رواية فاطمة من 1-9

عصير و اجي يا عمتو
توقعت أن يكون جسار تحدث معها و أخبرها بما فعله لتهتف بأمل
ازاي هو هو جسار كلمك صح هيجي يصالحني أنا كنت عارفه إنه بيهزر ومش ههون عليه بالشكل ده
أجابتها بجدية شديدة و حزم كي تنهي الحوار
علياء انسي جسار بقى بعد اللى عمله معاكي النهارده للأسف خسر أي أمل عندي تعرفي كنت بدافع عنه قدام بابا علشان اصلح العلاقة بينهم بس جوايا كنت رافضه الفكرة لكن بعد اللى عمله معاكي للأسف انسيه يا علياء خرجيه بره حساباتك حياتك ليكي انتي و بنتك بس
تحدثت باعتراض لأنهم لا يعلمون مدى قوة علاقتها ب جسار
انت بتقولي إيه بس يا عمتو انساه ازاى يعني إيه انتى بتتكلمي عن جسار انتي أكتر واحده عارفه أنا و جسار إيه لأ لأ أكيد في حاجه غلط وحياتي إيه أنا حياتي معاه لو نسيته هعمل بعده ايه طيب هروح لمين انتي فاهمه انتي بتطلبي مني إيه 
هتفت بيأس لأنها تعلم أنها لن تستسلم بسهوله
اللى يبيع جده و أهله يبيع أى حد جسار باعنا لشفيق ولا مش ملاحظه الاول وقف قدام جده وبعد كده اتجوز يارا و هدد فاطيما علشان تتنازل له عن الشركة و الاخر انتي كان عاوز يسلمك له مش بس كده لا ده كان هيسلم مراته و بنت عمه كل ده ولسه بتدافعي عنه أما بقي هتروحي فين ده الموضوع اللي جايه علشان اتكلم معاكي فيه
تحدثت برفض فهي مازالت ترفض ما حدث معها
كل ده مش عارفه اصدقه علشان مش جسار إلى يعمل كده اكيد في حاجه غلط هعرفها منه بس ايه الموضوع الى بتقولى جايه علشانه
هتفت بجدية و هدوء
أنا مش جاية علشان اتكلم عن جسار أنا جاية علشانك انتي و فريدة انتم هتسافروا لندن الفجر والاعتراض مرفوض
كانت تستمع لها پصدمه شديدة لتقف و تجيبها برفض واعتراض
نعم أسافر يعني إيه ازاي ماينفعش عايزانى أهرب و اسيب الکاړثة دي هنا تواجهوها لوحدكم طيب ازاي وبعدين شفيق مش هيسكت واكيد مراقبنا أول ما هظهر هيقت لني و ياخد فريده
لتقرر اللعب على نقطة ضعفها لأنها تعلم جيدا إن علم شفيق المكان الذي تختبئ فيه لن ينتظر دقيقة واحده وقد يفعل أي شئ ليأخذ فريدة منها
لازم تهربي ولا تحبي يعرف مكانك و ياخدها منك هاه لو استنيتي هنا يوم كمان هيوصل لمكانك ووقتها مفيش حد هيقدر يمنعه ياخد فريدة لأنها حفيدته ضرورى تبعدوا فى اقرب فرصه وبالنسبه لنا مټخافيش هنتعامل معاه بس بطرقه هو علشان نقدر نكشف حقيقته للكل
تحدثت بدون إدراك لأنها خائڤة من علم شفيق بمكانها
يا عمتو انا خاېفه خاېفه انتم ليه مش قادرين تفهموا إذا كان هنا في بلدنا ومش عارفه أنجي منه ما بالك وانا بره لوحدي مين هيحمينا بره وماتقوليش اني هكون مع فاطيما أنا وفاطيما أضعف من أننا نقف قصاده بره لوحدنا ده يفرمنا وياخد فريده ويمشي أنا هنا مطمنه علشان هو معايا بره هطمن ازاي بس 
هتفت بجدية كي تبث الطمأنية داخلها
انتم مش هتكونوا لوحدكم هناك اطمني هناك أشخاص هتكونوا فى أمان معاهم و واثقه فيهم اكتر من ثقتي فى أي شخص ولا عندك شك فى كلامي
أجابت بحرج شديد
اكيد لأ طبعا أنا بس 
قاطعتها بعد أن صممت لحظات
بس ايه قولي كل اللي جواكي
جلست مره أخرى لتهتف بتعب و إرهاق
تعبت تعبت يا عمتو لغاية امتى هفضل هربانه واجيب المشاكل للكل أنا بجد مكسوفه أوي إني كل شويه اهرب عند حد و اشيله همي أنا عارفه إن في بره اللى هيحمينى وحضرتك تقصديه أنا مكسوفه منه أوي إني أروح استخبى و اتحامى فيه و تحصله حاجه بسببي فهمانى
