رواية شريف من 19-24

مااثر بوالدته وارغمها على تقبل جيداء اخيرا
جيداء انت هتفضل ساكت كدة
ابتسم سيف لا طبعا لانى مش عارف ايه اللى بيحصل لك ده !!
جيداء بتعجب ايه اللى بيحصل لى!! انا كويسة اهو
سيف بمرح الحمد لله طبعا بس بقى الستات يحملوا يكعبروا ويوحشوا وانت عمالة تحلوى
ابتسمت لرقته ماتقلقش بكرة اكعبر وأبقى شبة البطة المزغطة
ضحك سيف كعبرى براحتك يا نبض قلبي برضو بحبك
أمسكت بكفيه ربنا يبارك لى فى عمرك يا حبيبي وأفضل طول عمرى فى حضنك
سيف بخبث فين ده فى حضنى ازاى !! ما انت قاعدة فى اخر الدنيا اهو
اقتربت منه وقالت وهى تفتح ذراعيه لتستقر على صدره لا انا هنا مهما جسمى يبعد روحى ساكنة هنا
ضمھا بحنان ااااه يا جيداء انت ساكنة هنا من سنين
أبعدها قليلا وقال ممازحا بس ماكنتيش بتدفعى ايجار وانا بقى هحصل منك القديم كله
ضحكت جيداء بس انا واخداه تمليك تحب تشوف العقد
اعتدل وهو يقترب منها بشده ويخلع سترته بلهفة اه احب اشوف
جذبته من ملابسه ليسقط معها فوق الفراش لينطلقا فى رحلة من السعادة لا نهاية لها
جلست هناء برفقة وفيق لتناول الطعام بصمت ما لبثت أن قاطعته وفيق كنت عاوزة اخد رأيك فى حاجة
وفيق خير يا هناء عاوزة ايه
هناء بفكر اقول ل سيف يجيب مراتة ويقعد هنا فى شقته
نظر لها وفيق بتعجب انت بتكلمى حد !!
هناء بثقة اه طبعا خصوصا أن جيجي حامل ومحتاجة مساعده لأنها بتدرس كمان ودى آخر سنة ليها
تساءل وفيق وانت من امتى طايقة جيجي
هناء خلاص بقى يا وفيق العند مالوش لازمة هى بقت مراته وكلها كام شهر وتبقى ام عياله وهو اللى اخترها محدش غصبه وانا مش عاوزة غير راحته ومصلحته
هز وفيق رأسه والله عين العقل وانا موافق طبعا نبقى نروح نزورهم ونقول لهم ينقلوا فى شقتهم
وهكذا استطاع عشق سيف أن يخترق قلب حبيبته اولا وأن يهدم عند أمه ثانيا ليصل هذا العاشق الى الحياة التى تمناها دوما
الرابع والعشرون
يوم الجمعة من نفس الأسبوع
اعتاد سيف وجيداء قضاء يوم الإجازة كاملا مع جدهما عبيد وكانت جيداء دائما تعد طعاما خاصا لهذا اليوم وغالبا ما يكون من المأكولات البحرية التى يعشقها سيف
وقفت جيداء بالمطبخ تباشر إعداد السمك لوجبة الغداء ولكنها لا تشعر بالراحة فرائحة السمك غير طبيعية ارجعت ذلك للحمل وتحاملت على نفسها لإنهاء إعداده بينما كان سيف يقطع الخضروات لاعداد طبق السلطة المفضل لزوجته لكنه كان يجالس جده
ظلت جيداء تتحامل على نفسها حتى انهت تحضير السمك لكن شعورها بالغثيان يزيد بشدة توجهت بهدوء ناحية المرحاض بينما كان الجد متوجها لتفقدها فهى عادة لا تبقى فى المطبخ لفترة طويلة بل تظل تتحرك بين المطبخ والغرف كبندول الساعة الذى لا يتوقف
مر الجد بباب المرحاض المفتوح ليجد جيداء تتقيأ بشدة فيهتف بفزع إلحق يا سيف
يهرول سيف بإتجاهه فيقول بحزن تتضح فيه مشاعر أبوية رقيقة جيجي بترجع
دلف سيف للمرحاض بسرعة ليحيط جسدها وهو يقول بعتاب رقيق قلت لك بلاش سمك
لم تجب جيداء بل استمرت بالتقيؤ بينما قال الجد بترجع ايه هى اكلت حاجة!!!
