رواية داليا من 17 للاخير

أنا اللي أثرت في واحد زيك وزي ما بتحكي عن تجاربك بعبلي زي ما قلت من شويه.
خالد بنقائك.. وطهارتك .. ورقتك .. ومشاعرك.. وكلك على بعضك كده بجد أثرت في.. حركت لوح الثلج اللي كان مغلف قلبي وسيحتيه... رجعتي لي خالد القديم بتاع زمان.. خلتيه يحس يعني إيه حب واللي نفسه بجد يحسه منك إنه يتحب.... عاوز شعور الأمان معاك وفي حضنك .... صدقيني لو قلت لك إني بجد محتاج لك.. وصدقيني لو قلت لك .. إني بجد بخاف عليك مني... داليا أنا مكتف نفسي عنك بكل ما تحمله الكلمه دي من معنى.. بجد مش حابب أخليك تشوفي مني أي حاجه أتعودت أعملها مع أي واحدة تانيه غيرك.. ودي لو تفهمي حاجه صعبه جدا كانت علي.. لأني لازم أحافظ عليك وأخاف عليك أكتر من نفسي.....داليا أنا محرم على نفسي أبص لك حتى من وراك.. محرم على نفسي افكر فيك لحسن أحلم بيك قبل ما ارتبط بيك.. محرم على نفسي حتى المسک.. ومتعرفيش بيجرى لي ايه لما اضطريت اشيلك او اسندك في الايام اللي فاتت وحاجات تانيه كتير كتير عاوز أقولها لك بس وضعنا اليوم ميسمحش أعرفها لك.
داليا أد ايه اسعدتني ثقتك دي فيه.. وأد ايه فرحنى جدا رأيك في.. ويا رب أقدر أكون زي اللي أنت عاوزه مني.
خالد طلبي منك يا داليا لو سمحت إنك توافقي وتدعمي رأيي في حاجه.
داليا خير لو أقدر حنفذ.
خالد زي ما أنا وضحت لك ولوالدك الوقتي أدامي حوالي 6 شهور علشان نقدر نتجوز أرجوكي وافقي إننا نكتب الكتاب... حرام تسيبيني اتعذب في القيود اللي فارضها على نفسي معاك.. 
داليا وكتب الكتاب حيفرق معاك إزاي
خالد أقله حقدر اعبر لك عن حبي ومشاعري من غير قيود.. مش حستحرم أوجه لك أي تعليق من أي نوع لأنك حتكوني مراتي شرعا.. حقدر امسك ايدك براحتي... حقدر أعمل حاجات لا يمكن اسمح لنفسي أعملها معاك على الرغم إن كتير ناس بيعملوها عادي فترة الخطوبة..بس أنا مانعها.. عاوزة أثبت لك وأثبت لنفسي إني بجد اتغيرت.. وإن كل حاجه في اتبدلت .. وبخاف عليك أكتر ما بخاف من نفسي.. وأهم حاجه إني مش داخل ألعب ببنات الناس كم شهر لغاية ما يخلص المشروع وأجري.
هاه ...... قلتي ايه في الموضوع ده.
مأنكرتش داليا إن فعلا كلام خالد أثر فيها بجد.. ولو إنها كانت موافقه بدرجه 70 بالأول بعد ثقته فيها واعترافه ليها بالشكل ده وافقت بدرجه 120 وقالت له موافقة ويا رب يقدرني أكون زي ما أنت متوقع مني.
خالد ده شئ أكيد... اسأليني أنا في ده... خبرة
داليا عندي منك رجاء لو سمحت.
خالد اتفضلي 
داليا مش سهل على فكرة على أي واحدة تتقبل اعتراف شخص هترتبط بيه بكترة علاقاته ونزواته حتى لو كان الموضوع ده قبلها.. وحتى لو متأكده إنه تاب فعلا عن كل حاجه كان بيعملها قبل كده.
خالد طبعا أنا معاك.. ومعاك كل الحق في اللي بتقوليه.
داليا علشان كده رجاء... تقطع صلتك بأي حاجه كنت متعود تعملها قبل كده.. وبأي شخص كنت على اتصال به سواء من الحريم أو من شلة الأصدقاء السوء اللي كانوا بيجروك معاهم لكده.
خالد من غير ما تقولي ده شئ أنا قررته وبدأت تنفيذه.
داليا أنا معرفش هم مين وإيه .. أنت أدرى مني بيهم.. علشان كده أنا سايبه لك الموضوع ده وواثقة فيك.
خالد وإن شاء الله أنا أد الثقة دي وهثبت لك.
داليا الشق التاني من الرجاء.
