رواية فاطمة الفصول من 13-15

يشعر بالاختناق و الخۏف وقف أمامه فترة طويلة ليقرر العوده لهم فهو وعدهم بتناول العشاء فى الخارج 
استيقظت علياء لتجد المنزل هادئا وقررت أن تعد الطعام فالجميع مرهقين بعد أحداث اليوم بدأت تعد الأطعمة بهدوء نعم لقد اشتاقت للأكلات المصرية لتجد ميرا قادمة إليها 
تحدثت بتعجب وهي تشاهد علياء تقوم بإخراج صينيه من فرن البوتاجاز
علياء بتعملي إيه فى المطبخ
نظرت لميرا و أردفت بهدوء
ميرا تعالى هكون بعمل ايه بعمل الأكل أكيد جعانين من الصبح ما أكلناش غير الفطار
وضعت يدها على رأسها بعد تذكرها أنها نسيت إخبارهم
هاه طيب بلاش تكملي علشان هنتعشى بره
مازالت تتابع قلي الدجاج و أجابتها بتعجب
بلاش أكمل إيه أنا يعتبر خلصت خلاص ربع ساعه والاكل هيكون جاهز وبعدين مين اللى هيتعشوا بره
ميرا وهي تجلس على طاولة الطعام الموضوعة فى المطبخ
كلنا يا حبيبتي وبابا كمان معانا
تحدثت بهروب فهي أصبحت تخشى التواجد مع نزار فى مكان واحد
روحوا أنتم أنا مش هقدر أروح وبعدين فريده تعبت من مشوار النهارده ف هقعد أنا وهي نتعشي و نستناكم أو لو اتاخرتم هنام لإني تعبانه أوى ومش نمت لغاية دلوقتى
ميرا برفض و عناد
الاعتراض مرفوض ولا أنادي فريدة و فاطيما يقنعوكي زي الصبح
علياء وهي تجلس على الكرسي بإرهاق
صدقيني مش قادره حقيقي تعبانه و نعسانه اوى بجد وبعدين الاكل اللى اتعمل ده هيروح فين طيب
ميرا بتبرير و تنهيدة
يتحفظ فى التلاجة بسيطه يعني بعدين من بكرة مش هنلاقي وقت نخرج بليز
علياء متفاجأة من إصرار ميرا
خليها مره تانيه طيب وبعدين نبقي نخرج تانى عادي هو الشغل هيبقي اليوم كله
ميرا وهي تضع يدها على رأسها بتمثيل
هنرجع متأخر ده لو الشغل مجاش ورانا هنا
علياء محاوله إنهاء هذا النقاش
طيب ما نتعشي هنا وابقي اخرجي أظن وجودنا مش مهم أوى يعنى اخرجوا انتم و انبسطوا
ميرا وهي تتذكر عناد زين وتفكر أن هذه فرصة جيدة لتقارب علياء و شقيقها
انتى عنيده زي واحد يا حبيبتي خلينا نقرب من بعض ونتعرف على بعض زيادة
علياء بجدية و هدوء
الأيام جايه كتير و هنتعرف أكيد وبعدين ما احنا عايشين سوا أهو في قرب أكتر من كده
انتبهوا لوجود فاطيما التى شاهدتهم يتحدثون فى المطبخ لتذهب إليهم 
بتعملوا إيه هنا !!
علياء وهي تتجه للخارج لتضع الطعام على الطاوله
بحضر الأكل و الانسه ميرا عايزه تتعشي بره
أردفت ميرا باعتراض
فاطيما اقنعيها نتعشى بره زين و بابا جاهزين
أقتربت منها لتقرصها فى وجهها بمزاح
أنا تعبانه وبعدين أنا مش بتعشى أنا بس عملت الأكل علشانكم و علشان فريده
ميرا وهي مازالت على إصرارها
فريدة هتوافق وافقي خلينا نشوف لندن بالليل و جوها
فاطيما بهدوء فهي تريد أن تذهب للخارج للاستجمام قليلا قبل أن تبدأ فى عملها
حبيبتي صدقيني الجو فى لندن مختلف بالليل ونروح اليخت
علياء بتعجب من إصرار ميرا على الخروج
انتي ليه محسسانى انك اول مره تنزلى إذا أن مكنتيش عايشه فيها عمرك كله
علياء وهي تنظر للطعام التي أعدته بحزن
طيب والأكل اللى اتعمل ده
لتجيبها ميرا بتنهيدة
يعني تعتقدى بنت مع اتنين رجاله هتخرج من غير قلق اه أنا عايشه فى لندن لكن الطابع العربي والعادات مسيطرة هنا
ضحكت علياء و فاطيما بقوة على حديثها لتجيبها علياء
ضحكتينى حقيقي بتستغلى بقي وجود اتنين ستات معاكي علشان تنطلقي
ميرا برفض وهي تشير لهم
إحنا ٤ مش ٣ فريدة معانا بعدين يلا بقي وإلا هيغيروا رأيهم
فاطيما من بين ضحكها
معلش أحسن مضطهدة معاهم كفاية عناد بقى فين فريدة
علياء بهدوء و ابتسامة لا تنكر أن وجود ميرا له تأثير كبير عليهم
