رواية دينا بارت 5

ثم ركضت من أمامه وهي تشعر بالجنون ووبخت نفسها بقوة ألم تأتي اليوم لرؤيته كيف إذا تهرب منه عندما حاول التقرب منها إنها غبية جدا فسمعت صوت كارمن يناديها حقا هذه المرة ووجدتها خلفها تقول لها 
إنت فين يا بنتي كنت بدور عليكي ثم ينفع تزعلي ماما كدا ..لما أبقي أجي عندك مش هبقي أكل 
فقالت مها بتوتر 
متكبريش الموضوع و..
فنظرت لها كارمن ووجدتها تبدو غير طبيعية فعرفت أن هناك خطب ما معها فقالت لها باهتمام 
مها فيه إيه ..إنت مش طبيعية ..في حاجة إنت مخبياها عني ..
فتنفست مها بعصبية وعرفت أنها لن تتمكن من خداع كارمن أكثر من هذا لذا دخلت معها غرفتها قائلة لها 
تعالي هقولك كل حاجة 
وأفضت لها بمكنونات قلبها كليا فشهقت كارمن بسعادة وقالت لها بحماس شديد
يخربيتك من ورايا !! أكيد بتهزري إزاي مكتشفتش دا قبل كدا ..
يوه بقا يا كارمن هقولك إيه يعني ..أنصحيني بقا أعمل إيه ..
فضحكت كارمن بحماس وقالت لها 
تعملي إيه !! يا بنتي سيبي الموضوع عليا وأنا هخلصلك فيه طبعا 
فقاطعتها مها قائلة 
بتهيئلي كدا إن هو كمان معجب بيا نظراته ليا وكمان لما حصلني وحاول يتكلم معايا بس أنا أتكسفت و..
شهقت كارمن قائلة 
يا إبن الإيه يا كريم أتاريه مكالش.. دا الواد طلع حبيب 
فضړبتها مها قائلة بغيظ 
بطلي بقا وبس متخلنيش أندم إني حكيتلك وخلينا في اللاف ستوري اللي إنت عايشاها مع المز بتاعك 
تغيرت ملامح كارمن فورا عند ذكر أمر صقر ودون أن تعي وجدت نفسها تقص كل شيء عن حقيقة زواجها بصقر وعن طبيعة علاقتها معه فنظرت لها مها بذهول فهي لم تكن تتخيل أن يكون الأمر بهذا الشكل مع صقر وصديقتها في الواقع لم تكن تعيش قصة حب خيالية كما توقعت فنظرت لها وقالت پألم 
طب وناوية تعملي معاه إيه بعد ما چرحك بالشكل دا ..وهيكون تصرفك إيه معاه لما ترجعي ..
فنظرت لها كارمن وتصنعت القوة قائلة لها 
ناوية ألعبه علي الشناكل مټخافيش عليا مهو هيسلم الراية البيضا يعني هيسلم 
فضحكت مها علي كلام كارمن وأحبت تحديها لصقر ولنفسها وتمنت حقا أن تنجح بالحصول علي قلبه فنهضت قائلة لكارمن 
أنا اتأخرت خالص ولازم أمشي دي ماما هتبهدلني 
فنهضت معها كارمن لتودعها علي باب الشقة لكن وهي تفعل نادت لكريم من الداخل قائلة له بخبث 
كريم معلش مها اتأخرت قوي ممكن توصلها ..
فوجدت نظرات مها تحذرها وكريم يقول فورا 
تمام مفيش مشكلة 
فاقتربت منه كارمن بشقاوة وقالت له وهي تربت علي كتفه 
خد بالك منها يا كيمو أصل مها رقيقة قوي وپتخاف من ..الضلمة 
فأغمضت مها عينيها بخجل يا ليتها لم تقل شيء لكارمن فلقد فضحتها ووجدت كريم ينظر لكارمن ويقول لها بسخرية 
مټخافيش عليها يا حنينة معاها سبع 
فضحكت كارمن بقوة بينما هو تبع مها التي سبقته وهي خجلة حد الجنون فقال لها وهو يتبعها علي الدرج 
هو إنت قولتي إيه لكارمن خلاها ترمي بالكلام علينا كدا ..
