رواية داليا من 17 للاخير

تراجعت كده بمنتهى السهولة وسيبتك ليه.. 
داليا بس الموقف ده
خالد لا .. في موقف تاني.. كنت حتضيعي مني للمرة التانية قبل الحاډث بس ربنا سترها معايا وعطلت الموضوع.. وقررت لازم اتكلم معاك بمنتهى الصراحة لأني مش حقدر بجد أخسرك.
داليا موضوع إيه ده
خالد حد كان ناوي يخطفك مني تاني.. 
داليا هو أنا بقيت إيه .. الكل عاوز يجربني ولا إيه
خالد داليا ... أنا كنت بقول عليك ذكية ليه الوقتي بتستغبي.. 
داليا بستغبى!
خالد أيوه .. بتستغبي.. لما الناس اللي حواليك يدركوا قيمتك.. ويحبوك .. ويتمنوا توافقي عليهم ويرتبطوا بيك رسمي طبعا بتسمي ده يجربوك.. اسمحي لي أقولك إنك مش عارفه قيمة نفسك خالص.
فرحت داليا من جواها بكلامه عنها بس ما زال جواها شويه شك مش قادرة تشيلهم ولخبطه غريبه.
داليا بجد صدقني إني مش عارفه ارد عليك.. كتير حاجات جوايا .. بس للمرة المليون بقول لك بجد متلخبطة .. مش عاوزة تخرج .. أو تقدر تقول كمية مشاعر متناقضه مش عارفه أعبر عنها في نفس الوقت.. اعتقد إن الحل يكون سيب الموضوع للوقت .. هو كفيل بعلاج حاجات كتير.. وبلاش تحرجني بإنك تعرضني لموقف أقف من خلاله في صراع مع نفسي وأسألها يا ترى اللي أنا بعمله ده صح ولا لا.. أخاف وقتها عقلي يغلب قلبي وأبعد كرد فعل لتأديبي بس.
خالد لا .. أرجوكي .. بلاش البعد ده.. ده أنا لما صدقت إن الوقتي شلنا حاجز من كتير حواجز تقولي لي أبعد .. إنت عاوزاني أموت ولا إيه.
داليا بعد الشړ عليك .. متقلش كده.
خالد خلاص .. بلاش تقولي لي أبعد دي بعد كده خالص.. مش حابب أسمعها منك تاني.. محتاجه وقت ... أنا موافق ومعاك في قرارك.. أنا تحررت خلاص من قيودي ناحيتك..باقي قيودك أنت اللي فرضاها على نفسك.
داليا أرجوك .. أعذرني .. متفهمنيش غلط.. وسيبني أفكر .. 
خالد حاضر يا داليا .. بس أرجوك متتأخريش عليا.. لأني خلاص تعبت قوي ... معدش في طاقة لأي حاجه في حياتي.
داليا تسمح لي نروح..لحسن حاسه إني بجد تعبت.. وأوعدك أشتري لك أنا باقي الطلبات يوم تاني لحسن مش قادرة.
خالد طبعا مفيش أي مشكله خالص..أنا بجد آسف إني تعبتك معايا.. ومتقلقيش باقي الطلبات دي سهلة إني أشتريها مش لازم تتعبي نفسك.. إنت أنجزت المهم منها.
داليا طيب الحمد لله..يلا بينا نقوم.
نده خالد على الجرسون وحاسبه واتحركوا للعربية.
داليا يا ريت تسيبني آخد تاكسي أفضل مفيش داعي إنك توصلني للبيت.
خالد إنتي شايفة كده 
داليا يا ريت.. كده أفضل.
خالد داليا تسمحي لي أقول لك حاجه قبل ما تمشي..
داليا اتفضل
متعرفيش أنا أد أيه استجمعت نفسي الوقتي علشان أقولها لك.. ولازم تتقال الوقتي مش في أي وقت تاني.
داليا قلقتني كده خير.. في ايه
مسك خالد أيدها وقال لها اسمحي لي إني أقولها لك من كل قلبي يا داليا أنا بحبك
داليا داخت بجد من طريقة نطقه لكلمه بحبك ليها وحست زي ما بيقولوا بسهم الحب رشق في قلبها ... معندهاش أي نوع من انواع التعليق ومن لخبطتها سابته ومشيت تدور على تاكسي وهو قعد يضحك على لبختها.. بس كان مرتاح ومبسوط إنه طلع الحمل التقيل اللي كان على قلبه لصاحبه.
ركبت داليا تاكسي وقالت له على عنوان بيتها... وكانت طول الطريق حاسه بمشاعر كتيييييير متضاربة.. بس في وسط كل ده لقت نفسها بتبتسم وتغني أخيرا قالها.. قال أحبك قالها....