لتجيبها سمية بمزاح
ما تخافيش ده متبني نص العيلة تقريبا المهم خليكي متاكده إنه هيكون مسؤول عنك و حتى لو شفيق عرف مكانك هو الوحيد اللى هيوقفه وهناك هتتعرفي على ناس جديدة تحبيهم و يحبوكي
لتهتف بتفكير و هدوء
بس مش هقعد عنده هقعد في فيلا عمتو الله يرحمها مع فاطيما
أجابت بتنهيده شديدة
اطمني كل شئ مترتب بس هتسافري انتي و فريدة الاول وهناك هتلاقوا اللى هيستقبلوكم
تحدثت بتعجب بعد علمها أن فاطيما لن تسافر معها
ليه و فاطيما مش هتسافر معانا
لترد عليها بهدوء متفهمه قلقها
مفيش غير تذكرتين متاحين دلوقتي الأفضل تسافري الاول انتي
تحدثت بخجل علها تجد من ينقذها من السفر
بس فاطيما ممكن تضايق يعني خاېفه حاجه زي كده تزعلها ممكن تسافر هي وأنا وفريده بعدها
سمية بتعب و إرهاق
مش هتزعل متقلقيش بعدين اكيد اتعرفتي عليها و عرفتي شخصيتها
لتجيبها بهدوء لأنها تذكرت حديث جسار عنها فى السابق
أنا عرفاها ومن زمان جسار مكنش بيتكلم غير عنها بس قولت يعني لازم اعمل حساب أحسن تزعل وخصوصا إنها مستعجله على السفر وكمان بصراحه علشان ابقى مطمنه وأنا هناك معاها يعني هبقي مكسوفه أوي وأنا معاهم هناك لغاية لما هي تيجي بس مش اكتر
تحدثت بحزن و ألم شديد
فاطيما عاوزه تهرب زيك بس هي عاوزه تهرب من ذكرياتها و ماضي صعب اكيد عرفتي من جسار تعامله معاها كان إزاي اطمني انتى هتوصلي الصبح و هي هتكون عندك بالليل واللي هناك هتحبيهم من أول يوم
لتهتف بهدوء و أمل
عارفه بس أكيد كل ده هيطلع غلط ونرجع أحسن من الأول عالعموم تمام هجهز نفسي أنا وفريده علشان السفر هتوحشيني أوي أوي يا عمتو وكل حاجه هنا هتوحشني
سمية وهى تضمها بحب
انتي كمان يا حبيبتي و اطمني أول الوضع ما يهدى هنا هكون عندكم
تحدثت بحزن و تنهيدة
هستناكي و هكلمك على طول قولي لجدى يسامحني و ميزعلش مني إني اتحديته زمان زعلته مني وكنت سبب لفتح مواضيع قديمه صحيح أنا مش حفيدته بس هو على طول

________________________________________
كان بيشوفنى زي جسار وسلمى ويتعامل معايا على الأساس ده
انتي حفيدته زيهم يا علياء و معاكم فاطيما و و المهم انسي اللى فات زي ما قلتلك من اول ما تدوس رجلك الطيارة ابدأي ذكريات جديده و اطمني هو مش زعلان منك
هحاول يا عمتو إني اكمل إنما أنسى صعب الماضي مش بيتنسي بنكمل عليه عن اذنك هصحي فريده و اجهزها
تحدثت بهذا الحديث وهي تقترب من فريدة كي تجعلها تستيقظ لتمنعها سمية كي لا تقلقها 
سبيها نايمه شوية و انتي كمان نامي علشان متتعبيش فى الطيارة لازم ترتاحي
مش نعسانه بس هحاول
بعد مغادرة سمية حاولت علياء الاتصال ب جسار ليجيبها بعد عدة محاولات منها .. تنهدت بابتسامه بعد أن فتح هاتفه ليجيبها 
نعم 
لكنها صدمت من رده البارد عليها لتظن أنه غاضب منها بسبب رفضها الذهاب معه ظنا أنه كان سيأخذها لمكان أخر 
جسار ازيك انت فين و ليه سايبنى لوحدي مش هتيجي 
مش انتي رفضتي تيجي معايا خلاص خليكي مع اللى عندك بقى
بس انت مكنتش هتاخدنى معاك كنت بتقول انك هتسلمني لشفيق بتهزر أنا عارفه بس مكنش وقت هزار ده 
هتفت بهذا الحديث لتنصدم من رده عليها بعد ذلك 
مين قال إني كنت بهزر لأ جد وانا لسه عند كلامي 
