رواية نوفيلا

طلبت منها كدة علشان ماعدتش قادر اشوفك بالحالة اللى انت فيها دى انا عارف انه غلط بس الشيطان كان مصورلى الغلط ده على انه صح سامحنى وباس ايديه مرة تانية 
مصطفى بكى على بكاء اخيه خلاص ياسعد مسامحك بس لوعملت اى حاجة من ورايا تانى هيبقى حسابك عسير 
سعد قام قرب من ياسمين انا اسف يابنت خالتى انى كدبت عليكى سامحينى 
ياسمين خلاص ياسعد اعتبر ماحصلش حاجة 
سعد طب استأذنكم انا ادخل اتشطف واغير هدومى
. بعد مامشى .
مصطفى ياسمين انتى لازم تسيبى شغلك مع الاستاذ سيف ماعدش ينفع تكملى شغل معاه 
ياسمين بدموع انا ظلمت سيف معايا اوى وخاېفة من مواجهته مش عارفة هيعمل ايه لما يعرف انى كنت بخدعه الفترة دى كلها
مصطفى بغيرة انتى قلتيله بحبك يا ياسمين
ياسمين لا والله ياحبيبى انا عمرى مااقدر اقول الكلمة دى لحد غيرك لكن هو بيقولى وانا ببتسم واسكت يعنى كنت بوهمه انى بحبه
فى فيلا حازم 
حازم واقف بيسرح شعره ونهى حضنته من دهره 
نهى بابتسامة لابس ومتشيك كدة ورايح على فين ياحبى
حازم خلاص بقى ياحبيبتى كفاية كسل انا دلوقتى بقيت صاحب بيت وعندى مسئولية يعنى لازم اشتغل انا طلبت من بابا يساعدنى وفتحت مصنع ادوية خاص بى وباذن الله هيبقى اكبر مصنع ادوية فى العالم كله 
نهى ربنا يوفقك ياحبيبى وتحقق كل احلامك 
حازم باسها من جبينها بحب مش عاوزة حاجة ياقلبى اجبهالك وانا جاى 
نهى تسلملى يا حبيبى انا بس كنت عاوزة استأذنك اروح لبابا اطمن عليه
حازم اوكى ياروحى اجهزى وانا هاقول للسواق يوديكى مكان ماانتى عاوزة
نهى بابتسامة متشكرة اوى ياروحى
فى بيت خلود
خلود ايه ده العسل بيعمل ايه
سيد بلون يا ماما الرسومات اللى الميس اديتهالى فى الحضانة النهاردة 
خلود ورينى كدة . الله شاطر ياحبيب ماما
وفجأة جرس الباب رن
خلود قوم يا حبيبى شوف مين
سيد قام فتح الباب ده عمو عادل يا ماما
خلود عدلت نفسها فى قعدتها وحطت شال على دهرها خليه يدخل ياسيد 
سيد اتفضل ياعمو
عادل ازيك ياابو السيد عامل ايه
سيد الحمد لله انا كويس
عادل طب انزل العب مع الولاد فى الشارع عايزينك 
سيد بص لخلود انزل يا ماما
خلود ماشى ياحبيبى بس ماتتأخرش
سيد نزل
خلود نظرت لعادل بحدة انت ايه اللى جابك تانى هنا
عادل قرب منها وحشتينى اوى ياحبيبتى
خلود زقته بايديها انا خلاص ياعادل ماعدتش هاعمل الحړام تانى انا بندم على كل دقيقة ضيعتها فى عصيان ربنا

لوسمحت ياعادل بالذوق كدة ابعد عنى 
عادل ماهو بصى بقى يابنت الناس انا استحالة اسيبك
وابعد عنك انتى خلاص دخلتى مزاجى وعششتى جوة قلبى فبعد عنك مش هابعد
خلود اطلع برة ياعادل احسن مااصوت والم عليك الناس
عادل شدها ولف دراعها ورا دهرها واقسم بالله يابت انتى ان مااتعدلتى وبطلتى اسلوب التهديدات بتاعتك دى لاڤضحك واكلم جوزك واقوله على كل اللى انتى عملتيه وهاقول لابوكى كمان اللى ماعرفش يربيكى على قذارتك خليه ېموت بقى 
خلود بكت وانا بردو مش هسلمك نفسى تانى اعمل اللى انت عاوزه
عادل طلع صور من جيبه ورماها قدامها على الترابيزة 
خلود پصدمة ايه ده انت كنت بتصورنى ياكلب
عادل ها مش هتسلمينى نفسك بردو 
خلود بعصبية انت انسان ساڤل اخرج برة . برة . برة
عادل تمام براحتك انا هاسيبلك الصور دى تذكار معايا منها نسخ كتييرة دوريها فى دماغك كويس سلام
