم دلع من اسمى فاختارت الإسم دا... ههههه
ظل يتأملها و هى تضحك و ابتسامة هائمة بملامحها المشرقة قد رسمت على ثغره رغما عنه و حين لاحظت تمعنه بها حمحمت بحرج ثم قالت 
احم... احنا مش هنتعشى بقى و لا إيه!...على فكرة أنا يعتبر مأكلتش النهاردة بسبب البتاع اللى زايد كان جايبه دا.. انا مش عارفة انتو بتاكلوه ازاى بريحته الفظيعة دى!! 
بكرة تقوليلى أنا عايزة من دا يا حزمبول. 
حزمبول!!.. دا الطباخ بتاعكم!. 
لا دا الجناينى.... يلا يا حبيبتى نتعشى قبل ما تجيلى جلطة. 
أخذها من كفها و سارا باتجاه المطبخ و هو يتمتم بقلة حيلة
هى ۏجعة مربربة بالمربى...
بتقول حاجة يا يزيد!
بقول بحبك يا قشطة بالمربى.
ضحكت بخفوت على همهماته المرحة فهى تعلم جيدا و تفهم ذلك الفارق الإجتماعى بينهما و الذى سوف يتسبب فى كثير من المشكلات و ربما يكون عائقا صعبا و حائلا منيعا ضد استمرار زواجهما و الذى يبدو أن إستمراره بات أمرا شبه مستحيلا...
الفصل العشرون
وصل عادل إلى سرايا النيابة بعدما اتصل بمحاميه و شرح له الوضع بالتفصيل و طلب منه إحضار الأوراق الخاصة بتبنى أثير و أوراق ملكيتها للشركة حيث أنه يحتفظ بنسخ من تلك الأوراق لدى محاميه تحسبا لوقوع أى مصېبة كالتى حدثت الآن.
يجلس عادل أمام و كيل النيابة و فى مواجهته المحامى الخاص به و بعد مواجهته بإتهام أثير و شركتها باستيراد صفقة مواد غذائية تحتوى على مواد مخدرة و طلب منه الإدلاء بأقواله بإعتباره والدها و مالك الشركة الأصلى أجاب عادل بهدوء و ثقة
يا فندم أنا ماليش أى علاقة بالشركة دى...الشركة كانت بتاعتى و أثير اشترتها منى يعنى خرجت من أملاكى و ماليش أى علاقة بتعاملات الشركة و لا نشاطها و الأهم من دا كله إن أثير أساسا مش بنتى أنا اتبنتها و هى صغيرة و هى عارفة كدا...و الحقېرة استغلت