روحت داليا البيت و سلمت على باباها ومامتها ودخلت تغير هدومها وكلمت أميرة تبلغها بآخر التطورات بعد ما خلصت لقت أميرة بتقول لها لا يا داليا.. بلاش.. خاېفه عليك يكون بيلعب هو كمان...
داليا ليه بتقولي كده ده أنا أول مرة أحس بصدق مشاعر حد وابدأ أبادله فيها زي ده.
أميرة ما هو ده اللي أنا مستغربه منه أزاي يتنقل كده من النقيض للنقيض
خاېفة بجد منه.
داليا مش عارفه ليه أنا حاسه غيرك خالص المرة دي.
أميرة على العموم براحتك .. بس حرصي برده
داليا إن شاء الله خير.. أسيبك بقى علشان أروح اتغدى معاهم.
أميرة سلام 
داليا سلام
حست داليا إن مكالمة أميرة تعبتها أكتر من إنها ريحتها.. يا ريتها ما كلمت أميرة.. وحست برده إن مشاعرها المرة دي وتقبلها للشخص ده بخلاف أي مرة.. وحاسة إنها حابه تكمل وتجرب بس كلام أميرة ده خۏفها .. فلازم تصبر شويه .. وده خلق عندها حاله صراع داخلي وعصبيه ملهاش أول من آخر.
في الوقت ده خالد كان بيمر بأحلى وقت في حياته.. زاح حمل كبير .. كبير جدا من على قلبه.. وأعترف لها بحبه ومنتظر رد فعلها علشان ياخد خطوة ناحيتها وكان سعيد ومبسوط طول الليل وعمال يسترجع حوارهم مع بعض وقفشاتهم كمان وأكتر لحظة كان مش عارف يمسحها من ذهنه اللحظة اللي لمس إيدها فيها آخر اليوم وهو بيعترف لها بحبه.... مش قادر ينسى ملمس إيدها ولا رد فعلها ورعشتها..
وقال لنفسه أد ايه البنت دي بجد جميلة في كل حاجه ونقيه.
ودندن أغنيه شو حلو .. حبيبي شو حلو 
بص في الساعه لقاها يادوب يلبس ويجهز للشغل... استغرب إن الوقت مر بسرعه وهو بيفكر فيها... بس كان فرحان في نفس الوقت لأنه حيشوف داليا.. بقى حرفيا وبجد مش قادر يبعد عنها.
صحيت داليا وهي مش قادرة تقوم من السرير حاسه إنها متكتفه .. ومش حابه تروح الشغل .. بس للأسف مينفعش.. غابت بما فيه الكفايه.. ووراها شغل أكوام.. فقامت ولبست واستعدت للنزول.
ركبت الباص وصبحت على عم عبده وراحو للشغل عادي ودخلت مكتبها تشوف اللي وراها في الوقت ده خالد مقدرش يطلع على الموقع علطول.. حب يروح على مكتب داليا.. يصبح عليها ويشوفها الأول.. ويشوف رده فعل اللي حصل معاهم إمبارح.
وصل المكتب الفني.. ودخل على مكتب داليا بمنتهى السعادة .. صباح الخير ... يا أحلى داليا في الدنيا. أزيك النهارده.
فوجئت داليا بحركته دي وجرأته وسكتته وقالت إحنا في الشغل ميصحش كده لو سمحت.
خالد هو أنا عملت إيه غلط .. أنا بس بصبح.
داليا أسلوبك ده غير مقبول هنا في المكاتب حتدي إنطباع غلط للناس عني.
في اللحظة دي دخل المهندس علاء على الصوت وسمع آخر جملة حتدي إنطباع غلط للناس عني
بص علاء لخالد وداليا وقال له بشمهندس خالد عاوزك معايا في المكتب لو سمحت
خالد بص لداليا بغيظ.. وكان نفسه بجد يضربها ويقول لها لبستيني چريمه بس علشان بصبح عليك.. بس مسك نفسه وراح على مكتب المهندس علاء.
علاء ممكن أفهم ايه اللي جرى
خالد والله ولا حاجه.. أنا مجرد دخلت أصبح عليها لقيتها فتحت لي عريضه على الصبح.
علاء أنت عارف يا خالد إن البنت دي مش من النوعية التانيه ومحترمه .. واعتبرني هنا والدها وواجبي أحافظ عليها... أنا وثقت فيك لأني عارف أخلاقك .. وعارف إنك على قدر الثقة دي علشان كده طلبت منك تاخدها للدكتور وتغير لها على الچرح .. وطلبت منك إنك تحافظ عليها زي أختك.
خالد واعتقد إني أد وعدي ليك وحافظت عليها.. بس برده كنت صريح معاك من البداية وقلت لك إنها مش أختي.
