رواية نوفيلا

البارت الاول 
فى بيت الحاج حامد فى منطقة شعبية 
نهى تنادى على اختها ياسمين بصوت عالى حدا مقترنا 
بفرحة كبيرة بينما ياسمين كانت غارقة فى النوم
نهى ياسمين ...ياسمين اصحى يابت بسرعة
ياسمين وهى تحاول ان تفتح عينيها عايزة ايه يانهى
سبينى نايمة تعبانة اوى طول النهار وانا فى المحكمة
نهى خلاص انتى حرة بقى خليكى نايمة كنت هاقولك
على خبر حلو مالكيش نصيب تعرفى
ياسمين وهى مازالت مغمضة عينيها خبر حلو ايه ده
انتى اخبارك كلها تافهة زيك
نهى اوكى تمام كملى نومك وانا طالعة سلام
وهى على الباب تناديها ياسمين تعالى هنا يابت
نهى عايزة ايه
ياسمين قولى خبر ايه ده اللى حلو
نهى وهى مصطنعة الزعل لا مش قايلالك حاجة انا اخبارى
كلها تافهة زيى
ياسمين يابت انجزى بقى وقولى فى ايه
نهى مصطفى ابن خالتك
ياسمين اول ماسمعت الاسم قامت من على السرير بلهفة
ماله مصطفى
نهى مصطفى ياستى جه من السفر النهاردة
ياسمين بفرحة عارمة انتى بتتكلمى جد ثم ابتسمت 
وحشنى اوى
نهى طب ماتلبسى يالا وتعالى نروح نسلم عليه
ياسمين لا طبعا هو اللى يجى هنا يسلم علينا
نهى باستغراب اللى هو ازاى ده يعنى هو المفروض
مين اللى يروح يسلم على مين
ياسمين احنا متفقين مع بعض على كدة وبعدين هو
ازاى يجى كدة من غير ما يقولى انه جاى ده لسة
مكلمنى النهاردة الفجر وماجابليش سيرة انه هيجى
نهى بابتسامة وقرصت اختها بحب من خدها عاوز
يعملهالك مفاجأة ياجميل..ربنا يخليكو لبعض عقبالى
يارب لما الاقى حد يحبنى قد حب مصطفى ليكى
ويعملى بقى مفاجآت
ياسمين بس يابت كدة عيب انتى لسة صغيرة على
الكلام ده وضحكو هما الاتنين
حامد والدهم جاى من برة وسمع صوت ضحكتهم
دخل عندهم ايه يابنات بتضحكوا على ايه ما
تضحكونا معاكم
ياسمين هههه مفيش حاجة ياحجوج .... اه صحيح
انت عرفت ان مصطفى جه
حامد ايوة طبعا عرفت انا لسة جاى من البيت عندهم
ياسمين بابتسامة طب وهو عامل ايه يابابا
حامد هو كويس ياحبيبتى بيسلم عليكم وهيجى 
بالليل يتعشى معانا يالا انتى واختك اعملو لكم همة 
شوية وجهزولنا عشا حلو من ايديكم الجميلة دى
نهى هاتلنا عشا من المطعم عندك يابابا وخلاص
انا مابعرفش اعمل حاجة وياسمين عايزة تنام
ياسمين بس يابت سيبك منها يابابا انا هاجهز عشا
حامد ماشى ياحبيبتى انا يدوب هاصلى العصر وهاروح 
اشوف احوال المطعم ايه وباذن الله هاجى على العشا
فى بيت مصطفى 
زينب انت بتعمل ايه يامصطفى 
مصطفى بظبط الهدايا اللى انا جايبها لياسمينا
ياماما
زينب انت هتروحلهم بردو النهاردة زى ماقلت لعمك حامد
مصطفى اكيد طبعا ياامى ياسمينا وحشتنى جدا
زينب انت مصمم تتجوز ياسمين بردو ياابنى
مصطفى انا نفسى افهم ياماما انتى ليه مش عايزانى
اتجوز ياسمين دى حتى تبقى بنت اختك
