رواية نوفيلا

الكل انا مش هابعد عنك هتلاقينى كل يوم جايلك هنا
تيسير ربنا يهنيك ياابنى ويسعدك قولى بقى مين العروسة اللى خطفت قلب ابنى الغالى
سيف لسة هيتكلم لكن تليفونه رن وكان رقم غريب
سيف الو ايوة مين
معايا
. انا عندى معلومات مهمة تفيدك عن حبيبتك الڼصابة ياسمين
سيف قام وقف وبعصبية انت مين وايه الكلام الفارغ اللى انت بتقوله ده
لو عاوز تعرف كل حاجة قابلنى فى العنوان اللى هابعتهولك حالا
تيسير فى ايه ياابنى ايه اللى حصل
نصر الدين خير ياحبيبى
سيف لم يرد على احد منهم واخد مفاتيح السيارة وذهب على عنوان الكافيه اللى اتبعتله فى رسالة
وكان سعد فى انتظاره سعد اول ماشافه قام عليه
سعد اهلا استاذ سيف
سيف تجاهله وماسلمش عليه وقعد على الكرسى انت مين وعاوز ايه
سعد انا مين انا فاعل خير وعاوز ايه مش عاوز منك حاجة انا عاوز انورك
سيف اتكلم علطول وقول اللى عندك
سعد ياسمين اللى بتشتغل عندك فى المكتب سمعتها بتتفق مع واحد بس مش عارف هو مين انها توقعك فى حبها وتسحب منك فلوس وتديهاله انا كنت فاكر الاول ان الموضوع كلام وبس لكن سمعتهم امبارح بيقولو انهم اخدو منك ٢ مليون جنية بصراحة ضميرى انبنى وقررت وقتها انى اكلمك واعرفك حقيقتها
سيف فى حالة ذهول وصدمة من اللى سمعه ومش قادر يصدق كل اللى اتقال ده وفجأة قام وركب سيارته وذهب الى الفيلا ورفض يتكلم مع والده ووالدته فى اى حاجة ودخل اوضته ونام
فى بيت خلود
خلود وسيد قاعدين بيتفرجو على كارتون وجرس الباب رن
سيد اقوم افتح الباب ياماما
خلود توقعت انه اكيد عادل وجاى يبتزها تانى لا ياحبيبى قوم انت ادخل على اوضتك وانا هافتح الباب
خلود قامت تفتح الباب وكانت المفاجأة ان عمرو هو اللى على الباب
عمرو اول ماشافها اخدها فى حضنه وحشتينى اوى ياحبيبتى
خلود مصډومة من المفاجأة ومااتكلمتش نهائى
عمرو عاملة ايه ياقلبى
خلود بهدوء تام الحمد لله كويسة
سيد اول ماسمع صوت ابوه خرج من اوضته وجرى على حضنه بابا حبيبى وحشتنى اوى انا مش مصدق انى شايفك قدامى
عمرو وانت كمان ياحبيب بابا كنت واحشنى جدا
ودخلو قعد فى الريسبشن
عمرو لاحظ ان خلود مش باين عليها الفرحة خالص مالك ياحبيبتى
خلود انا كويسة . حمد الله على سلامتك .انا هاقوم اجهز حاجة خفيفك كدة ناكلها
عمرو ماشى ياحبيبتى ماتتاخريش علشان عاوز اقعد معاكم وحشتونى اوى . تعالى ياواد ياسيد اما افرجك على الملابس اللى جايبهالك
فى مكتب سيف 
ياسمين استاذ سيف انا مش هاقدر اكمل شغل عند حضرتك عندى ظروف ومضطرة اسيب الشغل
سيف پصدمة ايه !!! . تسيبى الشغل يعنى ايه طب وانا !!!
