رواية داليا من 17 للاخير

الحلقة السابعة عشرة يا ترى ليه متلخبطة كده .
خالد أنا ...أنا .... بجد عاجبني الحوار معاك.. 
داليا مش عارفه ليه حاسة إن مش ده اللي عاوز تقوله.
خالد إنت عندك حق.... مش بس ده اللي عاوز أقوله.. أوعدك قريب حقول لك على كل حاجه.
داليا مش عارفه ليه مش مصدقه رأيك.
خالد ليه بتقولي كده
داليا مش عارفه بجد .. مجرد احساس.. حاسة إن كلامك ده مجرد مقدمه لكلام كتير وراه.
خالد ضحك كتير وقال لها شكلك كده ناوي تشتغلي محللة نفسية.. الظاهر الخبطة دي أثرت كتير على دماغك.
داليا بالسلب ولا بالإيجاب
خالد على الرغم من إني مش حابب أي موقف سئ تتعرضي ليه.. ولا بستحمل أي حاجه وحشه تحصل لك..ولا بقدر اشوفك پتتألمي أدامي أبدا ..إلا إن الحدثة اللي حصلتك دي أنا حاسس........
داليا حاسس إيه
خالد إنها أحسن حاجه حصلت في حياتي.
داليا حرام عليك ليه كده.. تعرضي لحاډث.. وكم الألم والصداع اللي ما زلت بعاني منه بتعتبره أحسن حاجه في حياتك
خالد إنت مش فاهمه ليه.
داليا يا ريت تفهمني ليه
خالد يا ترى دي جلسه أعتراف المفروض إني الوقتي قاعد على كرسي الاعتراف ولازم أقول الحقيقة
داليا سميها زي ما تسميها.. بس حابة إني أوضح لك فعلا إني عندي رغبة فعلا أعرف السبب في ده.. ليه معرفش.. بس متأكده إني إذا عرفت السبب حكون سعيدة.
خالد وأنا مقدرش أعرف إن في حاجه تقدر تبسطك وتسعدك ومعملهاش.. وعلشان كده أنا حقولك
داليا بضحك كلي آذان صاغية....
خالد بحس إن الحاډثة دي أحسن حاجه حصلت لي في حياتي لأنها....لأنها قربتني منك..خلتني أتكلم معاك.. أعرفك من جواك.. شالت شويه حواجز كانت محطوطه بيننا نتيجه وضع أو ظروف أو أي سبب تاني... عارف إن ده شئ أساسي.. وإن الحواجز دي لازم تكون موجودة في أي بداية علاقة... وعكس كده يكون شئ مخالف للطبيعي ويخليك تقلق.. علشان كده لما حصلت الحدثة دي لك شالت كتير من الحواجز دي تلقائيا .. طبعا مش كلها .. وخلتني أعرف انسانة مكنتش متخيل إن في لسه من النوع ده موجود على كوكب الأرض إنسانة من بعيد تجذبك وتحس إن في مغناطيس قوي بيشدك ليها من غير ما تعرف أي شئ عنها المشكله بقى في لما تقرب.. وعلى الرغم من القشور اللي بتظهر لك منها ومن شخصيتها بتحس بحالة مش عارف توصفها ومهما قلت لك الموضوع ده أثر في إزاي مش حتقدري تتخيلي.
داليا حست بالخطړ من إتجاه الحديث بس في نفس الوقت كانت حباه قوي بس لازم تتحكم فيه شويه وتحجمه فقالت له اتصدق فعلا إنت عندك حق في حاجه...
خالد حاجه واحدة بس من كل اللي أنا قلته...
داليا مقصدش.. بس انتبهت فعلا لنقطة إنت قلتها الوقتي فعلا صح.
خالد اللي هي
داليا أوعدني.. مش حتزعل.
خالد مش حزعل.. يلا بقى حتذليني علشان تقولي.
داليا لا بجد مش كده بس معنديش الجرأة إني أحكي.
خالد يا ستي إخلصي بقى مش حزعل.. أغمض عيني علشان تعرفي تتكلمي
داليا والطريق .. مين اللي حيسوق
خالد داليا .. أنا خلقي ضيق بجد ... يلا انطقي
داليا متشخطش كده لو سمحت..
خالد الله ما طولك يا روح .. حاضر .. مش حشخط اخلصي
داليا وهي بتتكلم بسرعة.. كنت بقول عليك راجل رخم مش بيفهم في الذوق.
ضحك خالد ضحك عالي وقتها من أسلوب كلامها ووصفها ليه وقال لها ليه كده حرام عليك ده أنا كل اللي يعرفني بيقول علي ذوق خالص.