زينب ياواد انا قلبى عليك البت نهى اختها حلوة عنها
انا رايى تتجوز نهى احسن
مصطفى بكل حب ياسمينا فى عنية احسن بنت فى
الدنيا دى كلها دى اللى اختارها قلبى
زينب انت حر ياابنى انا

اهم حاجة عندى اشوفك
مبسوط وبعدين ايه الشنطة دى كلها كل دى حاجات
جايبها ليها ده انت كل اللى جايبه لى انا واخوك 
مايجيش نص الحاجات دى
مصطفى ابتسم انتى بتغيرى ياست الكل ولا ايه
وبعدين الحاجات دى مش لياسمينا بس فيه حاجات
لعمى حامد وخلود وابنها ونهى
زينب لوت شفايفها كمان جايب لاخواتها البنات طب
يا اخويا ربنا يهنيكم
فى فيلا نصر الدين 
سيف جاى من برة
تيسير اهلا حبيبى انت كنت فى النادى ولا ايه
سيف ايوة ياماما
نصر الدين ينادى على الخدامة زهرة زهرة
زهرة ايوة يابيه
نصر الدين حضرى لسيدك سيف الغدا
سيف لا انا اتغديت برك اعمليلى يازهرة كوباية
برتقال فريش
زهرة من عنية ياسيف بيه
تيسير طب ادخل ياحبيبى اوضتك وانا هاجبلك
العصير لحد عندك
سيف اوكى ياماما ...بعد اذنك يابابا
نصر الدين اتفضل ياحبيبى
نصر الدين انا مش عارف انتى هتفضلى تدلعى فيه كدة
لحد امتى
تيسير وايه يعنى اما ادلعه هو انا لى غيره ده ابنى الوحيد
نصر الدين ايوة بس هو خلاص كبر زمايله اتجوزو وخلفو
تيسير جواز ايه بعد الشړ عليه انت عايز واحدة غيرى 
تعمله حاجته ده لايمكن يحصل ابدا
نصر الدين بعصبية انتى هتجننينى ياتيسير فى واحدة
مش عايزة ابنها يتجوز طب مش عايزة حتى تشوفيلك
احفاد قبل ماتموتى
تيسير انت عايزنى اموت ياراجل انت
نصر الدين بصوت واطى ياريت والله
تيسير بتقول حاجة يانصر !!
نصر الدين بقول بعد الشړ عنك ياحبيبتى انا خارج
احسن سلام
فى بيت حامد 
حامد جاى من
المطعم ودخل المطبخ عند بناتهها 
يابنات جهزتو العشا ولا لسة
ياسمين خلاص يابابا تقريبا كل حاجة خلصت
نهى بصراحة يابابا ياسمين عاملة شوية اكل
مالهمش حل
وفجأة جرس الباب يرن
ياسمين بفرحة ده اكيد مصطفى ..ثم بحزن مصطنع
يوووه ده انا لسة ماغيرتش هدومى
حامد هههه ... لا ماتخافيش لسة على ميعاد مصطفى
حوالى ساعة دى تلاقيها اختك خلود اصل انا كلمتها 
وقلتلها تيجى هى وابنها يسلمو على مصطفى ويتعشو
معانا روحى افتحى الباب لاختك يانهى
ذهبت نهى لتفتح الباب
نهى اهلا خلود وحشتينى اتفضلى ثم سلمت على
ابنها اهلا سيد حبيب خالتو عامل ايه
سيد انا كويس ياخالتو وجرى على جده حامد
سيد جدو حبيبى واحشنى
حامد وانت كمان ياحبيبى وحشتنى تعالى يالا معايا
اما افرجك على الالعاب الحلوة اللى جبتهالك
سيد يالا بينا
خلود امال فين ياسمين يابت يا نهى
ياسمين خرجت من المطبخ انا اهو ثم سلمت على خلود
ازيك ياحبيبتى وحشانى
خلود وانتو كمان والله وحشتونى كلكم
ياسمين تعالو ندخل اوضتنا بقى ندردش شوية على