ياسمين حضرتك ممكن تشوف محامية تانية غيرى تمسك القضايا اللى كانت معايا الموضوع مش صعب ولا حاجة
سيف قام قرب منها والدموع

فى عنيه ياسمين انتى عارفة انى مااقصدش الشغل خالص انا بحبك ياياسمين وعاوز اتجوزك
ياسمين اسفة جدا يااستاذ سيف انا مخطوبة لمصطفى ابن خالتى وبحبه
سيف پصدمة مخطوبة!! من امتى الكلام ده 
ياسمين من وانا لسة
بدرس فى الجامعة
سيف هز دماغه امممم . واما انتى مخطوبة ماجبتليش سيرة عن الموضوع ده قبل كدة ليه
ياسمين والله حضرتك عمرك ماسالتنى وانا مش مطلوب منى احكى حاجة عن حياتى الشخصية لاى حد
سيف بذهول لاى حد !! . انا مش قادر اصدق انى حبيت واحدة بالقذارة دى وشدها من دراعها جامد بقى انتى وخطيبك النصاب ده تضحكوا على انا سيف نصر الدين بيه
ياسمين شدت دراعها منه وبعصبية شديدة انت ما تقولش على خطيبى نصاب . خطيبى ده اشرف منك
سيف ضربها كف على وشها اخرسى
ياسمين وقتها اخدت شنطتها وسابتله ورقة استقالتها ومشت
سيف فى نفس اللحظة ندم انه مد ايده على حبيبته لكن هو كان مصډوم من كلامها وعقله مش قادر يستوعب ان ياسمين كانت بتمثل عليه الحب لغرض دنئ وهو الحصول على المال
فى بيت عمرووبالتحديد فى اوضة نوم عمرو وزوجته
عمرو مالك ياخلود انتى متغيرة اوى ومش باين عليكى انك مبسوطة خالص برجوعى مش كنت بتلحى على انزل واعيش معاكم وانا نزلت نهائى اهو علشان خاطرك انتى وعلشان تبقى مبسوطة وراضية
خلود مع نفسها نزلت بعد ايه .بعد ماكل حاجة ضاعت
عمرو ايه ياحبيبتى سرحتى فى ايه . انا من وقت ماجيت وانتى دايما كدة سرحانة ومش مركزة معايا خالص ودايما شايف دموع فى عنيكى كلمينى بصراحة ياياسمين ايه اللى مخليكى حزينة كدة طول الوقت
جرس الباب رن
عمرو قام وفتح الباب
عادل عمورة حبيبى حمد الله على السلامة
عمرو ايه ياعم فينك كدة سالت عليك مرات عمى قالت انك مسافر . ادخل ادخل
عادل دخل قعد فى الانتريه كنت مسافر يومين كدة القاهرة كان عندى مصلحة كدة كنت بخلصها .المهم انت عامل ايه واحشنى والله
عمرو وانت كمان والله ياحبيبى واحشنى خالص
عادل مش كنت بتقول ياعم انك مش هتنزل ايه اللى خلاك تغير رايك
عمرو بصراحة لما قعدت مع نفسى حسيت انى فعلا بظلم خلود معايا
عادل ربنا يكملك بعقلك ياابن عمى
عمرو نادى على خلود
خلود جت السلام عليكم . ازيك ياعادل
عادل الحمد لله ازيك ياخلود
عمرو معلشى ياحبيبتى اعمليلنا كوبايتين نسكافيه
خلود حاضر . بعد اذنكم
عادل لاحظ ان عمرو حزين فخاف يكون عرف حاجة مالك ياعمرو
عمرو بحزن من يوم ماجيت وخلود متغيرة معايا وكلامها معايا على قد الحاجة بس مش عارف مالها
عادل مع نفسه انا مش عارف ايه اللى خلاك تنزل اساسا كنت سبتهالى انا اتمتع بيها ثم تكلم ياعم علشان انت بقالك فترة بردو بعيد عنها خمس سنين مش وقت قليل بردو الست بعد ماجوزها بيرجع من السفر

بتحس فى البداية انه راجل غريب عنها
عمرو تفتكر كدة
عادل طبعا هى اساسا حالتها مالهاش تفسير غير كدة اطمن
عمرو يارب ياعادل . ربنا يطمن قلبك
خلود اتفضلو النسكافيه بعد اذنكم
عمرو مسك ايديها راحة فين ماتقعدى معانا
شوية عادل مش غريب
خلود نظرت لعادل نظرة فهمها كلها استحقار طبعا عادل صاحب بيت بس انا مرهقة شوية ومحتاجة ارتاح بعد اذنكم
عمرو شوفت ياعم اهى على الحال ده علطول
عادل مسك كوب النسكافيه وبدا يشربه معلش ياعمرو شوية كدة وهتتأقلم على الوضع الجديد .اصبر انت شوية
عمرو لازم اصبر هى صبرت على كتير
عادل انتهى من شرب النسكافيه ربنا معاك ياحبيبى وقام وقف انا هامشى انا بقى
عمرو على فين ياعادل انت لحقت تقعد معايا
عادل ياسيدى انت مش خلاص بقيت معانا علطول يعنى هنشوف بعض كل يوم ده احنا فى بيت واحد ياجدع سلام
سيف حاول الاتصال بياسمين كتير لكنها لم تجبه
