احببته هو من 14-16

قائلا احبك و انت بتكتك كده يا جميل يلا بينا بقه نلحق الليلة من اولها
دينا ك على فين
شريف على شقتى طبعا
و امسكها من ذراعها و مشت دينا معه باستسلام و هى ترتكب فى حق نفسها و عائلتها و دينها جرما صعب غفرانه
انتهت سميرة من صلاة الضحى و رفعت يدها الى السماء تدعى ربها قائلة پبكاء يارب نجيلى بنتى يارب انتى عالم انها مظلومة يارب اظهر برائتها يارب و سامحنى على كل اللى عملته فى حق الناس يارب ما تاخدهاش بذنبى يارب
دخل زوجها الغرفة فوجدها تبكى فربت على كتفها قائلا خليكى اقوى من كده يا سميرة بنتك محتاجة لك دلوقتى اكتر من اى حد اديكى شوفتى حالتها امبارح كانت عاملة ازاى
مسحت سميرة دموعها و قالت بضعف و هو ده اللى واجع قلبى يا يوسف دى كانت دبلانة خالص و متبهدلة من الحبس مع المشبوهين
يوسف بحزن اديها رايحة النيابة النهاردة و المحامى قالى انه هيحاول يطلعها بكفالة ربنا يسهل
سميرة بحزن على فكرة المحامى ده مش قد كده عايزاك تشوف واحد غيره
يوسف بتنهيدة ربنا يسهل ادهم فعلا كلمنى فى الموضوع ده امبارح و انا شايف ان عنده حق
دق بابا غرفتهم فى هذه اللحظة
فقال يوسف ادخل
اطلت فرحة براسها من وراء الباب قائلة عمو فيه واحد عايز حضرتك بره
يوسف مين يا فرحة
هزت فرحة كتفيها قائلة انا ما اعرفهوش بس هو قالى قوليله عزمى السيوفى المحامى
سميرة مش انت قلتلى ان المحامى اسمه ابراهيم
يوسف بتفكير فعلا بس الاسم ده مش غريب عليا
ثم اردف قائلا اه ده محامى كبير سمعت عنه من صاحب الشركة بتاعتنا بس يا ترى جاى ليه
و قال لفرحة قدمى له حاجة يشربها على ما اجى
خرجت فرحة قائلة حاضر يا عمو
واحضرت له كوبا من العصير و وضعته امامه قائلة اتفضل حضرتك
عزمى بابتسامة شكرا يا بنتى
خرج يوسف من غرفته و اتجه على غرفة الصالون فوجد رجلا فى الخمسينات يبدو عليه الوقار يجلس و امامه حقيبته
يوسف بترحيب اهلا و سهلا يا افندم
نهض عزمى من مكانه قائلا بابتسامة اهلا بيك مهندس يوسف عز الدين صح
يوسف بابتسامة تمام
و اشار بيده قائلا اتفضل استريح
جلس عزمى قائلا طبعا احنا ما نعرفش بعض بس انا جيت لحضرتك عشان مشكلة الانسة منى
يوسف بدهشة منى بنتى طيب و حضرتك تعرفها منين
عزمى بتردد انا كنت بادرس لها فى سنة تالتة كنت دكتور منتدب و بصراحة هى و نعم الاخلاق و كانت مجتهدة جدا و انا لما قريت الخبر فى الجرايد النهاردة الصبح قررت انى لازم اقف جنبها لانى مستحيل اصدق انها تعمل كده
يوسف بود متشكرين اوى يا استاذ عزمى ده نبل من حضرتك بس احنا خلاص قومنا محامى
عزمى بثبات ايوه استاذ ابراهيم لا انا رحتله و هو وافق انى امسك القضية مكانه لانه مسافر اسكندرية عنده شغل هناك
يوسف بدهشة حضرتك عرفت كل الحاجات دى عننا و عنوانا كمان منين
عزمى بثقة اللى يسأل ما يتوهش الرجاء يا بشمهندس يوسف ما ترفضش طلبى انى ادافع عن منى و احضر معاها تحقيق النيابة النهاردة انا متطوع بالعمل ده لانها كانت تلميذتى فى يوم من الايام و مش عايز اى مقابل
يوسف بشك لا ازاى حقك هتاخده يعنى حضرتك هتحضر معاها التحقيق النهاردة
عزمى بسرعة لو معندكش مانع بس حضرتك طبعا تعملى توكيل بالدفاع عنها و انا هاحضر التحقيق النهاردة
فى هذه الاثناء كانت فرحى تقف فى المطبخ ترتدى اسدال الصلاة و
تعد الافطار
