رواية نوفيلا

يمكن انجح فى المشروع ده ادعيلى
ياامى
زينب ربنا معاك يا حبيبى ويعينك علينا
فى بيت خلود 
سيد ماما
خلود نعم يا حبيبى
سيد بابا بيرن عليكى بقاله كتير مش بتردى عليه ليه
خلود مفيش يا حبيبى انا بس زهقانة شوية ومش
عايزة اكلم حد
سيد طب علشان خاطرى يا ماما كلميه مش عايزه
يزعل مننا ويبطل يبعتلنا فلوس وحاجات حلوة من هناك
خلود حاضر ياحبيبى ادخل اوضتك انت يلا ونام وانا
هاكلمه
سيد تصبحى على خير يا ماما
خلود وانت من اهلى ياروح ماما
خلود اتصلت بعمرو
عمرو الو ايوة يا خلود انتى فين كدة طول النهار
قلقتينى عليكى انتى وسيد
خلود مفيش كنت مشغولة شوية
عمرو انتو عاملين ايه
خلود سيد كويس الحمد لله
عمرو طب وانتى 
خلود انا مش كويسة خالص
عمرو ليه يا حبيبتى مالك
خلود تعبت اوى يا عمرو انا محتاجة وجودك جنبى
عمرو بعصبية ايه الكلام ده يا خلود نغمة جديدة 
ولا ايه يعنى انا قاعد هنا بلعب انا ناقص ارف 
ما كفاية الغربة اللى انا فيها طول النهار مطحون 
فى الشغل وكل ده علشان مين ماهو علشانك انتى
وابنك
خلود مش عايزة حاجة ياعمرو انزل مصر وخليك جنبنا
احنا محتاجينك اوى العمر بيعدى وكل واحد فينا فى مكان
انزل وخليك جنبنا وساعدنى فى تربية ابننا هو محتاجك
يا حبيبى انت بالنسبة لسيد مجرد واحد بيبعت لينا فلوس
وحاجات حلوة بس
عمرو وانا لما انزل مصر يا هانم هاشتغل ايه ماانتى
عارفة انى صنايعى يعنى يوم اه وعشرة لا... فين وفين
على ما بيجيلى شغل ساعتها انتى اول واحدة هتقوليلى
مش عارفة اعيش انا وابنك وبدل ماكنتى بتقوليلى احنا
محتاجين وجودك هتقوليلى احنا محتاجين فلوس
خلود پبكاء شديد لا ياعمرو انا مش هاقولك حاجة 
انزل مصر وعيش فى وسطينا واللى يرزقنا بيه ربنا
انا راضية بيه
عمرو بعصبية بقولك ايه يا خلود الموضوع ده مايتفتحش
معايا تانى ابدا ولو فتحتيه تانى اعتبرى نفسك طالق
خلود پانكسار حاضر يا حبيبى انا اسفة
فى مكتب سيف
... لوسمحتى الاستاذ سيف موجود
مروة ايوة موجود اقوله مين حضرتك
..... قوليله سمير العدل
مروة ذهبت لمكتب سيف فى واحد برة اسمه
سمير العدل عايز يقابل حضرتك
سيف بفرحة خليه يدخل حالا
مروة ذهبت لسمير اتفضل ادخل
سيف عندما راه اهلا ... واحشنى يا راجل
سمير سلم عليه وحضنه وانت كمان ياسيف
واحشنى خالص والله
سيف انت جيت امتى من السفر
سمير جيت امبارح بالليل
سيف حمدالله على السلامة ... اجازة ومسافر
تانى بردو
سمير لا انا خلاص ياعم هاستقر هنا... هافتح 
شركة استيراد وتصدير ايه رايك تدخل معايا شريك
سيف اوكى ما عنديش مانع بس انا هابقى شريك
بالفلوس بس علشان مابفهمش حاجة فى شغلك ده
سمير ماشى ياسيدى تمام اللى تشوفه ... بقولك ايه
مفيش عروسة بتشتغل معاك هنا كدة حلوة وبنت اصول
سيف هههه ان كان على العروسة فيه كتير عندى هنا 
