رواية النور من 34للاخير

تصع الطعام على المائده ..
اقتربت نور من احمد تقبله وتقول بصوت رقيق اهلا ياحبيبى رجعت امتى شغلتنى عليك
استغرب احمد من مظهرها فقد توقع انها ستكون فى حال غير هذا خصوصا عند رؤية نهله ..
لم يجيبها احمد فتوجهت بحديثها نحو نهله هاى نهله لو اعرف انك هنا كنت نزلت من بدرى 
معلش يانهله ممكن تعدى على الكرسى اللى هناك عشان انا متعوده اقعد جمب احمد وخصوصا بعد كتب كتابنا امبارح ولازم اكله بايدى .. انتى عارفه بقى اتعودنا على كده الفتره اللى فاتت ..
نهله اه سورى ياحبيبتى نسيت انك هنا .. تعالى اتفضلى .. حقعد قدام احمد احسن عشان املى نفسى من عنيه ونظره اللى رجعله ..
نور وماله يانونه اتفضلى ...
جلست نور بجوار احمد وهى تلتصق بيه بطريقه مڠريه وتهمس له وحشتنى ياقلبى 
ابتسم احمد لها وبدأ فى تناول الغداء ..
نور لا لا متوسخش ايدك انت ... خد دى من ايدى ..
احمد ملوش لزوم مانا حاكل اهو
نور وحياتى بقى وحياتى ...
نور خلاص ياحبيبى انا نقلت هدومى لاوضتك 
نهله انتوا حتبدلوا الاوض ولا ايه 
نور ايه ده انتى متعرفيش .. مش ااحمد عملهالى مفاجأه امبارح وقرر انها تبقى ډخله مش كتب كتاب بس 
قالت جملتها الاخيره وهى تنكزه فى ذراعه مش كده بردو ياحبيبى 
نجوى بصراحه احمد فاجئنا كلنا النهارده بالموضوع ده 
نهله والله .. طب دى حاجه حلوة 
نور اوى يانونه مقولكيش احمد رومانسى ازاى .. يجنن 
نجوى وهى تبتسم ابتسامه خفيفه وبعدين يابنات مش وقته الكلام ده ..
ابتسمت وهى تعلم بداخلها ان نور تنوى اغاظه نهله فقط بينما لم يحدث بينهما شىء 
نهله بس ازاى يانور كده من غير ماتلبسى فستان فرح .. ولا انتى ماصدقتى .. اقصد يعنى الفرحه خلتك توافقى من غير ماتفكرى 
نور والله يانونه انا فكرت فى كل ده بس وجودى جمب احمد حبيبى عندى بالدنيا كلها .. خصوصا اننا حنقضى شهر العسل فى اوروبا 
نهله ااااااه عشان كده احمد كان النهارده فى البيوتى سنتر بيعمل مساج ويريح دماغه .. امال ايه اللى نزلك يوم الصباحيه يامودى
نور يانونه ماانتى عارفه بقى العرسان والحركات وعضلاته كلها كانت واجعاه مۏت و راح .....
نجوى هاااااا . . بناااات ميصحش كده انا قاعده .. وانت ساكت يعنى يااحمد وسايب كل ده يحصل 
احمد والله جعان ياماما مش فاضى 
نور كل ياحبيبى واتغذى احسن قدامنا حاجات كتير نعملها النهارده
نهله ايه ده هى هبه مقالتلكوش ولا ايه 
نور على ايه 
نهله اصل معتز عازم العرسان النهارده على العشا بره ... مش معقول معتز مكلمكيش يقولك 
احمد وهو معتز حيكلمها ليه 
نهله عادى يااحمد ماهو اكيد ميعرفش ان نظرك رجع وهو معاه رقم نور وبيكلمها كتيى.. اصله يعنى اكيد بيتكلموا فى الشغل
نور لا ياريت تعتذرليه يانهله مش حنقدر
احمد وليه لا .. بليغه اننا موافقين 
نهله طيب يامودى انا حمشى بقى عشان ورايا مشاوير واشوفك بليل .. اصله عازمنى انا كمان 
احمد طب استنى حوصلك
نهله لا يامودى ملوش لزوم خليك كمل اكلك
احمد لا خلاص شبعت استنى حغسل ايدى واخرج معاكى 
نهله طيب يامودى بسرعه .. استنى اجى معاك اصلى عاوزة اغسل ايدى انا كمان 
نور فى حمام تانى هناك تقدرى تروحيه اصل انا ومو د ى متعودين نغسل ايدينا مع بعض ... مش كده ياب ي ب ى
نهله وماله ياحبيبتى مش عيب 
انطلق احمد بسيارته مع نهله وما ان خرجوا حتى جلست نور باستكانه فى غرفه المعيشه على مقعد احمد وهى تحتضن نفسها ..
دخلت نجوى تجلس بجوارها وهى تملس على شعرها ... 