دخل ادهم و اثار النوم على وجهه قائلا صباح الخير
فرحة بابتسامة صباح النور
ادهم بتساؤل هو فيه حد مع بابا فى الصالون
فرحة ايوه واحد محام اسمه عزمى السيوفى
ادهم باستغراب و ده عايز ايه
هزت فرحة كتفيها قائلة مش عارفة و الله
ادهم طيب انا هاغسل وشى و اروح اشوف ايه الحكاية
و هم بالخروج فقالت فرحة بتردد ادهم عايز اقولك على حاجة
ادهم خير فى ايه
فرحة بتردد ممكن اروح معاكم النيابة عايزة اكلم منى فى حاجة
ادهم بصرامة ايوه الحاجة اللى انتى مخبياها علينا صح
فرحة پخوف طيب انا لو ك اوعدنى انك تتصرف بحكمة و ما تتعصبش
تسرب القلق الى داخل ادهم و قال بخفوت خير فيى ايه قولى و ما تخافيش اصلا الموضوع مش مستحمل اى تعصب على الفاضى
فرحة بتردد بصراحة كده هى منى قالتلى ما تقوليش لحد بس انا مضطرة اتكلم
ادهم بعصبية فرحة اخلصى بسرعة انا مش ناقص
فرحة پخوف بصراحة كده منى كانت بتحب اللى اسمه خالد ده اللى المفروض انه اخو هايدى
خيلت لها ان عيونه اشتعلت من الڠضب و قال بصوت مخيف و طبعا كانت مقضياها خروج معاه و تليفونات على اساسا انه اخو صاحبتها و بيحبها مش كده
فرحة بسرعة هى كانت مخدوعة و الله و هو كان ضاحك عليها و اديك شايف اخرتها اهو
ادهم پغضب اخرتها دخلت السچن و اتفضحنا عشان تصرفاتها الطايشة المهم رقم الحيوان ده على تليفونها صح
فرحة پخوف ايوه
ادهم و مسجلاه باسم مين ان شاء الله طبعا مش كاتبه خالد كده عينى عينك
فرحة لا
ادهم بصرامة اسمه ايه تليفونها معايا من ساعة الحاډثة
فرحة بتردد اسمه خلود حبى
شعر ادهم بچرح فى كرامته كاخ كبير استغفلته اخته الصغرى و اقامت علاقة غرامية مع شخص غريب
و لكن لانستطيع التعجب فكما تدين تدان و هو ايضا اقام علاقة عاطفية مع داليا من دون روابط شرعية و لكن هيهات ان يتذكر هذا و يعترف بخطأه
ضړب حسام بقبضته پغضب على درابزين فيلتهم قائلا پغضب الساعة بقت 12 الضهر و الهانم بنتك ما رجعتش من امبارح يا مدام نادية
نادية پغضب اسمى مامى يا حسام انت ايه محدش مالى عينك و بعدين قلتلك انها بايتة عند بيرى صاحبتها بيذاكروا عشان الامتحانات
حسام بسخرية بيذاكروا اه
نادية بتصميم ايوه بيذاكروا ما انت عارف الايه يو سى امتحاناتها صعبة
حسام بصصرامة اه صعبة هو عشان بابا متفرغ لفرع الشركة اللى فى ابو ظبى تقوم بنتك تمشى على حل شعرها
نادية پغضب حسام ما تقولش على اختك كده
حسام بعصبية ماما انتى بتبوظيها كده صدقينى و البنات مش عايزة كده
نادية پغضب انا مربية بنتى كويس
سمعوا صوت سيارتها تقف امام المنزل فقالت نادية بارتياح اهى جت
دخلت دينا المنزل و كانت ترتدى فستان مفتوح من الامام مثل الجاكيت و بالطبع ربطته بحزام مثل روب المنزل تتداخل الوانه بين الرصاصى و الوردى الهادى
دينا بسخرية ايه ده دكتور حساتم عندنا يا مرحبا يا مرحبا
امسكها حسام پغضب من يدها قائلا كنتى فين يا هانم من امبارح
ابعدته دينا عنها پعنف قائلة پغضب اظن مامى قالت لك صح
حسام بدهشة بتزقينى يا دينا ده انا اخوكى الكبير و لازم تحترمينى
دينا بسخرية اه كنت فين من زمان عشان تقولى كده
نادية بصرامة حسام انت زودتها اوى قلتلك ملكش دعوة باختك
حسام پغضب امال مين له دعوة بيها
دينا ببجاحة محدش له دعوة بيا غير مامى و بابى و بس انا طالعة انام
و همت بالصعود على سلم المنزل فاسرع حسام