داليا بجد مش بهزر .. لولا إن الحاډث ده خلانا نقرب من بعض شويه مكنتش حغير رأيي فيك.. لأني اكتشفت إنك إنسان غير الفكرة اللي في دماغي خالص... إنت عمرك ما سلمت علي .. ولا حتى رديت السلام.. عمرك ما كلفت خاطرك تبص نحيتي ولا تقول صباح الخير.. كل كلامك الموجه لي موجه بقلة ذوق.. وأحيانا بتتعمد متردش عليا خالص.. بذمتك إنسان بيتصرف معاك كده تسميه إيه.
خالد حمار كبيييييييييير.. ومبيشوفش اللي واقفه أدامه.
ضحكت داليا من قلبها وقالت له مش قلت لك إن الشخص اللي أمامي الوقتي غير.. ومختلف تماما عن اللي عرفته قبل كده.
خالد سيبك من اللي فات.. وخلينا في اللي شايفاه الوقتي. شايفاني الوقتي إزاي
داليا على النقيض تماما من الشخص اللي كنت بعرفه قبل كده.
خالد هو أنت بخيلة كده ليه..... بتقطري الكلام .. اتكلمي باستفاضه لو سمحت.
داليا يا ريت ينفع بجد.. المشكله إن الوقت اللي إحنا فيه الوقتي ده بس المسموح بيه وحاولت تغير الموضوع بسرعه.. تعالى نفتح الراديو نسمع أغنيه....
خالد حس بإحراجها..ومرضاش يضغط عليها أكتر من كده وقال لنفسه .. لسه عندنا وقت طويل .. مش حسيبك اليوم إلا لما آخد منك أي اعتراف من أي نوع يملا شويه فراغ من اللي جوايا.
خالد وماله .. افتحي براحتك.
فتحت داليا الراديو ولقت اغنية إليسا وجعت قلبي 
سمعت داليا الأغنية وتاهت فيها.. مش عارفه تاهت فيها كده ليه.. افتكرت حكايتها مع حسام.. وحكايتها مع أحمد .. وأزاي إنها قدرت تقوم على رجلها تاني وتقف على رجلها من جديد.. بس اللي هي متأكده منه إنها مش حمل صدمة تالته .. وفرحت بنفسها لأنها اعتبرت نفسها قوية.
خالد حس بالحزن اللي ملا داليا وقتها وقال لها مالك.. سرحت في إيه كده فجأه.. الأغنية أخدتك معاها لفين.
داليا لمواقف شبيهه عديت بيها..
خالد وقدرت تخرجي منها علطول وخلال يومين.
داليا مش بالضبط يومين.. بس الحمد لله قدرت أخرج من ۏجعها بس منكرش إن جوايا منها شويه تراكمات بفتكرها من وقت للتاني.
على الرغم من أن خالد عنده فكرة شويه على موضوع خطيبها السابق وموضوع أحمد إلا إنه كان حابب يسمع منها برده.. وكان فضوله بيدفعه يعرف إيه نهاية حكاية أحمد معاها ... وإيه اللي تم فيها.
خالد أقدر اسألك تحكي لي أيه اللي حصل لك .. ولا اعتبر دي حاجه خاصه.
داليا هي حاجه خاصه آه.. بس مش عارفه ليه عندي إحساس إني حابه أحكي لك.. وإني معنديش بجد أي حاجه أخجل منها من أي تجربة عديت بيها.
خالد وأنا هو معاك .. عندي نفس شعور إني حابب اسمع كلامك وحكايتك.. الاغنية دي رجعتك لفين بالضبط
داليا لموقفين مروا عليا في حياتي.. واټصدمت فيهم من الأشخاص اللي كنت واثقة فيهم أكتر من نفسي للأسف.
خالد إزاي ... يا ريت توضحي.
داليا الشخص الاول كان خطيبي سابقا.. كنا حنتجوز خلاص خلال 3 شهور.. وكنت متفاهمه معاه على كل حاجه واتنازلت عن حاجات كتير ممكن أي بنت تطلبها علشان خاطر أكون معاه.
خالد وايه اللي حصل منه خلاك تغيري رأيك فيه كده من النقيض للنقيض.
داليا حصلت له أزمة ماليه خلته ميقدرش يلتزم بأي اتفاق مع والدي.
خالد ايه ده.. وده سبب يخليكي تتخلي عنه وتسيبيه.. وتغيري رأيك فيه كمان
داليا إنت متسرع في أحكامك ليه... تنرفز بجد .. مش تسمع الأول باقي الحكاية وبعدين تحكم.
خالد افتكرتها خلصت على كده.
داليا أنا مش تافهه للدرجه دي.
خالد يا ريت تكملي.
داليا مفيش ..أنا ثبت وقاومت معاه .. ووقفت أمام والدي.. ووافقت إن والده ووالدته يقعدوا معايا .. وتنازلت عن طلبات كتير قوي..بس هو كان خاېف إني مصمدش أكتر من كده أدام والدي.. وكان خاېف يخسرني.