فى المكتب خمس بنات منهم اربع محاميات والسكرتيرة
اللى انت قابلتها برة

دى
سمير طب رشحلى منهم واحدة تكون شايفها حلوة
واخلاقها كويسة
سيف ياعم والله كلهم حلوين وبعدين هو الجواز 
بيبقى بالشكل ده انت لازم تتجوز اللى قلبك يرتاح ليها
سمير عندك حق طب انا هاضطر امشى دلوقتى 
وهنتقابل تانى قريب اكيد سلام
فى بيت حامد 
ياسمين بابا بعد اذنك انا كنت عايزة اروح عند
خالتى زينب دلوقتى عايزة اطمن على مصطفى
حامد ماشى يا حبيبتى روحى وسلميلى عليهم
نهى انا مش عارفة يا ياسمين انتى لسة متمسكة
باابن خالتك ده ليه اوعى تكونى لسة ناوية تتجوزيه
حامد بصوت عالى نهى اقفلى الموضوع ده دلوقتى
ياسمين بضيق انا هامشى انا بعد اذنكم
فى بيت خلود 
جرس الباب يرن
خلود قامت تفتح الباب ووجدت عادل شايل ابنها سيد
خلود بقلق وخوف ابنى حبيبى ايه اللى حصله
عادل ما تقلقيش هو كويس... وهو بيلعب كرة مع 
العيال وقع على رجليه اتجرح چرح بسيط وانا حطيت
له مطهر ولزق عليه
خلود اخدت سيد منه متشكرة جدا ... اتفضل
عادل دخل وقعد فى الانتريه وخلود دخلت سيد
اوضته ونيمته وذهبت الى الانتريه
خلود تشرب ايه يا عادل
عادل لا متشكر هو انا غريب
خلود قعدت على الكرسى متشكرة اوى ياعادل على
اللى عملته مع سيد
عادل انتى مچنونة يا خلود متشكرة على ايه احنا
اهل اه صحيح عمرو اخباره ايه ماسمعناش
صوته من زمان
خلود هو بخير الحمد لله
عادل ابقى سلميلى عليه ... وقام وقف انا هانزل
انا بقى ولو احتاجتى اى حاجة انا موجود
نتعرف على عادل عادل يبقى ابن عم عمرو وعايش 
معاهم فى نفس البيت فى الدور اللى تحت شقة عمرو
فى بيت مصطفى 
زينب اهلا يا بنتى اتفضلى
ياسمين ازيك ياخالتى امال فين مصطفى
مصطفى خرج من اوضته وهو قاعد على الكرسى 
المتحرك لما سمع صوت ياسمين وببرود اهلا
يابنت خالتى جاية ليه
زينب ايه الكلام ده يا حبيبى ..... معلشى يابنتى
ماتزعليش من كلامه
مصطفى لوسمحتى يا ماما اعمليلنا حاجة نشربها
زينب ذهبت الى المطبخ
ياسمين ازيك يا حبيبى وحشتنى
مصطفى ياسمين انتى بالنسبة لى اخت وبس واى
حاجة تانية ياريت تنسيها احنا خلاص ماعدناش
ننفع لبعض
ياسمين بدموع انت ايه اللى بتقوله ده... انا بحبك
يامصطفى وما اقدرش اعيش من غيرك
مصطفى لف بالكرسى الناحية التانية كل حاجة كانت
بينا خلاص انتهت وياريت ماتجيش هنا تانى واتحرك
بالكرسى ودخل اوضته
ياسمين تأهبت للخروج ولكن سعد قابلها على الباب
ولاحظ عليها حزنها
سعد مالك ياياسمين
ياسمين بدموع اخوك باع كل حاجة فى ثانية
سعد معلشى ياياسمين ڠصب عنه ادخلى 
اقعدى بس نتكلم شوية
ودخلت ياسمين وقعدت مع سعد فى الانتريه زينب دخلت 
بالشاى
زينب امال مصطفى دخل اوضته ولا ايه
ياسمين ايوة ياخالتى دخل وقالى اعتبرى كل شئ
بينا انتهى يرضيكى كدة
