رواية داليا من 17 للاخير

اقول حاجه لداليا.
علاء خالد مش وقته.
خالد على السريع أهو..واخد داليا على جنب وقال لها مبروك لأحلى عروسه في الدنيا.. واشكرك إنك حققت لي أمنيتي في الحياه دي.. وأوعدك عمري ما هخليك ټندمي على اختيارك لي.. ولا عمر حبي لك حيجف ولا يتأثر بعوامل الدنيا.
داليا بكسوف... ايه ده .. أنت بقيت شاعر .
خالد لا بتكلم من قلبي .. وفرحتي هي اللي زقتني.
داليا ربنا يفرحك علطول.
خالد طول ما أنت معايا.. حابب أتصرف تصرف يزود ثقتك في ويؤكد لك حبي ووعدي لك يا داليا.. اتفاق .. يا ريت تخليه بينا .. ولا حتى تعرفيه لوالدتك.
داليا استغربت ايه .. أيه اللي عاوزني اعمله
خالد كل مليم يدخل لي من وقتنا هذا هحوشه معاك أنت .. إنت حتكوني صاحبة الميزانية .. ونقعد ننظمها مع بعض.. ويا ريت تقدري تخلينا نتجوز اسرع مما قررت.
داليا دي ثقة كبيرة يا خالد .. بس أنا أخاف اشيل معايا في البيت مبالغ كبيرة ومن غير أما اعرف حد بيها كمان.
خالد أرجوكي يا داليا.. ده جزء من شهادة الضمان اللي بحاول أثبت لك بيها إني اتغيرت .. ودي بيني وبينك أنت مش حد تاني.. المهم عندي إنك تصدقيني تثقي في.
داليا حاضر يا خالد
خالد ومن اليوم خلاص بطلت اشتري لنفسي أي شئ.. لغاية أما ييجي موعد الزفاف ..
داليا مش للدرجه دي.
خالد لا للدرجه دي وأكتر .. حتى الشراب مش شاريه.
داليا ضحكت وقالت له بالتوفيق.
علاء يا أخ خالد.. مش يلا بينا بقى .. في شغل عندنا بكرة الصبح إن شاء الله.
خالد آه حاضر.. يلا السلام عليكم ورحمه الله وبركاته.
رد الكل وعليكم السلام ورحمة الله وبركاته.
روح خالد ودخل الكرفان بس هيهات إنه ينام.. عقله وقلبه دخلوا مود تاني خالص.. وعمال يرتب في الأحداث ويعد في الأيام.
داليا من الفرحة بكل حاجه مكنتش قادرة تستوعب.. حب خالد ليها.. وثقته فيها.. ومشاعره.. واعترافاته.. وذوقه...والخ كل ده ملخبطها.. اتصلت بصحبتها أميرة وحكت لها المفاجأه اللي هي كمان مكنتش متوقعاها.
باركت لها أميرة وقالت لها أدامنا أسبوع ترتيبات حافل للاستعداد لزيارة أهل خالد وشهر استعدادات لكتب الكتاب ... لازم ندور على الفستان ...الكوافير.. المكياج .. تسريحه الشعر... القاعه.... ياه يارب الوقت يكفي يا داليا.. حاجات كتير عاوزة ترتيب .
داليا كل ده مش هاممني الوقتي مش عارفه ليه مكنتش فاهماه صح.. لولا إنه اعترف لي مكنش هعرف كل ده عنه.
أميرة علشان أنت لسه عبيطة.. وأنا قلت لك كده كتير.
داليا بلاش تهريج يا أميرة .. أنا حسيت بيه آه .. بس عمر ما حد هيعرف كل التفاصيل دي من بعيد لبعيد .. عنده قدرة هائلة على تغليف مشاعرة وأظهار عكس اللي جواه.
أميرة بس أنت قدرتك أقوى.. خرجتيه عن شعوره.. ودهولتيه على عينه.. وخلتيه ينطق أهوه.
داليا والله ما عملت حاجه.. أنا كنت على طبيعتي بس.
أميرة ما هي دي المصېبة.. طبيعتك دي.... ربنا يتمم لك على خير.. يلا روحي نامي بقى .. عندك شغل وبكرة إن شاء الله نرتب كل حاجه.
داليا إن شاء الله .. تصبحي على خير.