خالد خير
دالياأنا هعتبر أي حاجه حكيتها لي الوقتي في لحظة الأعتراف أو التطهير دي كأني مسمعتهاش خلاص... اتمسحت باستيكه من ذهني... فرجاء متفكرنيش بيها كل شويه في تعليقاتك حتى ولو عن دون قصد.. دي مش حاجه كويسه علشان تتفاخر بيها كل شويه وتقول لي مثلا أساليني أنا مجرب.. أو خبير أو.... إلخ لأني وقتها مش هتقبل منك ده.
خالد عندك كل الحق في اللي أنت بتقوليه.. وآسف لو ضايقتك بتعليق أو جملة ضايقتك مني .. وأوعدك مش حيتكرر مني كده تاني أبدأ.
داليا كده يبقى بدرجه كبيرة متفقين.. ناقص آخر حاجتين هغلبك معايا معلش.
خالد اتفضلي براحتك..
داليا المفروض إن الموضوع ده قبل أي حاجه .. بس اتحط هنا معلش.
خالد خير ... اتفضلي
داليا اخبار الصلاة وقربك من ربنا إيه.
خالد الحمد لله .. أنا كنت حافظ معظم القرآن بس مع عدم المواظبة تفلت كتير مني بحاول في الفترة الأخيرة اثبته.. الصلاة الحمد لله بس طبعا في الآخر في فترة انتكاسه في المواظبه واللي بفضل الله وفضلك رجعت ملتزم فيها تاني.. وعاوزة أقول لك بجد إني من ساعه ما بأت إني أحس بمشاعري ناحيتك بطلت أي حاجه تانيه كنت متعود عليها حتى قبل ما تطلبي مني كده.. ده كان شعور نابع من جوايا والله يشهد عليه.
داليا الحمد لله.. يبقى كده ناقص آخر حاجه.
خالد مش ملاحظة إن طلباتك كترت.
داليا حاجه واحدة بس.
خالد اتفضلي
داليا مش بطيق السجاير ولا بحب ريحتها.
فوجئت داليا بخالد بيطلع علبة السجاير من جيبه وبيطبقها في ايده وبيقولها اقسم لك إن دي آخر علبة سجاير هشتريها في حياتي من اللحظة دي.
حست داليا بسعادة كبيرة ملياها لتصرف خالد ده وكل حاجه قالها أو بيعملها معاها علشان يثبت لها حبه ليها زودت مكانته عندها وجوه قلبها.
خالد أظن بقى أحنا كده اتأخرنا بما فيه الكفايه على والدك والمهندس علاء.. يلا بينا نرجع لهم ونبلغهم بقرارك.
داليا بابتسامه يلا بينا
دخلوا على الأب والمهندس علاء وخالد بدأ الكلام خلاص يا عمي تقدر تسأل داليا عن رأيها في الموضوع.
الأب هاه يا داليا موافقة ولا لا 
داليا بكسوف موافقة 
خالد حاجه أخيرة يا عمي لو سمحت..
الأب خير يا خالد
خالد عاوز اكتب كتابي على داليا خلال شهر
الأب آسف بس إحنا معندناش كتب كتاب إلا قبل الفرح بأسبوع.
الحلقة العشرون والأخيرة أنا اتخطبت
دخلوا على الأب والمهندس علاء وخالد بدأ الكلام خلاص يا عمي تقدر تسأل داليا عن رأيها في الموضوع.
الأب هاه يا داليا موافقة ولا لا 
داليا بكسوف موافقة 
خالد حاجه أخيرة يا عمي لو سمحت..
الأب خير يا خالد
خالد عاوز اكتب كتابي على داليا خلال شهر
الأب آسف بس إحنا معندناش كتب كتاب إلا قبل الفرح بأسبوع.
خالد ليه يا عمي...ده رجاء مني
الأب يا بني في عيلتنا متعودناش على كده.. أفرض لا قدر الله حصل أي مشكله وانفصلتم.. تبقى بنتي مطلقة ليه
خالد يا عمي ليه بتتوقع السئ.. إن شاء الله ميحصلش أي مشاكل... وبعدين مين قال إني حطلق بأي حال من الأحوال..
الأب يا خالد بجد كده صعب.
خالد صدقني.. لا صعب ولا حاجه وبص لداليا تساعده.. وبص للمهندس سعيد.
داليا اتحرجت تتكلم قبل والدها ما يوافق ممكن لو سألها بس في الوضع الحالي كتير صعب.
هنا المهندس علاء اتدخل يا جماعة صلوا على النبي..
_الكل صلى وسلم عليه_ أنا مش شايف أي مشكله.. ووجه كلامه لوالد داليا .. حضرتك خلاص وافقت على خالد كزوج.. وهتبدأوا ترتيبات الزواج خلاص..وهتاخد عليه كل الضمانات اللي حابب تاخدها وهو موافق.. فمش هيفرق حاجه إن كتبتكم كتب الكتاب الوقتي أو بعدين.. وبعدين حتى لو لا قدر الله حصلت المشاكل قبل كتب الكتاب أو بعده فهي في الآخر مشكله وعدم كتب الكتاب برده ميحلهاش.
