رواية النور من 34للاخير

حصلها
احمد حجيبلها حقها من الحيوان ده ياماما
نجوى احمد متورطش نفسك فى حاجه وابعد عنه ركز فى شغلك ومراتك 
احمد اه ياماما مش عارف اعمل ايه لنور اعوضها عن كل حاجه حصلت
نجوى نور بنت حلال يااحمد واكيد حتفهمك بس انت عبرلها عن حبك على طول يااحمد وحسسها انها اغلى حاجه فى حياتك ..
احمد وهو يقبل رأس والدته ربنا يخليكى لينا ياست الكل ..
تركته نجوى متوجهه للاسفل بينما ذهب احمد الى نور ..
دخل احمد الى الغرفه حيث وجد نور مستلقيه على الفراش تشاهد التلفاز ..
احمد وهو يتكأ على الفراش بجوارها بتتفرجى على ايه ياحبيبتى
نور ابدا مش لاقيه حاجه وزهقانه .. هبه كانت عاوزاك فى ايه ..
احمد ابدا مخنوقه شويه ... نور كنت عاوزك فى موضوع 
نور ايه ياحبيبى 
احمد نور انا اسف على كل حاجه انا عملتها .. انا ظلمتك 
نور مش فاهمه 
احمد انا اسف انى ظنيت فيكى علاقتك بمعتز واسف على اللى عملته مع نهله الفتره اللى فاتت واسف اكتر على اللى حصل امبارح فى الشركه ..
صمتت نور ونظرت الى الاسفل ..
احمد ساكته ليه
نور مش عاوزة افتكر كل اللى حصل ..مش عاوزة حبى ليك يتأثر بحاجه .. انا كل ده استحملته عشان بحبك وعلى امل انك يوم تكتشف الحقيقه مكنتش عاوزة اخسرك ...
وكل اللى حصل عاوزة انساه يااحمد وانت كمان تنساه ونبدأ من جديد ..
احمد وهو يرفع رأسها للاعلى انا عمرى ماكنت حلاقى زوجه زيك يانور .. تحافظ عليا وتحمينى من نفسى .. ربنا يخليكى ليا يانور قلبى .. يانورى ..
اسندت نور رأسها عى كتفيه وهى تبتسم ابتسامه غامضه ..
اشرقت شمس يوم جديد .. استيقظ احمد باكرا وانسحب من بين احضان نور ليستعد للتوجه الى الشركه ...
مضت ساعه ونصف الساعه وكان احمد يصف سيارته امام الشركه ..
توجه الى مكتبه حيث وجد نبيل فى انتظاره ..
احمد عملت اللى قلتلك عليه يانبيل 
نبيل تمام كلمتها وجايه فى الطريق 
احمد طيب ظبطت الشيكات
نبيل كله جاهز بس متتهورش 
متخافش عليا انا لازم اخلص حقى منها ومن الواطى التانى ..
بعد نصف ساعه .. وجد احمد ونبيل نهله تقف امامهما فى كامل اناقتها ..
نهله هاى يابيبى 
احمد اهلا يانهله اتفضلى .. تقدر تتفضل انت يانبيل
نهله وهى تجلس مالك يااحمد فى ايه ..
احمد فى تسجيل عاوزك تسمعيه 
سمعت نهله التسجيل وبدأ وجهها فى التلون لالوان مختلفه تاره اصفر وتاره احمر ..
نهله احمد الكلام ده محصلش
احمد ده مش صوتك 
نهله لا طبعا دى فبركه ..
احمد مممم طيب انا حعمل معاكى ديل كويس ..
اخرج احمد من درج مكتبه عده اوراق فى ملف ازرق ..
احمد دى الشيكات ووصلات الامانه اللى انا دفعتها بالنيابه عن ابوكى عشان ميتسجنش
نهله ايه ده انت قلت انك قطعتهم ..
احمد انا فعلا قطعت حبه منهم والباقى قررت احتفظ بيه .. للذكرى
المهم .. لو مقولتيش كل حاجه الشيكات دى حتروح للنيابه من بكره .. وانتى عارفه طبعا اللى حيحصل ..
نهله احمد انا .. انا عملت كل ده عشان بحبك 
احمد الظاهر مفيش فايده .. خلاص خلى ابومى يستعد للسجن ويعلن افلاسكوا قريب وتتفضحوا
نهله خلاص يااحمد انا حقولك على كل حاجه ..
يوم خطوبه نسرين انا شوفت معتز ودى كانت اول مره اقابله وساعتها .....
روت له نهله كل ماحدث ..
احمد ومين اللى سربله اسرار الصفقات
نهله وحياه بابا معرفش حاجه عن الموضوع ده بس هو ليه حد فى الشركه بس مش انا والله انا مجتش الشركه من ساعه ماانت رجعت من لندن ..
احمد طيب لو مش عاوزانى اودى الشيكات دى للنيابه يبقى تعملى الى حقولك عليه ..
نهله حاضر انا مستعده اعمل اى حاجه ..