ما مصطفى يجى ودخلو الاوضة
ياسمين كانت تغير ملابسها وتستعد للقاء حبيبها مصطفى
نهى ايه العسل ده
ياسمين بحد الفستان حلو على ...ايه رايك ياخلود
خلود وفى عينيها الحزن جميل ياحبيبتى والله ربنا يسعدك
ياسمين مالك ياخلود باين عليكى الحزن كدة من ساعة ماجيتى
خلود لا مفيش حاجة انا كويسة ونزل منها دمعة ومسحتها
بايديها
ياسمين حست انها مش عايزة تتكلم قدام نهى معلشى يانهى
اعملى سلطة علشان نسيت اعملها وظبطى الدنيا كدة علشان
مصطفى زمانه جاى
نهى

اوكى ومشت
ياسمين فى ايه يا بنتى ايه اللى مزعلك
خلود تعبت اوى ياياسمين عمرو مسافر بقاله خمس
سنين من يوم ما حملت فى سيد انا مش حاسة خالص
انى متجوزة
ياسمين انا مش فاهمة مادام انتى مش متقبلة الوضع ده
ليه مش بتتكلمى معاه وتقولى له انك محتاجة وجوده جنبك
خلود مااقدرش ياياسمين انتى مچنونة بنت الاصول لازم 
تستحمل جوزها وبعدين السفر ده بقى شئ طبيعى ماكل
الرجالة بيسافرو وبيقعدو بالسنين والست لازم تستحمل 
وتصبر وتحتسب عند الله وترضى
ياسمين ايه التخلف ده تستحمل وترضى باايه ده اسمه
جهل الست لازم تبقى مع جوزها فى اى مكان هو فيه
وبعدين كل ست وليها طاقتها فى شرع مين ده ان الراجل
يسافر ويسيب مراته بالسنين لوحدها تربى عياله كلكم راع
وكل راعى مسئول عن رعيته ده كلام النبى مش كلامى وهو
مسئول عنك انتى وابنك مش بالفلوس بس لا فى كل حاجة
مادام انتى مش راضية جوزك اثم وربنا هيحاسبه بس انتى
لازم تعرفيه انك مش راضية يمكن يغير رايه وينزل
خلود سيبك يا ياسمين من الكلام ده قومى يلا كملى
لبسك زمان العريس جاى
ياسمين ابتسمت وقامت تكمل لبسها
فى بيت مصطفى 
مصطفى فى اوضته وسمع صوت اخوه سعد وهو جاى من
برة
مصطفى نادى عليه سعد ...سعد تعالى هنا
سعد ايوة يا معلم عايز ايه
مصطفى معلم !!! انت كنت فين ياد انت
سعد كنت قاعد مع صحابى على القهوة
مصطفى مفيش فايدة فيك دايما دماغك فاضية كدة....
بقولك ايه
سعد ايه
مصطفى شوف كدة الخاتم ده ايه رايك فيه
سعد الله جميل.. ثم غمز بعينيه الماظ كمان مبروك عليك ياعم
مصطفى الله يبارك فيك قوم يلا غير هدومك دى 
علشان هتيجى معايا
سعد خمس دقايق واكون جهزت
سعد جهز ومشى هو ومصطفى
زينب مع السلامة ياحبايبى ربنا يحرسكم
وهما فى طريقهم وكانو خلاص قرب بيت ياسمين
مصطفى خبط بايده على راسه اوبا ده انا نسيت
اجيب ورد ياد ياسعد
سعد ياعم مش مشكلة ورد يعنى
مصطفى مش مشكلة ازاى ده اهم حاجة الورد امسك
بس الحاجات دى واستنانى هنا وانا هاجى علطول المحل
قريب من هنا
مصطفى اعطى اللى معاه لسعد وجرى بسرعة ولكن 
وهو بيعدى الطريق مااخدش باله ان فى سيارة جاية
بسرعة وخبطته
سعد مصطفى !!!
يا ترى مصطفى هيحصله ايه
البارت الثانى 
سعد مصطفى!!!