فريدة فوق نايمه من وقت ما رجعنا
فى وقت سابق وصل نزار و أخبر والده عن خطته لقضاء الليلة ليوافقه الرأي فهو يريد أن يجعلهم يشعروا بالهدوء و أيضا أن يزيل حدة توتر العلاقة بين نزار و علياء ليخبره أن يهيئ نفسه لحين ذهابه للبنات و إحضارهم 
دق نزار الباب وفتحت له ميرا لتبتسم باستنكار
مساء الخير لسه مجهزتوش ليه
ميرا بهروب مما قد يحدث الآن
أنا هشوف فريدة بقى باي
فاطيما بهدوء وهي تقف أمام علياء
مش تقول بدري على الخروج .. بصراحه علياء رافضه تخرج بتقول تعبانه
كان الباب مفتوحا ليدخل سليم ووجد فاطيما و علياء يرتدوا ملابس عادية
مساء الخير يعنى مش جاهزين انا تعبت من الانتظار
فاطيما بهدوء وهي تبتعد عن طاولة الطعام
بصراحه علياء جهزت أكل
علياء باعتذار حقيقي
معلش يا بابا أنا بس تعبانه شويه وكمان جهزت العشا وخلصت و حطيته مكنتش أعرف عن الخروج مره تانيه روحوا انتم
نزار وهو يتجه للطاوله ويشاهد الطعام
أكل مصري هنا معقول فين ده
علياء بتعجب وهي تشاهد نزار يأكل دون انتظار أحد
ماله ده هو أول مره يشوف أكل مصري
سليم وهو يشاهد الطعام ويبتسم بهدوء
ريحة الأكل تجنن بصراحه بقالى كتير ما أكلتش أكل مصري غير اليومين اللى سافرتهم و مالحقتش كمان
علياء بابتسامة متفهمه حديثه
أتفضل حضرتك كل أتمنى الأكل يعجبك
سليم بسعادة وهو يتناول الطعام
بصراحه الأكل المصري نادر لما يتعمل هنا و ميرا بتعتمد على الأكل الجاهز
أجابته بمرح و ابتسامه
لدرجه دى غريبه لأ انا مش بحب إلا الاكل المصري بتاعنا و يتعمل في البيت اكل بره مش مضمون اوى وكمان بيتعب مع إننا برضو بناكل بره
ميرا باعتراض وهي تقف على الدرج بعد أن قامت بإحضار فريدة
إيه ده أنتم مش هتخرجوا لاااا
سليم وهو يشير لها كي تهبط وتتناول الطعام معهم
انزلي كلى طيب الأول أحسن الأكل هيخلص وبعدين نخرج
نظرت علياء لابنتها و أردفت بهدوء
فريدة حبيبتي تعالى يلا أكيد جعانه
أجابتها بهدوء وهي تهبط الدرج لتجد نزار يجلس على الطاولة لتهتف بصړاخ
أوى أوى يا ماما .. إيه ده عمو زين هنا عمو زين عمو زين
فتح يده لها لتركض إليه وحملها لتجلس على قدمه
تعالي يا حبيبتي وحشتيني
علياء بتنهيده و غيظ
فريده تعالى هنا يا حبيبتى أقعدي على الكرسي بتاعك علشان تاكلي يلا
زين وهو يطعمها فى فمها
خليها معايا ياريت تخلصوا بسرعة علشان لو هتخرجوا
فريدة وهي تنظر ل علياء بعدم مبالاه
أه خليني مع عمو زين
علياء بسخرية و استنكار
مفيش فايده مستحيل تكون بنتى دي أكيد بدلوها
فاطيما وهي تشاهد نزار و فريدة
خلاص بقي فريدة بقت بنتنا
سليم و هو يقف ويتجه لغرفة الاستقبال
تسلم إيدك يا علياء الاكل يجنن حقيقي حلو أوي الأكل بعد كده من إيدك مش هناكل أكل جاهز تانى خلاص معدتى تعبتنى من أكل بره
ميرا بغيظ و استنكار
لا بقي أنا هخرج كده كتير
علياء بابتسامة وهي تنظر له
ألف هنا يا بابا ومن عيونى حاضر أعمل الأكل لحضرتك
نزار بتنهيدة وهو ينظر ل علياء
الأكل بجد لذيذ شكرا على تعبك
اقتربت منه لتأخذ فريدة كي يصعدوا و يبدلوا ملابسهم
العفو .. عن إذنكم هجهز و أنزل 
نزار وهو يرتدي جاكيته
هنجهز العربيات شوفوا عاوزين تركبوا مع مين
فريدة وهي تمسك يده كي لا يتركها
أنا هركب معاك يا عمو زين أنا جاهزه اهو
ميرا وهي تذهب مع سليم
أنا هروح مع بابا مين معايا
سليم بهدوء وهو يشاهد ميرا تركض تجاه السيارة
طيب يلا بينا يا بنات نزار أنا هاخد ميرا وفاطيما وإنت استنى علياء وهاتها هي وفريدة هنستناكم في اليخت مش تتأخروا
تحدث نزار بقلق
هاه بس ممكن علياء ترفض يا بابا
تحدث بهدوء