رواية نوفيلا

يامى اللى يمليه عليكى ضميرك اعمليه
فى بيت خلود 
جرس الباب يرن وتفتح خلود اذ تجد
عادل امامها ويدخل البيت ويغلق الباب
خلود انت اټجننت ... اطلع برة
عادل قرب منها وحشتينى اوى اوى ياخوخة
خلود بعصبية قلتلك اطلع برة وبعدين عمرو زمانه جاى
عادل لا ماتقلقيش عمرو فى مشوار تبع الشغل الجديد ومش هيجى غير بعد ساعتين واخد سيد معاه
خلود انا مش فاهمة انتى ازاى انسان والله انت ماتستحق حتى كلمة حيوان بقى الشخص اللى يساعدك وعمره ماقصر فى حقك ټخونه بالشكل ده وبدل ما تحافظ على عرضه تعمل كدة فى مراته انت بجد اقذر انسان شفته فى حياتى
خلود انت اللى استغليت احتياجى وجرحرتنى معاك للرذيلة دى لكن اقسم بالله ماهتتكرر تانى ابدا ولو على جثتى وياريت بقى تخرج برة احسن ماتشوف منى رد مش هيعجبك
عادل على فكرة انتى باسلوبك ده هتضطرينى استخدم اساليب تاتية هتخليكى تندمى على كلامك ده وعلى فكرة انا ممكن اشيل صورتى خالص من الصور وتبقى صورتك بس اللى ظاهرة عادى خالص... دى اخر مرة هاتكلم معاكى فيها فكرى بقى كويس فى كلامى وبلغينى بقرارك... سلام ياقلبى
سمير يتحدث مع مى فى التليفون
مى تبكى انا آسفة اوى ياسمير اعتبر كل اللى بينا انتهى
سمير لا يامى ماتقوليش كدة انا بحبك ومش هحاسبك على حاحة انتى مالكيش يد فيها .. احنا لازم نتجوز
مى بس انا مش هاقدر اتجوز وابقى مبسوطة والكلب سيف ده عايش على وجه الارض
سمير ماتقلقيش ياحبيبتى انا هاقتله والنهاردة كمان
مى بجد ياسمورتى ... انا بعشقك
سمير وانا بمۏت فيكى ياقلبى ... طب ياحبيبتى انا هاقفل دلوقتى علشان جرس الباب بيرن
سمير فتح الباب واذ بسيف على الباب
سمير كان رايح يضرب سيف لكن سيف زقه بعيد عنه اشششش خد شوف الفيديو ده فيه مواجهتى مع الست هانم خطيبتك شوفه وتعالى عندى البيت مستنيك علشان تيجى تنفذ رغبة الهانم وټقتلنى
مصطفى خطب بنوته اسمها جنه اتعرف عليها وقرر يخطبها لما لاقاها بنت مؤدبة وبنت ناس محترمين
سيف جاى من برة وكانت ياسمين تشاهد التلفاز سيف اول مادخل لم يتحدث مع ياسمين نهائيا واتجه نحو اوضة مكتبه وعندما سمع صوت ياسمين تنادى عليه توقف
سيف نظر تجاهها افندم ... عايزة حاجة
ياسمين سيف انت ليه بقيت بتبعد عنى كدة ولا عدت بتاكل ولا بتشرب حاجة هنا حتى بتنام فى اوضة المكتب وتسبنى لوحدى ليه
سيف ببرود انتى اللى بتسألى ليه !!! اوكى انا هاقولك ليه علشان ماعدتش قادر اشوفك ولا المسک دايما شايف مصطفى حاجز بينى وبينك ولف وشه الناحية التانية وبدموع ليه ليه كل ده ليه خدعتينى ووجعتينى اوى كدة انا حبيتك اوى ووثقت فيكى .. كل ده علشان ايه شوية فلوس .. ياريتك كنتى طلبتيها منى كنت اديتهالك ولا كان حصل كل ده
ياسمين بدموع انا مش ڼصابة ياسيف زى ماانت فاهم انا والله كنت عاوزة منك فلوس
على قد عملية مصطفى بس انا عارفة انى غلطت وبتمنى لورجع بى الزمن ماكنتش هاعمل كدة ابدا ... وقعدت على الارض وحطت ايديها على رجليه وهو مازال عاطيها ظهره وبدموع غزيرة ارجوك ياسيف ... ارجوك تسامحنى ... انا اسفة
سيف اسف مش هااقدر اسامحك ولا هقدر اكمل معاكى انتى طالق
ومشى وسابها
ياسمين سندت على الحيط ودفنت وشها بين ايديها وبكت بطريقة هيسترية
البارت العاشر 
ياسمين بعد ما سيف رمى عليها يمين الطلاق اخدت هدومها وذهبت الى بيت ابيها
حامد عندما رآها بشنطة هدومها فى ايه يابنتى انتى اتخانقتى مع سيف ولا ايه
ياسمين بدموع سيف طلقنى
حامد ليه ياحبيبتى ايه اللى حصل بينكم
ياسمين مفيش يابابا بعد اذنك محتاجة ارتاح شوية
حامد طب ياحبيتى ادخلى غيرى هدومك وتعالى نتغدى مع بعض وبعدين نامى
ياسمين دخلت اوضتها ولبست هدوم تانية
حامد انتى لبستى هدوم خروج تانية ليه ياحبيبتى مش هتتغدى معايا ولا ايه
ياسمين معلش يا بابا انا ماليش نفس اكل انا هاروح البيت عند نهى حاسة انى محتاجة اتكلم معاها شوية
حامد طب ما تتكلمى مع ابوكى ولا انا ماانفعش
ياسمين ....