تاني يوم انتشر خبر ارتباط داليا وخالد في الموقع.. الكل مكنش مصدق ارتباط خالد بأي حد.. وفي نفس الوقت معظمهم كان خاېف على داليا وقعدوا يوصوه عليها... باركوا لهم وعملوا لهم حفله كبيرة.. وداليا مروحه آخر اليوم أداها ظرف.. قالها خلي ده معاك زي ما اتفقنا وسجليه.
داليا ايه ده
خالد مرتب الشهر ده..
داليا ومصاريفك مش حتاخد أي حاجه
خالد لا معايا بواقي فلوس من الشهر اللي فات كفايه.. المهم خليهم معاك علشان التزاماتنا بعد كده إن شاء الله.
داليا حاضر.
روحت داليا.. وخصصت مكان لفلوس خالد في حجرتها وعملت كشف بالوارد والخارج.
ومر الأسبوع بسرعة ووصل خالد وأهله في قعدة التعارف.. مرت على خير الحمد لله والكل كان مبسوط اكدوا على كل الاتفاقات بين خالد والأب واللي منها يوم كتب الكتاب أهل خالد كانوا فرحانين بالعروسة وإن أخيرا ربنا هداه و كان كل يوم كتب الكتاب ما يقرب خالد يقلق من المسؤوليه.. وداليا تخاف من الارتباط.
نزلت الأم مع داليا وخالد يشتروا الشبكه.. طلبت الأم من داليا شبكة تقليدية .. دهب يعني وقالت لها كفاية الدبلة والمحبس ألماس خلي دهب معاها.. اختارت داليا طقم كارتييه رقيق عجبها وخالد اشتراه لها وأداه لها تشيله معاها في المخبأ بتاعهم لغاية يوم الخطوبة و كتب الكتاب.
روحت داليا بدري يومها وكذلك خالد رجع الموقع لأن عنده شغل بدري.. اتصلت داليا بأميرة تيجي تتفرج على شبكتها.. عجبت أميرة شبكة داليا جدا ورقتها وباركت لها .. بس استغربت إن عريس يشيل الشبكة مع عروسته قبل حتى الخطوبة.
داليا هو بيحاول يا أميرة يثبت لي إنه غير.. ويخليني أثق فيه.. وإنه مش بيلعب بيا.. ده كل ما في الأمر.
أميرة ربنا يهديه لك .. ويتمم لكم على خير إن شاء الله.
داليا يا رب يا أميرة
يوم كتب الكتاب
مر الشهر بسرعة بطريقة غريبة.. وكل يوم داليا وأميرة ينزلوا بعد الشغل يلفوا ويشوفوا ناقصهم إيه للحفلة....أميرة أعملي حسابك إنه وقت الجواز إن شاء الله لازم لك شهر أجازة قبل موعد الزفاف ..مينفعش الهدة اللي إنت هداها لي دي معاك.. وهده نفسك.. بجد كده كتير عليك..
داليا إن شاء الله.. ربنا يعدي اليوم ده بس الأول على خير وبعدين نفكر في الزفاف.
أميرة إن شاء الله خير.
طلب خالد قبل يوم كتب الكتاب من والد داليا إنه يقوم هو شخصيا بسواقه عربية الزفه.
استغرب والد داليا لطلبه وقال له أولا إنت مش من البلد هنا.. حتعرف تسوف في الشوارع اللي متعرفهاش إزاي.. ثانيأ أنت عريس.. اتفرغ لعروستك اللي جنبك.. مش للسواقه .. ثالثا وده الأهم إن العريس لما يسوق بيكون يوم الزفاف مش كتب الكتاب
خالد معلش يا عمي خدني على اد عقلي.. حابب إني أخرج مع داليا بعد الحفلة ده بعد إذنك فهسوق أنا معلش.. وبعدين داليا معايا حتوصف لي الطريق.
الأب أنت علطول كده طلباتك غريبة.
خالد ما غريب إلا الشيطان.. وافق بقى يا عمي
الأب دي حاجه ترجع لك .. براحتك.
خالد اشكرك يا أحلى عم في الدنيا.
اختارت داليا فستان فضي غامق ومكياج دخاني رماديات في أسود وفضي ولأول مرة في حياتها تصبغ شعرها بدرجات الأحمر رفعت جوانب شعرها بس و كان شكلها بجد مختلف تماما.. مع بعض رطوش الفرحه الموجودة على وشها..
أما خالد فاختار بدلة سوده وقميص أبيض وكرافت رمادي.
وجت اللحظة اللي كان منتظرها خالد بفارغ الصبر.. إنه يروح ياخد داليا من عند الكوافير للباخرة اللي عاملين فيها الخطوبة.. ويكتب كتابه عليها.. كان نفسه اللحظة دي تيجي بسرعه.. نفسه إن داليا تكون مراته..صحيح لسه آخر خطوة... بس خلاص هانت.