نور ياحبيبتى مش انتى بتقوليلى ياماما 
نور اه 
نجوى طب مش حتقوليلى ايه بيجرى بينكوا وايه اللى شقلب حياتكوا كده بعد ماكنتوا كويسين 
نور احمد بيشك فيا ياماما 
نجوى ايه اللى بتقوليه ده .. احمد طول عمره عاقل حيشك فيكى ليه بس 
نور انا السبب انا اللى خبيت عليه 
نجوى نور براحه كده وفهمينى ايه اللى حصل 
وشرعت نور فى سرد ماحدث منذ البدايه ...
لم تلومها نجوى على شىء .. بل امالت راس نور على كتفها قائله متقلقيش ياحبيبتى كل حاجه حتتحل .. كله فى وقته 
نور يارب
استعدت نور وهبه فى المساء وذهبا بصحبه احمد لحضور عشاء معتز ..
هبه واو ياجماعه تخيلوا معتز اما يشوف احمد .. انا مقلتلهوش قلت نعملهاله مفجأه بليل .. حيفرح خالص .. اموت واشوف شكله ساعتها ..
احمد بهمس وانا كمان نفسى اشوف وشه لما يعرف انى شايفه وعرفت هو مين ...
...
الفصل السادس و الثلاثون
وصل كلا من احمد ونور ونهى الى المطعم حيث ينتظرهم معتز ونهله ..
معتز اهلا اهلا حمد الله على السلامه يااحمد 
هبه بانزعاج مين اللى قالك كنت عاوزة اعملهالك مفاجأه .. اكيد نهله ..
نهله لا مقلتلهوش حاجه ياهبهوب وحياتك
معتز هو فى حاجه بتستخبى اليومين دول ياحبيلتى تعالى اقعدى جمبى
صافح معتز احمد وهو ينظر اليه بثقه ثم قبل يد هبه واجلسها بجواره ثم صافح نور وهو يضغط على يدها بخفه لكن سرعان ما سحبت نور يدها وهى تجلس اهلا يامعتز 
نقل احمد نظره بينهما اثناء تصافحهما وجلس بهدوء بجوار نهله وهو يصافحها ويقبل يدها.. احمر وجه نور مما حدث لكنها جلست بجواره حيث اصبحت نور بالمنتصف بين احمد وهبه ومقابل معتز ...
نظرت له نور بطرف عينها .. فهو يتعمد اغاظتها .. لكنها لن تأبه له بعد الآن
جلست نور وكأن شيئا لم يحدث وهى تبتسم لنهله
نور ايه انتى هنا من بدرى
نهله ابدا لسه داخله قبليكوا بدقايق اصلى كنت مظبطه مع احمد 
نور مظبطه معاه ايه مش فاهمه
نهله المواعيد يعنى
نور اه قولتيلى ..
معتز والله ياجماعه انا النهارده عازمكوا بمناسبه كتب كتابكوا .. بس دلوقتى لازم نحتفل ان احمد رجعله نظره .. الظاهر ان وشك حلو عليه ياعروسه 
نور لا احمد كان راجعله نظره بعد يوم خطوبتنا على طول بس هو حب يعملهلنا مفاجأه
معتز اه بردو وشك حلو عليه 
احمد اه واخيرا شوفتك يامعتز
معتز اه يااحمد ايه رايك فى عريس اختك بقى
احمد بصراحه مهما كنت بتخيلك .. مكنتش اتوقع انه يطلع انت .. فاكر اما كنت بشبه على صوتك وقلتلى متقابلناش 
معتز بثقه اه طبعا 
احمد ودلوقتى بعد ماشوفتك ... لسه بحاول افتكر شوفتك فين
معتز بسخريه طب لو افتكرت ابقى قولى ..
ها بقى تطلبوا ايه
نهله انا حطلب زى احمد .. زوقنا واحد فى كل حاجه 
احمد وهو يغلق المنيو مادام زوقنا واحد بقى اختارلنا انتى 
نهله لا احسن نور تزعل
نور بضحكه صفراء لا ياحبيبتى خدى راحتك
معتز وانتى ياهبه 
هبه حاخد استيك و .......
معتز برقه وهو ينظر لنور وانتى يانور ... ستيك بردو
نور بتوتر وقد لاحظت قبضه احمد المنقبضه بجانبه لا حاخد ......
هبه وانت عرفت منين يامعتز ان نور بتحب الاستيك 
معتز لا ابدا انا بحسبها حتطلب زيك استيك يعنى 
هبه بشك اااااه .. اصلها فعلا بتحبه اوى
معتز جرسون .. جرسون .. لو سمحت ....
دون الجرسون كل ما طلبته المائده وذهب .. فورا تصاعدت النغمات الرومانسيه الهادئه لتعلن عن بدء رقصه السلو لمن يود الرقص ...
هبه لمعتز واااو .. بحب الاغنيه دى اوى ماتيجى