رواية نوفيلا

خلى بالك على نفسك
نهى حاضر ... ايه رايكم عسل كدة ولا ايه
خلود انتى طول عمرك عسل ياحبيبتى
نهى مش عارفة ليه حاسة انى عايزة احضنكم قبل ماامشى
وحضنت اخواتها البنات وذهبت لشقة حازم وفتحت الباب ووجدت حازم هناك يشاهد التلفاز
نهى حازم انت هنا طب كويس الحقنى باى حاجة بسرعة الكمية اللى كانت معايا خلصت
حازم انتى لحقتى تخلصيها حرام عليكى نفسك يانهى كدة غلط عليكى
نهى اخلص ياحازم بقى تعبانة اوى
حازم خدى المفتاح اهو.. عندك فى الخزنة بس خدى كمية
قليلة وانا هاروح اجيب حاجة ناكلها واجى
حازم مشى ونهى فتحت الخزنة وشمت كمية بودرة كبيرة لدرجة انها فقدت وعيها
حازم جه واول ماشاف المنظر نهى بت يانهى يارب استر
يانهارك اسود انتى شميتى كل الكمية دى ياريتنى ماكنت سبتك لوحدك
البارت الخامس 
حازم اخد نهى فى العربية بتاعته على مستشفى الدكتور المعالج لعيلتهم
حازم خير يادكتور طمنى عليها
الدكتور هى الحمد لله بخير.....انا مش مصدق انها عاشت اصلا لانك وانت جايبها كان خلاص قلبها تقريبا متوقف
حازم الحمد لله
الدكتور انت تعرفها منين ياحازم بيه البنت دى
حازم دى زميلة لى فى الجامعة
الدكتور هز راسه امممم تمام ... وبعد مامشى خطوة اه صحيح الجنين اللى كان فى بطنها ماقدرناش ننقذه للاسف
حازم ذهل لما سمع موضوع الجنين ده لكن التزم الصمت لدقيقة ثم تكلم طب هى هتخرج من هنا على امتى كدة
الدكتور اقل حاجة يومين
حازم طب انا كنت عاوز اطلب منك طلب
الدكتور اتفضل ياحازم بيه
حازم انا هاكلم والدها على اساس انى خبطتها بعربيتى مثلا فاغمى عليها ووديتها المستشفى وحضرتك طبعا هتاكد على الكلام ده مش عاوز حد من اهلها يعرف موضوع الممنوعات ده خالص ولاحتى موضوع الجنين ممكن
الدكتور اوكى ياحازم بيه انا هاعمل كدة لكن بشرط اعرف البنت دى بالنسبة لك ايه بالظبط واوعدك ان كل اللى هتقوله سر بينا حتى والدك مش هيعرف اى حاجة تماما عن الموضوع ده
حازم تمام... هادخل بس اطمن عليها وهاجى لحضرتك اوضحلك الامور
حازم دخل عند نهى وقعد على الكرسى اللى جنبها ومسك ايديها حبيبتى حمدالله على سلامتك
نهى الله يسلمك ياحازم
حازم ليه ماقلتليش انك كنتى حامل
نهى محاولة اخفاء دموعها ماكنتش هستفاد حاجة لوقلتلك اصله حوار محفوظ زى مابنسمع فى الافلام انا حامل واحنا لازم نتحوز تقولى لا مش هينفع نتجوز دلوقتى نزلى اللى فى بطنك فانا وفرت عليك وعلى نفسى الحوار ده انا اللى ضيعت نفسى بنفسى ولازم اتحمل نتيجة خطأى مهما كانت النتيجة انا بس مش شايلة هم حد غير بابا
حازم باس ايديها انتى فعلا لوكنتى قلتيلى وقتها كان ممكن دار بينا الحوار المحفوظ ده لكن انا بعد ماخلاص فقدت الامل انك ممكن تعيشى حسيت وقتها قد ايه انتى غالية على وانى مااقدرش اعيش من غيرك ابدا ... نهى انا عمرى ماهتخلى عنك ابدا التجربة اللى مرت دى علمتنى كتير اوى ... انتى لازم تتعالجى من الادمان وانا كمان هتعالج منه حياتنا كلها لازم تتغير ولازم نذاكر وننجح علشان نفرح اهالينا وانا هاكلم بابا علشان نيجى نتقدملك واجى اخطبك ونتجوز بعدها علطول
نهى بدموع غزيرة بحبك ... بحبك اوى
حازم مسح دموعها طول ماانتى معايا مش عاوز اشوف دموعك دى تانى ابدا
نهى دى دموع الفرحة ياحبيبى ... اه صحيح انا لازم اروح بيتنا بابا زمانه ھيموت من القلق على خصوصا انى وعدته انى مش هتاخر
حازم ماتشغليش بالك انتى بالموضوع ده انا هاتصرف وهاكلمه وانا اتفقت مع الدكتور هنقول لاهلك انك عملتى حاډثة
فى بيت حامد 