حامد خلاص يابنتى على راحتك روحى لاختك ربنا يصلح لك الحال يارب
سمير شاف الفيديو ووقتها حس بالذنب جدا تجاه سيف وقرر انه يروح لسيف البيت
عند سيف
سيف اهلا ..
سمير بابتسامة هتسيبنى واقف على الباب كدة ياصاحبى ولا ايه مفيش اتفضل
سيف دخل وساب الباب مفتوح وسمير دخل وراه وقفل الباب
سمير انا اسف جدا ياصديقى ...... ماتزعلش منى
سيف انا عمرى ما ازعل منك ابدا ياسمير انت الشخص الوحيد فى الدنيا دى كلها اللى حبنى بصدق وعمرى ماانسى كل المواقف اللى انت وقفت فيها معايا ده انت ياما ضحيت بحياتك علشانى
سمير حضڼ سيف وبكى بحبك اوى ياصاحبى ... انا مش عارف انا ازاى صدقتها ... انا غبى
سيف ضحك من ناحية غبى فانت فعلا كدة وجدا كمان
سمير هههههه
سيف اقعد اقعد اما نشوف هنعمل ايه مع مى
سمير مش عارف والله هاعمل ايه
سيف انا رايى تحكيلها الحقيقة كلها كاملة وهى لو بتحبك بجد هتسامحك
سمير تفتكر هتسامحنى
سيف والله نجرب مش هنخسر حاجة
سمير نفخ بضيق سبحان الله ... انت عارف ياسيف ان انا عمرى مانسيت اخوها ده من وقت الحاډثة وصورته دايما فى خيالى... شوف يااخى الايام لفت ودارت وتطلع البنت اللى حبيتها من وسط ملايين البنات تبقى اخته
فى بيت مصطفى سعد ومصطفى بيشاهدو التلفاز
مصطفى على فكرة القصة اللى انت الفتها وحكيتها لامك دى انا عارف انها مش حقيقية وعارف انت كنت فين الايام اللى فاتت دى كلها
سعد انا اسف يامصطفى خلاص انا اتغيرت وماعدتش هاعمل اى حاجة حرام تانى بس لى عندك طلب صغير .. تفتح لى اى مشروع صغير اعيش منه بالحلال
مصطفى لو انت اتغيرت فعلا يبقى تقولى الفلوس اللى كنت بتلعب قمار بيها دى كنت جايبها منين
سعد من الاستاذ سيف المحامى
مصطفى من سيف !!! ازاى !!!
سعد حكى لمصطفى ازاى اخد الفلوس من سيف
مصطفى بعصبية انت حيوان ...يعنى سيف دلوقتى زمانه لسة فاكر ان ياسمين نصبت عليه واخدت منه فلوس انت لازم تقوم معايا دلوقتى وتحكى لسيف على كل حاجة
سعد لا يامصطفى بلاش انت ترضى ان اخوك يتقال عليه نصاب ياسمين خلاص اتجوزته وهو اكيد نسى الموضوع ده وسامحها بينه وبين نفسه انا خلاص تبت ومش هاعمل كدة تانى
مصطفى يارب بس تبقى صادق فى توبتك
سعد باس اخوه صادق والله ... هتعملى مشروع بقى
مصطفى ابتسم حاضر ياحبيبى هاعملك كل اللى انت عاوزه
فى بيت خلود تحديدا فى اوضة نومها
عمرو وخلود قاعدين على سريرهم
عمرو ماسك ايد خلود بحبك .... بحبك اوى ... انتى عارفة ياخلود انا لما عشت معاكم ندمت على كل لحظة ضيعتها وانتو مش معايا
خلود عمرو انا كنت عاوزة اصارحك بحاجة ... واى قرار انت هتاخده بعد اللى هاقولهولك ده انا مش هلومك عليه
عمرو فى ايه ياحبيبتى قلقتينى عايزة تصارحينى

باايه
خلود بدات تحكى لعمرو على كل شئ دار بينها وبين عادل من اول ماابتدت علاقتهم لحد اخر مرة جه فيها عادل وهددها بالصور اللى معاه بعد رجوع عمرو من السفر
عمرو بحزن انا مش هاقدر اقولك انك غلطتى لوحدك لانى انا كمان مشترك فى الخطأ ده لانى انا المسئول عن حالة الاحتياج دى بس سامحينى ياخلود علاقتنا مش هينفع تستمر انا مااقدرش اعيش معاكى بعد ماخنتينى مع شخص تانى ... ياريتك كنتى طلبتى الطلاق لما حسيتى بالاحتياج ولا كنتى خنتينى
خلود بدموع خفت على سيد ... ماطلبتش الطلاق علشانه ... انا مش زعلانة منك ياعمرو علشان قرارك ده
بس الصور اللى مع عادل .....