علاء تقصد إيه.... أنت هببت إيه بالضبط
خالد هو كلامي بيعني هباب يعني ولا ايه.. اللي أقصده إن بالفعل في مشاعر جوايا نحيتها.. بس المشاعر دي لا يمكن تكون مشاعر أخ لأخته.. تقدر تقول مشاعر حبيب لحبيبته.. خطيب لخطيبته... زوج لزوجته .. مش أخ لأخته خالص.
علاء وناوي على أيه
خالد أنا بالفعل أخدت خطوات وصارحتها .. علشان تاخد وقتها في التفكير.. بس زي ما أنت شايف على الصبح من مجرد صباح الخير قلبت إزاي.
علاء متأكد إنها كانت صباح الخير بس.
خالد يا بشمهندس علاء أنا بجد بحبها وعاوز أرتبط بيها وده مخليني خاېف عليها حتى من نفسي فوق ما تتصور.. إزاي أتطاول عليها وفي الشغل كمان.
علاء طيب وناوي على ايه بعد كده.
خالد شكلها كده مش مستجيب للطريقة دي.. خاېفة مني .. وده حقها مش هلومها علشان كده عاوز منك خدمة لو سمحت.
علاء خير .. 
خالد تيجي معايا اليوم أطلب إيديها من والدها.
علاء علطول كده
خالد وبدون أي مقدمات ولا مواعيد.. هي مش حتيجي غير بالطريقة دي.
علاء بس المواضيع دي لابد فيها تقاليد وأصول.
خالد كله حييجي في وقته المهم الوقتي حتيجي معايا ولا لا.
علاء مقدرش أقول لك لا .. بس أنت متأكد من تصرفك ده علشان متصغرنيش.. وجاهز لطلبات الجواز.
خالد إن شاء الله ربنا هيقدرني.. معظم الحاجات متوفرة .. فاضل لي شويه حاجات تيجي وبسيطه إن شاء الله.
علاء على بركه الله.
وخرج خالد ومشي للموقع علطول من غير ما يعدي تاني على داليا بصت داليا من الشباك ولقته خارج وبيسوق بسرعه عرفت إن أكيد حوار المهندس علاء ضايقه.. ولامت نفسها لتصرفها ده معاه وتسببها في الحوار اللي دار معاه من المهندس علاء.. واتضايقت أكتر من نفسها إنها سمحت لكلام أميرة يأثر فيها بالشكل ده.. ومتعرفش اليوم خلص إزاي كان فعلا نفسها ترجع البيت وتترمي على السرير ومتحسش بنفسها..
دخلت داليا البيت ولقت في قلق غريب والإضاءة كلها متنورة وحد في غرفة الصالون راحت تبص من بعيد مين لقت باباها بينده عليها تدخل.. دخلت فوجئت في وشها بالمهندس علاء والمهندس خالد في الصالون اتخضت داليا ونطقت فجأه أنت ...أنت بتعمل هنا إيه بالضبط.
الحلقة التاسعه عشرة
دخلت داليا البيت ولقت في قلق غريب والإضاءة كلها متنورة وحد في غرفة الصالون راحت تبص من بعيد مين لقت باباها بينده عليها تدخل.. دخلت فوجئت في وشها المهندس علاء والمهندس خالد في الصالون اتخضت داليا ونطقت فجأه أنت ...أنت بتعمل هنا إيه بالضبط.
والد داليا بصوت بنرفزة داليا.. فيه إيه مش ترحبي بضيوفك اللي في بيتك.. أنت مش عارفاهم ولا إيه.
داليا آسفة.. أهلا وسهلا يا باشمهندس علاء.. أهلا وسهلا يا بشمهندس خالد.. أعذروني بس لسه راجعة من الشغل الوقتي بعد الأجازة مهدودة واستغربت إني شفتكم بس..
علاء ولا يهمك يا داليا.. مقدر.. أخبار أول يوم شغل بعد الأجازة إيه
داليا الحمد لله.. متعب شويه .. بس عدى .
علاء يستاهل الحمد.. كله بيعدي يا داليا.
كل ده وخالد قاعد متنح لداليا ومش بينطق خالص.. داليا مش متأكدة بالضبط في إيه.. ولا هم جايين ليه.. يا ترى علشان الموقف اللي حصل الصبح ودخول المهندس علاء عليهم وهي بتلوم خالد ولا فيه سبب تاني..
هنا نطق المهندس علاء داليا.. أعرف إن الزيارة دي بالنسبة لك مفاجأه.. زي ما هي مفاجأه على برده.. وبعد إلحاح خالد كتير ... بس علشان تطمئني في زيارة تانية.. دي