حامد اختك اتاخرت اوى يابنتى وبرن عليها

مابتردش خالص
ياسمين يابابا انا قلتلك ماعدتش تخليها تخرج واصحابها يجو يذاكروا معاها هنا .. بصراحة يابابا انت مدلع البت دى اوى وبتعملها كل اللى هى عاوزاه لدرجة انها لما طلبت منك تدخلها جامعة خاصة وافقتها علطول من غير تردد وبتداين نفسك وبتشتغل نهار وليل علشان مصاريف الجامعة دى ... دلعك فيها ده غلط جدا يابابا
حامد بدموع ارحمينى يابنتى بقى ... سبينى فى اللى انا فيه انا ھموت من القلق عليها
فجاة تليفون ياسمين رن دى نهى يابابا
حامد بلهفة اب طب ردى بسرعة عليها
ياسمين الو ايوة يانهى انتى فين
حازم نهى فى المستشفى عملت حاډثة بسيطة
حامد وياسمين راحو المستشفى واطمنو على نهى 
نهى قعدت يومين فى المستشفى ورجعت بيتها 
سمير خطب مى وحازم خطب نهى 
عدت فترة الامتحانات نهى وحازم والنتيجة ظهرت ونجح حازم بتقدير مقبول ونهى بتقدير جيد
ياسمين قدرت فى الفترة دى توقع سيف فى حبها لدرجة انه بقى مغرم بيها پجنون
اما خلود بقى فضلت انها تستمر فى علاقتها بعادل وفضلت عدم طلب الطلاق لكى لا يحرمها عمرو هى وابنها من المصاريف
فى مكتب سيف
سيف على فكرة ياياسمين انا زعلان منك
ياسمين بابتسامة ليه بس كدة انا عملت ايه
سيف جاية متاخر النهاردة خمس دقايق بحالهم
ياسمين خلاص ياسيدى انا اسفة مش هاعمل كدة تانى 
سيف تؤتؤتؤ اسفك مرفوض يااستاذة لو عاوزانى اسامحك يبقى تقبلى عزومتى النهاردة على الغدا بعد مانخلص شغل.. ها قلتى ايه
ياسمين بابتسامة اوكى موافقة علشان بس انا مااقدرش على زعلك ابدا
سيف بص ليها نظرة حب وشوق بحبك ..... بعشقك
ياسمين اكتفت بابتسامة فقط
فى بيت حامد 
نهى بابا
حامد نعم ياحبيبة ابوكى
نهى حازم كان عايز يجى يحدد معاك ميعاد الفرح
حامد انا مش عارف حازم خطيبك ده مستعجل اوى على الجواز ليه كدة... يابنتى ده انتو لسة طلبة فى الجامعة
نهى وايه يعنى يابابا دى اخر سنة اللى لسة باقية لينا هنداكرها مع بعض
حامد خلاص ياحبيبتى مادام انتى كمان ليكى مزاج يبقى على بركة الله ربنا يسعدكم يارب
نهى ربنا يخليك لينا يااحلى بابا فى الدنيا .... بس انت مالك كدة بقالك فترة مش عاجبنى وحاسة انك دايما شايل الهم
حامد والله يابنتى انا زعلان اوى على حال اختك ياسمين معلقة نفسها بمصطفى وهو دماغه ناشفة ورافض تماما الارتباط بيها بعد اللى حصله
نهى ربنا يهديه يارب ويصلح لهم الحال
خلود وعادل مع بعض فى شقة خلود
عادل مالك يابت النهاردة محزنة نفسك كدة ليه
خلود مفيش قلقانة بس الواد يصحى ويعرف حاجة
عادل انتى مش حطيتى له المنوم فى العصير زى كل يوم
خلود ايوة حطيته
عادل خلاص يبقى قلقانة ليه بقى... قومى يالا حضريلى حاجة اكلها جعان جدا
خلود عادل .... هو انا لو اتطلقت من عمرو هتتجوزنى
عادل اكيد لا طبعا
خلود وبتقولها كدة عادى يعنى .... ده

انت صريح اوى
عادل مش احسن مااضحك عليكى
خلود عادل خلاص انا ماعدتش هاقدر اكمل فى الطريق ده كفاية قذارة بقى انا قرفت
عادل مش خاېفة منى اقول لعمرو
خلود والله اللى عايز تعمله اعمله انا ماعدتش مستحملة اعيش فى الحړام خلاص ... انا هارجع لربنا وهاطلب منه يعفو عنى ومايفرقش معايا اى حاجة تحصل تانى بعد كدة ... اتفضل ياعادل اخرج برة
عادل ماشى انا هخرج دلوقتى بس مش هاسيبك انتى فاهمة
خلود والله ياعادل لوحاولت تتعرض لى تانى هافضحك وهاقول لامك وعلى وعلى اعدائى بقى
عادل مع نفسه ماشى يابنت حامد بتهددينى والله لولا بس الفلوس اللى بيبعتها جوزك كان زمانى موديكى ورا الشمس