احمد انا عاوزك تعرفى مين الجاسوس اللى فى الشركه
نهله وحعرف ازاى 
احمد بسخريه هههههه بقى انا بردو اللى حقولك .. اتصرفى ..
نهله طيب حاضر بس ادينى الشيكات ..
احمد بعد مااوقع معتز الكلب واللى معاه .. اتفضلى يلا مع السلامه ..
خرجت نهله مطأطأه الرأس .. اصطدمت بساره اثناء خروجها ولم تعيرها اهتماما ..
ساره مالها دى 
عمرو واحنا مالنا سيبك منها
اثناء حضور معتز اجتماع هام يبرم فيه احدى صفقاته ..
معتز ايوه كلمينى بعدين مش فاضى دلوقتى
الطرف الاخر الموضوع ميستحملش .. نهله اتكشفت 
معتز يعنى ايه ازاى 
الطرف الاخر مش مهم .. المهم ان احمد متفق معاها انها توقعك عشان تعرف مين تبعك فى الشركه ..
معتز ماشى خلاص متقلقيش انا حتصرف معاها ..
ما ان اغلق الهاتف حتى تصاعد رنين هاتفه باسم نهله ..
معتز ايوه يانهله ازيك
نهله الحمد لله بقولك ايه عاوزة اقابلك ضرورى
معتز خير فى حاجه 
نهله اما اشوفك حقولك .. حجيلك الشقه على الساعه 9
معتز اشمعنى الشقه
نهله عشان نبقى على راحتنا شويه 
معتز مستنيكى ..
فى تمام التاسعه وقفت نهله امام منزل معتز تدق الجرس ...
فى صباح اليوم التالى استيقظ احمد على دقات متسارعه على باب الفيلا ...
احمد ايه ده مين اللى بيخبط كده ..
نزل احمد مسرعا الى الاسفل فوجد والدته قد فتحت ..
احمد ايه ده فى ايه ..
.... الانسه هبه موجوده 
احمد مين حضرتك 
....... وليد شكرى ظابط مباحث قسم قصر النيل 
احمد عاوزين هبه ليه 
وليد متهمه فى چريمه قتل 
احمد قتل .. هبه اختى .. مين 
وليد المهندس معتز قدرى .. خطيبها
الفصل الاربعون
فى مكتب التحقيقات امام وكيل النيابه جلست هبه وهى مڼهاره من البكاء بجوارها المحامى الخاص بها ..
وكيل النيابه ايه علاقتك بالقتيل
هبه انا خطيبته
وكيل النيابه لقينا على موبايله رساله منك بتهدديه پالقتل .. انتى اللى بعتيها
هبه اه بس انا مكنتش اقصد انى اقتله بجد
وكيل النيابه بعتهاله ليه
هبه اكتشفت انه بيضحك عليا ومش بيحبنى 
وكيل النيابه وعرفتى منين
روت له هبه كل ماحدث..
وكيل النيابه معنى كده انه كان فى علاقه بين القتيل ونور مرات اخوكى
هبه علاقه سابقه كانت خطيبته 
وكيل النيابه كنتى فين امبارح من 8 ل 10 مساءا
هبه كنت فى البيت منزلتش
وكيل النيابه مين كان موجود فى البيت معاكى
هبه ماما والداده 
وكيل النيابه واحمد اخوكى ومراته
هبه معرفش كانوا فى اوضتهم ولا خرجوا مشوفتهمش
وكيل النيابه تفتكرى مين قټله
هبه وهى لم تستطع السيطره على نفسها فانخرطت فى البكاء مره اخرى معرفش معرفش
المحامى لو سمحت ارجو مراعاه حالتها النفسيه
وكيل النيابه عموما احنا خلصنا بس حنستدعيها تانى .. تقدرى تتفضلى ..
ما ان خرجت هبه والمحامى حتى قال وكيل النيابه اعملى يابنى استدعاء لاحمد السويفى ومراته نور وكل اللى لقيناهم فى التسجيلات اللى عنده ..
التسجيل الاول 
جاء دور نهله فى الاستجواب .. 
س ايه علاقتك بالمتهم
ج ابدا علاقه شغل
س ايه اللى وداكى عنده الشقه 
ج انا انا مشفتهوش
س البواب شافك وانتى طالعه واكدلنا انك مش اول مره تروحيله
ج انا فعلا روحت وكان بينا معاد الساعه 9 بس هو مفتحش واتصلت بيه مردش فمشيت
س روحتيله ليه
ج عادى شغل 
س لقينا بصماتك فى كذا حتى فى الشقه
ج ماهو انا روحت كذا مره واكيد بصماتى موجوده
س انتى عارفه ان القتيل كان بيسجل مكلماتكوا
ج ازاى يعنى 
س يعنى كل حاجه متسجله ومتسجل الخطه اللى لعبتوها على احمد السويفى .. انتى متهمه پقتل معتز
ج محصلش محصلش
س انتى الوحيده اللى