رواية فاطمة الفصول من 13-15

وهو يغادر
هترفض ليه لأ ماظنش وبعدين مش شايف المجانين مستعجلين ازاى مش قادرين يستنوا وانت عارف الستات بتاخد وقت على ماتجهز ف أول ما تجهز هاتها وتعالى مش مشكله يعنى وبعدين دي توصيله وبعدين خليك هادي هاه هادي يا حبيبي وعدي
أردف بهدوء وجدية
طيب هنيجي وراكم بسرعة
سليم وهو يغادر
هنستناكم يلا سلام
هبطت علياء وبحثت عن الجميع
فاطيما .. ميرا .. فريدة
فريدة بملل و استنكار
يلا يا ماما كل ده بتجهزي اتأخرنا
تحدث بهدوء و جدية
هما مشيوا و إحنا هنروح لهم هناك
اقتربت من فريدة ثم هتفت بحرج
معلش يا حبيبتى خلصت اهو .. هاه مشيوا خلاص مش مشكله اتفضل إنت واحنا نبقي نروح مره تانيه
وضعت يدها على صدرها وهتفت بحزن وهي ټضرب قدمها فى الأرض
لأ يا ماما أنا عايزه اروح كل ده و تقولى مش هنروح 
تحدث بهدوء عكس ما بداخله
انتى عارفه ميرا صممت يمشوا يلا علشان فريدة متزعلش
تراجعت علياء بعد أن رأت نظرة حزن فى عين فريدة
طيب
فريدة بسعادة وهي تقبل والدتها بعد أن وقفت على الكرسي
هيييييي يلا بينا أنا هقعد قدام على رجل ماما
علياء بحرج و غيظ
لأ اركبي انتى قدام وأنا ورا يا حبيبتي يلا
فريدة برفض وهي تقف أمام السيارة
لأ انا عايزه أقعد قدام على رجلك 
علياء بتنهيدة و يأس من عناد ابنتها
تؤ يا فريده بقي أنا مش عارفه مالك اتغيرتى أوى و بقيتى تعاندي معايا وخلاص
ركبت باستسلام فى الكرسي الأمامي و كانت فريدة سعيدة للغاية من يشاهدهم معا يظنهم أسرة مكتملة وصلوا لنهر التايمز ليجدوا اليخت بانتظارهم ركضت فريدة بسعادة وهي تشاهد أجواء جديدة عليها والإضاءة حولها فى كل مكان ساعدتها ميرا فى الصعود لم تستطع علياء أيضا إخفاء إنبهارها بالمكان انتظر نزار حتى صعدت أولا ليصعد خلفها .. بدأ اليخت يتحرك ببطء وميرا و فريدة يجلسون على سطح اليخت 
اقترب نزار من فاطيما و أردف بهدوء
فاطيما ممكن نتكلم سوا شوية
ليتجهوا معا للطرف الأخر
أكيد طبعا في إيه يا حبيبي مالك 
هتف بجدية ليري ردة فعلها
أنا قابلت كنان النهارده
أجابت بقلق أن يكون علم شيء
هاه ك ك كنان و قابلته ليه و قالك إيه !!
