رواية الرواية الجزء الثاني من 2 إلى 6

اتفقنا
هزت ريشة رأسها بإيجاب..
اتفقنا
همهمت تقى قبل أن تقول جادة..
ينفع نتكلم بصراحة بقا !
عاد قلقها من جديد واعتصرت يداها بقوة لتقول بخفوت...
طبعا اتفضلي
بصي ياريشة انا أم ويهمني مصلحة وراحة ابني
وبردو مصلحتك وراحتك تهمني..وعارفة ان ليا حدود في حياتكم مينفعش اتخطاها..بس يمكن الخطوة الي هاخدها دي تفيدكم
اهتزت عيناها وشحب وجهها لتقول..
قصدك ايه !
تمعنت تقى في وجهها لثوان قبل أن تقول..
اقصد ان وضعكم غريب ياريشة..مش وضع زوجين جداد..مش حاسة انكم بتتعاملوا على أساس انكم تعرفوا بعض اصلا
اغمضت ريشة عيناها بحرج وانكمشت أكثر
مالذي تقوله وهي محقة في كل كلمة تقولها !
وضعهم غريب تماما..وكأنهم عابران في حياة بعضهم
ولكن تنحنحت لتقول بخفوت...
لا وضعنا طبيعي بس هو عشان مشغول اليومين دول ومسافر فا..
قاطعتها بهدوء قائلة..
اتفقنا على الصراحة ياريشة
وضع طبيعي ايه الي يخليكي تنامي في اوضة وهو في اوضة..وكمان مكنتيش تعرفي انه مسافر اصلا
وأراهن انكم متكلمتوش من ساعة ماسافر
اطرقت رأسها ارضا بخزي ورغم كم الضغط النفسي التي تمر به في هذة اللحظة..رسمت البرود على وجهها وهي تستمع لكلمات تقى
في خطوات لازم ناخدها احنا الأول ياريشة
ولما بناخدها الطرف التاني بيمسك الخيط ويبدأ بخطوة هو كمان
مش فاهمة حضرتك
اقصد ان حياتكم لازم تاخد منحنى تاني
تاخد الشكل المناسب..لو بينكم مشاكل تصفوها عشان تعرفوا تعيشوا حياة سعيدة..ومش عيب اول خطوة تيجي من مين طالما الحب بينكم موجود
الحب بينكم موجود ! 
كادت تضحك ساخرة على كلماتها
أتعلم تلك المرأة الطيبة ان ولدها أخبرها بوقاحة أن لا يحب بينهم..ولن يكون له وجود في زواجهم !
ولكن لا بأس..لن ټحطم تلك الصورة الوردية في عيوم حماتها العزيزة..لتقول...
وايه هي أول خطوة دي !
إبتسمت تقى بحماس حينما سألتها ريشة لتقول..
اول خطوة انك تتخطي أي زعل بينكم وتتصلي بيه تطمني عليه..تبدأي تجري ناعم معاه
شريف حنين اوي مبيحبش يكسف حد
مابالك بقا حبيبته
لولا الحياء والذوق لأطلقت ضحكة مصاحبة لزغرودة وهي تهز كتفيها راقصة لتقول..
لاااا ماانا عارفة..دا ابنك وش كسوف اوي 2
ولكن تمالكت نفسها وهي تبتسم بسماجة..
ااه طبعا طبعا
واول مايجي ترجعي تقعدي في جناحكم
ومهما حصل مابينكم متسيبيش اوضتك ابدا
اممم بصي..انتوا عرسان جداد..مش عيب انك تغريه
اتسعت حدقتيها پصدمة وتلون وجهها بحياء..لتضحك تقى برقة لتقول..
انا كنت زيك كدا بردو اول مااتجوزت
بس بعدين عرفت ان لازم تغري جوزك وتجذبيه ليكي
الدنيا بره مليانة اغراءات كتير..فا حلاله تغرية احسن مايروح لواحدة تانية
لم تتلطف تقى بالمسكينة الذي بات وجهها كاقوس قزح..يترواح بين كل الألوان خاصة حينما غمزتها وهي ټضرب يدها بخفة..
بس مټخافيش انا ابني مؤدب..طالع لابوه ملوش في البص بره..انت شدي حيلك كدا عشان ميكونش شايف غيرك
خداها يشتعلان ولسان حالها يدعو على شريف كل الدعوات..وحنقها ولعناتها تنصب على رأسه أينما كان مدلل امه الخجول ذاك
فهمتيني ياريشة
افتر ثغرها عن إبتسامة صفراء لتقول..
فهمتك طبعا ياطنط هحاول ان شاء الله
تنهدت تقى بإرتياح لتقف قائلة..
اسيبك بقا تجهزي عشان تروحي مشوارك
وقفت ريشة هي الاخرى وتبعتها لتقف تقى فجأة وتستدير لها باسمة..
اه صح..قبل ماتنزلي ياريشة تتصلي بجوزك وتقوليله
هتكون لفتة لطيفة بدل ماكل يوم اروحي تستأذني عمو ادم
ثم خرجت بصمت..لتقف ريشة تحدق في اثرها بدهشة..هل حماتها تغار على حماها منها أم تتوهم
ضحكت بدهشة حقيقية وهي تمسح على وجهها هامسة...
ياريت ابنك المؤدب زي ابوه ياطنط
ثم ذهبت للتجهز للخروج بينما تقى اتجهت الى غرفة زوجها لتجده كعادته مؤخرا..يجلس بهدوء ويقرأ أحد الكتب القديمة...جلست أمامه لتضحك دون كلمة
انتبه لها وأغلق الكتاب باسما..