خلود قعدت على الكرسى وبكت بصوت عالى جدا يارب انا معترفة انى غلطت سامحنى يارب كان ڠصب عنى اه اه حسبى الله ونعم الوكيل فيك ياعمرو انت السبب فى كل اللى حصلى ده انا عمرى ما هسامحك ابدا انت اللى اضطرتنى انى الجأ للحرام خمس سنين بحالهم بعيد عنى واهم حاجة عندك الفلوس وبس ملعۏن ابو الفلوس دى مادام انت مش قد مسئولية الجواز اتجوزتنى وظلمتنى معاك ليه انا وابنك اللى عايش يتيم من غير اب وابوه عايش انا بكرهك وبكره اللحظة اللى وافقت فيها انك تسافر وتسبنى واعيش لوحدى
فى مكتب سيف
سيف نادى على مروة السكرتيرة
مروة افندم ياستاذ سيف
سيف كلمى شركة سمير بيه واعتذرى عن ميعادى معاهم النهاردة لانى بحاول ارن على سمير لكن تليفونه مقفول
مروة تمام يافندم اى اوامر تانية 
سيف ايوة . نادى الاستاذة ياسمين وخليها تجيب معاها ملف قضية الحاج عدنان
مروة اوكى يافندم بعد اذنك
ياسمين ذهبت الى مكتب سيف 
ياسمين بجمود اتفضل يافندم ده ملف القضية اللى حضرتك طلبتها اى اوامر تانية
سيف قام وقف وقرب منها انتى بتتعاملى معايا رسمى اوى ليه كدة . مالك وبعدين انا رنيت عليكى امبارح كتير ماردتيش على ليه وبعتلك رسالة انك تدخليلى اول ماتيجى ماجيتيش فى ايه ياحبيبتى انا زعلتك فى حاجة 
ياسمين كانت عايزة تقوله الحقيقة انها مش بتحبه وهتستقيل من الشغل معاه لكن سيف صعب عليها جدا وخاڤت عليه من الصدمة وماكانتش عارفة تعمل ايه او تمهدله للموضوع ده ازاى 
سيف مسك ايديها ايه ياقلبى سرحانة فى ايه كدة
ياسمين مفيش بعد اذنك انا هاروح على مكتبى 
ياسمين ذهبت لمكتبها ودموعها على خدها ومى شافتها قامت قربت منها
مى مالك ياياسمين انا ملاحظة ان بقالك فترة مكتئبة في حاجة حصلت 
ياسمين ماتشغليش بالك بى . سمير عامل ايه معاكى
مى الحمد

لله تمام
ياسمين اخدت شنطتها وقامت مى انا هاروح على البيت حاسة انى مرهقة شوية ومش هاقدر اكمل باقى اليوم 
مى
طب مش هتستأذنى من الاستاذ سيف قبل ماتمشى
ياسمين لا ابقى قوليله انتى انى مشيت اوقولى لمروة تبلغه
مى طب ياحبيبتى خلى بالك على نفسك وانا باذن الله هاكلمك بالليل اطمن عليكى
سيف فى مكتبه .
سمير يرن عليه 
سيف بزهق الو ياسمير خير
سمير مش جاى ليه ياعم انت 
سيف عندى شغل كتير اوى النهاردة
سمير طب عايز منك طلب صغير 
سيف اخلص ياسمير عايز ايه 
سمير تخلى مى تخرج من عندك بدرى ساعة علشان نتغدى مع بعض
سيف انا عارف ان صداقتك دى بخسارك على ماشى ياعم وقفل المكالمة 
سيف طلب من مروة تبعتله مى 
مى خير يااستاذ سيف 
سيف ابقى امشى بدرى ساعة سمير عايزك
مى ابتسمت حاضر . اه صحيح ياسمين تعبت شوية ومشت وقالتلى ابقى اقول لحضرتك
سيف اتضايق بس حاول مايظهرش ده قدام مى خلاص ماشى تمام اتفضلى انتى 
سيف ياترى مالك ياحبيبتى فيكى ايه مخليكى متغيرة معايا كدة ايه اللى شاغل بالك ومخليكى دايما مكتئبة وحاول يتصل عليها لكن ياسمين لم ترد عليه
فى منزل الحاج حامد 
حامد جاية بدرى ليه كدة ياياسمين 
ياسمين حسيت بشوية ارهاق فاستاذنت وجيت 
حامد طب ادخلى اقعدى مع اختك جوة على ماانزل اجبلكم حاجة تاكلوها
ياسمين اختى مين خلود 
حامد لا نهى
ياسمين دخلت اوضتها وسلمت على نهى 
نهى عاملة ايه ياحبيبتى وحشانى اوى 
ياسمين 
نهى مالك يابت . مصطفى عامل ايه انا سمعت انكم اتصالحتو
ياسمين حكت لها كل الاحداث الجديدة اللى حصلت 
نهى يعنى الواد سعد هو السبب فى كل البلاوى ومصطفى ماقالوش على حاجة . انا والله كنت مستغربة ازاى مصطفى يرضى انك تعملى كدة دى تبقى عيبة فى حقه
ياسمين ياسلام ياختى دلوقتى بتقوليلى الكلام ده مانتى اللى شجعتينى اعمل كدة