دخل خالد للكوافير أول ما لفت داليا ليه مكنش مصدق نفسه.. أخيرا داليا حتكون بتاعته..حيقدر يتصرف معاها براحته.. حمد ربنا كتير على نعمه عليه.. وراح ناحيه داليا وباسها في شعرها ومسك إيدها وراح للعربية.
ساق خالد العربية زي ما كان حابب ووصلوا مكان الحفلة اللي فعلأ كانت أكتر من رائعه كلها شباب .. أصحاب خالد من الموقع كلهم جم يهيصوا له ويحتفلوا بيه.. وبنهاية عذوبته .. وكل أهل داليا فرحانين لها قوي وأميرة واقفه معاها علطول مسابتهاش لحظة واحدة.
وجت لحظة إن خالد يلبس الشبكة لداليا.. اتلبخ خالد خالص مش عارف يلبسها إزاي.. وطي على ودن داليا وقال لها بضحك داليا اعذريني مليش إني ألبس خالص لي بس إني أقلع.
داليا برقت له خالد مش وقته خالص الكلام ده .
جت والدتها تساعده إنه يلبس بنتها الشبكه.. بعد تلبيس الشبكة مسكت داليا المايك وقالت أمام كل الموجودين أعذرني يا خالد.. مش بعرف أعبر كويس وبتحرج أتكلم بس يا ريت تفهم رسالة قلبي لك من غير ما أتكلم .. وحابة أشكرك بجد على هديتك الجميلة لي دي .. ووجودك في حياتي..
خالد فوجئ بكلام داليا ده اللي قالته له أمام الناس وزي ما يكون الشعلة اللي اشعلت الفتيل.. فأخد منها المايك وقال لها أنا بقى أخيب منك في التعبير عن مشاعري.. بس برده هعبر.
خالد داليا... أشكرك بجد من جوه قلبي... لأنك قدمت لي أجمل وأحلى هدية... مش لازم تكون هديتك اللي أقصدها مادية.. في كتير هدايا عبارة عن أحاسيس ومواقف ودي في نظري أحلى وأجمل هدية.
قعد خالد جنب داليا في الكوشة وقرب منها وقال تسمحي لي اشرح لك هداياك لي.
داليا يا ريت اتفضل وكانت أميرة جنبهم وسامعه كل حاجه.
خالدأول هدية قدمتيها لي هي هدية إحساسي بك.. وإحساسي بحبك.. وأعترف إن دي أول هديه اخدها من حد وفعلا أحس بيها للدرجة دي.. أشكرك بجرد إنك حركتي جوايا مشاعري بالشكل ده.. وخلتيني أحس إني بني آدم عنده مشاعر من تاني .. يقدر يحب ويتحب....حركتيها جوايا لدرجة إنك وصلتيها لمرحلة البركان اللي ثار علي أنا نفسي.. صحبه .. وفاض وغرق الدنيا.. بجد كان وحشني أحس الإحساس ده من زمان .. أشكرك على هديتك الأولى لي..
داليا والتانية.
خالد قال نفسك تعرفيها..
داليا يا ريت....
خالد الهدية التانية هي ......
داليا إييييييييه.. الهدية التانية
خالد الهدية التانية هي وجودك في حياتي .. ودي حاجه مهما وصفتها مفيش عرفان بالجميل يقدر يوفيها قدرها.. أنا بجد مديون لك لأنك موجودة في حياتي.. ... ودي برده أعتبرها من أجمل الهدايا اللي قدمتيها لي كداليا.
داليا كانت طايرة من السعادة بكلام خالد ده ليها.
خالد قال وعدت وعاهدت نفسي إني لازم أقولك يا داليا وأعبر لك عن إمتناني لقبولك اقټحامي لحياتك في وقت قصير وقبولك لي.. وأديني أهو يا داليا بنفذ عهدي .. ووعدي وربنا يقدرني واثبت لك أدام الناس دول كلهم أد إيه أنت غاليه عليا.
حست داليا إنها فعلا طايره من السعادة إن كل الكلام ده موجه ليها من خطيبها خالد وامام كل البشر دول .. وكان جواها إحساس قوي إنها ترمي نفسها في حضنه ونفس الوقت عارفه إنها مش حتقدر تنفذ كده فاكتفت بأنها غمضت عينها وتخيلت الموقف ده في ذهنها.