سعد معلشى با ياسمين اعذريه هو حاسس بعد
اللى حصله انه ما ينفعكيش حاسس بالعجز وانك
لو اتجوزتيه هيبقى من باب الشفقة عليه
ياسمين ازاى مصطفى يفكر كدة انا علاقتى بيه
وحبى ليه من قبل الحاډثة يعنى ماعرفتهوش مثلا 
بعد الحاډثة وعاوزة ارتبط
بيه علشان اشفق عليه
زينب مصطفى عمره ماهيطلع من الحالة دى غير لما 
يعمل العملية ويقدر يمشى على رجليه من تانى
ياسمين عملية ايه
سعد الدكتور قال انه ممكن يعمل عملية برة علشان
يمشى تانى بس العملية دى هتكلف كتيير حوالى ٣
مليون جنية
ياسمين ياااه والمبلغ ده هنجيبه منين
سعد بصى هو فيه حل بس فى ايدك انتى لو 
وافقتى عليه يبقى هنقدر ندبر المبلغ ومصطفى 
يعمل العملية
ياسمين حل ايه
سعد الاستاذ سيف المحامى اللى انتى شغالة فى مكتبه
ياسمين قصدك يعنى اطلب منه المبلغ ده... بس هنسده
ازاى لو وافق اصلا
سعد لا ماهو اكيد مش هيسلفك مبلغ كبير زى ده
وخصوصا انه هيبقى متاكد انك مش هتقدرى تسديه
لكن فى طريقة تانية وهى انك تلعبى عليه دور الحب 
وتوقعيه فى حبك ومن هنا تقدرى تاخدى منه كل 
اللى انتى عاوزاه
ياسمين ايه الكلام الفارغ اللى انت بتقوله ده ياسعد
انت عاوزنى اخدعه ... لا طبعا وبعدين مصطفى لو
عرف انى عملت كدة هيزعل جدا
زينب دى اساسا فكرة مصطفى يا حبيبتى هو
متأكد من حبك ليه وانك لما تعملى كدة هيبقى
علشانه انتى يابنتى مش هتعملى حاجة غلط
بس مصطفى اتحرج يطلب منك الطلب ده 
علشان خاطرى يابنتى وافقى
البارت الثالث 
سعد ها ياياسمين قلتى ايه
ياسمين هاقول ايه يعنى مادام دى رغبة مصطفى 
خلاص ولو انى مش حابة الفكرة دى خالص لكن
انا نفسى مصطفى يرجع يمشى تانى على رجليه
زينب ربنا مايحرمنا منك ابدا ياحبيبتى
فى الجامعة 
نهى قاعدة فى كافيه الجامعة لوحدها وياتى شاب 
وسيم ثم يجلس على الكرسى المقابل لها
الشاب ايه الموزة الجامدة دى... قاعدة لوحدك ليه يابت
نهى اهلا حازم مابتجيش الجامعة بقالك شهر ليه يافاشل
حازم ايه وحشتك ولا الكيف وحشك
نهى ههههه الاتنين .... الكمية اللى انت كنت مديهالى خلاص بح
حازم اديك تانى ياعسل بس بشرط
نهى شرط ايه انجز
حازم تيجى معايا الشاليه بتاعى نقضيلنا يومين فل
نهى لا ياحزومتى بلاش موضوع البيات ده انا هاجيلك الشقة
زى مااحنا متعودين لان بابا استحالة يوافق انى ابات برة البيت
حازم يووووه يابنتى اتصرفى قوليله اى حاجة .... اقولك 
قوليله انك طالعة رحلة مع صحباتك
نهى ياسيدى مش هيوافق انا من منطقة شعبية ياابنى
وتفكيرهم عقيم ورجعى شوية مفيش حاجة عندهم اسمها
اطلع رحلة مع صحباتى وابات برة البيت
حازم خلاص امرى لله نتقابل فى الشقة بس اعملى
حسابك بقى تسهرى معايا شوية هاسهرك فى مكان 
بقى عمرك ماكنتى تحلمى تروحيه
نهى اوكى حبيبى .... مادام فى سهرة بقى يبقى عايزة فستان شيك كدة