رأيي تتكل على الله وخير البر عاجله.
أتردد والد داليا وقال لهم ادوني فرصه أشاور زوجتي وأخويا .
خالد براحتك يا عمي.
وانسحب الأب من الصالون.
شكر خالد المهندس علاء على دعمه ليه.
علاء إن شاء الله ربنا يتمم لكم على خير.. على الله بس تنسوا تدعوني على الفرح
داليا إن شاء الله.
خالد أكيد طبعا .. عمري ما هنسى وقوفك جنبي.
علاء أنت شاب معدنك كويس وتستاهل.. وإن شاء الله ربنا هيكرمك.
خالد أهم كرم ليا إني أتزوج داليا.
علاء على خير إن شاء الله.
دخل والد ووالدة داليا وقال والد داليا لخالد على بركة الله ياخالد وزغرطت الأم.
خالد بقى فرحان ومش قادر يعبر عن فرحته.. وقام حضڼ الأب والأم والمهندس علاء .. وصل لداليا اتلجم في مكانه وبص في عينيها وقال لها هانت يا داليا .. قربت أضمك في حضڼي كده زيهم.. مبروك يا أجمل أطهر وأنقى عروسه في الوجود كله.
اتكسفت داليا وبصت في الأرض وقالت ربنا يبارك فيك.
هنا المهندس علاء قال لهم طيب إيه رأيكم نقرأ الفاتحه الوقتي ونحدد موعد زيارة أهل خالد ليكم وكتب الكتاب.
خالد أيوه .. يا ريت يا عمي.
الأب ايه الشباب المتهور بتاع الأيام دي.
خالد خاېف بنتك تضيع مني يا عمي.
علاء خلاص يا خالد بلاش رغي كتير.. يلا بينا نقرأ الفاتحة.
وقعدوا كلهم يقرأو الفاتحة ..لما خلصوا القراءة هنا خالد قال اسمح لي يا عمي أقدم هديه بسيطة لداليا بمناسبة قراءة الفاتحة.. وبعتذر إنها بسيطه وملحقتش اجهز حاجه من قيمتها لأن الوقت كان ضيق.
الأب قال له اتفضل
خالد طلع من جيبه علبتين وفتحهم الأم انبهرت وزغرطت وباست بنتها وباركت لها.. علبه كان فيها دبلة ألماس والمحبس الألماس بتاعها والعلبة الثانيه كان فيها خاتم دهب.
قرب خالد من داليا وهو بيفرجها هديته ليها وبيقول أولا يا رب ذوقها يعجبك.. ثانيا يا رب تكون مقاسك لأني خمنت المقاس كده.
داليابجد ذوقك رائع .. ده فعلا اللي كنت حختاره لو كنت حشتري.
والمقاس زي ما تكون أخدت مقاس صوابعي بالضبط
خالد أصلي... أقصد دي صدفه الحمد لله.. وعموما لو حابه تبدليها بس عرفيني وأنا آجي معاك أغيرها.
داليا لا بعجد حبيتهم ومش حابه أغيرهم.
خالد حاجه تانيه حابب أوضحها لكم يا عمي
الأب اتفضل يا ابني.
خالد دي مش شبكتي لداليا.. دي هدية قراءة الفاتحه بس... إن شاء الله ننزل نشتري الشبكة مع بعض لأن ده حقها إنها تختار شبكتها.. وألبسها لها يوم كتب الكتاب بإذن الله.
الأب كده كتير عليك يا خالد يا ابني.. متنساش لسه عندك مصاريف جواز كتير.
خالد بص لداليا وهو بيرد على والدها مفيش حاجه تغلى عليها يا عمي.
الأب ربنا يهدي سركم.
اتفقوا على أول خميس موعد زيارة أهله للتعارف..وكتب الكتاب بعد شهر من اليوم ده أما الزواج فخلال 6 شهور من كتب الكتاب.
الام ملت البيت زغاريط.. من فرحتها ببنتها.. وداليا مش مصدقه إن كل ده حصل لها الوقتي كده... وخالد زي ما يكون حمل خوف انزاح من على قلبه وقعد يشكر ربنا في سره ويحمده على نعمه عليه .. ويوعده إنه يكمل على الطريق اللي بدأ فيه.
علاء خالد .. حبيبي .. اعتقد كفايه كده بقى اليوم عندنا شغل بكرة .. ونسيب الناس ترتاح في نفس الوقت.
خالد آه طبعا.. اسمحوا لي بس