نصر الدين دخل عند سيف فى اوضة مكتبه اللى فى الفيلا وبصوت عالى نوعا ما ممكن افهم بقى فى ايه من وقت مالتليفون الزفت ده ماجالك وانت لا بتاكل ولا بتشرب ولا حتى بقيت بتقعد معانا . اللى كلمك ده قالك ايه بالظبط
سيف بضيق لوسمحت يا بابا انا مش قادر اتكلم فى اى حاجة كفاية على ماما كل شوية تسألنى انا تعبت منكم خلاص سيبونى فى حالى
نصر الدين ياابنى حالك هو حالنا طمنا عليك ارجوك
سيف لبس الجاكت بتاعه انا خارج . بعد اذن حضرتك
سيف قرر ان يذهب الى مصطفى ويتحدث معه بعد ان عرف عنوانه من مى
سيف ركب سيارته وهو فى طريقه كان يفكر فى ذكرياته مع ياسمين وحوارتهم مع بعض
سيف ليه بس كدة ياحبيبتى توجعينى كدة انا حبيتك اوى انا مش قادر اصدق انك ڼصابة كل ده علشان ٢مليون جنية ملعۏن ابو الفلوس اللى تخلى الناس ټجرح فى بعضيهم
وصل سيف الى بيت مصطفى
زينب اهلا حضرتك مين
سيف انا صديق لمصطفى لوسمحتى ممكن اقابله
زينب اتفضل ياابنى وابلغت مصطفى
مصطفى خرج من اوضته لمقابلته
مصطفى السلام عليكم
سيف لما راى مصطفى مشلۏلا صعبت عليه حالته وعليكم السلام
مصطفى اهلا استاذ سيف نورت
سيف انا جاى اعرض عليك عرض واتمنى توافق عليه
مصطفى اتفضل
سيف تاخد عشرة مليون جنية وتسيبلى ياسمين
البارت الثامن 
مصطفى للدرجة دى بتحب ياسمين
سيف انا بعشقها مش بحبها بس وبصراحة انا مااقدرش اتخيل حياتى وهى مش معايا
مصطفى وانا موافق انك تتجوزها لكن بشرط
سيف اى شرط تشرطه انا موافق عليه
مصطفى تحطها فى عنيك وتصونها طول ماانت معاها ومش عاوز منك اى فلوس
سيف انا شايف فى عنيك وفى كلامك حب شديد ليها يبقى ليه اتنازلت عنها بالسهولة دى ومن غير اى مقابل كمان
مصطفى بحزن ياسمين اغلى انسانة على قلبى بس زى ماانت شايف انا واحد عاجز وعمرى ماهقدر اسعدها زيك انت ماشاء الله ربنا يباركلك شاب وسيم واخلاقك عالية بشهادة الجميع وغنى وبتحبها كمان يعنى من الاخر انت زوج ما تتعوضش وانا اهم حاجة عندى اشوف ياسمين سعيدة وعايشة متهنية
سيف طب وهنقنعها ازاى
مصطفى انا هاقولها انى اخدت منك عشرة مليون جنية فى مقابل انكم تتجوزو وهاقولها انى محتاج الفلوس دى علشان اعمل العملية وامشى على رجلى من تانى ومحتاج اعمل مشروع كويس علشان اعيش منه وهى اكيد هتوافق
سيف تمام ... انا متشكر اوى يامصطفى انت كدة ريحت قلبى
سيف مشى وهو فى قمة سعادته وكان مستغرب جدامن نزاهة مصطفى واتاكد فى قرارة نفسه ان مصطفى مش هو الشخص اللى كان متفق مع ياسمين انها تعمل مسلسل عليه علشان تاخد منه فلوس بدليل ان رفض ياخد منه اى مقابل مادى وقرر انه ينسى اللى عملته معاه ياسمين وخداعها ليه لان حبه ليها كان مخليه مش عايز يفتكر غير اللحظات الحلوة بس اللى كانت بينهم
بالفعل مصطفى نفذ الاتفاق وياسمين وافقت مضطرة على الزواج من سيف
ليلة الډخلة فى اوضة نومهم
سيف مبسوطة ياحبيبتى
ياسمين والدموع فى عنيها مفيش واحدة هتبقى مبسوطة مع واحد مش بتحبه
سيف ضحك بعلو صوته ضحكة ممزوجة بالم وۏجع وانا كنت اجبرتك تتجوزينى ياحلوة خطيبك هو اللى جانى وطلب منى فلوس مقابل انه يتنازلى عنك وانا وافقت
باسمين اټصدمت من كلامه انت اللى رحتله وعرضت عليه العرض ده
سيف محصلش هو انا اعرفه منين اساسا علشان اروحله هو اللى باعك علشان الفلوس زى ماانتى خدعتينى بالظبط لنفس الغرض كلكم شبه بعض كلاب فلوس
ياسمين للمرة التانية لم تثق فى مصطفى وصدقت عنه كلام مش حقيقى وبعد ان كانت مقررة ان تمنع نفسها عن سيف ولكنها سلمت نفسها له وعاشو سويا الحياة الزوجية الطبيعية
بعد مرور شهور 
نهى وحازم اجتازوا السنة الاخيرة ونجحوا بتقديرات عالية وحازم تفرغ لمصنعه وكبره بمجهوده وخبرته
سيف حاول ان يساعد مصطفى من غير ان يظهر فى الصورة لانه كان متأكدا ان مصطفى سيرفض منه اى مساعدة وبالفعل مصطفى اصبح فنانا مشهورا وكل رسوماته تعرض فى اكبر المعارض واصبح يمتلك مالا كثيرا واجرى العملية