رواية هبة البارت الرابع وثلاثون

ذى قبل كأنها باتت تشعر بما يحدث حولها وأنه أصاب أبيها خطب ما
فحاولت حياء أن تجعلها تكف عن البكاء فقالت برجاء 
سيجو حبيبة ماما إهدى وبطلى عياط يا روحى والله بابى هيرجع قريب صدقينى تعالى ننزل تحت وشوفى الخيل بتاع جدو ماشى
بسماع سجود عرض حياء كفت عن البكاء وهمهمت بصوت متحشرج من أثر نحيبها 
ماشى بس أتصلى على بابى خليه ييجى علشان هو وحشنى وعايزة أشوفه
حركت حياء رأسها بالإيجاب وهى تتمنى لو كان بإمكانها أن تعيد إليها أبيها فحملت الصغيرة وخرجت من الغرفة وهبطت الدرج الرخامى حتى وصلت للحديقة ومنها لحظيرة الخيول فهى لا تملك طريقة أخرى لصرف سجود عن التفكير بأبيها
رآت حياء رياض يخرج إليهما وسط جمع من رجاله فعند إقترابه أشار لأحد الحراس بأخذ سجود لتمتطى جواد صغير مع تشديده لأوامره بأن يحرص على سلامتها
تعالى أقعدى يا حياء
قال رياض وهو يشير للمكان الذى إعتاد الجلوس به لمراقبة خيوله المفضلة ويمكنهما من رؤية سجود التى سرعان ما أبتهجت بإمتطاء جواد صغير يسير بهوادة وسط تلك المساحة الخضراء الكبيرة المخصصة لهم بالركض والعدو فيها
بعد أن أخذت مكانها بجانب والد زوجها نظرت إليه قائلة بأمل 
هو لسه مفيش أخبار عن موضوع راسل
إبتسم لها رياض وقال بهدوء لا يخلو من شعوره الطاغى بالسعادة 
لاء فيه وعمران لقى الدليل على براءة راسل وزمان عمران جاى دلوقتى بالفيديو اللى هيظهر براءة راسل ويدين الدكتور ده اللى إسمه نادر لأنه هو وأخوه اللى دبروا الموضوع لراسل من أول موضوع الفيديو بتاع البنت اللى أدعت أنه كان بيحاول يعتدى عليها
بسماعها إسم نادر وضعت حياء يدها على فمها وهى تشهق بصوت منخفض فذاك الوغد هو من فعل كل هذا بزوجها فتفكيرها البرئ صور لها أن بعد كشفه أمام ميس سيبتعد عن طريقهما ولن يروه ثانية
الحيوان هو اللى عمل كده فى راسل وتفتكر يا عمى هو اللى عمل فيا كده ساعة ما دخلت الحمام واتنين اټهجموا عليا وخدرونى 
نطقت حياء بسؤالها وهى كأنها تنتظر منه إجابة على ما سألته فنقر بعصاه بتفكير فيما قالته فربما هى محقة بشأن ظنها فما حدث لها جاء بالتزامن مع ماحدث لراسل
فرد رياض قائلا بشئ من الحيرة 
ممكن ليه لاء لأن لما دورنا وملقناش حاجة كان زى ما اتلفقت التهمة ومعرفناش نلاقى دليل إلا لما عمران فكر يجيب البنت دى ويعرف مين اللى وراها
أنقطع حديثهما عندما شاهدا عمران وعاصم وميس يقتربون من مجلسهم فهبت حياء واقفة قائلة بلهفة 
ميس بجد لقيتوا دليل لبراءة راسل
هزت ميس رأسها وقالت بابتسامة صافية 
أيوة يا حياء وبكرة الصبح لما الفيديوهات دى تروح النيابة ويجيبوا الكلب اللى إسمه نادر ده وأخوه كل حاجة هتنكشف وراسل هيخرج بالسلامة إن شاء الله
من شدة سعادتها بما سمعته راحت تحتضن ميس بفرح مچنون فبالغد سيعود إليها زوجها ومعشوقها فياليت كان بالإمكان أن يعود الآن
تقدم عمران من رياض وناوله الهاتف 
ده التليفون اللى عليه كل الفيديوهات يا باشا يعنى المحامى ييجى بكرة والحاجات دى تتقدم لوكيل النيابة وكل شئ هينحل بإذن الله
شد رياض على يد عمران بإمتنان 
أنا مش عارف أشكرك إزاى يا عمران نظرتى فيك مخيبتش يا إبن الزناتى وطلعت راجل من ضهر راجل
تقدمت ميس من جدها وهى تقول بضيق متوارى خلف إبتسامتها 
متقلقش يا جدو أنا هشكره بالنيابة عنك