هتفت پصدمه من حديثه
جسار انت بتقول ايه ارجوك بلاش كلامك ده وتعالى خليني أودعك قبل ما أسافر 
ليرد عليها بطريقة جعلتها ټندم على اتصالها به 
كويس سافري ابعدي عن هنا طالما مش عايزه ترجعي عند شفيق 
وقفت غير مستوعبه ما سمعته منه نعم يؤكد لها أنه تخلي عنها ولكن هذه المرة كانت تشعر بالهزيمة والانكسار من ظنت أنه سيساعدها هو أول من تخلى عنها
إنت بتقول ايه هتسيبني أسافر يا جسار انت بتتخلى عني 
هتف ببرود وكأنه يريد التخلص من أي شيء يقف فى طريقه لتحقيق أهدافه
مش تخلي أنا مش عايز مشاكل عايز حياتي تمشي ف هدوء دلوقتي كل واحد همه مصلحته ووجودك هيعملي المشاكل أمشي يا علياء سافري سافري وانسي كل حاجه هنا وانسيني انا كمان وعيشي انتي وبنتك حياه جديده خلي بالك من نفسك ومن فريده مع السلامه
لتصرخ بصوت منخفض كي لا يستمع أحد لحديثها معه
لأ لأ جسار جسار جساااااااااار 
لتلقي الهاتف على الفراش وجلست تبكي بقوه وقهر 
هبطت سمية لتجد فاطيما تجلس فى الأسفل لتقترب منها وقررت أن تتحدث معها فى غرفة المكتب 
هتفت بجدية وهى تتجه لغرفة المكتب
فاطيما تعالي يا حبيبتي عايزه اتكلم معاكي شويه
ذهبت خلفها وطلبت منها أن تغلق الباب و جلست بعد ذلك 
ايوه يا عمتو اتفضلي قلت اسيبك تتكلمي معاها لوحدكم في حاجه
ابتسمت لها بحب و تفهم
يعني ماتقلقيش هو بس مفيش غير تذكرتين بس على اول طياره رايحه لندن والتذكره التالته اتحجزت ف الرحله الى بعدها وطبعا علشان الخطړ على علياء وفريده كبير ف فكرنا أنها تسافر الاول وانتي فى الرحله اللي بعدها قولتي إيه 
تنهدت بهدوء وأجابتها بجدية
تمام مفيش مشكلة بعدين ده الصح المفروض هى تسافر الاول
ماشي يا حبيبتي أنا عارفه إنك مستعجله على السفر بس متقلقيش هما كلهم كام ساعه وتبقي في الطياره اللى بعدها
نظرت لها لتهتف بهدوء
كويس ده افضل حل و مش قلقانه لاني هسافر بأي طريقة
وقفت كي تصعد لتنام بأحد الغرف هذه الليله
تمام أنا هبات هنا الليله علشان انا الى هوصلها المطار و هرجع اوصلك علشان أكيد الباقي متراقب
لتتجها معا للخارج ولكن توقفت لتطلب منها شيء ما
تمام أوضتك جاهزه ممكن اطلب طلب يا عمتو قبل ما اسافر عارفه اني مش من حقي اطلب بس دي آخر مره اكون هنا
ضمتها بحزن وهى تربت على ظهرها
ليه بتقولى كده اطلبي على طول يا حبيبتي 
هتفت بحزن والدموع تتجمع فى عينيها فهى حقا بحاجه لوالديها فى هذا الوقت
عاوزه ازور بابا و ماما علشان وحشوني أوي و سابوني بدري أوي
هخلي الحرس ياخدوكي هناك الصبح هوصل علياء وارجع هستناكي مش تتأخري
هتفت سمية بجدية وهى تضمها
ماشي يا حبيبتي يلا ارتاحي علشان بكره يوم طويل اوي
لتجيبها بحنو
حاضر وانتي كمان ارتاحي تعبانه بسببنا
هو أنا عندي اغلى منكم اتعب علشانهم 
ضمتها بقوه لتهتف بدموع
وبجد من غيرك بعد بابا و ماما كمان مكنتش هقدر أكمل 
ابتعدت عنها لتضم وجهها بين يدها و هتفت بحنو وتأثر حقيقي
وأنا معاكم على طول أنتم ولادي اللى ماليش غيرهم و قولي للدكتور لما تشوفيه إني زعلانه منه تلات ايام كامله مش يكلمنى فيهم
تحدثت بتوتر من القادم بعد سفرها
أنا خاېفه منه ومن مواجهته أكيد هيعاقبني زي زمان و هقوله يكلمك اكيد وأول ما هوصل هنكلمك سوا علشان نعمل محكمه و جلسه تصوير زي زمان
ابتسمت لها فهى تعلم العلاقة