سيف بثبات ماتقلقش يا جدى ده طبيعى
يطمئن جده وقلبه هو ينتفض فزعا مع كل اهه تصدر عنها انتهت جيداء وهى تشعر بدوار شديد ساعدها سيف بغسل وجهها لتلقى يرأسها على كتفه بإعياء فيسندها لغرفة جدها لتستلقى بالفراش
دق الباب فترك الجد سيف بصحبة جيداء وتوجه للباب ليجد ابنه وفيق وزوجته هناء
كانت هناء تحمل العديد من الأكياس التى تحتوى على بعض الاجبان والحليب وانواع من الفاكهة
هناء بتساؤل ازيك يا بابا صحتك عاملة ايه
عبيد الحمد لله انا بخير اتفضلوا ارتاحوا ازيك يا وفيق
وفيق بخير يا بابا الحمدلله..هم سيف وجيجي مش هنا ولا ايه
وضعت هناء الأكياس فوق الطاولة بينما قال عبيد لا موجودين جوة بس جيجي تعبت وكانت بترجع ف سيف ډخلها اوضتى ترتاح
هبت هناء فورا يا حبيبتي انا داخلة اطمن عليها
وتوجهت للداخل فورا بينما ينظر عبيد فى إثرها بتعجب فهى تزوره للمرة الأولى منذ ساعد سيف على الزواج من جيداء كما أنها تناديه (بابا) وهذا ايضا لم تفعله مذاك الوقت .
لابأس ربما حمل جيداء هو السبب وراء هذا التغيير وعبيد لا يكره هناء بل كان يدعو الله ان يصلح بينها وبين سيف وهو لا ينسى ابدا اعتناءها به أثناء الفترة التى قضاها ببيت وفيق
ساعد سيف جيداء على الاستلقاء وجلس لجوارها على الفراش يربت على رأسها ويحرك أنامله برقة بين خصلات شعرها ثم قال بلوم كدة حبيبتي قلت لك ريحة السمك هتتعبك
جيداء بإعياء بس انت بتحبه يا سيف ... وبعدين انا كويسة ده شوية دوخة بسيطة
سيف بسيطة كل الترجيع ده وبسيطة وبعدين لما حسيتى بتعب ما خرجتيش من المطبخ ليه وانا كنت كملت
جيداء يا حبيبي انا كويسة هرتاح شوية وأقوم زى الحصان
سيف بحنان ارتاحى يا نبض قلبي ارتاحى غمضى ماتخافيش انا جمبك مش هتحرك
وهنا دق باب الغرفة لتدخل هناء بقلق جيجي مالك يا حبيبتي
اعتدلت جيداء اتفضلى يا طنط..مفيش حاجه ده شوية دوخة بسيطة
هناء وهى تجلس قربها فتحاول جيداء أن لتعيدها تستلقى برفق وحنان خليكى مرتاحة علشان ماتدوخيش تانى
ونظرت اخيرا ل سيف الذى ينظر لها بتعجب ازيك يا سيف
سيف بلا وعى الحمد لله يا ماما منورانا والله
هناء بحنان انا هقوم اعمل لك لمون علشان الترجيع
ونظرت ل سيف وقالت محذرة خليك جمبها اوعى تسبها على ما اجى
وتحركت فورا بإتجاه المطبخ بينما نظر سيف لزوجته حبيبتى حاولى تنامى شوية
اومأت برأسها بضعف وهى تغمض عينيها وتستسلم للدوار لتنتظم أنفاسها بعد قليل فيتسلل سيف من الغرفة بهدوء ليقابل والدته وقد أحضرت كوبا من الليمون خلاص يا ماما هى نامت خليها ترتاح
هناء ماشى يا حبيبى بس لما تفوق تاكل كويس انا هدخل اكمل الغداء واروق المطبخ
سيف بإعتراض لا يا ماما اتفضلى ارتاحى وانا هخلص كل حاجة
هناء بحزم لا طبعا روح اقعد مع ابوك وجدك وانا هخلص واجى لكم
وتوجهت إلى المطبخ مباشرة فإضطر سيف أن يرضخ لرغبتها وتوجه للخارج
رحب سيف بوالده بحفاوة وجلس بسعادة فهو منذ زمن لم يجتمع بوالده وجده معا
قرر وفيق أن يتحدث بشأن سبب الزيارة سيف انا جاى النهاردة انا ومامتك مخصوص علشان نقولك تنقل فى شقتك
نظر له الجد بحزم ليه هو مش فى شقته
حاول وفيق تبرير موقفه لا يا بابا مش قصدي طبعا انا بس بقول يرجع بيت أبوه فى شقته وهنا شقته بردوا
ليرفض الجد بلا تردد لا يا بنى سيف مش هيروح فى حته ومش هيسيب شقته ابدا
بينما قال سيف بحزن وبعدين يا بابا حضرتك ناسى أن ماما حلفت جيداء ما تدخلش بيتها !!!