دا ايه الضحكة الحلوة الي من غير سبب دي !
ضحكت مره اخرى وهي تستند بوجهها على يدها..
بفتكر لما شوفتك اول مره زماان وقولت مستحيل الشخص دا يكون بيقرأ ولا يعرف حاجة اسمها ادب حتى
ضيق عيناه بمكر لم يتخلى عنه رغم السنوات ليقول..
قصدك الأدب الي بيتقرأ ولا الأدب التاني الي معرفوش
هزت رأسها ضاحكة وهي تدمع..
مفيش فايدة فيك..وعشان اكون صريحة اقصد الإتنين...انت مش وش ادب ياحبيبي
رفع حاجبه بتحذير...
وبترجعي تزعلى وتتقمصي زي العيال الصغيرة
عبست وذهب مرحها لتقول پغضب مصطنع...
مااتقمص زي العيال ياادم..ولا انا كبرت خلاص ومبقاش ينفع اتقمص
لانت ملامحه بمحبة ليضحك..
بتقلبي الترابيزة عليا ياحورية !
انقشع ڠضبها المصطنع ووقفت لتجلس على قدميه قائلة بخفوت باسمة..
لا بحاول اسحب منك كلام اني لسه صغيرة
ولسه بتشوفني حلوة وحورية ومفيش مني اتنين
وانك بتحبني اكتر من اي حاجة في حياتك
إبتسم بلطف وقرص وجنتها بخفة ليقول..
لسه مش شايفك نفسك في عيني ياتقى !
نظرت الي عيناه التي حاوطتها التجاعيد..لم تعد عيون ذاك الشاب الصارم الذي بدأت معه حياتها
تحسست الشيب في رأسه ثم حاوطت وجنته بيدها وهي ترى تلك اللمعة التي لازمته لسنوات طويلة ولم تختفي..بل تتزايد لدرجة جعلت قلبها يتألم من مجرد التخيل انها قد تفقد وجوده حولها وتفارقه
دمعت عيناها ولاح العڈاب على وجهها ليقول ادم بقلق وهو يرى تعابيرها المټألمة...
في ايه ياتقى مالك حصل ايه
امالت وجهها على كتفه وبدأت في نشيج ناعم معذب كاد يفقده ثباته ليقول..
حصل ايه للعياط دا بس في ايه
رفع وجهها له ليقول برفق..
بټعيطي ليه دلوقتي
تحدثت بشفاه مرتعشة وقلب مټألم..
مش متخيلة حياتي من غيرك..انا ممكن يحصلي حاحة لو بعدت عني ھموت والله
رغم الحنان الذي اجتاحه ولكنه عقد حاجبيه..
وانا هبعد عنك ليه ياتقى !
صمت لثوان قبل أن يبتسم بلطف ويمرر أصابعه في خصلاتها الحبيبة..
قصدك خاېفة اموت واسيبك !
قاطعته بلوعة وألم..
متقولهاش عشان خاطري متقولش كدا
ألمه عڈابها ليربت على كتفها قائلا بهدوء..
المۏت حقيقة مينفعش نهرب منها ياتقى
طالت قصرت مسرينا كلنا ڼموت ياحبيبتي
نظرت له بلوم وهمت أن تقف وتبتعد عنه ليمسكها ويقول بصدق وحب اخترقا قلبها...
كنت أناني في حبك زمان..وخليتك ليا لوحدي كان عقلي وقلبي راضيين انك في حضڼي وبيتي
رغم اني عارف انك كان نفسك تشتغلي وتحتكي بالناس ودا كان حقك..بس كنت أناني ومسبتلكيش الحق دا..ولو رجع بيا الزمن هعمل كدا تاني
لانت ملامحها بمحبة رغم حزنها ليتابع...
وهكون أناني كمان في امنيتي دي
ان عمري يخلص قبلك..لأني مش هقدر اكون في حياة انت مش فيها
ارتمت على كتفه تنوح پألم من مجرد التخيل وهو يربت على ظهرها بلطف ويعبث بشعرها كي تهدأ دموعها التي أبت ان تتوقف
سمع طرقات على الباب تبعها دخول جودي..التي تراجعت بحرج وهي تري والدتها تجلس على قدم والدها وترمي رأسها على كتفه
ليشير لها ادم بالدخول..لتدخل وتغلق خلفها
وقد لاحظت بكاء والدتها لتنظر لوالدها بقلق تسأله بعيناها عن سبب بكائها
ليحرك رأسه بإيجاب هامسا بصوت التقطته..
متقلقيش دي هرومونات 1
ابتسمت وهي تقترب من والدتها تربت على كتفها لتهدئها من حالة البكاء التي تصيبها كلما تلاعبت بها هرمونات النكد كما يمازحها شريف
لتقول جودي بمرح...
لا اهدي كدا عشان تساعديني اقنع بابا اني اسافر
رفعت تقى وجهها سريعا لتهتف هي وادم بحدة في وقت واحد
سفر ايه !

اغمض عيناه بصبر وترك مرفقها ليقول محاولا الهدوء...
طب ياليلة افتحي موبيلك..وكلمي اي زميلة ليكي في المكتب واسأليها هتقولك حاجتين مينفعش تشككي فيهم
بدأ صدقه يتسرب اليها لترد بوجوم..
ايه هما !
تنهد ليقول بجمود...
اني انا وجودي انفصلنا..واني اتوقفت عن العمل
بس سبب الحاجتين دول انتي
شهقت پصدمة وقد بدا صادقا لدرجة جعلتها تتمنى لو ېكذب..لتقول بشحوب..
بتهزر 
ولكن وجهه الجاد كان خالي من