نهى انا بصراحة لما راجعت نفسى زعلت اوى انى شجعتك على كدة هو الاستاذ سيف ايه ذنبه فى ده كله ليه نجرحه ونظلمه علشان نضحك عليه وناخد منه فلوس
ياسمين خلاص يانهى كفاية كدة ماتحسسنيش بالذنب اكتر من كدة المصېبة انا مش عارفة دلوقتى اتصرف ازاى ومصطفى طلب منى اسيب الشغل ومش عارفة هاعمل كدة ازاى بقولك ايه انا هاروح لمصطفى واقوله انى مش عارفة اتصرف خالص وهو بقى يشور على اعمل ايه 
نهى طب استنى لما نتغدى مع بعض الاول
ياسمين لا اتغدو انتو بالهنا والشفا . ولما بابا يجى قوليله انى روحت عند مصطفى سلام
عند مصطفى 
مصطفى اول ماشاف ياسمين لف وشه الناحية التانية 
ياسمين قعدت جنبه انا عارفة ياحبيبى انك زعلان منى علشان ماسبتش الشغل وانا جاية دلوقتى مخصوص علشان كدة انا مش قادرة خالص

اواجه سيف باى حاجة
مصطفى بعصبية تواجهيه باايه انتى تسيبى الشغل وخلاص ولا تقولى حاجة ولا تعيدى انتى فاهمة
ياسمين حاضر ياحبيبى اللى انتى عاوزه هاعمله
سعد اول ماشاف ياسمين مع مصطفى قال محدثا نفسه والله
لاعلمك الادب ياياسمين والفلوس بردو هاخدها ومصطفى ابقى قابلينى بقى لو عرفتى تتجوزيه 
سعد دخل عندهم وبابتسامة عريضة ازيك يابنت خالتى اخبارك ايه
ياسمين الحمد لله تمام 
سعد معلشى كنت عاوز تليفونك اعمل منه مكالمة ضرورى اصل رصيدى خلص ومصطفى كمان ماشفر هههه
مصطفى هو انت بتخلى حد معاه حاجة ماانت اللى خلصت رصيدى كله . ماتديلوش تليفونك هيخلصلك الرصيد كله هههه
ياسمين ياسيدى مش مشكلة خد ياسعد التليفون اهو خد راحتك فى الكلام بس مش اوى يعنى هههه 
سعد هههه انتى هتشتغلينى مش انتى عاملة باقة
مصطفى ابتسم اه ياعم يابتوع الباقات انتو ربنا يسهلك
سعد اخد الموبايل ودور على رقم سيف لحد مالاقاه وبعت له رسالة من تليفون ياسمين
نص الرسالة 
سيف انا عندى ظروف صعبة اوى ومحتاجة منك اتنين مليون جنية ضرورى 
ابعتهملى على رقم الحساب ده .
البارت السابع 
سيف اول ماقرأ الرسالة نفذ كل اللى فيها وحول ٢مليون جنية على رقم الحساب اللى سعد قاله عليه
مى وسمير بيتغدو مع بعض فى مطعم 
سمير هى ياسمين صاحبتك من زمان
مى ياسمين صاحبتى من اولى جامعة اتعرفت عليها اول يوم فى الجامعة وحبيتها جدا وفضلنا اصحاب من وقتها حتى اما اتخرجنا دورنا على شغل مع بعض لحد مااشتغلنا عند الاستاذ سيف
سمير بخبث انتى مش ملاحظة حاجة كدة بين سيف وياسمين
مى حاجة زى ايه يعنى
سمير يعنى حاسس انهم كدة بيحبو بعض
مى لا طبعا مفيش الكلام ده ايه اللى خلاك تقول كدة يعنى
سمير كنت فى مرة بهزر مع سيف وبقوله مش ناوى تتجوز ياعم بقى وتفرحنا فقالى قريب باذن الله ودايما لما بنبقى مع بعض بيسال عنك بحجة انك خطيبتى ويدخل ياسمين فى الحوار وبصراحة ببقى شايف عنيه بتلمع وهو بيتكلم عن ياسمين
مى كانت فى ذهول من اللى سمعته من سمير بس لوكان بيحبها فعلا يبقى بيعلق نفسه بسراب
سمير ليه بتقولى كدة
مى لان باسمين بتحب ابن خالتها وكان فى مشروع ارتباط مابينهم لكن حصلت ظروف اجلت موضوع الارتباط ده شوية
سمير اټصدم لما عرف الكلام ده وزعل اوى علشان صديقه اللى لما فتح قلبه للحب اختار غلط
فى فيلا سيف 
سيف ووالده ووالدته قاعدين فى الانتريه بيشربو قهوة 
سيف بابا انا ان شاء الله نويت اتجوز
نصر الدين بفرحة على خيرة الله ياحبيبى مين بقى العروسة
تيسير ياعم بلا جواز بلا بتاع هتتجوز واحدة علشان تنكد عليك خليك كدة سينجل احسن
نصر الدين ومصطفى ضحكو
نصر الدين انتى مفيش فايدة فيكى عايزاه يقعد جنبك علطول
سيف مسك ايد والدته وباسها ماتقلقيش ياست