حازم احلى فستان هيجى لاجمل موزة فى مصر
نهى تسلملى ياقلبى
فى مكتب سيف
ياسمين تخبط على باب مكتب سيف
سيف ادخل
ياسمين السلام عليكم
سيف وعليكم السلام ... اهلا فينك كدة بقالك
فترة يااستاذة ياسمين
ياسمين انا اسفة اوى ياستاذ سيف كان عندى
ظروف ماقدرتش اجى
سيف امممم ... عملتى ايه فى قضية المعلم محسن زكى
ياسمين انا درستها كويس وباذن الله ميعادنا فى المحكمة
بكرة وبراءة باذن الله
سيف اتمنى ذلك ربنا يوفقك اتفضلى حضرتك على مكتبك
ياسمين استاذ سيف هو انا ممكن اسال حضرتك سؤال شخصى
سيف اتفضلى
ياسمين هو ليه حضرتك مااتجوزتش لحد دلوقتى
سيف ابتسم عادى يعنى مالقتش لسة البنت المناسبة لى
ياسمين بابتسامة رقيقة بس يعنى .... ده انا كنت 
فاكراك پتكره البنات وكدة يعنى
سيف هههه حلوة وكدة يعنى دى
ياسمين ابتسمت طب بعد اذنك هستاذن انا
سيف اوكى اتفضلى
سيف مع نفسه ايه الهبل ده انا ازاى لما قالتلى 
هسالك سؤال شخصى وافقتها علطول كدة من 
غير تردد بس مش عارف ليه حسيت انى عايز
اتكلم معاها واحكيلها اكتر عن نفسى
فى بيت حامد 
نهى جاية من برة الساعة ١٢بالليل خبطت على الباب
حامد فتح الباب وبعصبية شديدة انتى كنت فين 
يابت لحد دلوقتى
نهى مصطنعة الدموع انا كنت بذاكر عند واحدة صاحبتى
يابابا مش انا قايلالك
حامد صحبتك ايه لحد دلوقتى احنا مش قلنا تكونى
فى البيت قبل المغرب
نهى انا اسفة والله يابابا كان عندنا مذاكرة كتيرة
اوى وانت عارف بقى الامتحانات قربت
حامد بزعيق الموضوع ده مايتكررش تانى صاحبتك
تبقى تيجى تذاكر معاكى هنا لا ليكى اخوات صبيان ولا حاجة
نهى بضيق حاضر يا بابا اللى تشوفه

بعد اذنك هادخل اغير هدومى
ودخلت اوضتها لقت ياسمين قاعدة على سريرها وسرحانة
نهى ياسمين ... ياسمين ثم ضړبتها على كتفها انتى يابت
ياسمين ايه ... ايه .... انتى لسة جاية يانهى ده 
ابوكى فاضحنا من ساعتها بسببك كل ده بتذاكرى انتى وصاحبتك
نهى سيبك انتى منى انتى مالك كدة سرحانة فى ايه
ياسمين بصراحة انا عايزة اتكلم مع حد ... احكيلك 
بس توعدينى ان اللى هاقولهولك هيبقى سر بينا
نهى اوعدك ياستى احكى بقى
ياسمين حكت لها على كل الحوار اللى دار بينها
وبين سعد وزينب....ها ايه رايك فى الكلام ده
نهى والله عين العقل ... بس الفلوس اللى هتسحبيها 
من الاستاذ سيف ده ماتديهاش كلها ليهم خلى ليكى
شوية علشان مستقبلك
ياسمين مستقبل ايه يانهى انتى كل حاجة عندك فلوس فلوس
نهى ايوة الفلوس دى اهم حاجة عندى .... اسكتى يابنتى
انتى لما تشوفى الناس اللى معاها فلوس بتلبس ازاى وبتاكل
ايه وعايشين فى رفاهية ازاى هتلعنى ام الفقر اللى احنا عايشين فيه ده
ياسمين فقر ايه يانهى احنا الحمد لله عيشتنا كويسة
وحالنا احسن من غيرنا بكتير .... المهم يعنى انتى
شايفة ان اللى هاعملة