عمرو قاطعها ماتقلقيش من الكلب ده انا هاتصرف معاه بطريقتى
خلود متشكرة اوى ياعمرو وانا باذن الله بكرة هالم حاجتى واروح انا وسيد عند ابويا
سمير ومى مع بعض فى حديقة
سمير عاملة ايه يا مى
مى انا الحمد لله كويسة ... انت عملت ايه مع سيف
سمير مى هو انا ممكن اسالك سؤال 
مى اكيد ممكن ولو انك لسة مجاوبتش على سؤالى
سمير مى انتى بتحبينى فعلا ولا لما انا اتقدمتلك استغليتى الفرصة دى علشان تنتقمى من سيف
مى لا ياسمير انا حبيتك واوى كمان انا مليش حد غيرك فى الدنيا دى لكن صدقنى انا مش هاقدر اتجوز وابقى سعيدة طول ما سيف عايش على وش الدنيا
سمير انا اللى دوست اخوكى بالعربية مش سيف
مى پصدمة انت قلت ايه !!
سمير انا اللى كنت سايق العربية وقتها واخوكى جه قدامى فجأة ماقدرتش انقذه
مى تستمع اليه وهى مذهولة ودموعها مغرقة وشها كالمطر
ثم اكمل سمير كلامه والدموع فى عينيه عارف انك عايزة تسالينى دلوقتى طب ليه سبته ومشيت ومحاولتش حتى تنزل من العربية وتشوف ايه اللى حصله للاسف ماكنتش اقدر انزل وقتها ابويا كان بين الحياة والمۏت كان عنده القلب وكان معايا فى العربية وقتها كان لازم اوديه المستشفى قبل مايحصله اى مضاعفات لكن للاسف بردو مالحقتش وماټ منى فى الطريق انا حكت لك كل اللى حصل اليوم ده بالتفصيل تسامحينى او لا القرار ده فى ايدك انتى .... بعد اذنك
بعد مامشى مى اڼهارت فى البكاء ... صراع كببر جواها .... احاسيس مختلطة بين الحب والحزن والاڼتقام
فى بيت نهى 
نهى اهلا ياسمين وحشانى يابت ادخلى
ياسمين وانتى كمان وحشانى جدا ... حازم عندك
نهى لا فى الشغل ... تشربى ايه
ياسمين مش عاوزة اشرب حاجة اقعدى بس محتاجة اتكلم معاكى شوية
نهى قعدت خير ... مالك باين على وشك الحزن كدة
ياسمين سيف طلقنى يانهى بصراحة هو حاول كتير يحافظ على علاقتنا بس ماقدرش يستحمل .. انا كنت بعامله وحش اوى وكل ماكان يقرب منى او يلمسنى احسسه انى ماليش رغبة فيه
نهى طب وانتى زعلانة علشان هو طلقك
ياسمين انا زعلانة علشان هو لحد دلوقتى مش عاوز يسامحنى ... مش بعرف انام وانا حاسة انى ظلمت حد ... ضميرى بيأنبنى كل لحظة بسبب اللى عملته مع سيف
نهى انتى عرفتى ان مصطفى خطب
ياسمين پصدمة وقامت وقفت انتى بتقولى ايه .. مصطفى استحالة يعمل كدة وبكت انا رايحاله
نهى شدتها من دراعها تعالى هنا رايحاله فين خلاص ماعدش ينفع
ياسمين سبينى انا لازم اروحله
وهى ماشية حازم قابلها على الباب ازيك ياياسمين عاملة ايه
ياسمين ماردتش عليه ومشت وسابته
حازم لنهى فى ايه يابنتى مالها ياسمين
نهى سيبك منها ... ربنا يهديها يارب
ياسمين ذهبت الى بيت مصطفى لكنها لم تجده فاضطرت تذهب له حيث يعمل
مصطفى اهلا

ياسمين اتفضلى ... اعرفك جنة خطيبتى ثم نظر لجنة ياسمين بنت خالتى
جنة اهلا وسهلا
ياسمين تجاهلتها ثم نظرت لمصطفى بحدة مصطفى كنت عاوزة اتكلم معاك شوية