نظر لها كثيرا ليتأكد من إرهاقها
رفض يقول بس اتكلمنا سوا شوية ليه مصممه تخبي فاطيما أنا مليش غيرك ومش هقدر أخسرك
أجابت بدموع وهي تنظر للمياة حولها
مش عايزه أقلقك أنا كويسه أطمن وأنا كمان ماليش غيرك والله
اقترب منها ليمسح دموعها بقلق أن تكون شكوكه صحيحة
يبقي اتكلمي مش عاوز أكون قلقان عليكي انتى مكنتيش بتخبى حاجه قبل كده
أردفت بدموع وهي تنظر له
مفيش بس تعبت قبل كده ولما روحت كشفت لاقيت إني 
لم تستطع إكمال حديثها ليردف بقلق
اتكلمي إيه الحكاية بلاش السكوت ده
جلست على أرضية اليخت وتحدثت پألم
عندى القلب نفس مرض ماما
وقف يستوعب حديثها عدة دقائق ليردف بغيظ
و بتزعلي لما أخد موقف منك صح أكيد مكنتيش هتحكى صح
نظرت له بتوسل فهي لا تريد أن يعلم أحد عن مرضها
اهدي ووطي صوتك أنا كنت هقولك بس اظن شوفت اللى حصل وبعد كده لما اتصالحنا محبتش انكد عليك وعليا بخبر زي ده إنما اكيد كنت هقولك اهو علشان لو مت الاقيك جنبى
جلس جوارها ليضمها پخوف حقيقي
اياك تقولي الكلمة دى تاني سامعة أنا معاكي مش هسمح أبدا إني أخسرك أنا عارف كنان كويس وهو دكتور متخصص فى أمراض القلب والجراحة هنتايع معاه ومفيش إهمال فى علاجك
نظرت فى عينه وتحدثت بۏجع
حاضر بس بلاش تزعل علشان خاطري مش هقدر على زعلك إنت بالذات
ملس على رأسها وهتف بجدية
يبقي توعديني بلاش تخبي حاجه تاني إنتي عارفه إنتي بالنسبالي إيه كله إلا إنتي
أجابته بتأكيد و تنهيدة
حاضر أوعدك هو خلاص مفيش حاجه تانى عندى اطمن
ليحتضنها بقوه ويهتف
مش هتخبى حاجة تاني مهما كانت وأنا معاكي طول ما أنا عايش
أجابته بتأكيد و ثقة
اطمن مش هخبي خالص خالص كفاية زعل بقي
وقف ليساعدها كي تقف معه
ماشي يا حبيبتي يلا نروح لهم علشان محدش يشك فى حاجه
تحدثت بابتسامة فهي تشعر الآن براحة شديدة بعد أن أخبرته الحقيقة
هما لسه هيشكوا ما شكوا وخلصوا يلا بينا
حد يقدر يكلمك و أنا معاكي
ابتسمت بحب له
لأ طبعا أهدى ياعم يلا بينا
جاهزة للشركة بكرة ولا قررتي إيه
هاه بصراحه أه بس على طول علشان عايزه اتفرغ للدار و خاېفه بابا يزعل مني
متقلقيش أنا هتكلم معاه بس عاوز منك بقى تصاميم جديده لحفلة افتتاح مختلفه
وضعت يدها فى ذراعه و رأسها على كتفه لتهتف وهي مغمضة العينين
أول بدله لك ولبابا سليم وفساتين للمجنونه ميرا وعلياء وفريده اطمن بس ادعيلى بقي اخلص كل ده
ليقبل جبينها و يتنهد بهدوء
براحتك إحنا مش مهم أنا عاوز إسم حبيبتي يتعرف فى كل أوروبا مش لندن بس والدعاية أنا متكفل بها
حبيبي ربنا يخليك ليا يارب وبعدين إنت بتقول إيه يا حبيبي أنتم اهم حاجه في حياتى عايزاكم تبقوا مختلفين واجمل واشيك من كل الموجودين
أنا مش عاوز شيء من الدنيا دى غير سعادتك
انت سعادتى يانزار وجودي معاك بيخلينى اسعد واحده في الكون
اقتربت ميرا منهم وهتفت بتذمر
مش كفاية بقي كلام لوحدكم تعالوا يلا اقعدوا معانا
فاطيما بابتسامة عليها
الغيوره جات طيب يا حبيبتي جايين اهو 
أشارت لهم بمكر و مراوغة
بتخططوا لإيه سوا متفقناش على كده هقول ل بابا
نزار بغيظ منها وهو ينظر لها و للمياه
قلت طفله كبيرة مش مصدقين يلا يا حبيبتي من هنا
فاطيما وهي تضع يدها على فمها
بنخطط ازاى نخلص منك ونهرب
حضرت فريدة إليهم وتحدثت
عمو زين عمو زين
كانت ټضرب قدمها فى الأرض بغيظ
حتى إنتي كمان أنا خلاص قررت اسيب البيت و أمشي
نزار وهو يحمل فريدة ويذهب تجاه والده
تعالي يا حبيبتي خلينا نروح مع جدو سليم و نسيب المجنونه دي
ماشي تعالى يلا علشان انا زهقانه عايزه ألعب و ارقص
فاطيما بمزاح و سعادة
تلعبي وترقصي دي بقي تخصص المجنونه دي
انقضت هذه الليلة فى هدوء وسعادة للجميع لتكتشف علياء شخصية جديدة ل زين ...
فى مصر كانت يارا متجهه للخارج لتجد أحدهم يعترض طريقها 
لتهتف پغضب
إنت مين !! ومين سمحلك تقف فى طريقي 
ليجيبها هذا الشخص ببرود شديد
يتبع