ليجيب وفيق يابنى ده كان زمان دلوقتى لما عرفت إن جيجي حامل هى اللى طلبت مني اقولك تنقل فى شقتك علشان تخلى بالها من مراتك
هنا خرجت هناء وهى تحمل اكواب العصير لتضعها أمامهم وتقول اه يا بابا لو سمحت انا عاوزة اساعد جيجي هى حامل وبتدرس وحضرتك شايف تعبانة وبتدوخ اهيه تبقى

جمبى اطمن عليها
عبيد بحزم وانا مش موافق أن سيف وجيجي يسيبوا البيت طول ما انا عايش عاوزة تطمنى عليها تعالى لها فى اى وقت هنا فى بيتها
نظرت هناء ل سيف وهى واثقة أنه لن يغضب جده وانت رأيك ايه يا سيف
اعتذر سيف بهدوء معلش يا ماما بس انا مش هقدر اسيب جدى وبعدين ماتقلقيش على جيداء انا بساعدها فى كل حاجة
ليقاطعه وفيق معارضا ما انت يا بنى عندك شغلك والماجستير كمان
ثم نظر لوالدته بس جيداء اهم من اي حاجه...وصدقينى يا ماما لو احتجت مساعده فى اى وقت اكيد هطلب منك مش من حد غريب
كانت هناء تريد أن تصلح الأمور فلم ترغب بمعركة جديدة فقالت خلاص يا وفيق خليهم براحتهم هنا بيتك يا سيف وهناك بيتك واقعد مطرح ما ترتاح انت وجيجي وانا على قد مقدر هاجى اطمن عليها واساعدها بإللى اقدر عليه انا فى الاول والاخر عاوزة راحتكم
غير عبيد مجرى الحديث فورا خليكم بقى اتغدوا معانا النهاردة بقى لنا كتير ما اتلمناش مع بعض
ليقبل وفيق بلا تردد حاضر يا بابا
هناء تصحى بس جيجي ونطمن عليها علشان تاكل معانا ولا حضرتك جعان يا بابا
عبيد لا يا بنتى انا مش هعرف اكل غير لما اطمن عليها دى رجعت كتير اوى وهى اصلا ماكلتش حاجة
توجه سيف بعد ساعة لتفقد جيداء وكانت لا تزال نائمة فإقترب ليتمدد بجوارها شعرت به ففتحت عينيها ونظرت إليه صح النوم يا نبض قلبي ها فوقتى دلوقتى
جيداء الله يديك الصحة حبيبي الحمدلله حاسة انى احسن
قص سيف على جيداء ما حدث فشعرت بالراحة فيكفى أن حماتها قد عرضت عليهما العيش معها لكن الجد محق فى رفضه
نظرت ل سيف انا اعيش معاك فى اى مكان
ليقول سيف بحزم وانا عمرى ما اسيب جدى ابدا لولاه مكنتش حققت حلم عمرى واتجوزت اجمل نساء العالم
جيداء بإبتسامة انا اجمل نساء العالم
سيف برقة انت اجمل النساء وكل النساء وغيرك لا تبصر عينى امرأة
ضحكت جيداء برقة وضعف حبيبى بيقول شعر
اقترب منها يدندن بهمس علمنى حبك سيدتى أسوأ عاداتى ...علمنى أفتح فنجانى فى الليلة آلاف المرات واجرب طب العرافين واطرق باب العرافات
علمنى اخرج من بيتى لامشط أرصفة الطرقات
واطارد وجهك فى الامطار وفى اضواء السيارات
وألملم من عينيك ملايين الاشياء
يا امرأة دوخت الدنيا يا وجعى
أسرعت جيداء تضع كفها فوق شفتيه خلاص يا سيف مفيش ۏجع
قبل كفها وضمھ لصدره بحنان مافيش يا نبض قلبي مافيش ۏجع
اقتربت لتبسط ذراعه وتتوسد صدره وهى تحيط خصره بذراعها
مر اليوم بسعادة على الجميع ومرت بعده عدة أيام وتوجه سيف لزيارة والديه
جلس سيف بصحبة والديه فتساءلت هناء ماجبتش جيجي معاك ليه يا سيف
حمحم سيف الحقيقة يا ماما هى ماتعرفش انى هنا من الأساس
وفيق ومتعرفش ليه يا بنى
سيف بصراحة أنا جاى اتكلم معاكم فى موضوع وفى كل الأحوال مش عاوز جيداء تاخد عنه خبر
هناء بإهتمام موضوع ايه ده اللى تخبيه على مراتك!!!