ودت لو تنشق الأرض وتبتلعها في هذه اللحظة تبا لكي يا كارمن فلقد فضحتها تماما فردت عليه بارتباك 
ما قلتش حاجة ..ما إنت عارف كارمن 
وخرجت للشارع تود لو تركض من أمامه لكن بدا أنه لن يستسلم فلقد سبقها وصار وجهه بوجهها وهو يمشي بالعكس قائلا لها بتصميم 
مهو عشان أنا عارف كارمن كويس سألتك السؤال دا 
فقالت وهي تشعر بخجل بلا حدود 
يعني هكون قلت إيه ..ثم إنت ماشي كدا ليه هتلفت النظر لينا ومنظري هيبقي وحش أرجوك إمشي 
فقال لها مبتسما دون أن يغير طريقته بالمشي 
مش هسيبك غير لما توصلي ثم مين يقدر يجيب سيرتك دا أنا أقطع له لسانه وقريب قوي هتعرفي ليه 
نظرت له بذهول هل يقصد أنه سيتقدم لخطبتها فارتبكت پجنون ووجدت نفسها تركض من أمامه قائلة 
أنا قربت أوصل فامشي بقا وشكرا علي التوصيله 
فضحك كريم وهي تبتعد عن مجال نظره وقال لنفسه وهو يتنهد 
ماشي يا مها أجري براحتك بكرة مش هتعرفي تهربي مني 
فتلك الفتاة أقلقت مضجعه فلم يكن يتخيل أن يشتاق لرؤيتها لهذا الحد وعندما وجدها تصل لزيارة كارمن اليوم شعربشعور غير عادي فلقد خطفت هذه الفتاة قلبه كليا وكان يريد أن يفاتحها اليوم بأنه يريد التقدم لخطبتها ليعرف رأيها لكنها لم تعطه الفرصة لذلك فهي ترتبك وتتوتر ما أن تراه ولقد تأكد اليوم أنها تبادله المشاعر فتصرفات كارمن الغريبة اليوم تؤكد تكهناته فابتسم وعاد للمنزل وهو يدندن بسعادة .
في اليوم التالي 
بلعت مها ريقها بصعوبة وقالت لكارمن باحراج 
هو قالك ..
كان انفعال وقد اتصلت بكارمن منذ ساعة قائلة لها أنها تريد التحدث معها ضروري وقد أدركت كارمن لما تريدها وعندما وصلت لمنزل مها كانت صديقتها في حالة غريبة جدا فردت عليها كارمن قائلة وهي تضحك پجنون 
بس بس نفسى تشوفى منظرك وإنت عاملالى فيها خجولة إيه يا مها أنا كوكى صاحبتك حبيبتك مفيش داعي لكل التوتر دا قدامي وبعدين هو كلمنى النهاردة بعد ما كلمك علي التليفون وقالى انه اتواصل معاكي و إنه هيتقدملك رسمى الشهر الجاى عشان جاتله سفرية على فجأة تبع الشغل وهيسافر النهاردة بليل.. بس مقاليش قالك إيه
فشعرت مها بالخجل الشديد وربطت كارمن على كتفها وهى تكاد ټموت من الضحك على رد فعلها وخجلها فقالت لها مها وهي تتذكر رؤيتها لرقم كريم علي شاشة هاتفها بشكل جعلها تتوتر كليا وكأنه يقف قبالتها وردت وهي ترتعش ثم قالت لكارمن 
هو أنا لقيته اتصل عليا وكنت متوترة لما شفت اسمه على موبيلى فرديت عليه وأنا بمۏت فقالى من غير تفاهم مها أنا عاوز أرتبط بيكى إنت موافقة يا ريت تدي خبر لأهلك إني هاجي أزوركوا خلال فترة قريبة عشان بس عندي سفرية شغل مفاجأة 
فقهقهت كارمن بقوة بينما أكملت مها وهى تلكزها على كتفها وتقول لها بحنق شديد 
أخوكى دة مش رومانسى خالص فى حد يتصل بحد ويبدأ كلامه بجملته دى طب كان قالي مها أنا بحبك طيب 
فردت كارمن عليها وهى مېتة فعليا من الضحك على رد كريم 
والله كريم دا فظيع ..طب وإنت قلتيله إيه يا مضړوبة
فقالت مها وعدوي الضحك تتملكها هي الأخرى 
فضلت ساكتة شوية كدا متوترة ..وبعدها قلتله أنا..بص....طيب أبقي كلم بابا 
هههه يعنى موافقة موافقة عريس يا بوى
بس بقى يا كارمن أنا لسة مكسوفة من اللى حصل
لقد حولت كارمن الأمر لكوميديا فهي بالرغم من سعادتها أرادت أعتراف رومانسي علي الاقل لكن لا بأس ستنتظر بصبر حتى ينتهي من تلك السفرية اللعېنة التي قطعت علاقتهم ولتنتظر اعترافه الخرافي .
مرت عدة أيام أخرى