هنا خالد كمل أما هديتك التالتة لي فكانت......
داليا كمان هديه تالته..
ضحك خالد وقال طبعا..هديتك التالته لي كانت أنه عمري ما كنت اتخيل ولا اتصور إنه يحصل تولد مشاعر بيني وبين أي حد في الدنيا دي.. والحمد لله حصل .. حصل بيني وبينك .. وده كان أجمل هدية قدمتيها لي برده.. كوني أحس إن قلبي بينبض بحبك ده كان شئ جديد وغريب علي .. بجد المرة دي قلبي هو اللي بيشكرك لأنك أخيرا حركتية بعد
مرحلة ثبات عميق.
خالد أما هديتك الرابعة فهي موقف .. ما المواقف برده ممكن تكون هدايا... وعمري في حياتي ما هنسى لك الموقف ده معايا.. إنك وافقت علي بكل عيوبي .. وبادلتيني شعوري على الرغم من إنك مش بتصرحي.... بس صدقيني .. حاسس بكل دقه قلب جواك.. قلبي شاطر ترجم لي معنى كل رساله ودقه من قلبك ليه.. فشكرا بجد على كل كلمة حب ومشاعر بعتيها لي من خلال دقات قلبك.. وشكرا لك بجد يا داليا إنك متواجدة في حياتي.. لأنك بجد عدلتيها وشدتيني لطريق كان نفسي أمشي فيه.. معظم هداياك لي كانت تلقائية عن غير قصد...... بس أقسم بالله.. والله كانت أجمل وأقيم وأحلى هدية واسمحي لي أغني لك الأغنية دي يمكن صوتي ميكونش حلو قوي بس كل كلمة فيها من قلبي لقلبك.
كل اللي في القاعه هتفوا لخالد وطلعوا معاه يشجعوه على المسرح ويسقفوا ويرقصوه والكل بما فيهم داليا مستني يشوف الأغنية اللي حيغنيها خالد لداليا في يوم خطوبتهم وكتب كتابهم.
توجه خالد لمكان الفرقة ووشوشهم علشان يعزفوا اللحن بدأت الموسيقى.. الكل هيص أول ما سمعوا أول دخلة الأغنية وصرخوا آه يا واد يا خلود يا جبار أنت.
وبدأ خالد يغني تعالى أشبعك حب أشبعك غرام.. تعال يا ابن الحلال تعال تعال تعال..
وأول لما خالد بدأ يغني كلمات الأغنية واشتغلت الموسيقى الكل هاج وماج وطلعوا يرقصوا واندمجوا بشكل كبير مع الايقاع لغاية لما خالد وصل للكوبليه اللي بيغني فيه أريد أحضنك حضڼ ما هو اڼتقام..احسسك بالغرام.. واسمعك أحلى كلام.. تعال .. تعال .. تعال. هنا قرب خالد من داليا وفجأه حضنها حضڼ كان حيكسر ضلوعها فيه والكل حواليهم بيصفر ويسقف.. وشالها وهو حاضنها وقعد يلف بيها... متوقعتش داليا إنه يعمل كده معاها قدام كل البشر ده.. هو اكد لها كتير إنه هيسيطر على نفسه مش كده خالص.. ونزلها على الأرض بشويش وهو مش راضي يفك إيده من حواليها وقال لها .. سامحيني.. مش قادر امنع نفسي عن حضنك أكتر من كده.. حاولت داليا تخرج نفسها من بين إيده مش عارفه واتحرجت ومبقتش عارفه تتصرف إزاي.. وسألت نفسها أمال ده هيصمد إزاي لغاية يوم الفرحو سألها خالد يا ترى حسيت من حضڼي ده بالغرام ما اخدش باله خالص إن صوته طالع في المايك لكل الناس... اتحرجت داليا خالص وخلصها من الموقف ده وإحراجها صحبتها أميرة لما ندهت على خالد بصوت عالي يا خالد .. تعالى المأذون وصل ومستنيك.. هنا بس فاق خالد وساب حضڼ داليا ونزل جري على مكان المأذون وكان متلهف إنه يمضي عقد الزواج بأي طريقه.
في الوقت ده الأب بيوجه كلامه لوالده داليا شفتي عمايل خطيب بنتك الڤضيحه دي.. فضحنا ادام الناس.. ومش راضي يلم نفسه ولا عامل اعتبار لينا.
الأم يا راجل حرام عليك.. حد يزعل إن في حد بيحب بنته بالشكل ده.. يا ريتك كنت عملت معايا ربع اللي بيعمله ده.