سيف بابا حضرتك لما جيت عند جدى عرضت عليا اخد شقتى اللى هنا صح
وفيق أيوة تمام وانا عند كلمتى والشقة تحت امرك في اي وقت
سيف طب انا عاوزها بس مش هسكن فيها
هناء بفرحة هتفتحها عيادة صح
هز رأسه نفيا لا يا ماما انا عاوز افتح ل جيداء مركز علاج طبيعي فإذا وافقتم هبدأ فورا علشان يبقى هدية نجاحها الترم خلاص يادوب
وفيق والله يا بنى انا معنديش مانع ..شقتك وانت حر فيها
وتابعت هناء وهى مراتك يعنى مفيش بينكم فرق بس انا عندى اقتراح تانى
سيف بسعادة اتفضلى يا ماما
هناء الناس اللى بتتعالج طبيعى متقدرش تطلع السلم وانت شقتك دور تانى فإحنا نفضى الشقة اللى فى الدور الاول للمركز بتاع جيجي وانت تاخد الشقة اللى فى التانى تعملها عيادة وتبقوا مع بعض
وفيق والله فكرة حلوة يا هناء ...ايه رأيك يا سيف
سيف بسعادة موافق طبعا ربنا يبارك لى فيكم
ونهض ليقبل رأس والده ووالدته بسعادة غامرة ثم انصرف طالبا منهما التكتم على الأمر لتكون مفاجأة كبرى ل جيداء
مرت الأيام سريعا هناء وسماح تتبادلان الزيارة لمساعدة جيداء خاصة حين بدأت الامتحانات وقد ابلت جيداء جيدا كعادتها وانتظرت أن تتفوق هذا العام ايضا ف سيف يوفر لها دائما المناخ المناسب للمذاكرة ويساعدها ايضا رغم انشغاله الدائم
عاد سيف من الخارج ينادى زوجته بلهفة جيداء... جيداء
ليأتيه صوت جيداء أيوة حبيبي انا فى المطبخ
توجه إليها مسرعا حبيبتي مبارك يا نبض قلبي نجحتى وبقيتى احلى دكتورة فى الدنيا
تهلل وجه جيداء بجد يا سيف اتأكدت شوفتها بعينك
سيف انا جاى من الكلية حالا مبارك يا نبض قلبي
أسرعت جيداء ترتمى بين ذراعيه بسعادة غامرة ليتابع يلا غيرى بسرعة ليكى عندى مفاجأة بالمناسبة دى
جيداء وهى تتراجع قليلا مفاجأة علشانى انا !!!!
سيف وهو يدفعها للخارج أيوة يلا بسرعة غيرى
توجهت جيداء بصحبة سيف وهى لا تدرى إلى اين تذهب خاصة أنه طلب منها اغماض عينيها بمنتصف الطريق وحين وصلا أوقفها أمام باب الشقة وفتح الباب لتدخل منه وهى مغمضة العينين وما أن أصبحت بمنتصف المركز الذى جهزه لها حتى قال فتحى يا نبض قلبي
فتحت عينيها لتنظر حولها ولا تفهم شيئا فتتساءل احنا فين يا سيف
سيف بحنان دى هدية نجاحك يا حبيبتي
جيداء بعدم فهم هدية ايه!! سيف انا مش فاهمه حاجه!!
امسك كفيها بحنان دى الشقة بتاعتنا اللى فى بيت بابا انا عملتها لك مركز علاج طبيعي مش ده حلمك احلمى و انا انفذ
جيداء بسعادة حلمى ايوه بس انت اجمل حقيقة
احتضنها سيف بحب وانا بقى العيادة بتاعتى فى الدور التانى علشان افضل جمب نبض قلبي فى كل وقت وكل مكان
جيداء بسعادة غامرة انا مش مصدقة
سيف لا صدقى واحلمى ومعايا هتعيشى كل احلامك
تفقدت المكان بخجل طب ده اتكلف كتير اوى يا سيف !!
سيف ولا يهمك حبيبتي أنا واخد قرض وواثق اننا هنسدده فى خلال سنة واحدة
نظرت له بلهفة عملت كل ده علشانى
شد سيف ذراعيه حولها انت مش متخيلة انا ممكن اعمل ايه علشانك