خالد عنده كل الحق إنه ېخاف.. الواحد لو كنت معاه وحس إنه ممكن يخسرك معرفش ممكن يتصرف إزاي.
داليا لا .. ده مش مبرر أبدا لتصرفه.
خالد قلقتيني كده... هو عمل إيه
داليا كان ناوي يعمل وخطط لكده .. بس الحمد لله ربنا كشفه ليا قبلها وفهمت قصده ونجاني ربنا منه ..كان فاكر إني حستجيب له وبكده يلوي دراع ولدي ويتجوزني ڠصب عنه.
خالد إيه الحقارة دي
داليا أديك قلتها والأكتر حاول يحرضني كمان إني أهرب واسيب البيت ونتجوز في السر من ورا أهلي..مهما كان في نظري إن لو أي شخص طبيعي حب واحدة لا يمكن يطلب منها حاجه زي كده.. ولا يحرضها على أهلها.. يفضل يخسرها عن إن هي اللي تخسر اسمها أدام أهلها.
خالد آسف لو قلت لك إنه إنسان واطي.
داليا أمال لو عرفت عمل معايا إيه كمان.
خالد عمل إيه
داليا كان متقدم لي مهندس عندنا في المشروع مفيش داعي لذكر اسمه..
طبعا خالد كان عارف هو مين.. بس مرضاش يسألها ويحرجها... اكتفى بأعترافها له وقال لها ايه ډخله ده مع خطيبك.
داليا خطيبي اتكلم معاه وحب ينتقم مني وأعطاه صوره خاطئة عني.
خالد والمهندس ده صدقه
داليا مش بالضبط.. جزء منه كان رافض كلامه عني نهائي.. والجزء التاني كان شاكك وحابب يتأكد.
خالد إيه الغباوة دي.. كل اللي في المشروع عندنا يعرفوك كويس ولا يمكن يصدقوا عنك حاجه إزاي هو شك طب عمل فيك إيه
داليا الحمد لله ملحقش يعمل .. بس نواياه كانت باينه.. كان عاوز يختبرني يشوف كلام خطيبي صح ولالا.
خالد اتصدقي بالله .. الأثنين أحقر من بعض .. وفعلا خسروك .. وأنت بجد تستاهلي كل خير وربنا أكيد حيعوضك عن اي لحظة ألم وحزن مريتي بيها.
داليا الحمد لله طبعا.. ودي حاجه أنا متأكده منها.. علشامن كده الأغنية دي شدتني ليها لأني عملت كده وخرجت من الحالة اللي مريت بيها في الحالتين.. بس حاسه نفسي خاېفه من إني اتعرض لأي صډمه تانية.
خالد ليه بتقولي كده
داليا لأني خلاص معنتش قادرة استحمل تاني وأخاف مقدرش اتجاوز اللي يحصل لي زي المرات اللي فاتت. أنا عارفة كويس إني المفروض محكيش لك كده وميصحش .. بس بجد مش عارفه ليه حسيت إني محتاجه احكي لك.
خالد وتأكدي تماما إن كلامك ده دخل جوه البئر ومش حيطلع تاني.. وأشكرك على ثقتك دي في.
شفتي الوقت بيمر بسرعة إزاي .. قربنا نوصل.. الأوقات الجميلة دايما قصيرة للأسف.
حاولت داليا تغير من الموضوع فقالت له إيه رأيك نلعب لعبة
خالد بضحك نلعب لعبة وماله نلعب لعبه اشرحيها لي لو سمحت..
داليا كل واحد ياخد دور ونفتح عشوائيا على أي إذاعة ونصيبك يكون الأغنية اللي ظهرت وقتها والمفروض إنك تعترف متطابقة معاك ولا لا.
خالد جربتيها قبل كده
حست داليا إن ورا سؤاله ده حاجه بس كملت الإجابه أيوه طبعا كتير وخصوصا مع أميرة صحبتي..لما نكون زهقانين.
خالد طيب يلا نبدأ بك أنت ده دورك.. اختاري إذاعه ونشوف حظك أنه أغنية.
داليا وهي بتضحك بتجرب في يعني
خالد ده شئ أكيد .. مش أنت صاحبة المقترح والفكرة دي.
داليا خلاص موافقة.. اسمح لي اختار الوقتي..
خالد اتفضلي .. براحتك
وكانت المفاجأه لداليا إن الأغنية اللي طلعت لها بتنطبق عليها في اللحظة دي فعلا أغنية أنغام متلخبطة المشكلة إنها فعلا هي متلخبطة. 
خالد هاه .. كملي دورك في اللعبة...