الناس اتلمت واتصلوا بالاسعاف
فى بيت حامد
نهى ايه صوت الدوشة دى فى ايه
ياسمين مش عارفة اما اقوم كدة ابص من الشباك 
اشوف فى ايه مش عارفة ليه حاسة ان قلبى مقبوض اوى
حامد خليكى انتى يا حبيبتى هاقوم اشوف انا 
واتجه نحو الشباك
حامد پصدمة ده فيه زحمة ناس كتيرة على
الطريق الظاهر ان فيه حاډثة انا هاروح اشوف
ايه اللى حصل ربنا يستر
ياسمين قامت وقفت خد تليفونك معاك يا بابا
وطمنى اول ما تعرف فى ايه علطول بالله عليك يا بابا
حامد نزل واول ما وصل على الطريق شاف سعد 
واقف ودموعه على خده قرب منه
حامد فى ايه ياابنى
سعد اكتفى بإنه نظر الى الارض حيث يوجد اخيه
مرميا عليها وبه چروح اثر الحاډث ولم يكف سعد 
عن الدموع
حامد وقتها اټصدم عندما راى مصطفى هو الذى
اصيب فى الحاډث حد كلم الاسعاف
احد الواقفين ايوة يا حاج حامد كلمناهم زمانهم
على وصول
واتت الاسعاف واخدت مصطفى وذهب معهم
سعد الى المستشفى
حامد رجع الى بيته واخبرهم بما حدث وهنا
اصرت ياسمين ان تذهب مع ابيها المشفى
لتطمئن على حبيب عمرها
فى المستشفى
سعد خير يا دكتور اخويا عامل ايه
الدكتور خير ان شاء الله هو كويس دلوقتى بس...
ياسمين بس ايه يا دكتور
الدكتور للاسف مش هيقدر يمشى على رجليه تانى
الكل زاد فى بكاءه
زبنب جات ابنى حبيبى ... اخوك حصله ايه يا سعد
سعد اخد والدته فى حضنه ما تقلقيش يا حاجة
هو كويس اطمنى
فى مكتب سيف
سيف طلب مروة السكرتارية
مروة امرك يا فندم
سيف ناديلى الاستاذة ياسمين
مروة هى ما جاتش النهاردة
سيف طب خدى ملف القضية دى وسلميه
للاستاذة مى
مروة ذهبت لمكتب مى الاستاذ سيف باعت 
لحضرتك الملف ده
مى امممم...ده ملف القضية اللى كانت هتدرسها
ياسمين هاتيه اما اشوفه
مروة هى استاذة ياسمين ماجاتش ليه خير هى
تعبانة ولا ايه اول مرة تعملها وما تجيش
مى الله يكون فى عونها ابن خالتها عمل حاډثة 
وللاسف اټشل وهيقعد على كرسى متحرك حالتها
النفسية وحشة جدا
مروة يا حبيبتى ربنا يكون فى عونها
فى بيت مصطفى 
مصطفى قاعد على كرسى متحرك فى اوضته
زينب بدموع ياحبيبى ياابنى ياريتك ماكنت جيت
من السفر ما كانش حصل اللى حصل ده
مصطفى ما تبكيش ياامى وما تقوليش الكلام اللى
قلتيه ده تانى ده قضاء الله وكان هيحصل فى اى 
مكان انا فيه قضاء الله نافذ لا محالة
زينب ونعم بالله يا حبيبى بس انا مش قادرة 
اشوفك كدة... بقى بعد ماكنت بتمشى على رجليك
يبقى ده نصيبك
مصطفى هز راسه الحمد لله على كل حال وحاول يغير
الموضوع امال الواد سعد فين
زينب اهو خرج مع اصحابه كالعادة هو ده عنده ډم
ولا بيحس بحاجة
مصطفى ربنا يهديه المشكلة ان الفلوس اللى باقية
معايا من السفر مبلغ قليل يدوب يكفى مصاريفنا 
٣شهور بالكتير اوى ده غير العلاج بتاعى....سعد
لازم يشوف شغل علشان نقدر نعيش وانا كمان 
مش هافضل كدة من غير شغل انا هارسم لوحات
فنية دى

اساسا هوايتى هاجرب مش هاخسر حاجة
وهحاول ابيعها