خلود انت مستنى ايه لسة ماتغور اطلع برة وزقته بايديها
عادل خلاص اوعى سبينى انا ماشى لوحدى
حازم حدد ميعاد فرحه هو ونهى مع حامد يوم الجمعة القادمة
فى مكتب سيف
سيف واقف بيدور على كتاب عايزة فى المكتبة
ياسمين دخلت وقربت منه سيف
سيف نعم ياقلب سيف
ياسمين ابتسمت انت بتعمل ايه
سيف كان فيه رواية كانت هنا مش عارف مش لاقيها ليه
ياسمين بابتسامة رقيقة انت من الناس اللى بتحب تقرا روايات ولا ايه
سيف لف وشه ليها ومسك ايديها الاتنين انا كنت الاول بستغرب من الناس اللى بيقراوا روايات دول ماكنتش بقدر اقرا صفحتين على بعض وازهق بسرعة
ياسمين امال ايه اللى حصل
سيف بص فى عنيها من ساعة ماانتى سرقتى قلبى وانا بقيت بعشق الروايات
ياسمين وقتها حست بذنب كبير جدا تجاه سيف بتحبنى ياسيف
سيف بحبك بس ده انا بعشقك ... انتى شقلبتى كيانى وغيرتى حياتى انتى خلتينى احس بطعم الحياة ياياسمينا
ياسمين اول ماسيف قال ياسمينا افتكرت مصطفى لانه الوحيد اللى كان دايما يناديها بكدة علطول ووقتها عنيها دمعت
سيف مالك ياحبيبتى ليه الدموع دى ومسح ليها دموعها بايديه احكيلى ياروحى على اللى بيكى مش انا حكتلك كل حاجة عنى
ياسمين هاحكيلك اكيد بس فى الوقت المناسب ... على فكرة فرح اختى بكرة اتمنى تحضر الفرح
سيف طب مش كنتى قلتيلى من بدرى كنت لغيت مواعيدى اسف والله ياحبيبتى انا مسافر بكرة المانيا ضرورى مع سمير... زعلتينى والله كان نفسى من زمان فى مناسبة زى دى علشان اتعرف فيها على اهلك
ياسمين يلا مش مشكلة تتعوض مرة تانية بقى
يوم فرح نهى 
فى بيت مصطفى ...
سعد وزينب لابسين وجاهزين علشان يحضروا فرح نهى وفاجئهم مصطفى باانه جاهز علشان يروح معاهم الفرح
زينب لا ياحبيبى علشان خاطرى بلاش تيجى علشان ماتزعلش نفسك لما تشوف ياسمين
سعد بيبص لوالدته پخوف احنا ماصدقنا يااخويا انك بقيت كويس
مصطفى محدش يشغل باله بى انا لازم احضر وابارك لنهى وعمى حامد
زينب خلاص ياحبيبى اللى انت عايزه
سعد يوشوش والدته اللى هو عاوزه ازاى بس ياماما ده لوشاف ياسمين ممكن تحكيله على كل حاجة
زينب ماتقلقش انا هاتصرف
سعد ربنا يستر
مصطفى انتو بتتوشوشو بتقولو ايه
سعد مفيش حاجة يااخويا احنا بس قلقانين عليك
مصطفى لا ماتقلقوش يلا بينا
فى الفرح
زينب حاولت على قد ماتقدر تخلى ياسمين ماتقعدش مع مصطفى بحجة انها مش عايزاه يكتئب تانى
مصطفى طول الفرح ماقدرش يشيل عينه من على ياسمين وكل ذكرياته معاها مرت كلها قدام عنيه ... حس بحنين وشوق لحبيبته
الفرح انتهى دون ان يتكلم مصطفى مع ياسمين فى شئ
اما نهى فذهبت مع زوجها وحبيبها حازم ليبدأو سويا حياة زوجية نظيفة
مصطفى لما روح بيته بعت لياسمين رسالة وطلب منها تيجى عنده البيت لانه مشتاق انه يتكلم معاها
ياسمين اول ماقرات الرسالة قلبها دق من الفرحة
تانى يوم ياسمين ذهبت لمصطفى ووالدته حاولت تمشيها لكن مصطفى طلع من اوضته وقال لوالدته انه عايز يتكلم معاها وقعدو فى الانتريه يتكلموا مع بعض وقتها زينب اتصلت بسعد علشان تنقذ الموقف ولكن ياسمين كانت حكت لمصطفى عن كل حاجة واتفاجأت بان مصطفى مالوش علاقة خالص بالموضوع ده
سعد جه بسرعة وعندما رآه مصطفى نادى عليه بصوت عالى حدا سعد
البارت السادس
مصطفى سعد
سعد قرب منه نعم يااخويا وبص لياسمين اللى كانت نظرتها حادة ليه وكلها لوم وعتاب
مصطفى ضربه بالقلم على وشه انت ازاى تخلى ياسمين تعمل كدة 
سعد مصطنعا البكاء انا آسف اوى ياخويا سامحنى ووطى باس ايديه ربنا اللى يعلم انا