الأب تقصدي ايه يعني
الأم مقدصش.. كلها دقيقة ويبقة جوزها .. سيبهم يفرحوا وسيبك من الشكليات دي..
الأب لولا الملامة كنت لغيت الجوازة دي بجد
الأم.. حرام عليك ليه كده .. مش بينفذ لك كل طلباتك وصاين بنتك .. عاوز منه ايه تاني.. سيبه يحبها ويفرح في يوم فرحه.. بلاش تكبت فرحته ببنتك.
الأب ربنا يقدم اللي فيه الخير.. ويعدي الليلة دي على خير إن شاء الله.
في الوقت ده شكرت داليا أميرة صحبتها إنها خرجتها من الموقف المحرج اللي كانت فيه من شويه وقالت لها بجد شويه وكنت حاسه إن حيحصل لي حاجه من الكسوف.
أميرة كسوف مين .. ده أنت أكيد زعلانه مني إني خرجتك من حضنه.
داليا يا شيخه حرام عليك
أميرة سيبك أنت .. بس أنت مقلتيش لي إنه غرقان لشوشته بالمنظر ده.
داليا صدقيني ولا أنا كنت أعرف.. أنا فوجئت زيك بالضبط.
أميرة صونيه جوه قلبك .. متفرطيش في حد يحبك بالشكل ده .. وربنا يحفظكم من عين الناس ومن عيني أنا كمان .. ويتمم لكم على خير يا رب
داليا يا رب يا أميرة.
في اللحظة دي خالد بيجعر بصوت عالي يا جماعة الخير ... هو أنا حقعد لوحدي هنا كتير.. حتجوز نفسي ولا ايه.. فين العروسة ووكيل العروسة والشهود.
الأب الواد ده متسربع على أيه كده.. اللي يشوفه كده يقول مروح بيها بعد كده على البيت.
ضحكت الام ومعلقتش.... 
جت اللحظة الحاسمه.. لحظة إن خالد يوقع عقد الزواج.. ايده اترعشت لأنها مسؤولية خاېف منها.. جواز وزوجه وأسرة وممكن بعد كده أولاد.. كل ده مر بذهنه للحظة وخاف.. بس مضى وكان وشه اللي يبص عليه يلاقيه اد ايه مخضوض.
ووقع والد داليا وداليا والشهود وهنا صړخ خالد من الفرحة وسحب أصحابه المنديل الأبيض الحرير الي بيحطه المأذون على أيد العريس والوكيل كفال حلو للزواج.
وبدأت الحفلة من أول وجديد والرقص والغناء.
خالد مسك المايك وطلب من داليا إنها تغني له أغنيه.
داليا مسكت منه المايك وهي بتقول لك إنت عارف كويس إني بتحرج .. وصعب أغني أدام كل البشر دول.
خالد طب لو شهدتهم عليك.. وقلت لك علشان خطړي.. تكسري بخاطري أدامهم كده يا داليا.. طيب حتى كوبليه واحد حتسعديني بيه.
كل الناس هاصت وندهت باسم داليا ..داليا.. داليا
جت أميرة وشوشتها وقالت لها عيب عليك كل اللي عامله لك ده وانت مستخسرة تغني كوبليه واحد .. انطقي بقى.. عيب عليك
داليا أخدت المايك من خالد وقالت طيب كوبليه واحد بس.
خالد أي حاجه تطلع منك قابلها.
فكرت داليا شويه وبعدين بدأت تغني بتوصفني .. بتكسفني .. تقول مالك أرد مفيش.. ورغم كسوفي صعب أقول متوصفنيش.. حلمت تشوفني بالطرحة ولون قلبي على الفستان بجد حموت من الفرحة طب احكي كمان .. عن الأيام وعن بكرة وعن كل اللي بحلم بيه ..وبيت فوق السحاب بنبنيه ونسكن فيه.. تقول لي الليل على شعري بقى بينام..... كلام مسمعتهوش عمري ولا في دنيا ولا في أحلام ....وصوتي بتسمعه غنوة عيوني بسحرها قتلاك ....وأنا لو حلوة ...حلوة علشان وياك.
وهنا قرب خالد منها بهدوء على المسرح وهو باصص لها واخد منها المايك وقال لها ألف مبروك يا عيون وقلب وروح خالد.. وحضنها حضڼ كبير ډفنها بيه جواه وهو ډافن وشه في شعرها.
ودي بقى مش آخر الحكاية.. دي بدايتها...